الأخبار
أخبار إقليمية
البشير يوجه بتوفير النقد الأجنبي
البشير يوجه بتوفير النقد الأجنبي
البشير يوجه بتوفير النقد الأجنبي


04-23-2016 01:00 PM
الخرطوم -

قال عبد الرحمن ضرار وزير الدولة بالمالية والتخطيط الاقتصادي، عقب اجتماع ترأسه البشير بمجلس الوزراء ضم وزراء القطاع الاقتصادي "إن الاجتماع اطمأن على الأوضاع الاقتصادية في البلاد، والاستعداد الجيد للموسم الزراعي القادم بتوفير التمويل اللازم له وترتيبات توفير السلع الأساسية لشهر رمضان المعظم"، ونوه ضرار إلى أن الاجتماع استمع إلى تنوير من وزير الصناعة بشأن توفير الكميات المطلوبة من السكر لمقابلة احتياجات رمضان، مؤكدا توفر كميات منه تكفي حاجة المواطن.

وأضاف ضرار أن رئيس الجمهورية وجه البنك المركزي بالاستمرار في توفير النقد الأجنبي في الصرافات لمقابلة حاجة المواطن للسفر والعمرة والعلاج، لافتا إلى أن الاجتماع اطمأن أيضا على الاستقرار الذي شهده سوق النقد الأجنبي خلال الأيام الثلاثة الماضية بعد الارتفاع المفاجئ لقيمة الدولار مقابل الجنيه، وذلك بفضل الترتيبات والسياسات التي اتخذها البنك المركزي

اليوم التالي


تعليقات 8 | إهداء 0 | زيارات 5782

التعليقات
#1449240 [كاسـترو عـبدالحـمـيـد]
0.00/5 (0 صوت)

04-23-2016 09:50 PM
عندى ليك الحل يا عمر البشير , بس تبقى راجل وتنفذه . استدعى كل الرأسمالية عفوا : الحرامية االذين نهبوا البلد بواسطتكم وانت خير من يعرفها وأول المدعويين لازم يكونوا اخوانك ونسابتك واقربائك وما تنسى " زوجتك الثانية " وداد , اصل الأولى بنت عمك امرأة غلبانة وعلى نياتها وشريفة وما عندها التكتح . واعمل ليهم غذاء فى القصر وبعد ما يملوا كروشهم ويشربوا الشاى . قول ليهم يا جماعة الخير انا ما قصرت معاكم وتركت ليكم البلد تنهبوا فيها زى ما عايزين وما فى زول سألكم . وانا زعلان منكم شديد لأنكم ما استثمرتم اموالكم فى السودان علشان البلد تتقدم . والآن يا جماعة الخير البلد غرقت وما فيها اى دولارات وخلاص كلها كم اسبوع وتنتهى وتبرك فى الواطة . علشان كده انا اجتمعت بيكم علشان تحلونى من الورطة دى وانا والله ما براى اللى حاقع , كلكم حا تقعوا معاى اذا ما ساعدتمونى . انا طالب منكم طلب بسيط وهو كل واحد فيكم يرجع انشاءالله نصف ثروته الموجودة فى الخارج علشان يستثمرها فى الداخل وتنعشوا الأقتصاد وانا بوعدكم اى قطعة ارض أو عمارة مملوكة للدولة أو شارع أو ميدان أو مشروع زراعى الخ ... سوف ابيعوا ليكم . المهم الآن تنقذوا البلد وتنقذونى والا ..... ما تلوموا الا انفسكم وانا اهو نصحتكم .

[كاسـترو عـبدالحـمـيـد]

ردود على كاسـترو عـبدالحـمـيـد
[ABORAFAT] 04-24-2016 09:22 AM
يا سلام عليك ياكاسترو نعم المشورة والنصيحة الغالية للاخ الرئيس البشير ويا ليت يعمل بيها


#1449176 [حموري]
4.00/5 (1 صوت)

04-23-2016 07:37 PM
انت اولا جيب ال 9 الطويلة من بنوك برة --و كلم الجماعة ناس ابو الجاز و قوش و المتعافي و السنيوريتا وداد و ربيع و نافع و ود عطا و اسامة عبد الله و والي الخرطوم السابق و الحالي و بقية الرهط الفاسد و كلهم معروفين و مرصودين و قول ليهم رجعوا الاموال المنهوبة لانو في موت و في عذاب قبر و في قيامة و قبل دا كلو في انطفاضة قربت تب و يمكن تحصل فيها حاجات مش كويسة عشان الناس زعلانين منكم شديد ---
ناس بيوت الاشباح و الامن الشعبي ديل نظامهم براهو لمن شاف و لا من سمع و حا يسافروا سفر بعيد و بدون رجعة -- ( تحسبو لعب و كضب ) --- ارجو الله في الكريبة -
كتمت جد جد --

[حموري]

#1449127 [عبوده السر]
5.00/5 (1 صوت)

04-23-2016 05:46 PM
والله يابشه الا وداد ترجع مليارات الدولارات النهبتا بعلمك وبموافقتك
نظير سكوتا علي فحولتك المضروبه يالتخ..!!!!!!!

[عبوده السر]

ردود على عبوده السر
[عبدالواحد المستغرب اشد الإستغراب!!] 04-23-2016 09:38 PM
وانت الصادق البشير ترك الحبل على القارب لوداد وتبنى أبناء الهالك إبراهيم شمس الدين مقابل سكوتها على جريمة إغتيال زوجها وجاتا في جرح كما يقولون والأولاد ديل المفروض بعد السنين دى يكونوا بلغوا الحلم و بيسآلوا عن لغز مقتل والدهم!! وما داير إتكلم عن مصعب الزبير محمد صالح لان نافع سخطو عديل ودبسو في بتو ولما حاول يفرفر لطشوه بقصر ولا في الاحلام وبى كده وداد طلعت رخيصه رخص التراب وكذلك الأبناء وياريت واحد متواصل مع آسرة إبراهيم شمس الدين يدينا آخبار ابوه وامو إذا مازالا على قيد الحياة وكذلك ياريت آخبار زوجة الزبير محمد صالح احوالا كيف قاعده تذكر رفيق الدرب ولا بقت في (البلالا) وربما لقو ليها رقيب ولا عريف ودخل عليها على سنة الله ورسوله!! مش البشير برر زواجو من وداد وقال لعمو (الحركه الإسلامية قررت تزوج ارامل الشهداء!!) المصدر فاطمه خالد احمد البشير الزوجه الأولى لعمر حسن احمد البشير مع وقف التنفيذ


#1449094 [خالد عمر]
5.00/5 (2 صوت)

04-23-2016 03:09 PM
اول حاجة يا بشة جيب التسعة مليارات السرقتها و نشروا خبرها ناس ويكيلكس يا حرامي ...

[خالد عمر]

#1449087 [إبن السودان البار *****]
5.00/5 (1 صوت)

04-23-2016 02:49 PM
بوكاسا السودان يوجه بتوفير النقد الأجنبي بكثرة وكذلك توفيره لشراء لوازم رمضان من قمردين وتين وزبيب ؟؟؟ أصله هو ووداد ما بيتحملوا الصيام بدون هذه الطيبات ؟؟؟

[إبن السودان البار *****]

#1449085 [نور]
5.00/5 (1 صوت)

04-23-2016 02:43 PM
الحكومة شكلها بتمتحن في من بقي حيا من المواطنين هل مازال فيهم بفيه عقل يميزوا به بين البله والتبله ام وصلوا مرحلة البلاهة التي هي هدف المشروع الحضاري للحركة الاسلامية ..

[نور]

#1449084 [التلب]
5.00/5 (1 صوت)

04-23-2016 02:43 PM
الرئيس المصرى عبد الفتاح السيسى عندما فاز برئاسة مصر تبرع بنصف مرتبه للخزينه العامه وحتى لديه ورثه من ابيه تبرع بنصف دخلها وقال ده كتير ..!! انت جيت بإنقلاب عسكرى يعنى زول انتخبك مافى وجئت من اسره فقيره حتى ورثه من ابيك ماعندك وكونت انت واخوانك واهلك ثروة كبيره جدا تملكون مئات الشركات العامله فى السودان وبعضها لها امتدادات مع الخارج وانت حسب تسريبات ويليكس وهى ذات مصداقيه قالت ان لديك حسابات فى بنوك خارجيه بمليارات الدوﻻرات .. واﻵن انت بسياسانك البلهاء واختياراتك ﻻشخاص ﻻاخلاق لهم وديتو البلد فى ستين داهيه ولو جبت اجعص بيوت خبره فى العالم لكيما يحسبوا نسبة التدهور الذى حصل للعمله الوطنيهلما توصلوا الى نتيجه صحيحه .. !! فاذا كنت فعلا تريد للجنيه الشودانى ان يتعافى فأبدأ بنفسك واخوانك وكل الطاقم الفاسد الذى يحكم وترجعوا - ﻻ اقول كل مانهبتموه - بل جزء منه .. او اسكت ﻷننا والله لسنا اضينه حتى تسرقنا ثم تكلمنا عن شئ انت تعلم قبل غيرك أنه مسنحيل ..!!

[التلب]

#1449052 [كاســترو عـبدالحـمـيـد]
2.50/5 (3 صوت)

04-23-2016 01:21 PM
من وين يا حسرة نوفر العملة الصعبة ؟ هى اصلا موجودة ورفضنا نوفرها ؟ الحاكم الذى يعدل فى حكمه , هو من يعرف ويتفقد احواله . كان سيدنا عمر بن الخطاب يخرج ليلا ويتفد احوال الرعية يوميا قبل ان ينام نظالبك بأن تقرأ الصحف فقط ولا تعتمد على يطانة السوء التى تحيط بك , وعندها سوف تعرف اذا كان فى عملة صعبة ولا لا .

[كاســترو عـبدالحـمـيـد]

ردود على كاســترو عـبدالحـمـيـد
[خالد ابوالحرم] 04-23-2016 03:04 PM
سلام عليكم
البشير يوجه يوجه انا داير اعرف هو دورا شنو فى الغزاره دي اللهم الا يكون دوروا ارقص بعدين نقد اجنبي من وين والسودان منفض اول باول ماليزيا

European Union [قرعم] 04-23-2016 02:24 PM
يا كاسترو هو والله أسوأ من بطانة السؤ



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة