الأخبار
أخبار إقليمية
القبض على 55 طالبا مصريا بالسودان بتهمة تسريب امتحانات الثانوية
القبض على 55 طالبا مصريا بالسودان بتهمة تسريب امتحانات الثانوية
القبض على 55 طالبا مصريا بالسودان بتهمة تسريب امتحانات الثانوية


الصحف المصرية تكتب : نستعيث بالرئيس السيسي للتدخل لإنقاذ الطالبات والطلاب
03-28-2016 12:06 PM
العامة الأحد، 27 مارس 2016 - 10:53 م سامح شكرى وزير الخارجية سامح شكرى وزير الخارجية كفر الشيخ - محمد سليمان ألقت السلطات السودانية القبض على 55 طالبا مصريا، بينهم 22 من محافظة كفر الشيخ ووجهت لهم تهمة تسريب امتحان الثانوية العامة السودانية.

قال محمد حلمى عبد العظيم، من قرية الوزارية بمركز الرياض، إن ابن شقيقته محمد جمعه طاهر ملقى القبض عليه بالسودان من قبل الأمن العام السودانى بتهمة تسريب امتحان الصف الثالث الثانوى بمدرسة طحنون الثانوية بالخرطوم .

وأضاف أن ابن شقيقته يؤدى الامتحان بالصف الثالث الثانوى، وأدى الامتحان الثالث له حتى يوم 21مارس الحالى، وتم إلقاء القبض عليه هو و54 طالبا مصريا بينهم 22 من كفر الشيخ، ومن بين الملقى القبض عليهم 3 طالبات من كفر الشيخ، منهم من ألقى القبض عليه من أمام المدرسة أثناء خروجهم من الامتحان وآخرون ألقى القبص عليهم من داخل مساكنهم التي استأجروها.

وأوضح أن الجاليتين السورية و الأردنية من سربتا الامتحان وليس أبناءهم، مضيفا :"وللأسف ألقى القبض على أبناءنا، وأولياء أمورهم متواجدين معهم بالسودان، لايستطيعوا رؤيتهم، وقد لجأوا للسفارة المصرية بالسودان ولم تفعل شيئا ونستعيث بالرئيس عبدالفتاح السيسي للتدخل لإنقاذ الطالبات والطلاب".

اليوم السابع



تعليقات 48 | إهداء 0 | زيارات 12871

التعليقات
#1436315 [SudaniOne]
5.00/5 (4 صوت)

03-29-2016 10:03 AM
فعلا نحنا عندنا شعور بالدونية امام (اللون الابيض) وبنتعامل ببساطةولامبالاة تصل حد السذاجة والبله..... ياجماعة انا بعمل في مؤسسة حكومية جيت داخل المكتب لقيت واحد أجنبي من جنسية (عربية) قاعد في المكتب وفي كرسي أحد الموظفين وبسأل في موظفي المكتب عن الشغل وكيف ماشي وجماعتي بتسابقوا في الرد عليه!!! بالجد استغربت وسألتو عن سبب وجوده داخل المكتب وقال عنده (معاملة) بمؤسستنا فطلبت منه الذهاب والانتظار في المكان المخصص لطالبي الخدمة واستفسرت من حراس الامن عن سبب السماح لهذا الاجنبي بالدخول للمكاتب وكان عذرهم اقبح من ذنبهم (لانو قال عايز يقابل فلان)بس!! دا طبعا غير دخول الاجانب (بتاعين العدة) لمكاتب الدولة وانتو عارفنهم!! انا سردت لكم هذه القصة والتي حدثت قبل اسبوع لابين لكم ماوصلنا له من هوان وسبهللية في ظل هذا النظام الذي لايحرس الا القصر الجمهوري وكافوري !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

[SudaniOne]

#1436293 [Tag]
5.00/5 (2 صوت)

03-29-2016 09:35 AM
دى فضيحة اخلاقيةوتضر بسمعة التعليم بالسودان . يجب محاكمة المسؤليين بوزارة التربية وعلى راسهم السيدة/ الوزيرة فما زالت تكذب وتتحرى الكذب بتصريحها بان ما حدث مجرد غش فقط. ولابد من كشف الذين قبضوا ثمن التسريب وتقديمهم للمحاكمة العادلة.

[Tag]

#1436231 [ابو قرجة]
5.00/5 (1 صوت)

03-29-2016 08:24 AM
والله الكيزان ديل لم يتركوا شيء جميل في هذه البلد الا ودمروه وأفسدوه أفسدوا اعز ما نملك مسحوا بماكانتنا وسمعتنا العلمية الارض لم يعد للشهادة السودانية أي قيمة اصبحت جامعاتنا مرتع للفساد والمخدرات ضاع كل شيء الا لعنة الله على الظالمين

[ابو قرجة]

#1436030 [هيثم]
5.00/5 (3 صوت)

03-28-2016 07:31 PM
مهازل الانقاذ
كيف لعب بعقول الناس لو سودانيين ممكن لكن أجانب حضروا للسودان لأداء الأمتحان يسربوا الإمتحان سخريه ما بعدها سخريه إلا يكون بله الغئب من فعلها

[هيثم]

#1436023 [mabo]
5.00/5 (4 صوت)

03-28-2016 07:17 PM
العيب مافي المصريين اللكشفه الامتحان العيب في ادارة البلد الفاسدة العايرة اللباعت الاسئلة لهم ةقبضت التمن بلد ما عندها والي ربي ياخدكم اليوم قبل باكر بالله هذا تصريح مسئول في ذمتكم ياناس وتقبضوهمليش هم ماعندهم ذنب الذنب ذذنبكم انتم يا حكومة يافاسدة يا منحطة

[mabo]

#1436013 [AAA]
5.00/5 (3 صوت)

03-28-2016 07:02 PM
الامتحانات دي كشفوها الاسرائيليين اليهود.. لانهم مستهدفين السودان!!!!

[AAA]

#1436003 [ود الجزيرة]
5.00/5 (3 صوت)

03-28-2016 06:46 PM
يا وزيرة والله لو عندك كرامة قدمي استغالتك. من امتحانات العام الماضي .والقصة مشهورة .وكمان فضيحة جديدة وكشف امتحانات. وبي أجانب .وبكرة تتطلع النتيجة 99،9 ....والله والله دي إهانة حتي للوزارة نفسها أن تجلسي يوم واحد.

[ود الجزيرة]

#1435962 [Abu_Mohammed]
5.00/5 (7 صوت)

03-28-2016 05:03 PM
لو السيسي قدر يطلع عيالكم، عليكم الله خلوهو يطلع الشعب السوداني الفضل.

[Abu_Mohammed]

#1435958 [Ali]
5.00/5 (1 صوت)

03-28-2016 04:59 PM
قلبي على وطني

[Ali]

#1435948 [مهند عبد الرحمن]
5.00/5 (4 صوت)

03-28-2016 04:45 PM
في زمننا نحن وايام كانت الشهاده السودانيه لها قيمه في التسعينيات الماضيه لم نسمع بطلبه اجانب جاءوا ليجلسوا للامتحان في السودان ونحن زاتنا لو كان في طريقه كان زغنا منها لصعوبتها ولكن في الزمن الاغبر دا بقوا العرب يجوا للامتحان مما يعني ان الامر فيه مافيا وممكن من داخل الوزاره بتهرب الامتحانات ويمكن ما السنه دي وبس لكن الريحه فاحت المره دي يعني ياجماعه البلد دي دمرت تماما واعتقد انه مافي بصيص امل لاصلاحها ,بالصوره دي حقوا الواحد يجيب قروشوا ويمتحن تاني عشان يجي اول السودان وجحا اولى بلحم توروا....عجبي!!!؟؟؟

[مهند عبد الرحمن]

ردود على مهند عبد الرحمن
[Salintod] 03-29-2016 05:26 AM
هههههههة ضحكتني و الله ،، التسعينات البتقول عليها دي بعد مجئ الكيزان و ثورة التعليم الواطي و اصبحت الجامعات السودانية ضعيفة و المنافسة عليها سهلة . الشهادة السودانية الحقة كانت آخر مرة مارس سنة 89 قبل تلاتة شهور من استيلاء العصابة علي الحكم ،، و ابتداءاً من امتحانات الشهادة 90 اصبحت اسهل من الشهادة الابتدائية في السبعينات .


#1435929 [Azan Malta]
3.50/5 (2 صوت)

03-28-2016 04:03 PM
والله البلد بقت عامله اى فاقد تربوى يمشى أدوه أعلى وظيفه ويغلف من ورآها قصة مكتب الوالى سحبو الملف وقصة ود ألوذ يره شروط الشكوى وشهداء سبتمبر الوزير ذات نفسو قال أطر شنو ما سمعت بحاجه اسمها شهداء فى البلد غير طفاي سنا فى الجنوب والله انا لو فى محلك يا عمر اللا اقلب أسفلها عاليها وأجمع جميع الكيزان فى محروقه زى محرقة اليهود

[Azan Malta]

#1435926 [الـــســـيـــف الــبـــتــــار]
4.97/5 (7 صوت)

03-28-2016 04:02 PM
خمسمائة طفل سودانى الاصل و المنشأ و من أب و أم من المسحقين فى الارض يعملون فى سوق شمبات المركزى بالدرداقات ؟
أجانب من اصقاع الدنيا يأتون للدراسة فى السودان البلد العجيب ؟
السؤال الذى يطرح نفسه ما هى مزايا والمستوى العلمى لنيل الشهادة السودانية و اتوا من بلاد تحترم الفرد فيها و توفر لهم التعليم المجانى فى كل المراحل التعليميه ؟
لا غرابة فى ذلك ومن أتى للدراسة بالسودان يكون من الفاقد التربوى و فشل فى الالتحاق بالاعدادية او الثانوية و فضل اهله الحاقه بمرتع الفاشلين و مقلب الزبالة و البلد التى لا راعى لها و لا نظام يحكمها أى كان لا الشريعه المفترىء عليها و لا ديمقراطية وارد بلاد العم سام ؟
الافساد الوثنى بعد تعريب المناهج الدراسية الجامعية لم يعد لنا جامعات و لا معاهد عليا و بالرغم من الكم الهائل من الجامعات التى تم افتتاحها تعتبر فى ذيل قائمة الجمعات العالمية و الشهادة السودانية اصبحت صفرا كبيرا يحجب بريق الارث التاريخى لكلية غاردون و جامعة الخرطوم الجميلة و مستحيله و معهد المعلمين العالى (كلية التربية)
للاسف خريج الثانوى افضل من خريج الهندسة اليوم ؟
و لكن ما فعله ابليس و اعوانه فى هذا البلد يجعلنا فى حيرة من أمرنا لما كل هذا التدمير الذى شمل كل المرافق العامه و التعليمية و الخدمات و ادارات الحكم و المحاكم و القضاة ذات نفسهم اصبحوا من فصيلة و احده و انعدم فيهم الشريف و النزيهه و الامين و الذى يخاف الله و عملاء السلطان و القوات المسلحه و جهاز الامن و المخابرات و الاطباء و الصيادلة و المعلمين و غيرهم و غيرهم الا من رحم ربى و نفد بجلده و هاجر الى ارض الله الواسعه سالما غانما بأذن الله .
لن ينصلح الحال و هذا من المحال فى ظل هذا النظام الذى بسط هيمنته على كل شىء و كمم الافواه و جوع البطون و سفك الدماء و شرد اصحاب العقول ؟
ما هو الهدف من ذلك و لماذ كان هذا الانقلاب البائس و انتم لا تمتلكون القدرة على ادارة مزرعة خنازير لا شأن لها بالطيب و الهبيث و تأكل كل تطاله و لا تحتاج الى رعاية و لا طبيب بيطرى لانهم أنجس منها و اعفن و نسأل الله أن يرينا فيكم يوم أن شاء الله .

[الـــســـيـــف الــبـــتــــار]

ردود على الـــســـيـــف الــبـــتــــار
[السماك] 03-30-2016 12:53 PM
يا السيف البتار .. بالله أرجوك غير إسمك الحركي ده حتى ولو لإسم "كتّال كتله" أو "مدير ليوم واحد" أو "غلفاء وشايله الموس تطهر في بنات الناس" !!.. أي حاجة بدل إسمك الكضب ده!!


#1435924 [ابو فاطمة]
4.79/5 (6 صوت)

03-28-2016 03:56 PM
مشكلة كبيرة جدا لو الخبر صحيح شوية طلبة لردنيين او مصريين يستطيعوا ان يضربوا التعليم فى السودان على البرلمان التدخل واستدعاء وزير التربية والتعليم ليضع استقالته على الطاولة وكذلك المسئؤل على تامين الامتحانات لان البلد بقت فوضى

[ابو فاطمة]

#1435916 [عبدالله احمد محمد]
4.75/5 (5 صوت)

03-28-2016 03:36 PM
أمس طلبة اردنيين واليوم طلبة مصريين ارجو محاكمتهم ومحاكمة راس الحية من السودانيين الذين اعطوهم الامتحانات لينا ان نحاسب انفسنا قبل ان نحاسب الاخرين الفساد صار يمشى بيننا دون حياء البلد بقت فاكة اضربوا الاعناق لينصلح الحال وذاك من اكبر راس الى اقل راس كللا شيىء اتنهب والفساد صار على العلن كمان حصلتوا الامتحانات حسبنا الله ونعم الوكيل

[عبدالله احمد محمد]

ردود على عبدالله احمد محمد
[المغبون] 03-29-2016 11:29 AM
يا عمى مين يضرب مين البلد مثلما قلت كلها بقت جايطه والكل صار فاسد ومرتشى وكلهم بيغطوا على بعض سمعة البلد ما صارت تهمهم وإلا ما كانت هذه افعالهم نسأل الله ان يأخذهم ويريحنا منهم آمين .


#1435914 [ابوجلمبو]
5.00/5 (3 صوت)

03-28-2016 03:34 PM
من سانة 2012 الامتحانات بتتباع للاردنيين والمصريين :

http://www.alrakoba.net/news-action-show-id-45962.htm

[ابوجلمبو]

#1435901 [شوقى]
5.00/5 (1 صوت)

03-28-2016 03:24 PM
للاسف استمرار استعباط السودانى

فهو فى نظرهم اهبل وعبيط يمكن خداعه بكلمتين وقرشيين

ماهو سودانى فى نظرهم جيعان وبواب

مش تحمدوا ربكم انو احنا بنمتحن عندكو


من يهن يسهل الهوان عليه

[شوقى]

#1435885 [الحقيقة]
4.50/5 (3 صوت)

03-28-2016 03:08 PM
المسألة جرت وكبرت والوزيرة ساكتة،، الله يستر.

[الحقيقة]

#1435875 [كاسـترو عـبدالحـمـيـد]
5.00/5 (4 صوت)

03-28-2016 02:46 PM
ما كفاية عليك حكم يا عمر البشير ؟ الى متى مكنكش فى الكرسى ؟ انت مفتكر نفسك حاكم ؟ يااخى انت طرطور شوية عليك . يا اخى كل يوم نصبح فيه نقرأ أو نسمع فضيحة . يا اخى فضحتنا الله يفضحك دنيا وآخرة وغور فى ستين داهية الله لا كسبك دنيا وآخرة.

[كاسـترو عـبدالحـمـيـد]

#1435874 [كاره المنافقين]
5.00/5 (3 صوت)

03-28-2016 02:45 PM
وحسه لو سوداني عمل مخالفة في مصر يتسووا ليهو شنو؟؟بتشربوه عصير القصب؟؟

[كاره المنافقين]

#1435865 [الصوت]
5.00/5 (4 صوت)

03-28-2016 02:32 PM
(((الدبرة في الجواد .. جيبوا الحمار اكووو)))..... حتى انا الاكل علي الدهر وشرب دا لو لقيت لي ميري زي البيحصل دا بتمرغ في ترابو..... ما ذنب هؤلاء العيال الارادنة والمصارية والشوام اذا اتاهم الرزق لما عندهم وقال لهم هلموا الي.....وبالمناسبة انتوا قايلين عيالنا المحوكرين في غرف الامتحانات ديل ابرياء ؟ ..... اذا كان جيفة الاختبارات اتشمت ريحتا في الشام عيالنا مزكومين ولا شنو....انتوا الفيل دا كلوا ما شايفنوا؟ .... تمشوا تكاتلو لي في ضُلُّه ؟؟؟ .. والله حكاية !!!
....يعني اوراق الامتحانات دي شالتها (( كُركُري )) من داخل خزائنها المدججة ورمتها للجماعة ديل قريب هضبة القوقاز وكوركت ليهم اليكم بها ؟؟؟؟ ....انتوا بتستعبطوا منو يعني .....ما تشوفوا المرق الصبرة من جحرها منو وينتهي الامر ..... ولا دا رقيصاً ما عندكم ليهو شعر .....

[الصوت]

#1435859 [زيت مرحب]
5.00/5 (2 صوت)

03-28-2016 02:25 PM
يا أخوانا دايما الخبر دا بجي وصياغتو مضلله وعن قصد
سؤال: هل في أي طالب كان أردني كان سوداني كان جن أحمر عندو طريقة يشوف ورقة الإمتحان قبل الإمتحان في الأحوال العادية؟
الجواب طبعاً لا لأنهم لا شغالين في طباعتو لا وضعو لا مفترض يكون عندهم بيهو علاقة لا من قريب ولا من بعيد إلا في يوم الإمتحان وفي زمنو وفي فصلو.
طيب لو دا الوضع الطبيعي معناهو في زول أدى الطلبه ديل الإمتحان قبال وكتو!!! صاح؟؟
معناهو الطلبه ديل ما سربوا الأمتحان وأى طالب بلقى الإمتحان قبال مواعيدو يا ببلغ السلطات يا بعمل نايم ويحلو.
إذن المفروض نحن نفتش عن الزول السرب الإمتحان للطلاب ديل، لحدي أسع مافي أي سيرة عنو والكلام كلو عن الطلاب، يعني الطلاب ديل إقتحمو مخازن الإمتحانات وسرقوها؟
لا لا لا شوفو منو القدر يحصل على الإمتحان ويوزعو على الطلاب، دا ياهو المسرب ودا ياهو الزيت على قول جمال حسن سعيد

[زيت مرحب]

ردود على زيت مرحب
[زيت مرحب] 03-29-2016 12:35 PM
أيوه يا أيمن حلفانكو، أوافقك، بس ليهم أكتر من عشرة أيام وقبضوا عشرات الطلاب من جنسيات الجمعية العامة للأمم المتحده ولسع ما عرفوا الزيت ولا ربنا فتح عليهم بكلمة، وبي كدة خلونا ملطشة للصحف الردنية وكمان دخلو عليهم أولاد بمبه. ولا سكرا(بكسر السين والكاف وتشديد الأخير) إربرو نا ولا إربركموني

European Union [أيمن حلفاوي] 03-29-2016 02:07 AM
طيب يا ( زيت مرحب) عشان يعرفو الزول السربو ،،يعملوا شنو؟؟؟؟
طبعا لازم يقبضوا علي الزول التسرب لي وعندو نسخة منو ،، ولازم يسالوه جابو من وين؟
مش كدة يا فالح؟؟
عشان يوريهم جابو من وين لازم يدل علي الزول الباعو ليهو ،،، ويقبضوا علي الباعو ليهو عشان يقوليهم منو الباعو ليهو او الاشتراهو منو،،،
وبي كدة يمكن الوصول لي الزيت البتقول عليهو دة ،، حسب قول جمال حسن سعيد
عشان كدة لازم السربو لي الامتحان يورينا الزيت وينو؟؟
وقع ليك ؟؟
عشان كدة عشان تصل للمجرم الحقيقي لازم تقبض علي الضحايا واستجوابهم ليوصلوك لي الضحك عليهم او لبسهم الطاقية وشيلهم القضية،،

[nadus] 03-28-2016 04:50 PM
عليك نوووووووووور


#1435858 [مجدى محمد]
5.00/5 (3 صوت)

03-28-2016 02:24 PM
شكلها شكلها كدا الحكاية بدأت تتكشف يوما بع يوم ومازالت السلطات والوزارة تكابر وتتدعى بان الامر ليس الا حالات غش وعقوبتها حرمان وطرد فقط مع انو الحال ينبى باكارثة ادبية علمية واخلاقية وتمس جوهر العملية التعليمية فى السودان

[مجدى محمد]

#1435857 [السماك]
5.00/5 (2 صوت)

03-28-2016 02:24 PM
حتى السبيعنيات جميع الطلاب العرب بمن فيهم الفلسطينيون كانوا يتجنبون دخول المدارس والجامعات السودانية لصعوبة الإمتحانات والمرور من فصل لآخر ..

اليوم من كتر الطلاب العرب الذين يحجون إلى السودان بغرض التعليم لسهولة النجاح في إمتحاناتهم صارت المشاكل من النوعية دية تظهر ويبقى فيها إعتقالات وكلام من هذا النوع!!! سبحان الله ..

[السماك]

ردود على السماك
[جوباوي قديم] 03-28-2016 04:52 PM
والله أنا قريت في جامعة جوبا من بداية التمانينات حتي منصفها. أغلب أساتذة الجامعة كانو بريطانيين، كنديين وأمريكان وهنود. حتي بعض الكليات عمداءها بريطانيين والتعليم بالإنجليزية والنظام ما فيهو مجامله وكأننا في جامعة أوربية. طلاب الشهادة العربية والطلاب الأجانب على قلتم الزمن داك كانو بترفدو من سنة أولى لعدم إلمامم بالإنجليزية وعدم مقرتهم لمتابعة المحاضرات. قليل من طلاب الشهادة العربية من تقدم إلى الأمام وأكمل تعليمه في ذلك الوقت من بع لأي وجهد. والله أسع مدراء الجامعات ما بعرفوا ينطقوا جملة واحدة صحيحه بلغة عربية سليمة ناهيك عن الإنجليزية وقد كنا نقيم بها أركان النقاش ونحن طلاب في جوبا.


#1435848 [احمد البقاري]
5.00/5 (3 صوت)

03-28-2016 02:13 PM
يا أخي دي القصة كبيرة، فيما يبدو معظم مواطني الدول العربية لديهم علم مسبق بتجارة تسريب أمتحانات الشهادة السودانية، لذلك يتقاطر الفاشلين أكاديميا من أبناء أثرياء الدول العربية سنويا قبل موعد الأمتحانات بأيام لأستلام أوراق أمتحانات ومن ثم تجويد حلها وحفظ أجوبتها قبل مواعيد الأمتحانات ليحرزوا الدرجات العالية التي تمكنهم من دراسة ذات المنافسة العالية في بلدانهم، كالطب والهندسة والصيدلة ..ألخ أو يسيطعون القبول بكليات مرموقة في الهند وباكستان وروسيا....
وجود هذه الأعداد الكبيرة من عدة دول عربية، غير مقيمة في السودان ويأتون فقط مع مواعيد الأمتحانات يشأ بأن هذه العملية تكررت عدة مرات لسنوات سابقة قبل أنفضاح أمرها... الشهادة السودانية أضحت في خبر كان وستتراجع كثير من الجامعات المحترمة عن الأعتراف بها....

[احمد البقاري]

ردود على احمد البقاري
[الباشا] 03-29-2016 09:50 AM
فعلا يا بقاري اوجزت ولخصت الموضوع في 8 اسطر. هذا هو الواقع ومن اراد التغير والتصحيح فليفعل بدون ضحك على العقول.


#1435847 [وهيب عيسي]
3.50/5 (3 صوت)

03-28-2016 02:12 PM
نحن نشعر بالدونيه اما الاعراب واللون الابيض
نحن سودانيون وليس عرب
اطردوا كل الاعراب من السودان لا مصري ولا سوري ولاغيرهم

[وهيب عيسي]

#1435846 [ALamaldin]
5.00/5 (1 صوت)

03-28-2016 02:11 PM
اين الطلاب السودانيين من هذه الاخبار الموسفة و التي احيكة في امتحانات الشهادة الثانوية من اجانب كانوا خصما علي سودانيتنا ؟ وماهي مدلولات الموامرة و كيف يتم مواسات الطلاب السودانيين بعد سلسلة الاعتقالات وماذا نتتظره اذا تبين المسكوت عنه ؟ فماهي الجهة المسولة وكم مرة حدثة في عهد الكل ممكن ولا المستحيل؟
هذا زمانك يامهازل فامرحي

[ALamaldin]

#1435842 [:::بيــكو:::]
5.00/5 (2 صوت)

03-28-2016 02:01 PM
الفااااتحة ياناااااس الفاااتحة على بلد اسمو السودان
ربنا يعوضنا في سودانا الجنة ان شاء الله

[:::بيــكو:::]

#1435841 [ALIIIIIIIIIIIIIIIIIIIIIIIIIIIIII]
5.00/5 (3 صوت)

03-28-2016 02:01 PM
اليوم اردنيين وغدا مصريين وبكرة سوريين وبعده فلسطيينيين خخخخخخخخ غايتو عوارة فايتة الحد يعني هسع العالم الهمل ديل طبعا جايين السودان والواحد منهم في باله انو يشتري الامتحان وكمان شنو بقروش وكلو بقروش ودقي يامزيكة ورقصني ياجدع ده الشغلانة وسعت اوووي..و زي ماقلت قبل كم يوم البلد بقت ماخور حقيقي اي صعلوك يجي من برة ويشتري والدليل اطفال ملاعين كهؤلاء بجوا وكمان بشتروا الامتحانات بس السؤال الفاقع مرارتي المافيا السربت الامتحانات وينهم ومن هم عزيزي القارئ فتش داخل وزارة اللاتربية واللاتعليم وستجدهم والواحد منهم بطنو منفوخة زي الفيل من اكل الحرام والسحت ده لو مايكون جهاز الامن ذاتو هو السرب الامتحانات اي حاجة متوقعة في البلد دي للاسف الشديد السودان بقي عامل زي صحن البوش بس السؤال وين الجالية السودانية في الخرطوم ولا ديل كلهم اغتربوا برة..غايتو ماشاء الله تبارك الله سوريين فلسطينيين اردنيين لبنايين عراقيين خليجيين اتراك حبش اريتريين وكمان روهينجيا من بورما وكمان اعراب الصحراء الكبري والطوراق ده غير الجايين من غرب افريقيا ووسطها..بصراحة انا مفكر امشي لمكتب شؤون الاجانب واطلع بطاقة اجنبي انا شخصيا اوووو وكمان خواجات وصينيين...بلاد الرينبو بلاد الرينبو وحنسود العالم اجمع...بلد هملة الله لاجاب باقيكم

[ALIIIIIIIIIIIIIIIIIIIIIIIIIIIIII]

#1435831 [ود الكندى]
5.00/5 (2 صوت)

03-28-2016 01:48 PM
اين حياء هذه الحكومة كل يوم تسئ لهذا الشعب العظيم الهم عليك بهم انك على كل شيء قدير لانهم اذلوا عبادك وافقروهم وكاننا في جاهلية رغم انهم يتاجروت بالدين لاحول ولاقوة الا بالله

[ود الكندى]

#1435826 [ود احمد]
5.00/5 (2 صوت)

03-28-2016 01:37 PM
استباحة السودان من الاجانب كله سببه الكيزان الذين يعنلون اي شيء في سبيل الفلوس
رايتم رمضان زمان يصدق لمطعم واحد والان تصديقات المطاعم بالملايين
ان الاوان لنرفع شعار السودان للسودانيين
ويافريب يلا لبلد
وداهية في فلوسكم

[ود احمد]

#1435825 [الكترابة]
5.00/5 (1 صوت)

03-28-2016 01:35 PM
المسألة هايصة وماعارفين الحاصل شنو . لنا أبناء جلسوا للامتحان هذه العام وحتى الان مصيرهم ومستقبلهم معلق بهذه القضية التى أصبحت تمثل هاجس كبير لهم ولاسرهم ... ياوزيرة التربية والتعليم التخفى والطناش لايفيد .. اعقدى مؤتمر صحفى وضعى النقاط فوق الحروف لازالة البس حول هذه القضية ... واجيبى بكل بساطة هل سوف تعاد الامتحانات ؟؟؟؟

[الكترابة]

#1435820 [سوداني ساكت]
4.75/5 (3 صوت)

03-28-2016 01:22 PM
و بعدين معاااااكم
يوم طلبة اردنيين و يوم طلاب سوريين و يوم اخر مصريين
احترنا معاكم يا بني كوز
و هذا كلة دليل تخبط و عدم دراية

[سوداني ساكت]

#1435814 [Abujabir]
5.00/5 (2 صوت)

03-28-2016 01:18 PM
كلهم جواسيس واستخبارات لجمع المعلومات عن السودان .

[Abujabir]

#1435813 [عيدابي عبد الله]
5.00/5 (3 صوت)

03-28-2016 01:16 PM
الشغله وسعت . بقينا ملطشه

[عيدابي عبد الله]

#1435811 [الصابر]
5.00/5 (1 صوت)

03-28-2016 01:16 PM
لعنة الله على هؤلاء الحلب والله ما ياتينا من بابهم الا الشر
سمعة الشهادة الثانوية اعز ما نملك يريد ان يلوثها هؤلاء الكلاب واكيد وراءهم خونة لابد من كشفهم أعوذ بالله!

[الصابر]

#1435807 [القريش]
5.00/5 (1 صوت)

03-28-2016 01:12 PM
معقوله حتى مصر مافيها مدارس ثانويه؟الاردن قبل يومين الحاصل شنو ياناس افيدونا ياناس الشهاده السودانيه ووزاره التربيه والكنترول!

[القريش]

#1435804 [ملعون ابوكى بلد بت ستين كلب]
5.00/5 (1 صوت)

03-28-2016 01:05 PM
ههههههههههههه
حتى اولاد الر....

[ملعون ابوكى بلد بت ستين كلب]

#1435795 [nagid]
3.95/5 (8 صوت)

03-28-2016 12:58 PM
سؤال برئ ياجماعة .وين طلاب الجالية السودانية بالخرطوم من هذا الهرج والمرج البيحصل ؟ ارجوا الاجابةممن يعلم

[nagid]

#1435794 [Abdo]
5.00/5 (2 صوت)

03-28-2016 12:57 PM
ظاهرة الطلاب الذين ياتون من الخارج بغرض إمتحان الثانوية السودانية دا في حد ذاتهامر مريب ؟؟؟؟؟؟؟؟؟
شفنا فنون و جنون معاك يا عمر البشير رئيس جمهورية الكيزان في السودان

[Abdo]

#1435791 [حاج ادريس نصر]
4.75/5 (5 صوت)

03-28-2016 12:55 PM
اصلا ليه جاييين عندنا مصر ما فيها مدارس وبعدين المصريين يسرقوا الكحل من العين كلهم مجرمين والله عملتو لينا ضيق في البلد .. الواحد لو عاوز يبذق يبذقلو في مصري كرهتونا السودان

[حاج ادريس نصر]

#1435784 [جملون]
5.00/5 (3 صوت)

03-28-2016 12:48 PM
يا بجم تقبضوا الطلبه ولا تقبضوا الفاسدين الذين سربوا الامتحان
عجايب ومحن السودانيين على قول عم شوقى

[جملون]

#1435778 [Hmlool]
5.00/5 (1 صوت)

03-28-2016 12:43 PM
تسربوا الامتحان وعايزين الامن يسكت ليكم دة عشان افتكرتو نفسكم عايزين تتذاكوا على السودانيين لو كان واحد فيكم شريف واحد بس كان بلغ السلطات بالامتحان المسرب

[Hmlool]

#1435777 [معتصم]
5.00/5 (2 صوت)

03-28-2016 12:42 PM
المشكلة ان الفساد ضارب باطنابه فى هذا البلد وانا من رايى ان هؤلاء الشباب واهاليهم يستحقوا ما يحدث لهم وان كنت متاكد من براءتهم لان الامتحان تسرب من السودانيين والاردنيين وما اعيبه عليهم .هو هل يوجد فرد عاقل ياخذ ثانوية من السودان او حتى يذهب اليه الا اذا كان ارهابيا او يريد شهادة مضروبة وهارب من العدالة كالبشير الرئيس الرقيص فاذا كان رب البيت راقصا فما بالك ببقية الشعب الهامل

[معتصم]

#1435776 [أبو محمد البكري]
5.00/5 (2 صوت)

03-28-2016 12:42 PM
أولا ديل كلهم الجابهم يقروا هنا شنو ؟؟؟ وشنو حكاية كشف الامتحانات دي كل يوم خبر جديد أغرب من القبله ؟؟؟ آمل من وزير التعليم الخروج ووضع النقاط فوق الحروف حتى نعرف مصير أبناءنا والى أين هم سائرون . واالله عيشتونا في شكوك معاكم !!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مرة أردنيين ومرة مصريين وبكرة بالله قولو لينا الامتحان كشفو السوررين . بلد بقت زي لحم الراس .

[أبو محمد البكري]

#1435772 [عبد الرحيم]
5.00/5 (2 صوت)

03-28-2016 12:36 PM
طحنون؟ الحكاية وسعت اوي ؟

[عبد الرحيم]

#1435767 [الدجاج عامل ازعاج]
4.50/5 (2 صوت)

03-28-2016 12:23 PM
هههههههههه
الموضع كبر اوي يا رقالة ..
هذه نتيجة صبركم على آل بني كوز الملاعين
وياما حتشوفوا !!

[الدجاج عامل ازعاج]

#1435766 [الكنزي]
3.00/5 (2 صوت)

03-28-2016 12:20 PM
ما هو مولد و سيدو غائب ... الغرض من اولاد بمبة معروف و مكشوف ... ضرب الثقة في الخبرات و المؤهلات العلمية السودانية بالخارج و خاصة بالخليج في مقتل .... اوعوا يا ناس و كان صحي في اولاد بمبة مقبوضيين كان بالكضب او بالصاح ... ما تفكوهم اصلو ... هو السيسي دا بقي فكاك مربوطة و نحنا ما عارفيين .. قمة الاحباط من الساسة و السياسيين في السودان القونا مرمطة اخر الزمن

[الكنزي]

#1435764 [خواجة]
4.63/5 (4 صوت)

03-28-2016 12:17 PM
سبحان الله ديل طلبة ولا شنو افيدونا

[خواجة]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة