الأخبار
أخبار إقليمية
والي الخرطوم يطالب بالتوجه نحو مشاريع الاسكان الرأسي
والي الخرطوم يطالب بالتوجه نحو مشاريع الاسكان الرأسي
والي الخرطوم يطالب بالتوجه نحو مشاريع الاسكان الرأسي


04-18-2016 07:11 PM
الخرطوم(سونا) - طالب والي الخرطوم فريق اول مهندس ركن عبدالرحيم محمد حسين المشاركين فى ورشة صندوق الاسكان الفرص والتحديات بضرورة التوجه نحو البناء الرأسي لمشاريع الاسكان المستقبلية وذلك لوقف زحف المخططات الاسكانية على الاراضي الزراعية مؤكدا على ضرورة إعلاء قيمة الارض الزراعية .
وقال الوالي أن هذا النظام معمول به فى كل الدول المجاورة ويحقق فائدة قصوى من الارض مطالباً بضرورة التفكير جدياً فى إقامة خطط إسكانية رأسية جديدة فى الأحياء القديمة لاستيعاب الزيادة السكانية داخل الحي بدلاً عن المناطق البعيدة مؤكداً أن البناء الرأسي يفرض على الولاية واقعاً جديداً لابد أن نسعى له بجدية وتحديات على رأسها أهمية وجود شبكات صرف صحي على نطاق واسع تخدم المجمعات السكنية الرأسية وإعادة النظر فى القوانين والتشريعات التى لا تسمح بتسجيل أي منزل لا تقل مساحته عن مائتي متر.
وتساءل الوالي ما المانع من تسجيل شقة أو منزل مساحته مائة متر .
وزير التخطيط العمراني اكد أن صندوق الاسكان يعتمد على موارده الذاتية فى تمويل المشروعات كما يقوم بتوظيف عائدات السكن الاقتصادي والاستثماري لدعم الاسكان الشعبي للقطاعات الفقيرة فى محاولة جادة من الصندوق لمحاربة الفقر وتحقيق العدالة الاجتماعية .
مهندس أزهري على فضل المولي مدير صندوق الاسكان والتعمير قال أن هذه الورشة ستعنى فى الاساس بالوقوف على تجربة الصندوق ومناقشة قضاياه والتحديات الماثلة أمامه للتوصل الى حلول وتقديمها فى شكل توصيات يتم وضعها موضع التنفيذ وتدفع بعجلة الصندوق للإمام وتضمن إستمراريته .
وحدد أزهري أهم التحديات بالتمويل فى ظل إرتفاع تكلفة البناء وعدم إعفاء الصندوق من الضرائب والجمارك كما يواجه الصندوق خطر تأكل القيمة النقدية لاقساط المنازل نتيجة للتضخم لان الاقساط تمتد لفترة 12 عاماً وكذلك تقاعس بعض المواطنين عن دفع أقساطهم المستحقة .


تعليقات 7 | إهداء 0 | زيارات 2100

التعليقات
#1446991 [Psycho]
3.00/5 (2 صوت)

04-19-2016 08:58 AM
راسيا بى وين لاكن مع الطيارات البتجى حايمه بعد صلاة العشاء و طافيه انواره .. دا حادث جاهز يا سعادة الوزير .. حادث ولا مش حادث يا متعلم يا بتاع النظر

[Psycho]

#1446857 [الزول الزولاوي]
3.00/5 (3 صوت)

04-19-2016 01:04 AM
احنا عندو لا مصريين و لا مافي أراضي في السودان و لا الخرطوم دي فانكوفر و لا نيويورك اليسكنوا الناس فيها في شقق

يا جماعة سكن الشقق ده ما بينفع مع البيئة بتاعت السودان لا بينفع مع الجو و لا مع الاقتصاد ( بيضر من ناحية صناعة مواد البناء ) و لا من ناحية مناسبته للبيئة الاجتماعية للسودانيين ، لا علاقاتنا علاقات فرنسيين و لا ناس القاهرة و لا اكلنا و عدد أفراد الأسر بينفع يسكن في سكن زي ده

ثانياً اذا عندك مشكلة بتاعت سكان فراجع المشاكل الحقيقية بتاعت الهجرة للخرطوم ، استثمروا في قراكم و ولاياتكم الجيتو منها و رجعوا اهلكم الجبتوهم الخرطوم ، ما ممكن السودان كله خلاء و الناس كلها رحلت الخرطوم يا شغالين في وظائف أمنية يا شغالين اعمال حرة ، ما ممكن اقتصاد الدولة كله في الخرطوم ، ياخي ناس الخرطوم زاتو ما دايرين الكلام ده، الولاية انهارت و ما ممكن تستحمل ملايين البشر و اصلاً الخرطوم ما مدينة جاذبة للحياة ، يعني جو الخرطوم يجي وين جمب جو الدمازين و لا الأبيض و لا الفاشر و لا حتي الطبيعة .

يا جماعة للمرة المليون الطريق الانتو ماشين فيهو ده طريق اخرته الحريق ، و كلنا حنولع، ما ممكن احنا في 2016 ، للولاة و السياسيين ديل و الله ما يديروا دكان الليلة ، ما ينفعوا ، لا عقلاً ، لا معرفة ، لا مواكبة ،

مع العلم انه ما حنناقش نقاط مثل الفساد ( ألهو الوالي زاتو عندو تاريخ مسطر فيها من زمن وزارة الداخلية ) و نقاط مثل الايدلوجيا السياسية و اللعب في الديموغرافيا بتاعت السودان سواء ان كان في شرق السودان او غربه او في الوسط العاصمة اكبر مثال.

غايتو بس ربنا يسلم ربنا يسلم
لكن بتاع الدفاع بالنظر ده
من ما يقول ليكم عمارات بس ذكروهو عمارات الشرطة

[الزول الزولاوي]

#1446856 [السكن الصى]
1.00/5 (1 صوت)

04-19-2016 01:00 AM
انت والى اى شى عندك فى ولايتك ممنوع , ممنوع تسجل شقة اقل من مية متر ممنوع تطلع اكئر من خمسة طوابق ممنوع تلصق مبانى فى جارك لازم تترك حوش او فراق مع جارك الجنوبى يساوى ثلث الارتفاع . ممنوع تبيع اوتاجر العقار بالنقد الاجنبى . تدفع قيمة شهر من الايجار عوائد وتدفع ضرائب عقارية عشرة فى المية . ده غير قيمةالارض الاغلى من نيويورك .

[السكن الصى]

#1446813 [tango]
2.50/5 (3 صوت)

04-18-2016 09:55 PM
قالو البلقى الهبوب يضرى عيشة نحيى ونشوف

[tango]

#1446810 [خواجة]
2.75/5 (3 صوت)

04-18-2016 09:51 PM
أين إمكانات الولاية لخدمة السكن الرأسي ومشاكل
المياه والكهرباء خاصة في الصيف .أدرسوها كويس
قبل البهدلة.

[خواجة]

#1446783 [شوشرة]
2.75/5 (3 صوت)

04-18-2016 09:00 PM
بيوتكم الشيدتوها دي ما قيمتها, بيت فيهو غرفة ومطبخ وحمام بالبلوك ما بيفوت 50 مليون مع قيمة الأرض في منظقة خلوية نائية بيدفع ليكم 20 مقدم وباقي الأقساط بحتى تحصل 109 مليون دي عدالة,,

[شوشرة]

#1446770 [badradiMm]
2.50/5 (2 صوت)

04-18-2016 08:01 PM
الوالى المحترم لا يدرى ولايعلم انه لا يدرى....المصيبة الكبرى ايها الوالى الهمام مع الانفاق العالى على الحرب وتامين النظام فلن تستطيع توفير رواكيب للمواطنين ناهيك عن ناطحات السحاب...لقد لحست الحرب وجهاز الامن كل اموال التنمية ...فعندما تقولون اضربهم كو والصيف الساخن وكل الخزوعبلات بتاعتكم دى مابلاش دى بقروش ....احسبوها صاح كم يكلف الجندى الواحد الذاهب الى الحرب ؟ كم سعر الطلقة الواحدة؟ كم سعر الكلاشنكوف؟ وتكلفة الوقود والمعسكرات والعلاج...بالاضافى الى تكلفة سماسرة الحرب....من وين تجيب قروش لشبكات الصرف الصحى والمواقف والموية ودعم مواد البناء....بس بناخد منكم كلام واحلام زلوط ..بص والى وبص نهرى وقطار .....كلام*كلام

[badradiMm]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة