الأخبار
أخبار إقليمية
عوض إبراهيم عوض ينتقد إذاعات (إف إم) ويدعو لسحب تراخيص بعضها
عوض إبراهيم عوض ينتقد إذاعات (إف إم) ويدعو لسحب تراخيص بعضها
عوض إبراهيم عوض ينتقد إذاعات (إف إم) ويدعو لسحب تراخيص بعضها


04-14-2016 10:49 AM
البرلمان: سارة تاج السر
انتقد الخبير الإعلامي د. عوض إبراهيم عوض، إذاعات الـ"إف أم"، وحرض وزارة الإعلام على سحب تراخيص بعضها للمحافظة على الذوق العام، وهاجم القبضة الأمنية ومصادرة الصحف واعتقال الصحفيين.
وكشف عوض عن (20) قناة بالبلاد غالبيتها مملوكة لأفراد، وأكد أن تلك القنوات تواجه مشكلات مالية أجبرت بعضها على التوقف منها قناته، بينما العديد منها مهددة بالتوقف بسبب الأعباء المالية المفروضة عليها حيث تدفع للقمر الصناعي ما بين (30 - 33) ألف دولار من كل قناة بثت أم لم تبث، وطالب بضرورة وجود صندوق لتسيير أعمال القنوات والإذاعات الخاصة.
ولفت عوض لعدم عدالة توزيع الإعلانات الحكومية على الإذاعات والتلفزيونات وقال "البحبوه بدوهو وفي ناس روقوا وغنوا عديل والما بحبو ما بدوهو"، وانتقد إذاعات (إف إم) وقال "أصحاب المحطات دي مفلسين، ما عندهم قروش وبستوعبوا المتدربين وقليلي الخبرة وتشغيلهم بالمجان"، وأضاف "تلقى واحدة أو واحد على الهواء يتلقى مكالمة من مستمع ويسأله أها الليلة كيف فطرتوا؟".
واعتبر عوض أن تلك المحطات (فتحت الباب لكل زول في الغرفة يبقى مذيع وشاعر، وأي زول صوتو عجبو في الحمام يبقى فنان والغناء فيها رخيص جداً وأقل من هابط)، وقال (ناس محمد ميرغني وعبد القادر سالم غناهم ما لاقين منو 5 ملاليم كلو مستفيدين منو ناس سوسو، ولو سألت الواحدة عن محمد ميرغني تقول ليك دا منو وهي بتغني أغنياته".
وتابع "إف إم ما فيها قروش عشان كده بتحصل الألاعيب دي"، واستثنى منها إذاعتي أم درمان وساهرون فقط.

الجريدة


تعليقات 14 | إهداء 0 | زيارات 3188

التعليقات
#1445169 [سودانا فوق فوق فوق]
0.00/5 (0 صوت)

04-15-2016 05:08 PM
عوض الكضاااااب هههههههه

[سودانا فوق فوق فوق]

#1445024 [الراجل]
0.00/5 (0 صوت)

04-15-2016 10:33 AM
الزول ده من يوم ما قال السيناتور حلف بالطلاق بعد ما فطروا مع بعض كمونية وام فتفت وقال ليه اللوترى عملوا للسودانيين اصبح فى نظرى هبيل اعلامى مثل الهبيل الوطنى عبعاطى

[الراجل]

#1444924 [ابو مازن]
0.00/5 (0 صوت)

04-15-2016 02:38 AM
والله العظيم خسارة اقرأ ليك حرف واحد ي عم عوض ابو شعر اسود هو انا شعرى بقي ابيض انت لِسَّه بتتشبب قال خبير اعلامى قال زى الخبير الوطني الاتفه من التفاهة ربيع

[ابو مازن]

#1444697 [شنقر]
5.00/5 (2 صوت)

04-14-2016 05:01 PM
الغريبة يا جماعة، أنه الخبير دا شغال مزيع في تلفزيون جمهورية السوادان الكانت ديمقرادية من السبعينات، و لغاية هسا شعره أسواااااااد و ما فيه اي شيب. الظاهر عليه مضيع قروشه كلها عند عوضية الحنانه.

[شنقر]

ردود على شنقر
European Union [جنرال زمان] 04-14-2016 09:09 PM
يا خي دا في الثمانينات ككان تلاقيه قدام سينما الصداقة وعامل بودرة في وجهه وعليه أحمر شفايف ومتوقع أنه الناس تتعرف عليه كمذيع، منتهى الخيابة ودلوقت في الزمن اﻷغبر دا صار يتحدث ويصرح كمان وقال إيه حضرته خبير إعلامي!!!! وبالمناسبة بتاعة خبير دي، حد يا أخوان عارف لينا وين الخبير الوطني داك؟ والله حيرتونا داهية تاخدكم يا خبراء في لا شئ


#1444683 [شفقان]
5.00/5 (2 صوت)

04-14-2016 04:13 PM
معليش يا بروف أصلو الناس حاسداك على الفهلوة وقلة الحياء

[شفقان]

#1444670 [ودالحفر]
5.00/5 (2 صوت)

04-14-2016 03:27 PM
قال بروف خبير عالم عوض ابراهيم عوض اول حاجه اي شهاده عليا بعد الإنقاذ مابنحترف بيها أما أنت معروف بي التملق والكذب ومرض الشوفونيه الجماعة ماادوك كده معاهم لأنه عارفنك كذاب وحكايتك مع السيناتور الأمريكي تكفي عالم مابتختشي

[ودالحفر]

#1444619 [الجوكر]
5.00/5 (1 صوت)

04-14-2016 01:52 PM
انت ياعوض اترقيت الى درجة البروف قبل كمال عبيد (كديس) ما ينتزع ادارة ج افريقيا ... فهو يكني لك كل بغض وكراهية

[الجوكر]

#1444614 [ابو عرب]
5.00/5 (1 صوت)

04-14-2016 01:47 PM
الهجروك علي... يالليل مالك علي/ هاجر الحق صاحبك الموصلي وغني معاه الأغنية أعلاه عشان تغني؟؟؟ههههه

[ابو عرب]

#1444613 [الباشا]
5.00/5 (2 صوت)

04-14-2016 01:46 PM
الخبير ديييييييييييييشك . عوض ابراهيم عوض ليتك تسكت لان الصمت احيانا وقار ورحمة وكثرة ادب.

[الباشا]

#1444560 [مهدي إسماعيل مهدي]
5.00/5 (1 صوت)

04-14-2016 12:18 PM
يا عوض، ما هي أخبار صديقي (خالك)عبدالمنعم حسين، أرجو موافاتي برقم هاتفه على هذا الإيميل.
[email protected]

[مهدي إسماعيل مهدي]

ردود على مهدي إسماعيل مهدي
[علي هولندا] 04-15-2016 06:09 PM
هههه انت قصدك ياتو عوض...عوض البرفسور والخبير الاعلامي وصديق السناتور الامريكي ...واللا عوض بتاع العسل ههه...ياخي الزول ده لو قرا التعليقات المكتوبة دي قبل ما يصل تعليقك بكون بطمو طمت وكره الدنيا والراكوبة وقوم تبع هههههه...تلفون صحبك ده اقنع منو يا حبة


#1444546 [سواق الكارو]
4.75/5 (4 صوت)

04-14-2016 11:59 AM
موضوع ال اف ام هين .. ورينا اخبار كوالالمبور وصاحبك السناتور شنو ؟ !!!

[سواق الكارو]

#1444540 [sudanii]
5.00/5 (4 صوت)

04-14-2016 11:53 AM
نتقد الخبير الإعلامي د. عوض إبراهيم عوض
خلينا من ده كلو
خبير دي بدوك فيها كم ؟؟؟؟؟

[sudanii]

#1444528 [المتجهجه بسبب الانفصال]
5.00/5 (2 صوت)

04-14-2016 11:39 AM
تغير الزمن يا بروف وسيأتي يوم سيكون لكل انسان اذاعة خاصة يعلق جهاز بثها في رأس بيته وربما قناة فضائية وقد كان الموبايل حلما بين ماضي من الزمان وآت في اول ظهوره فاصبح علما ،، ،، وستنتهي هنا ام درمان وكان يا ما كان في قديم الزمان،،، طالما ان اذاعات الاف ام مفلسة مفروض يدعموها ،،، الجدير بالذكر ان البروفيسور عوض أنشأ محطة تلفزيونية ولكنها تعرضت للحريق ولم تفسح له المجال ليطرح من خلالها افكاره واطروحاته المتجددة،،، العالم اصبح قرية وسيصبح فريق ثم بيت واحد ،، هذه هي وحدة الوجود (المادي) لا وحدة وجود ابن عربي فتخيل كيف تحاول المادة سباق ماهو روحي تكلفاً،، رحم الله القروش والاموال فهي ليست بين يدينا ولو وجدناها من هذا التعليق ما انتهينا،،،،

[المتجهجه بسبب الانفصال]

ردود على المتجهجه بسبب الانفصال
[الشانق طاقيتو] 04-14-2016 01:23 PM
ولا بروف ولا بطيخ..


#1444519 [عبد الجبار أحمد]
5.00/5 (3 صوت)

04-14-2016 11:32 AM
عوض بعد التطبيل وكسير الثلج طيلة الفترة الماضية طلع من المولد بدون حمص وقنع من خيرا فيها . وبعد خراب سوبا جاي تقول اذاعات ال ف ام ما لها وما عليها.


مش قلت ان برنامج الهجرة معمول خصيصا لتهجير السودانيين لأمريكا ؟ لماذا لم تهاجر يا عوض

[عبد الجبار أحمد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة