الأخبار
أخبار إقليمية
في مخالفة جديدة: ابن مأمون حميدة يحصل على امتيازات دون عطاء
في مخالفة جديدة: ابن مأمون حميدة يحصل على امتيازات دون عطاء
في مخالفة جديدة: ابن مأمون حميدة يحصل على امتيازات دون عطاء


03-28-2016 02:27 PM

الخرطوم - شوقي عبد العظيم
كشفت مستندات عن أن إدارة مستشفى الأكاديمي الذي يتبع لـمأمون حميدة وزير الصحة بولاية الخرطوم، وقعت في مخالفات إدارية كلفت الوزارة الدخول في تسويات مع مستثمرين ومن بين هؤلاء مستثمر تعاقدت معه إدارة المستشفى على تأسيس وتشغيل صيدلية قسم الطوارئ (التميز) قبل أن يكتمل القسم إلا أن إدارة الدواء الدائري أوقفت الإجراء وتكفلت بالتسوية مع المستثمر. وكشفت مستندات عن أن كافتيريا وبقالة داخل المستشفى حصل عليهما نجل الوزير دون علم وزارة الصحة ولم يتبع فيها الإجراءات القانونية ولم يحصل عليها عبر عطاء.


اليوم التالي


تعليقات 12 | إهداء 0 | زيارات 7969

التعليقات
#1436302 [محمد خليل بلال]
5.00/5 (1 صوت)

03-29-2016 09:46 AM
والله انا ما فى صف مامون ولا ولده لكن اذا الولد اخد الكافتيريا او البقاله ما شايف دى جريمه بالعكس مش احسن من ياخد كاااااش وعلى نفقة الدوله ؟

[محمد خليل بلال]

ردود على محمد خليل بلال
[قرفان من الكيزان] 03-29-2016 04:21 PM
الجهل مصيبه كبيره


#1436038 [د / سليمان ابو الفتوح]
1.50/5 (2 صوت)

03-28-2016 08:08 PM
افتكر مافيش دأعي للزيطة والزمبريطة دي الرجل مسؤول ونزيه بلاش الشغل العشوائي بتاعكم ده شوفوا مواضيع تانية كل من دب وهب داير ينظر في قامة كبروف مأمون

[د / سليمان ابو الفتوح]

ردود على د / سليمان ابو الفتوح
[النمر] 03-29-2016 11:32 AM
هههههههههههههههههههههههههههه انت زاتك بتكون عندك كم كافتريا من النوع دا عشان كدي بتحاحي حرصاً على ضنبك

[EzzSudan] 03-29-2016 09:17 AM
من حقك ان تكذب الخبر, لكن قامة و ما قامة, يا ما في قامات بتعمل بلاوي!!!!

[سوداني] 03-29-2016 06:33 AM
بروف شنو وقامة شنو دا الا يكون قامة في الفساد هذا الخنزير وبعدين هو القامة حقك دا قدم شنو للسودان وللصحة غير دمرها شوف يا ابن الناس مافي كوز ابن ناس ومافي منتمي لتنظيم الاخوان الكفرة الشيطاني الا يكون خبيث و وسخ وحقير ويبيع امه مش البلد عشان القروش ديل مجرمين ماعندهم علاقة لا بالدين ولا الاخلاق ولا اي شي في سبيل القروش يعملوا اي شي قال قامة قال حميضة الحقير قامة شكلك ماعرفت العلماء والدكاترة السودانيين الجد عشان تقول ع الحقير دا قامة


#1436011 [خواجة]
0.00/5 (0 صوت)

03-28-2016 07:00 PM
سمير ماشي.واصل.

[خواجة]

#1436009 [AAA]
4.00/5 (2 صوت)

03-28-2016 06:54 PM
خلاص...زيتهم في بيتهم...

[AAA]

#1435993 [جمعة أبوشعبان]
5.00/5 (2 صوت)

03-28-2016 06:13 PM
كل شئ مقبول .. بس ولد الوزير ما يقوم يستثمر لينا في لحم الضفادع يعني "القعونج" و العيانين في المستشفى يأكلوا قعونج وبعدين يتكلموا لغة الفرنجة ca va bien و common ta apple tu و hi maaan

[جمعة أبوشعبان]

#1435975 [الضكر]
0.00/5 (0 صوت)

03-28-2016 05:23 PM
ماتدي الفرصة إنسان ثاني يعيش معاكم ويلقط من الكافتريا استثمار في المرضي حرامي كبير

[الضكر]

#1435966 [ALwatani]
4.50/5 (5 صوت)

03-28-2016 05:08 PM
اخطر شئ توريث الفساد

[ALwatani]

#1435959 [محمد]
0.00/5 (0 صوت)

03-28-2016 04:59 PM
شكلوا كلام ونسة ساكت.....أين البينة؟

[محمد]

#1435946 [ابو محمد]
4.75/5 (6 صوت)

03-28-2016 04:43 PM
وين المشكلة (ابن الكوز عوام) !!!

[ابو محمد]

ردود على ابو محمد
European Union [رابسو] 03-29-2016 10:02 AM
وأنت الصادق " أبن الوزير زييييييير "


#1435906 [المؤمل خير]
4.93/5 (9 صوت)

03-28-2016 03:27 PM
شوفوا الطمع ... إبن الملياردير ده بالله يحتاج يفتح دكان وكافتيريافي مستشفى ويلقط جنيهات من المراجعين الغلابة ؟؟؟ والله ما خلوا حاجة للغلابة.

[المؤمل خير]

ردود على المؤمل خير
European Union [عبدالحميد البراري] 03-29-2016 04:20 AM
انا زاتي مامصدق الخبر ده انا بعرف مامون حقير وبيحب القروش لكن مستوي الحقاره ماممكن يصل عايلة حميده تجري وراء كافتريا ودكان .. لكن مرات الزول يقول ديل بيعملوها الحلبه قليلين الاصل ديل . مادكتور مامون غير قانون قديم متعارف لكل الناس انو بين كل صيدليه وصيدليه لازم يكون هناك مية متر مامون كسر القانون ده عشان يعمل صيدليه في الزيتونه انا يخيل اليا بيكون في جزء من العايله رغم هذا الثراء الفاحش بيكونوا بيشحدوا بالبيوت ديل عاوزين يلموا اي جنيه طاير اعوذ بالله زي مابيقول عثمان شبونه


#1435882 [khalid alamin]
0.00/5 (0 صوت)

03-28-2016 02:59 PM
يا جماعة ماتبالغوا مع مامون حميدة للدرجة دي كمان عشان تطلعوا منو بطل ،،، مامون حميدة يدفع كل صيانات

[khalid alamin]

#1435873 [عمر الفاروق]
3.00/5 (2 صوت)

03-28-2016 02:41 PM
والله

[عمر الفاروق]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة