الأخبار
منوعات سودانية
خبيرة اجتماعية: العزوف عن الزواج أدى لخلل في النمو السكاني بالبلاد
خبيرة اجتماعية: العزوف عن الزواج أدى لخلل في النمو السكاني بالبلاد
خبيرة اجتماعية: العزوف عن الزواج أدى لخلل في النمو السكاني بالبلاد


03-28-2016 02:15 PM

الخرطوم - أماني خميس
كشفت مريم سر الختم، الخبيرة في الدراسات الاجتماعية والاقتصادية عن خلل في النمو السكاني بالبلاد، وحذرت من تطوره إلى مشكلة وظهور مشكلات دينية واقتصادية وأمنية وبوادر فساد وظواهر سالبة كثيرة في المجتمع بسبب العزوف عن الزواج. وكشفت خلال حديثها في منتدى (تأخر سن الزواج)، الذي أقامته كلية التنمية الاجتماعية بجامعة السودان أمس ، عن تأخر سن الزواج وسط الشباب وتزايد العزوف عن الزواج في الفئة العمرية بين (15- 49) سنة بنسبة بلغت (34.6 %) وأن نسبة النساء اللاتي لم يسبق لهن الزواج في الفئة العمرية (20- 49) سنة بلغت (16.4 %).
وطالبت مريم الأسر السودانية بحض الأبناء والبنات على الزواج، لافتة إلى دور رجال الدين والأسر، وقالت إن دور الدولة يتمثل في التخطيط الاستراتيجي للنمو السكاني، ووضع محفزات للزواج والإنجاب بما يؤدي لحل مشكلة المورد البشري، منوهة إلى محاصرة السودان بالعمالة الأجنبية في كافة القطاعات، مشيرة إلى أن هناك الملايين من المصريين والإثيوبيين المقيمين في البلاد، بجانب 10 ملايين جنوبي. وعابت على الدولة الهجرة الداخلية التي تأتي خصما على المورد البشري، واعتبرت أن الهجرات من الريف إلى المدن تؤدي إلى العيش في الهامش دون خدمات، الأمر الذي قالت إنه لا يؤدي إلى منتج بشري جيد ويكون خصما على التنمية الحقيقية.
ومن جانبه قال الأستاذ الشيخ جابر الأنصاري الخبير الاجتماعي، إن سن الخصوبة عند النساء هي الفئة العمرية من (19) إلى (49) سنة، وإن الأطباء أكدوا أن أنسب عمر للإنجاب تحت سن الثلاثين، وأضاف: (النظام التعليمي الذكوري لم يفعل الدراسات الاجتماعية ولم يرسخ لمبادئ المودة والرحمة بجانب معوقات الزواج)، وكشف عن أسباب تأخر سن الزواج وسط الشباب، مشيرا لمنهجية الدولة الفقيرة وضعف المرتبات بجانب المشكلة الاقتصادية والصرف البذخي على الزواج

اليوم التالي


تعليقات 5 | إهداء 0 | زيارات 2538

التعليقات
#1435953 [خواجة]
5.00/5 (2 صوت)

03-28-2016 04:51 PM
المشكلة في الأصل اقتصادية زواج بدون عمل لايستقيم
اصلا ودا مهمة الدولة وماشايفين الخبراء الجهابزة
معلقين والسكن ممكن بالقدر المناسب والله كريم مع
التعاون الأسري التام بتعدي أن شاء الله وأسأل مجرب
وانظر للسابق وتاني كلام خلاف ذلك لن يفيد ابعدوا من الخبراء والمنظرين. الزمن جاري.

[خواجة]

#1435917 [السر حمدين]
1.00/5 (1 صوت)

03-28-2016 03:36 PM
لي ايدينا بنرفع والعازب كلو بيسمع
نفوسنا كتير مشتاقه للراعي دوام نتضرع
شعارنا عريس متواضع ياخي ياخي باقل سمع
نحن البايرات في لهفه والعمر ولي وودع
نحن مساكين ياجماعه للجنه دوام نتطلع
لو واحد قام اتقدم في لحظه نلبي ونسمع
بلاش عربيه خصوصي مالو الكداري هسع
بلاش من شبكه وشيله باقل حاجه بنقنع
البيت ما شرط عماره دي مظاهر بتخدع
ماشرط تجيب تلاجه كفائه الزيير البنفع
ومادايرين كبدة وشيه بويكه تقيله بنشبع
ماأصلو شبابنا الودع ماممكن تاني يرجع
أحلامنا الكانت بدري ماعادت تاني بتنفع
دايرين الشاب الاغبش ولو كان فقران ومقطع
لانو الفيهو الفائده ليهو دوام نتطلع
حياة الستره املنا انشاء الله ربنا يجمع
يحن الله علينا ونشيل ايدينا ونرفع
.......................................................

[السر حمدين]

#1435915 [حسين عبد الله]
1.00/5 (1 صوت)

03-28-2016 03:35 PM
ﻟﻲ ﺍﻳﺪﻳﻨﺎ ﺑﻨﺮﻓﻊ ﻭﺍﻟﻌﺎﺯﺏ
ﻛﻠﻮ
ﻳﺴﻤﻊ
ﻧﻔﻮﺳﻨﺎ ﻛﺘﻴﺮ ﻣﺸﺘﺎﻗﺔ
ﻟﻠﺮﺍﻋﻲ
ﺩﻭﺍﻡ ﻧﺘﻀﺮﻉ
...
ﺷﻌﺎﺭﻧﺎ ﻋﺮﻳﺲ ﻣﺘﻮﺍﺿﻊ
ﻳﺎﺧﻲ
ﻗﺪﺭ ﻭﺍﺳﻤﻊ
..
ﻧﺤﻦ ﺍﻟﺒﺎﻳﺮﺍﺕ ﻓﻲ ﻟﻬﻔﺔ
ﻭﺍﻟﻌﻤﺮ
ﻟﻴﻨﺎ ﻭﻭﺩﻉ
ﻧﺤﻦ ﻣﺴﺎﻛﻴﻦ ﻳﺎﺟﻤﺎﻋﺔ
ﻭﻟﻠﺠﻨﺔ
ﺩﻭﺍﻡ ﻧﺘﻄﻠﻊ
..
ﻭﻟﻮ ﻭﺍﺣﺪ ﻗﺎﻡ ﻭﺍﺗﻘﺪﻡ ﻓﻲ
ﻟﺤﻈﺔ ﻧﻠﺒﻲ ﻭﻧﺴﻤﻊ
ﺑﻼﺵ ﻋﺮﺑﻴﺔ ﺧﺼﻮﺻﻲ ﻣﺎﻟﻮ
ﺍﻟﻜﺪﺍﺭﻱ ﺩﺍ ﻫﺴﻊ
ﺑﻼﺵ ﺷﺒﻜﺔ ﻭﺷﻴﻠﺔ ﺑﻲ
ﺍﺑﺴﻂ
ﺣﺎﺟﺔ ﺑﻨﻘﻨﻊ
...
ﺍﻟﺒﻴﺖ ﻣﺎﺷﺮﻁ ﻋﻤﺎﺭﺓ ﺩﻱ
ﻣﻈﺎﻫﺮ ﺳﺎﻛﺖ ﺗﺨﺪﻉ
ﻟﻲ ﺟﻨﺔ ﻧﻀﻴﺮﺓ ﻧﺤﻮﻝ ﺍﻟﺒﻴﺖ
ﺍﻟﺨﺮﺏ ﺍﻟﺒﺠﻤﻊ
..
ﻣﺎ ﺷﺮﻁ ﺗﺠﻴﺐ ﺗﻼﺟﺔ ﻛﻔﺎﻳﺔ
ﺍﻟﺰﻳﺮ ﺍﻟﺒﻨﻘﻊ
ﻣﺎﺩﺍﻳﺮﻳﻦ ﻛﺒﺪﺓ ﻭﺷﻴﺔ ﺑﻲ
ﻭﻳﻜﺔ
ﺗﻘﻠﻴﺔ ﺑﻨﺸﺒﻊ
ﻣﺎ ﺍﺣﻼﻣﻨﺎ ﺍﻟﻜﺎﻧﺖ ﺑﺪﺭﻱ
ﻣﺎﻋﺎﺩﺕ ﺗﺎﻧﻲ ﺑﺘﻨﻔﻊ
.
ﻫﻬﻬﻬﻬﻬﻬﻬﻬﻬﻬﻬﻬﻬﻪ
ﺷﻨﻮﺭﺍﻳﻜﻢ ﻓﻲ ﺍﻟﺒﻮﺭﺓﺩﻱ
ﺍﺟﺪﻉ ﻻﻳﻚ ﻭﺍﻛﺘﺐ ﺭﺍﻳﻚ ﻓﻲ

[حسين عبد الله]

#1435910 [حسين عبد الله]
0.00/5 (0 صوت)

03-28-2016 03:32 PM
قادر ألمو
أصلو مجروح جاري دمو
ضربو زايد..قاسي همو
قالوا سبب الرجفة والموت
الحليو الأسمو مـــــمــو
وأصلو مـــــمــو....
كمو كطو
وكطو كمو
أبوها بابي
ومامي أمو
من الجماعة الكل يوم
قاعد استحموا
والعطر خمسيـــــــــن متــــر
حـــرّم تشمو
ولما تقدل بس تقول
تقلع ترابا البتمشي فيهو
عديل تخمو
طبعو رقه
لونو منقه
في أوروبا مارادونا
وفي بلدنا مافي زيو
الا تنقا
و أصلي مما شفت مـــــمــو
قلت يا ناس دي الملائكة؟
ولا خلقه
قالوا خلقه
قلت انو.. ما أظنو
وأصلي مما شفت مــــــــمــو
عقلي فرّ وقلبي دقه
وبنطلون الجنز طقه
أي عجور ضقتو بعدو
لقيتو منقه
باكو السجاير جوه جيبي
لقيتو حــقـــه
الفنيله اللونا أبيض
فجأة جيت!!
ولقيتا زرقاء
ياريتني لو من مويتو
ألقى ليــا بقه
ان شالله حتى
لو فيها شرقه
ياريتني لو في بحرو
ألقى ليــــا غرقه
كنت بغطس
و ما بدور لي تاني مرقه
تاني أمرق؟
وين أقبّـــل؟
للبعاعيــــــت؟
عليكم اللــه ديا خلقه
مـــــــمــو يا ناس ما أزانا
بي خدودو البرتكانه
مــــــــمــو يا عالم جمانه
لا أكل يوم زي عشانا
كسره بي لبن البطانه
ولا شرب من زير مغبّـــر
زي فلانه وفرتكانه
مـــــــــمــو مافيـــــــــش منو اتنين
هم مخلوقين براهم
ونحن مخلوقين برانا
الفرق........!!!!!!!!
نحن بنعوس كسرة في الصاج
وهم رغيفم بيشتروه
من أجزخانه
الفرق..........!!!!!!!
هم بيمشوا عديييل أفوتو
ونحن نترجى البكاسي
ويومي نتلفت ورانا
الفرق..........!!!!!!!!!
هم عندهم توليت مكندش
ونحن عندنا أ..........خانه
مــــــــمــو حنّـــي عليكي بابا
تعالي نعمل حبكانه
يمكن أتعلم
أحب ناس هاي وأروق
بدله فاخره واستكانه
غايتو حأقول ليكي حالي
كان نفع قولي أوكي
مانفعت
قولي ما نافع معانا
عندي شده
وبنطلون واحد مرقع
حالو حالنا ومستوانا
أبوي مزارع
يحفر الطين بالطواري
عرقو نازل
في هجير الدنيا
في الصيف والسخانه
شان ألقط لقمه...لقمه
شان يتمتم لي...عشانا
شان يشوفنا
نقرا نتعلم برانا
عمي ترزي...وكان تمرجي
ولادو دسته
وكلهم ساكنين معانا
مـــــــمــو يا الجو المكندش
شوفي كتاحة هوانا
وأصلي عارف
بكره يظهر مغترب
ناكل النيم والزلط
وانتو بتلوكو اللبانه
ونحن بنكابد نجابد
ونبقى في الآخر ضحية
الشواكيش كع....كرع
التقول بس بندقيه
والمآسي الفي جوانا
كل يوم بتزيد شويه
الا بس أصبح عزانا
طيبة القلب البينزف
وكتين الناس بتشحد
زكل أطفال التشرد
لما يمشوا عشان يرقدوا
ينوموا في نص الشوارع
يعني ما يلقوا المكانه
الا بس أصبح عزانا
طيبة اخلاصنا ووفانا
وكتين أولاد المدارس
موت يدافرو..في طريقهم
شان يكتبوا الحصة
في حينا وزمانا
الا بس أصبح عزانا
حب بلدنا
حب وطنا
منبع الخير و الوداعة
ريحة الطين و الزراعة
حب تقاليدنا وطباعا
و فوقا ما بنرضى المهانه

[حسين عبد الله]

#1435895 [حسين عبد الله]
0.00/5 (0 صوت)

03-28-2016 03:18 PM
في دربك يامـــا جرينا *** والعين الســــــاهرة بتدمع
كم مرة ايدينا اتمـدت *** والرد الجــــــارح اقنــــــــــع
احلامكم والله غريبــة *** وللعـــــــين بتزغلل وتذلــــع
طلباتكم لينا تحيــــــر *** جايين تتواضعوا هســــــــــع
ما جينا زمان شن قلتو *** يافقير يامقطـــــــع أرجــــع
ما عندك حق الســــــــفة *** لابس دمـــــــور ومرقع
دايرين العنــــــــــدو مصانع *** لو كان لي غيروا بيركع
ما جينا زمان شــــــن قلتو *** يافقير يا مقطـــع أرجع
في جيوبك ساكنة عناكب *** لو كان باعوك ما بتنفع
دايرين العنـــــــدو الفـــــلة *** لو كان حنكوش ومدلع
ما جينا زمان شـــــن قلتو *** يا فقير يا مقطـــع أرجع
لو ماشـــي لآخر الدنيا *** تركــب رجليك تتبرطــــــع
دايرين العنــــــــدو البنز *** لو يبقى عجـــــــوزاً أصلع
ما جينا زمان شن قلتو *** يافقير يامقطع ارجـــــــــع
يا البيتـــك مبني زبالة *** ومن غير فيضــــان يتزعزع
دايرين العنــــــدو الفيلا *** لو كان صغيـــــر بيرضــــع
ما جينا زمان شن قلتو *** يا فقير يامقطـــــع أرجــع
وموكيتاً فخـــماً فاخــــــــر *** ونجفاً بالـــدر مرصــــع
والكندشة فريون ضــــاربة *** وثلاجة فريــــــزر تجمع
بي فيديو كاسـيت وأتاري *** نتسلى لو وكتنا نضيع

[حسين عبد الله]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة