الأخبار
أخبار إقليمية
إغلاق التحقيق في قضية خط هيثرو وأوامر قبض للمتهمين
إغلاق التحقيق في قضية خط هيثرو وأوامر قبض للمتهمين
 إغلاق التحقيق في قضية خط هيثرو وأوامر قبض للمتهمين
""الخطوط الجوية السودانية 1972م - London - Heathrow ""


04-03-2016 07:24 PM
الخرطوم: نجلاء عباس
أغلقت نيابة المال العام التحقيق في قضية خط هيثرو التي اتهم فيها مدير شركة عارف التجارية وأجنبيان آخران. ونقل مصدر مطلع أن النيابة تتجه إلى تحويل ملف القضية إلى وزير العدل للاطلاع على مجرى التحقيق ليتم توجيه الاتهام رسمياً والقبض على المتهمين لإحالتهم إلى المحكمة المختصة.

الانتباهة


تعليقات 27 | إهداء 0 | زيارات 9496

التعليقات
#1439511 [عبد الحليم]
5.00/5 (1 صوت)

04-04-2016 07:24 PM
في النهاية حا تبقى زي قضية حاويات مخدرات يورسودان ال 5 ---
كل المتهميين السودانيين حا يطلعوا براءة ---
ويسجل بلاغ جديد ضد اجانب خارج السودان ---

[عبد الحليم]

#1439463 [trabikoz]
5.00/5 (1 صوت)

04-04-2016 04:50 PM
يا جماعة ختو الرحمن في قلوبكم
الكيزان عندهم حق يبيعوا خط هثرو ولا حتى نيويورك
وين طياراتكم الحتستعمل الخطوط دي؟؟
جاتكم نيلة وانتم تصيحوا في الفاضي
آل هثرو آل !!!!!

[trabikoz]

#1439369 [خواجة]
4.00/5 (1 صوت)

04-04-2016 01:46 PM
خلاص الفاتحة.انتهى الهيثرو بقفل الملف .
المدينة الرياضية برضو لحقت السخلة؟؟؟؟.

[خواجة]

#1439342 [أب أحمد2]
5.00/5 (1 صوت)

04-04-2016 01:08 PM
أقبياس
"أغلقت نيابة المال العام التحقيق في قضية خط هيثرو التي اتهم فيها مدير شركة عارف التجارية وأجنبيان آخران."
ومن الذى/الذين مكنوا لهؤلاء الاجانب؟؟؟
هل "خط هيثرو" هو محفظة صغيره تم نشلها من الجيب وسط الزحمة؟؟؟؟؟؟
من هى الشخصية او الشخصيات المتمكنة التى قامت بعملية التصرف فى هذا الخط ومن ثم تم أتهام شخصيات خارجية لا يمكن النيل منها مثل مسرحية "صقر قريش"
هل صرنا عبطاء لهذه الدرجة؟؟؟؟!!!!!!!

[أب أحمد2]

#1439285 [ابو محمد]
3.00/5 (2 صوت)

04-04-2016 11:44 AM
تحويل ملف القضية إلى وزير العدل
انتهى
ما فائدة وجود نيابةالمال العام !!! وما هو عملها ؟؟ وان لم تكن قادرة على تطبيق القانون لاي سبب كان !! فالاولى ان تستقيل نيابة المال العام ان كانت هي لله كما يزعمون !! وبدل صرف رواتب نيابة بحالها !! وهي لا تفعل شيئا في اي شئ سوى التحويل !! يمكن تعيين موظف واحد يقوم بتحويل الملفات الى وزير العدل طالما هي النقطةالتي تصل اليها نيابةالمال العام في كل قضية تنظرها !!

[ابو محمد]

#1439266 [لون النيل]
5.00/5 (2 صوت)

04-04-2016 11:16 AM
خط هيثرو لن يعود وإن إنطبقت السماء مع الارض لأن من باع الخط هم اشخاص اصحاب نفوز في الدولة وحتماً سوف يروح فيها الصغار والابرياء بمثل ماراح مدير الاقطان وتم اغتياله واما التماسيح مازالو طلقاء

[لون النيل]

#1439209 [ahamazole]
5.00/5 (1 صوت)

04-04-2016 09:47 AM
ها ها ها
تمخض الجمل فولد فأرا

[ahamazole]

#1439183 [صابر الصابر]
5.00/5 (2 صوت)

04-04-2016 09:01 AM
ديل ماضيعوا خط هيثرو وبس ديل ضيعوا بلد كامل .ربنا ابتلانا بحكام دلاليك -جمع دلوكه..حاجة تغيظ ...حكام زي كدايس الخليج الفار يجي ماشى من فوق ليها مابتشتغل بيه لانها شبعانة هوت دوق وبيرقر ...طبقوا القانون تنطبق عليكم قبوركم...

[صابر الصابر]

#1439180 [عبد الرحيم]
5.00/5 (1 صوت)

04-04-2016 08:58 AM
اغلق التحقيق - تم فتح التحقيق كله واحد والنتيجة واحدة وعلى الناس ان لا تنتظراً عدلا ولا انصاف فالحاكم والمحكوم والشهود كلهم جهة واحدة

[عبد الرحيم]

#1439171 [كاســترو عـبدالحـمـيـد]
5.00/5 (3 صوت)

04-04-2016 08:43 AM
يا جماعة الخير عينكم للفيل وتطعنوا فى ظله . اقبضوا على الشريف ود بدر وقدموا للمحاكمة ومارسوا عليه الضغوط المطلوبة لأنه هو المسؤول الأول والأخير . وبعدين اطلبوا منه ان يعيد ملايين الدولارات التى قبضها كعمولة و ممكن ( يتحلل ) وانت يا سيد الفاتح جبرة اطلب ليك اكبر كمية من حبوب " الضغط " لزوم متابعة القضية .

[كاســترو عـبدالحـمـيـد]

ردود على كاســترو عـبدالحـمـيـد
[ود الركابي] 04-04-2016 12:48 PM
بيع الخط وراه حرامية كبار نافذين والشريف بيعرفهم كويس لكن مابيقدر يتكلم . راجع الشروق برنامج المحطة الاسطي .


#1439163 [اللهم الطف بنا]
5.00/5 (2 صوت)

04-04-2016 08:29 AM
اغلاق واللا انهاء واللا شنو وووووووووووووووووو

[اللهم الطف بنا]

#1439142 [khalid]
5.00/5 (2 صوت)

04-04-2016 08:03 AM
احرجتونا مع جبرا والله اسي نودي وشنا وين ... طيب قفلتوه ضبة مفتاح بلف زرقينة شنو بالضبط عشان نفهم

[khalid]

#1439113 [ود الركابي]
5.00/5 (2 صوت)

04-04-2016 07:19 AM
الخط باعوه نافذين في البلد بلاش اجانب بلاش كلام فاضي . راجعوا برنامج المحطة الاسطي لأخر مدير لسودانير

[ود الركابي]

#1439093 [التلب]
5.00/5 (1 صوت)

04-04-2016 06:39 AM
وكانت هناك همسات ووسوسات واصابع كثيره تشير الى النائب اﻻول حينها على عثمان وانه متورطا فى هذه الصفقه ..!! فهل اسمه واردا من ضمن المتهمين ؟؟ ثم نريد من يفتينا لكى ﻻ ننتظر السراب وتروح القضيه شمار فى مرقه .. نريد توضيح هذه النقاط ؛-
1/ مجموعة عارف الكويتيه اشترت شنو ؟؟ الخطوط السودانيه كلها بما تملك ام اشترت جزء منها وما هو ؟؟
2/ اذا كانت عارف اشترتها كلها فهل لديها حق التصرف فى شئ تمتلكه ام ﻻ ؟؟
3/ الخطوط السودانيه مال عام .. من مثل البائع وما هى مسئوليته ان وجدت ثقرات نفذ من خلالها ضياع خط هيثرو ؟؟
4/ كم قيمة الصفقه وأين ذهبت ومن هم الوسطاء وكم قبضوا ؟؟
5/ ما هى مسئولية ( مكون الفساد المحلى ) ولماذا لم يدرجوا ضمن المتهمين ؟؟
واخيرا هل من البساطه ان نبحث عن ضياع اموال خط هيثروا من اجانب ونترك من يتواجدون بين ظهرانينا ؟؟

[التلب]

#1439076 [بكري الصائغ]
5.00/5 (6 صوت)

04-04-2016 04:59 AM
اقتباس:
(إغلاق التحقيق في قضية خط هيثرو وأوامر قبض للمتهمين)
تعليق:
(إغلاق التحقيق في قضية خط هيثرو، وأوامر قبض للمتهمين الي حين اطلاق سراحهم بقرار جمهوري!!)...

[بكري الصائغ]

#1439069 [NAZAR SYDNEY]
5.00/5 (1 صوت)

04-04-2016 04:36 AM
how we will get it back or lost forever ?????? let me know please !!! thanks

[NAZAR SYDNEY]

#1439056 [حافظ الأمين]
5.00/5 (6 صوت)

04-04-2016 02:40 AM
الاعلان دا الا يطلع من الفاتح جبرة ذات نفسه ويقول يا اخوانا (هيثرو خلاص) حتى نحنا نصدقه.

ولن تكتمل صورتك وصورة (الموضوع) يا جبرة الا اذا شددت الرحال الي قلعة هيثرو عديل كدة وحتلقي عشرمية شفت سوداني وانجليزي على أهبة الاستعداد للمساعدة وتكون بذلك فعلت ما يفعله كبار الصحفيين والمحققين في الغرب حينما يتناولون قضايا الرأي العام الكبيرة بحثا واستقصاءً دؤووبا ينالون عليه الجوائز والميداليات. وبالمرة كدا تكون فرصة تشيك على الضغط بتاعك وكل الأوعية الدموية. أحسن دكاترة الحاجات دي هناك. وعلى الأقل فرصة لي أولادك يقشروا شوية:

- يا ود الفاتح موجود؟
- لا أبوي سافر
- سافر وين؟
- سافر لندن.
- وبيرجع متين؟
- والله ما عارف بس أمي قالت ليهو أوعك ترجع.

أما الأهم من سفرة لندن فهو السفر الى الكويت لمدة اسبوع ومعاك الريكوردر بتاعك لمقابلة (كبار) جماعة عارف واحد واحد، لتعرف القصة من افواه صناعها وتعليقهم على تقرير نيابة السودان ولا أشك مطلقا في أنك ستجد عجبا وبعدها اتجه غربا. والله معاك.

[حافظ الأمين]

ردود على حافظ الأمين
European Union [الفطقي] 04-04-2016 10:18 AM
والله يا أخ حافظ بكده تكون وضعت لنا حد لواوات الفاتح دي .. يعني يا الفاتح الكره في ملعبك وما صعبة وإنت في مواجهة المرمى منفردا


#1439042 [الدرب الطويل]
5.00/5 (5 صوت)

04-04-2016 12:05 AM
بقت زي قضية حاويات المخدرات.. المتهمين دايماً أجانب و(طبعن) مسؤوليننا ديل أصحاب أيادي متوضئة ومبرئين من كل شبهة فساد!!.. بس مغفلين شديد لدرجة إنو الأجانب يسرحوا ويمرحوا ويبيعوا أملاك الدولة من غير ما يعرف زول!!..

دا كلام بيصدقو زول عندو حديدة؟؟!!

[الدرب الطويل]

#1439036 [عبدالله ابراهيم]
3.00/5 (6 صوت)

04-03-2016 11:24 PM
هناك فرق بين اعلاق التحقيق واكتمال التحقيق .... لكن يبدو انكم قفلتو التحقيق من اصلو وهرشتو من الحراميه الجد جد الكبار

[عبدالله ابراهيم]

#1439017 [سعيد فقير]
5.00/5 (4 صوت)

04-03-2016 10:39 PM
يا سلام ......
بعد كل هذه المدة الطويلة ....تم اغلاق الملف ...
مبروك استاذنا الفاتح جبرة ..وأخيرا سوف يتم ايقاف الواوات.....
سننتظر عشرة اعوام اخري لنعرف من القابض ... وكم ....
واين ثمن البيع...واين تم توريده ؟؟؟؟

[سعيد فقير]

#1439007 [عبدالواحد المستغرب اشد الإستغراب!!]
5.00/5 (3 صوت)

04-03-2016 10:19 PM
يا ناس ..يا اهل الله نيابة الأموال العامه (أغلقت) ولا (إنهت) التحقيقات ؟!! الصحف دى بتجيب الصحفيين ديل من ياتو (روضه) يا نجلاء إنتى اول عارفه الفرق بين الاغلاق والانتهاء؟!! يا شيخه وقعتى قلب الفاتح جبرا والراجل أصلا مش ناقص !!.

[عبدالواحد المستغرب اشد الإستغراب!!]

#1439006 [صالة المغادرة]
5.00/5 (3 صوت)

04-03-2016 10:18 PM
بختك يا جبرة واواتك جابت خبر بس نحن خايفين عليك من التحلل وخلوها مستورة وما شابه ذلك .

[صالة المغادرة]

#1439002 [خواجة]
5.00/5 (2 صوت)

04-03-2016 10:04 PM
المهم الخط.راح؟؟؟.

[خواجة]

ردود على خواجة
[صالة المغادرة] 04-04-2016 07:01 AM
والله ياخواجة راح روحة سخلة نفيسة السخلة وستها من يوم مرقو تانى مافى خبر


#1438980 [الراجل]
4.94/5 (5 صوت)

04-03-2016 08:45 PM
ابشر يا الفاتح جبرا عندك واوات جديدة للخمستاشر سنة الجاية

[الراجل]

#1438978 [عبدالمنعم عمر]
4.97/5 (6 صوت)

04-03-2016 08:38 PM
اول شئ المسؤوليه مشتركة بين شركة عارف باعتبارها شريك وسودانيز واكيد ان البيع تم بموافقه مجلس ادارة سودانير ومديرها العام لذا يجب ان يوجه الاتهام الي المجلس الذي كان يترأسه الشريف ودبدر لانهم فرطوا في حق سيادي

[عبدالمنعم عمر]

#1438977 [معاوية أبوعاقلة محمد]
4.97/5 (6 صوت)

04-03-2016 08:34 PM
بعد كل الهيصة الفاتت ( تمخض الجمل فولد فأرا ) وينك يا جبرا

[معاوية أبوعاقلة محمد]

#1438971 [hassan]
3.98/5 (8 صوت)

04-03-2016 07:55 PM
يعني نقول سفرة جبرا الى لندن جابت نتيجة؟

[hassan]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة