الأخبار
أخبار إقليمية
الشرطة تلقي القبض على بعض منسوبيها بتهمة سرقة محلات التجار بالدبة
الشرطة تلقي القبض على بعض منسوبيها بتهمة سرقة محلات التجار بالدبة
 الشرطة تلقي القبض على بعض منسوبيها بتهمة سرقة محلات التجار بالدبة


03-30-2016 07:52 PM
الدبة: نصرة عبد الرحمن


تمكنت شرطة الدبة من القبض على خمسة من منسوييها بتهمة سرقة (40) جركانة زيت طعام من محلات تجارية بمنطقة الدبة بالولاية الشمالية، وذلك بعد أن نصبت الشرطة كميناً للقبض على متهمين، بعد أن تلقت عدة بلاغات من التجار تفيد بأن هنالك مجهولين يقومون بسرقة محلاتهم التجارية، وبعد الرصد والمتابعه تمكنت الشرطة من القبض على (6) متهمين يتبعون لشرطة الدوريات، بعد أن أرشد عليهم تجار ضبطت بحوزتهم المسروقات، وقالوا إنهم قد اشتروها من اأفراد الشرطة فتم توقيفهم على ذمة القضية وحبسهم رهن، كما تم وضع عربه الشرطة التي استخدمت في عملية السرقة كمعروضات في البلاغ لحين تقديم المتهمين للمحكمة .

آخر لحظة


تعليقات 21 | إهداء 0 | زيارات 5319

التعليقات
#1438102 [سيد]
0.00/5 (0 صوت)

04-01-2016 07:12 PM
وان حرن ماهن صفايح زيت!!

[سيد]

#1437882 [الفقير]
0.00/5 (0 صوت)

04-01-2016 01:21 AM
أكثر من ٩٠٪ ، من معتادي الإجرام ، يقومون بعلمياتهم بعلم أفراد مسيطرين من الشرطة ، و دونكم نزلاء السجون لتتأكدوا من ذلك.

[الفقير]

#1437786 [karazy]
0.00/5 (0 صوت)

03-31-2016 08:33 PM
هههههههه؟جاعو والله ....قولتو شنو ٤٠ جركانه زيت؟؟؟زيت فول ولا سمسسم ههههههههه ....بوليس مسخره هههههههه .إذا سرقت فأسرق جمل ...انا محتار والله عكري في الجيش يسرق السلطه وعكري في البوليس يسرق زيت ؟؟؟؟؟؟؟؟بلد وصلت حد المسخره والغريبه بيصلو الله يطوطحكم من الراس للساس.

[karazy]

#1437713 [زول الخلا]
0.00/5 (0 صوت)

03-31-2016 05:12 PM
هيييييييييييي يكا وتناي يكا

[زول الخلا]

#1437494 [الخرطومي]
0.00/5 (0 صوت)

03-31-2016 11:51 AM
عادي الشرطة السودانية من اسواءشرطة في العالم في الرشاوي ونصر الظالمين دي بلد كم وكم وكم وكم من قتل المواطنين ونهب المواطنين

[الخرطومي]

#1437482 [ود منوفل]
0.00/5 (0 صوت)

03-31-2016 11:21 AM
كبار القوم فى حكومة الكذبة الكبيره يعيشون رفاه مواطني السويد وصغار موظفيهامن عسكرييين وموظفين ( ميري ) يعيشون معيشة نازحي دار فور ،، فكيف لايكون هناك حرامي من التصنيف التاني !!!! اذا كان رئيس البلد كان فى نفس مستوى هؤلاء العساكر قبل انقلاب البلطجة !!! واليوم يعيش عيشة امبراطور بروناي ، اذا العساكر ماسرقوا يكونوا مغفلين 0
والحاصل للبلد دي من شوية السرقة العلنية بواسطة كبار القوم والسرقات والاختلاسات لصغار موظفيهم ( المجبورين عليها لسوء الحال ) هذه الافعال هي انتجت ضنك المعيشة التي يكابدها الشعب ( خارج زريبة الكيزان ) لانه اي واحد مسجل فى اضابيرهم ماعنده مشكلة وهذه الفئة من نوعية ( سير سير بالبشير ) دول ناس تاكل عيش وهم يمثلون القول المأثور ( اذا حضروا لايستشاروا واذا غابوا لايسأل عنهم احد ) وعبر عنهم الفيتوري بقوله ( كمثل من رأت عيناك لا غابوا ولا حضروا ) وهم الضيعو السودان لانهم باعوا الوطن بملئ كروشهم !!! وهم للاسف فى كل اقليم ، عند زيارة احد مسئولي ا لدولة يخرجو بالالاف يستقبلوه بالهتافات وهم مجبورين من رؤساء مصالحهم ومهددين بالفصل اذا لم يشاركوا فى استقبال الزعيم !!!! وهي حقيقة معلومة لكل موظفي الدولة الميري .. والعملية كلها يمثلها المثل المصري الشعبي ( كله بدحك على كلو )
وفى نهاية المطاف وصلنا تحقيق المثل السائر عمليا ( حاميها حراميها ) وسير سير يالبشير !!!!!!!!

[ود منوفل]

#1437476 [ابراهيم علي]
5.00/5 (1 صوت)

03-31-2016 10:55 AM
ياناس الداخلية ..أوقفوا هذه الفضائح!!!!! في بحري وجنب الصينية بتاعة (منتزه الزوادة) واقفين اربعة عساكر مرور ومعاهم (ملازم ) وشغالين (نهب) من الناس غلطان ماغلطان يلبوس اي تهمة عشان ت(تدفع) وبكل جرأة العساكر بقولو للضابط أمشي انت ارتاح عشان (يملصوك) وانا عشت هذه الدراما اليوم 31/3/2016م وكنت راكب مع اولاد شباب جايين من ولاية نهر النيل لقضاء بعض الحاجات .... اتحرو براكم وشوفو بي عينكم والا تكونو انتو ذاتكم بتاخدو حقكم!!!!!!!!!!!!!!!!!!!!!!!!!!!!!!!

[ابراهيم علي]

#1437466 [القريش]
0.00/5 (0 صوت)

03-31-2016 10:26 AM
دا الفقر والجوع والعوز صلحو ليهم مرتباتهم هم عندهم أسر ومتطلبات حاكمو الحراميه الكبااار!

[القريش]

#1437411 [Bedr]
0.00/5 (0 صوت)

03-31-2016 09:04 AM
على الطلاق ده ما بتحصل حتى فى الصومال. حاميها حراميها. نتاج المشروع الحضارى و تربية المقبور الترابى و جنراله المجرم شوكة الحوت.

[Bedr]

#1437387 [layla]
0.00/5 (0 صوت)

03-31-2016 08:31 AM
من جهه نقول حاميها حراميها وهي تجربه عشناها في الخرطوم قيل سنوات حين جند ت الداخليه خريجي السجون ومن خلال دوريات اصبحو هم ناس تلب في البيوت..ومن جهه تانيه نقول لو ماكانو محتاجين وشايفين واحدين مبحبحين باموال الحكومه ماكانو سرقو ...مساكين الله يكون في عونهم في السجن الراجيهم ولعنة الله علي الكانو السبب

[layla]

#1437360 [ابومرام]
5.00/5 (1 صوت)

03-31-2016 08:01 AM
والله ماعارف الواحد يبكي والله يضحك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ المشروع الحضاري قوم لف لفاك قطر

[ابومرام]

#1437355 [محمود الجد]
5.00/5 (1 صوت)

03-31-2016 07:55 AM
أرجو ما يكون أفراد الشرطة المجرمون من أقاليم أخرى ! لأن جزء من الشرطة في الأقاليم الأخرى تصل جرائمهم إلى حد الإغتصاب ولا ينصب لهم أحد كمين و لا الشمالية غير ؟!!!

[محمود الجد]

#1437327 [ابو الطماير]
5.00/5 (1 صوت)

03-31-2016 06:58 AM
منو لله الكان السبب

[ابو الطماير]

#1437291 [jak]
0.00/5 (0 صوت)

03-31-2016 04:13 AM
ياخي ديل بفطرو بكبدة
دي كانت تعليقات الناس زمان لمن شافو اتنين من عساكر البوليس طالبين كبدة
شي مؤلم انو عسكري البوليس محرم عليهو الكبدة لانو فقير ولانو مرتبو بوش ما
بكفي,ما ممكن تحرس كديس جعان كورية لبن

[jak]

#1437245 [محمد معروف]
0.00/5 (0 صوت)

03-30-2016 11:26 PM
السلطة التى تُمارس لصٌوصيتها فى وضح النِهار

وتحمى طُغمتها الغارِقة فى اوحال الفساد ، حماية

تختلُ من اجلها موازين القضاء وتُنتهك القوانيين

وتُوصد ابواب الصُحف ويُلاحق فيها الشرفاء من

الكٌتاب

بُغية تكميم افواههم وكسر شوكة اقلامهم


لايُمكن ان تنتج شُرطة سوية على الإطلاق

اذا هى شرطة عهدهم العبوس

وبضاعتهم الكاسدة

ومشروعهم الحضارى المعطوب


وتلك هى الاخلاق التى

ظلت وعلى مدى ستة وعشرون عاماً عائقا

يهدم امنياتنا ... ويسرق احلامنا بوطن مُستطاب


وهى الشُرطة التى ارتضوها لنفوسهم السقيمة

تحمى اباطرتهم

وتاكل من سحت موائدهم

تقتل وتنهب

وترقص على اشلائنا


فتباً لهم

ولسنواتهم العجاف

[محمد معروف]

#1437243 [Truth]
5.00/5 (3 صوت)

03-30-2016 11:26 PM
يقال انو تم قبض احدى تجار البنقو ومعه قندول و حفظ القندول فى مخزن المعروضات حتى نظر القضية و عمك شاويش المعروضات كل يوم يجى يرفع القندول و يرميهو فى التربيزة يحت ليهو كم سيجارة و عندما عرض على القاضى لم يجدوا داخل القنول اى شئ و تم اطلاق سراح المتهم هههههها و الله قصة ...

[Truth]

#1437241 [الراجل]
5.00/5 (2 صوت)

03-30-2016 11:18 PM
انتو الدبة دى ورانا ورانا ولده تاجر مخدرات وعساكرة حرامية والله دى مصيبة دى

[الراجل]

#1437238 [الهلباوي]
5.00/5 (1 صوت)

03-30-2016 11:04 PM
مبروك اول مرة الشرطة تعمل اجراء صحيح يعجب الناس ،، تعلن ان منسوبيها حرامية وكمان تحجز العربة التابعة لها كمعروضات في البلاغ ،، مدير الشرطة في الشمالية يستحق ترقية عاجلة لتطبيق القانون ،،، الظاهر المدير دا من الزمن الجميل وما تابع للجماعة ديل ،، اول مرة احترم الشرطة كمؤسسة

[الهلباوي]

#1437204 [babo]
4.75/5 (6 صوت)

03-30-2016 08:54 PM
هههه هذه الحكاية تذكرني برجل شرطة كان مكلفا بحراسة سوق في مدينة عبري وفي مرة من المرات لاحظ أن أقفال باب من الكاكين مفتوحة ومعلقة في الباب فقام بشراء عدد من نفس نوع الأقفال ووضعها بدلا من الأقفال الأصلية وفي المساء قام التاجر بقفل الدكان وأتى الشرطى ليلا وفتح الباب بالمفاتيح التي بحوزته وكسر الدرج وأخذ مبلغا محترما ولكن لغبائه ترك بصماته على الأقفال مما أدى الى ادانته واسترجاع المبلغ وفصله من الخدمة ... اذا كان راتب العسكري 380 جنيه فكيف يؤتمن ؟

[babo]

#1437191 [العركى]
4.75/5 (5 صوت)

03-30-2016 08:23 PM
حاميها حراميها سلام يا بلد

[العركى]

#1437188 [الحازمي]
5.00/5 (10 صوت)

03-30-2016 08:19 PM
مبروك
حاميها حراميها
لكن هي خربانة من كبارها!!!

[الحازمي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة