الأخبار
منوعات سودانية
فنانة أفريقيا في ضيافة السفارة السودانية في إنجمينا
فنانة أفريقيا في ضيافة السفارة السودانية في إنجمينا
 فنانة أفريقيا في ضيافة السفارة السودانية في إنجمينا


04-09-2016 12:12 PM
إنجمينا: الخرطوم :
استقبل سفير السودان بدولة تشاد السيد عبد العزيز حسن صالح، وأعضاء سفارته يوم أمس الأول، الفنانة ندى القلعة وأسرتها وأعضاء فرقتها الموسيقية بدار السفارة السودانية بالعاصمة التشادية إنجمينا، وجاءت دعوة السفير لفنانة افريقيا- بحسب مصادر خاصة- لدورها الكبير كسفيرة للفن السوداني الذي مثلته خير تمثيل في القارة السمراء، ولما تجده من شعبية كبيرة في تشاد وأفريقيا.

يذكر أن ندى أحيت أمس حفلاً كبيراً في إستاد انجمينا ضمن حفلاتها التي تقام على شرف حملات إنتخاب فخامة الرئيس إدريس دبيي، وشهدت الحفل السيدة الأولى في تشاد هند ديبي، وحشود كبيرة من الجماهير التي ضاقت بها جنبات الاستاد.
ندى قالت في حديثها الهاتفي من مقر إقامتها بأحد القصور الرئاسية بإنجمينا، إنها لا تجد عبارات الشكر التي تليق بما وجدته من استقبال من أسرة السفارة السودانية، ومن ترحاب وكرم ضيافة سودانية من سعادة السفير عبد العزيز حسن صالح، وأضافت أن استقبال السفارة لها وضع على عاتقها مسؤولية كبيرة، في أن تكون خير سفيرة للفن السوداني في أي محفل تشارك فيه، وختمت بقولها إن وجودها بين أسرة السفارة كان بمثابة التكريم لها.
يذكر أن فنانة أفريقيا ستعود غداً للخرطوم، بعد أن حققت رحلتها إلى تشاد نجاحاً كبيراً، والتي شاركت من خلالها في عدد من الحفلات الجماهيرية في ساحات وميادين إنجمينا، والمعروف أن ذلك كان تلبية لدعوة القصر الرئاسي التشادي لها للمشاركة في تلك الفعاليات.

آخر لحظة


تعليقات 24 | إهداء 0 | زيارات 8896

التعليقات
#1442185 [سوداني بس]
4.19/5 (6 صوت)

04-10-2016 12:05 PM
ولما تجده من شعبية كبيرة في تشاد وأفريقيا. !!!!!!

دة علي أساس تشاد تقع في ( أمريكا اللاتينية ) !!!!!

بلا يخمكم ويخم ندي الشريف ويخم السفير الأهبل والجاب السفير الأهبل - ولا عجب فإذا رب البيت ( البشير الرقاص ) راقصاً ! ف ندي القلعة تكون فنانة أفريقيا الأولي

[سوداني بس]

#1442162 [الكرهان أي حاجة]
3.38/5 (5 صوت)

04-10-2016 11:39 AM
ترقيات متتالية لفنانة شريف دوغو دوغو

أضافوا لسيرتها الذاتية :

عضو الحوار الوطني. بعد شهور فنانة أفريقيا .

دبلوماسية زمن الانحطاط القذرة .تفو عليكم مليون مرة.

[الكرهان أي حاجة]

#1442079 [سامي]
4.19/5 (7 صوت)

04-10-2016 09:34 AM
75% من شعب السودان للاسف الاسيف انطمست هوياتهم بفعل الهوس الديني الذي حكم به هؤلاء السفلة السودان فلذلك اختلطت الاشياء ودقت(دلوكة الورل) فصرنا نرى الارازل يتسيدون في جميع الساحات داخليا وخارجيا

[سامي]

#1442002 [جحا]
4.00/5 (5 صوت)

04-10-2016 07:04 AM
فنانة افريقيا مرة واحدة كدا؟؟؟؟؟؟؟؟؟؟؟؟قوية

[جحا]

#1441938 [Truth]
4.25/5 (5 صوت)

04-10-2016 12:23 AM
يا اخوان كل زول على حد فهم زوقو يعنى الاثيوبيين بحبوا وردى و ابراهيم عوض و كذلك الارتريين الخليجيين نا بعرفوا غير سيد خليفة و اليمنيين يحبوا صلاح بن البادية و خاصة سال من شعرها الذهب و و وشوشنى العبير و المصريين ما عندهم اى فنان سودانى لكن بيسرقوا فننا عن طريق محمد منير و هكذا التشاديين بحبوا اللون الابيض بدليل حرم تشاد الاولى

[Truth]

#1441905 [سوداني ساكت]
3.25/5 (4 صوت)

04-09-2016 09:49 PM
فنانة افريقيا ---- بحالها .
من نيجيريا و الي تشاد --- و علي طول افريقيا بحالها .
و الله محن اخر زمااان .
و مال وردي و كابلي ---- اصبحوا شمار في مرقة ؟؟؟؟

[سوداني ساكت]

#1441902 [حسن]
3.00/5 (2 صوت)

04-09-2016 09:41 PM
بقيت مقصة ليهم ياندوية.الي الامام الي الامام..من انتم من انتم؟؟؟؟

[حسن]

#1441874 [ابوجنزير]
4.25/5 (10 صوت)

04-09-2016 07:37 PM
ياخي دي لما تهضرب تقول بالعة ليها عضم. قال تغني وفنانة افريقيا كمان
حكمتك يارب،وقاتل الله الجهل والجاهلين وتباً للزمن الشائه الأغبر

[ابوجنزير]

#1441871 [مصباح]
4.13/5 (8 صوت)

04-09-2016 07:32 PM
انتي والمعاك وادريس ديبي وسفارة لنظام وقبلكم النظام ذاتو لعنة الله والشعب عليكم أجمعين، البلد بقت بوم ومسخرة وخراب والجهل عشعش وانتشر، وتبدل الحال وأصبح " مايل" فأصبح السفيه سفيراً والجاهل فناناً و هولاكو القرصان حاكماً، وافريقيا السودان ممرمطين وممرغين في التراب.

[مصباح]

#1441867 [ابوجنزير]
4.00/5 (6 صوت)

04-09-2016 07:23 PM
والله غايتو جنس محن! فنانة افريقيا ؟ العملا منو والقال منو ؟
هذه زولة سوقية جدا وجاهلة وبس

[ابوجنزير]

#1441855 [مواطن سودانى]
3.88/5 (4 صوت)

04-09-2016 06:43 PM
ندى يا ندى
اقدلى و انزلى فى العوازل كى ...اى اقدلى ... اى اقدلى.
انتو عايزين فنان بروف فى جامعه و لا شنو يعنى
ندى مطربه و هذا اسم لا ينكرونه احد عليها الا ......

[مواطن سودانى]

#1441821 [علي هولندا]
4.19/5 (13 صوت)

04-09-2016 04:59 PM
ههههه فنانة افريقيا يعني سحبت البساط من وري!!! والله شكلكلم ما بتعرفو عن افريقيا حاجة،معقولة افريقيا فيها ناس مريم ماكيبا ،الفا بلوندي ،امو سنقاري و يوسو ندور وغيرهم من عملاقة الفن الافريقي الاصيل ...الفنانين ديل حفلاتهم بيعلنوها قبل الصيف باربعة شهور في اجمل قاعات باريس، احتمال قبل الحفلة بشهرين ما حتتحصل علي تذكرة.تجي ندي القلعة تشيل الاسم بالبساطة دي ..عجبي.

[علي هولندا]

ردود على علي هولندا
[؟] 04-10-2016 06:07 PM
هو وردي كان فنان افريقيا ولا فنانة افريقيا؟ مجرد استفسار

بعدين ناس مريم ماكيبا والفا بلوندي سفاري وبوسو ديل المفروض طالما خليفيتك الفنية واسعة المفروض توضح بلدانهم في تعليقك وتدي نبذه فنية عنهم؟ ولا شنو

[فنجاط] 04-09-2016 05:55 PM
كلامك صحيح 100% وتكملة لحديثك الفنان العاجي "سيدي كونيه" الشهير بالفا بلوندي الذي وجدت اغاني الريغي التي يغنيها صدي عالمي يغني بأربعة لغات من ضمنها العربية لأن والدته مسلمه..!!!
ولا تعليق ياكاتب الموضوع من تشاد..!!

[حاج علي] 04-09-2016 05:45 PM
وليه انت زعلان ما سعاد الغاتح اصبحت ام افريفيا

[علي هولندا] 04-09-2016 05:42 PM
اقصد سحبت البساط من وردي.


#1441785 [السر الامين عبدالقادر]
4.50/5 (7 صوت)

04-09-2016 03:35 PM
والله ورطنا ورطة من شريف نيجيريا لشريف تشاد

[السر الامين عبدالقادر]

ردود على السر الامين عبدالقادر
[كول] 04-10-2016 10:04 AM
قلت انتو ما بتعرفو...........


#1441784 [كودى]
4.13/5 (6 صوت)

04-09-2016 03:34 PM
طيب اذا ندوية دى شعبيتها عالية للدرجة دى مش أحسن الكيزان يسوها سفيرة بألمرة والسفير الموجود يتطلب الله, ندوية دى يظهر أصبحت كنز للكيزان لا يمكن الاستغناء عنه, قال اسلاميين قال!!

[كودى]

#1441780 [khalid mustafa]
2.75/5 (3 صوت)

04-09-2016 03:22 PM
التحية لبنت السودان وفنانه افريقيا ندي القلعه ,,,تجاوز معجبيك حدود بلادناواصبح لك معجبين في غرب افريقيا وشرقها وشمالها في موريتانيا والصحراء الغربيه,,

انت بحق سفيرة الغناء السوداني ,,عجبني اعتزازك بقوميتك السودانيه عندما سالك احد الصحفيين المستلبين فكريا حول عدم انتشار الفن السوداني في العالم العربي وكان ردك بان ذلك لا ينقص الفن السوداني في شئ ويكفي الفن السوداني فخرا انتشاره في محيطه الافريقي,,

اخيرا اتمني ان لا تعيري بعض التعليقات السخيفه اي اعتبار فجمهورك العريض في السودان سيكون لك خيرا سند..

[khalid mustafa]

ردود على khalid mustafa
[اندروس] 04-09-2016 07:53 PM
لعن الله ذو الوجهين ... عامل فيها صوفى وجدودك ناس منو (دون ذكر الاسماء)وجايى تتشرشح هنا مع ندى الشريف .. طيب ما تفتح ليها صفحة فى المهاجر

[sasa] 04-09-2016 07:16 PM
على ماذا اعتمدت ياهذا في تقييمك على سخف التعليقات

كل اناء بما فيه ينضح


هل هذه الندى فنانة ام مطربة


مبروك عليها ان تنال لقب فنانة العالم والجنة وجهنم


قال ندى قال هههههههههههههههههههههههههههههههه


#1441778 [Fatmon]
3.63/5 (4 صوت)

04-09-2016 03:17 PM
الفنانه ندي القلعة استقبال رسمي من السفارة وتراجي مصطفي استقبال رسمي من الحكومة وبعدين مع دولة المشروع الحضاري دي يا جماعه ما خلاص بلغ السيل الذبي .......!!!!!!!؟؟؟؟؟؟

[Fatmon]

#1441767 [zaineldien]
4.18/5 (9 صوت)

04-09-2016 02:55 PM
القاب رخيصة لمن لا يستحق.ندى القلعة نعجة ضلت طريق البرسيم الى الفن ليست الا

[zaineldien]

#1441753 [المعذبون في الارض]
4.07/5 (7 صوت)

04-09-2016 02:32 PM
فنانة أفريقيا! !! دي متين والله انا ما جايب للدنيا خبر

[المعذبون في الارض]

#1441748 [النورس]
3.48/5 (8 صوت)

04-09-2016 02:18 PM
يخسي عليكم يادبلوماسيين ( الشريف مبسوط مني )
دي مش الفنانة اللي اثارت رحلتها الى نيجيريا ضجة اعلامية كبيرة في انها شوهت صورة السودان والسودانيات بالخارج وحينها قام ائمة المساجد ولم يقعدوا وقالوا مالم يقله مالك في الخمر اليوم باتت بقدرة قادر فنانة مثلت الفن السوداني خير تمثيل يادبومسيين عصر الغفلة لقد هدمتم كل مابناه المحجوب واحمد خير حينما كانوا وزراء خارجية فعلا انه عصر الغفلة

[النورس]

#1441745 [المصير]
3.88/5 (7 صوت)

04-09-2016 02:10 PM
هههههههه ندي القلعة وكريماتها الكتيرة دي تسرح ب قراقير تشاد ساي

[المصير]

#1441738 [mustofa ali ahmad]
4.18/5 (8 صوت)

04-09-2016 01:51 PM
هانت الزلابية فنانة افريقيا دي واحدة جاهلة افريقيا دي قايلنها امبدة الله يهديكم بس

[mustofa ali ahmad]

#1441713 [shawgi badri]
2.25/5 (4 صوت)

04-09-2016 12:55 PM
يسعدنا جدا اي نجاح للفن السوداني والفنان السوداني في الخارج . لان الفن السوداني والفنان السوداني يجد الاستخفاف والتهميش المتعمد في بعض الدول .
في المعارض والدراسات الاوربية والعالمية . يتحدث البروفسيرات عن مدرسة الخرطوم التشكيلية بإحترام ووله واعجاب شديد . ولا يجد التشكيليون الاهتمام الكافي من الدولة السودانية والدول العربية .

[shawgi badri]

#1441700 [yahou]
3.50/5 (3 صوت)

04-09-2016 12:35 PM
ايامك يا ندي تستاهلي ماهي كده ياكفر ياوتر بلا سياسه بلا خساسه تهانينا

[yahou]

#1441695 [عكرمة]
3.75/5 (3 صوت)

04-09-2016 12:26 PM
شنو ليكم.

[عكرمة]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة