الأخبار
أخبار إقليمية
البشير يوجه السفراء الجدد باستقطاب الاستثمارات الأجنبية
البشير يوجه السفراء الجدد باستقطاب الاستثمارات الأجنبية
البشير يوجه السفراء الجدد باستقطاب الاستثمارات الأجنبية


04-26-2016 04:00 PM

الخرطوم: محمد جادين

ودع الرئيس عمر البشير أمس سفراء السودان الجدد لدى سويسرا، اليمن، إيرلندا، سلطنة عمان، قطر، لبنان، وجيبوتي،والنرويج ووجه الخارجية بتقديم الدعم اللازم لهم حتى يتمكنوا من أداء مهامهم.

وقال وزير الخارجية البروفيسور إبراهيم غندور في تصريحات صحفية بالقصر الرئاسي عقب وداع البشير للسفراء السودانيين ، إن الرئيس وجه بتمكين السفراء وتقديم الدعم اللازم لهم، مُشيراً إلى أن السودان له علاقات متميزه مع الدول المُبتعثين إليها.

وأوضح أن البشير أوصى السفراء بتطوير العلاقات الخارجية مع هذه البلدان والترويج للإمكانيات الاستثمارية للبلاد خاصة في مجالي الزراعة والتصنيع الزراعي، لافتاً إلى أن الرئيس جدد ثقته في الدبلوماسية السودانية والأدوار التي تلعبها، رغم ظروف الحصار والعدوان أحياناً.

من جهته قال سفير السودان الجديد لدى إيرلندا، عبد الله الأزرق في تصريحات صحفية أمس، إنهم استمعوا لتوجيهات الرئيس بشأن تطوير علاقات السودان ودفعها للأمام. وتابع: "سنبذ ل قصارى جهودنا وبخبرتنا سنعمل على استقطاب الاستثمارات الأجنبية للبلاد".

يذكر أن كشف السفراء الجدد شمل الدكتور مصطفى عثمان اسماعيل إلى سويسرا وعبد الله الازرق إلى إيرلندا، وعلي الصادق الناطق الحالي باسم وزارة الخارجية إلى لبنان، السفير والفريق محمد أحمد مصطفي الدابي إلي اليمن، و أحمد صديق أحمد عبد الحي إلى سلطنة عمان، و فتح الرحمن علي محمد إلى قطر، وحمزة الأمين أحمد باعو إلى جيبوتي، و أحلام عبد الجليل أبو زيد إلى النرويج.

الصيحة


تعليقات 10 | إهداء 0 | زيارات 4413

التعليقات
#1451380 [ود النيل]
0.00/5 (0 صوت)

04-27-2016 11:33 AM
خليهم اعملوا بقالة في كل سفارة وعينوا عليها كوز دا احسن شيء وتملوها ذرة وقطن ، وسمسم ، وطلح ، وصمغ عربي ، وكروم ، وشوية تراب دهب ، وسنمكة ودخن ، وقرض ، وجلود واشياء أخرى .

افضل طريقة لجلب الاستثمارات للسودان

بعدين من الذي جناه اهل السودان من كل استثمار تم جلبه للسودان غير جرا علينا الغلاء والفساد لم نجن أي شيء منها سوى نسمع باستثمارات فقط ،


اترك الهرطقة دي يا بشير واعلم ان السودان غني بموارده ولكن ليس به إدارة فاعلة ادارتكم للبلد فاشلة والدليل قدامك فساد وجوع وفقر وغلاء ومرض وموت .

[ود النيل]

#1451254 [ود الزوومة]
0.00/5 (0 صوت)

04-27-2016 08:53 AM
. استثمار قال يادوب ...قروش الانبراشة ااسعودية خلصت ولاشنو ..نحن زماااان مش قلنا ناكل ممانزرع ..

[ود الزوومة]

#1451232 [بادي]
0.00/5 (0 صوت)

04-27-2016 08:35 AM
دولة ااسمسرة .. جيبوا الشغل وبنديكم حقكم ... طيب وزير الاستثمار شغلو شنو .. هههههههه
الزنقة حصلت والفهم كمل وطغت العشوائية على المنطق .. دارفور خالية من التمرد هعهعهعهع ... االاقتصاد اتعافى والدولار ماراح يزيد عن 3 جنيه هههههعهعهع . ذكرتني جرذان ... قاعدة .... اضربوهم ... واخيرا الفار الكبير قبضوه في المجاري

[بادي]

#1451134 [عيسي دولار]
5.00/5 (1 صوت)

04-27-2016 01:45 AM
خمو--- هاتو---- هاتو دولارات وأسترلينات وريالات وحتي ليرات لبنانيات علشان أخوانكم في الداخل يقدروا يحولو تحويشة وخمة العمر الي الخارج حتي يستثمروها في الخارج للدنيا والزمان ------ يلا أسرعو وورونا شطارتكم وكلو بي تمنو!!!!!!!

[عيسي دولار]

#1451119 [كعكول في مرق عنقريب]
5.00/5 (1 صوت)

04-27-2016 12:51 AM
إستقطاب دي "كود" جديد للشحدة والتسول في عواصم العالم ولا شنو؟
وللا هي كلمة جديدة في قاموس الدبلوماسية السودانية المغندرة؟

زمان في وادي سيدنا وحنتوب وطقت لما كان في الثانوي معامل وكان تدريس الكيمياء والفيزياء يتم من خلال التجارب العملية أمام الطلاب درسونا عملية ال ELECTROLYSIS في طلي المعادن باستعمال التحليل الكهربائي والتجربة عبارة عن توفير محلول حمضي خفيف يغمس فيه قطبان أحدهما معدن خسيس كالحديد مطلوب طليه بآخر أنفس أو ألمع أو مانع للصدأفتنتقل طبقة رفيعة منه على المعدن الخسيس نحصل على الطلية المطلوبة.

هل هذا هو الإستقطاب الذي يطلبه الرئيس؟؟
إذا كان كده أنا أقترح قبل ما السفير يدخل البنيو يزود المحلول شوية من موية البطارية قبل ما يكبس زر الكهرباء عشان عملية الاإستقطاب تمشي تمام.

[كعكول في مرق عنقريب]

#1451096 [عبدالواحد المستغرب اشد الإستغراب!!]
0.00/5 (0 صوت)

04-26-2016 11:17 PM
يا اخوانا عبد الله الأزرق ده مش صاحب مقولة(البعر يدل على البعير) القالا في قناة البى بى سى بمناسبة قصف إسرائيل لمستودع اليرموك التابعه لحركة حماس؟!! هو ده اول كان فلح في جذب المستثمرين الانجليز عشان يودوه إيرلندا ونصيحتى لطبيب الاسنان الفاشل اوعك تمشى تفضحنا في سويسرا وتقول علينا شحاديي نحن الحمد لله في ظل نظام الإنقاذ وبشهادة رئيسك يا ما آكلنا الهوت بيرغر والبيتزا والكسره حولنانها (لتوشز) مناديل نمسح بيها خشمنا ونتمخط فيها عند الضروره والقراصه نسوانا حولتا لبامبرز!! و مافى داعى تسمع توجيهاته لان كل شى تمام وعال العال والشعب كلو شغال ومافى زول خريج بيقعد لتانى يوم بعد التخرج بدليل النظام ما لقى زول فاضى فعين وزير الخارجيه السابق سفيرا لبلاده في دوله ما بتربطنا بيها اى شيء يتعلق بالاستثمار وبالعكس نحن البندعمهم بالمصطافين وبننعش السياحه في بلادهم الساحره الجميله وبنضخ القروش العندنا بالهبل عندهم كل ما يقول الصيف انا شرفت!! ده خلاف القروش الفايضه البنودعا في بنوكهم بالخوف من العين والحسد ده غير البنوك السويسريه هي الحديقه الخلفيه للبنوك السودانيه اى هي مستودع الأموال المهربه وطشت الغسيل لفئه نشاذ بينتموا لبلادنا الله يسامحهم!!.

[عبدالواحد المستغرب اشد الإستغراب!!]

#1451008 [ahamazole]
0.00/5 (0 صوت)

04-26-2016 06:58 PM
ما قلتو لينا بعد ما قسم ليهم القرع اتفق معاهم عل على كم بنسبة ولا مناصفة؟

[ahamazole]

#1450984 [الفرعون]
0.00/5 (0 صوت)

04-26-2016 06:10 PM
هم عارفين الامور بتمشى كيف عندكم ... ما تتعبوا روحكم
او تبدوها من الاول سمسرة مش استثمار

[الفرعون]

#1450936 [ابو الخليفة]
5.00/5 (1 صوت)

04-26-2016 04:47 PM
اي سفير ما ينسي القرعة بتاعتو .. ياخ موديهم سفره ولا شحاديين .. السفير الازرق بنات ايرلندا حلوات ما تمشي تعمله لينا كلها شعر غزل الناها جبت خبره الخشت فيها لي هسه ما طلعت .

[ابو الخليفة]

#1450913 [الهلال هلا]
0.00/5 (0 صوت)

04-26-2016 04:23 PM
البشير يوجه السفراء الجدد باستقطاب الاستثمارات الأجنبية!!!!!!

عووووك البشير فلس.

[الهلال هلا]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة