الأخبار
أخبار إقليمية
الدبلوماسية السودانية : سنرد على أمريكا بالمثل ونمنع تأشيرات المسؤولين
الدبلوماسية السودانية : سنرد على أمريكا بالمثل ونمنع تأشيرات المسؤولين
الدبلوماسية السودانية :  سنرد على أمريكا بالمثل ونمنع تأشيرات المسؤولين


لدينا تقديراتنا وسنختار من يدخل ونسمح لمن نرى أنه ذو فائدة للسودان
04-27-2016 11:57 PM
قالت الحكومة السودانية، الأربعاء، إنها ستتعامل بالمثل مع الولايات المتحدة الأمريكية في منع منح التأشيرات للمسؤولين الأمريكيين، وانتهاج الانتقائية كما فعلت واشنطن مع عدد من كبار المسؤولين السودانيين، الذين تلقوا دعوات للمشاركة في فعاليات أممية بنيويورك وواشنطن.

وقال وزير الدولة بالخارجية السودانية، كمال الدين إسماعيل، للصحافيين، إن حكومته تعتزم التعامل بالمثل مع أي دولة، أياً كانت. مضيفاً "سنرد على الولايات المتحدة الأمريكية، إذا تم رفض وتأخير مسؤول لنا سنرفض ونؤخر لهم مسؤول".

وتابع الوزير طبقاً لموقع "سودان تربيون" الإخباري "نحن أيضاً لدينا تقديراتنا وسنختار من يدخل ونسمح لمن نرى أنه ذو فائدة للسودان".

واتهم إسماعيل واشنطن بالانتقائية في التعامل حيال منح التأشيرات، وقال إنها تختار باصطفاء من يدخل ومن لايدخل.

ورداً على الأثر الذي ستخلِّفه أزمة التأشيرات على العلاقات بين البلدين، قال الوزير"إذا كان هناك شخص يريد زيارتك في المنزل ورفضت دخوله، ألا يؤثر ذلك على علاقتك به".

ورفضت أمريكا منح تأشيرة دخول لوزير الداخلية السوداني، للمشاركة في الدورة الاستثنائية للجمعية العامة للأمم المتحدة بنيويورك .

واستدعت وزارة الخارجية، الثلاثاء، القائم بأعمال السفارة الأمريكية لدى الخرطوم، وأبلغته استياء الحكومة من تأخير أوعدم منح أذونات دخول للمسؤولين الذين تصلهم دعوات من الأمم المتحدة والبنك الدولي وغيرهما من المؤسسات الدولية، وطلبت منه تقديم إيضاحات حيال سلوك بلاده.


شبكة الشروق


تعليقات 20 | إهداء 0 | زيارات 4269

التعليقات
#1452811 [جدو]
0.00/5 (0 صوت)

04-29-2016 08:27 PM
ارجو من وزاره الخارجيه أن تتخذ نفس القرأر من دولا للأسف عربية ترفض منح السودانين تأشيرات وبشده الدول هي تونس الأردن ليبيا المغرب تلك الدول رفضت كثيرا منح السودانين تأشيرات ارجوكم أن تمنوا تأشيرات لك الدول بينما الأردني والمغربي والليبي وتونسي يحصل علي تاشيره بكل يسر بينما التاشيره ممنوع علي السودانين اتقوا الله في المواطن

[جدو]

#1452750 [الراجل]
0.00/5 (0 صوت)

04-29-2016 06:16 PM
تمعن الصورة .اسد افريقيا مرفوع الرأس شامخ ينظر الى المستقبل فى الفضأأت البعيده والرئيس اوباما خانع زليل مطأطى الراس مهذوم مكسور الجناح .هيع عفيت منك اللخو .بس اوعك قلبك يلين وتحت تحت يحنسك اوباما وتديه تاشيرة دخول لو كسر رقبتو وقول ليه الامريكان ليكم تسلحنا

[الراجل]

#1452306 [على على]
0.00/5 (0 صوت)

04-28-2016 05:53 PM
لاول مرة أويد حكومة الاخوان المسيلمين فى الرد على امريكا بالتعامل بالمثل يأخ زى ما هم ما بجوكم ما تمشو ليهم انتو برضو عندكم مقر لمنظمات دولية زى منظمة الاحزاب الافريقية اى ود غلفاء يقول داير يجيها دى بى طينة والتانية بى طينة برضوا وبكرة امريكا تحتجا لى سفارتنا وتدور الاغاثة مننا
فليعد للكوز دينه او فلترق كل المياه واولا مياه وجه اخوان مسيلمة
انتو هبل مثل شنو الا مثليتكم الورثكم ليها ود النحلان

[على على]

#1452302 [سيف الدين الجميلى]
0.00/5 (0 صوت)

04-28-2016 05:51 PM
دى ذكرتنى قول رئيس محليه بالقلابات..(محلية باندغيو تحزر امريكا للمرة الاخيرة))

[سيف الدين الجميلى]

#1452225 [حاجي تشقند]
0.00/5 (0 صوت)

04-28-2016 03:39 PM
نحن كامريكان سودانيين قد نكون المعنيين والا ماذا؟

[حاجي تشقند]

#1452182 [حسنين]
0.00/5 (0 صوت)

04-28-2016 02:19 PM
أليس هذا هو نفس الشخص الذي وصف السفير الامريكي السابق بالغباء .. عشان قال ليهم نفذوا مطالبنا وبعدين نتحدث عن تطبيع العلاقات .. سبحان الله لغة جديدة في الدبلوماسية لم نسمع بها من قبل وزير يشتم سفير اجنبي .. قال نتعامل معاهم بالمثل قال .. شئ مضحك وشر البلية ما يضحك .. يا سيدي اتكلم قدر حجمك دا اذا كنت عندك حجم اصلاً.

[حسنين]

#1452134 [المعذبون في الارض]
0.00/5 (0 صوت)

04-28-2016 01:37 PM
أمريكا منعهم لإنهم ماشين بتفسحوا من مال الشعب

[المعذبون في الارض]

#1452044 [سوداني]
1.00/5 (1 صوت)

04-28-2016 11:29 AM
قالت الحكومة السودانية، الأربعاء، إنها ستتعامل بالمثل مع الولايات المتحدة الأمريكية في منع منح التأشيرات للمسؤولين الأمريكيين

كذابين ... كذابين ... كذابين ... كذابين .... كذابين ... كذابين ...
كذابين ... كذابين ... كذابين ... كذابين .... كذابين ... كذابين ...
كذابين ... كذابين ... كذابين ... كذابين .... كذابين ... كذابين ...
كذابين ... كذابين ... كذابين ... كذابين .... كذابين ... كذابين ...
كذابين ... كذابين ... كذابين ... كذابين .... كذابين ... كذابين ...

لن تقدروا على تنفيذ هذه الخطوه ... لماذا ؟؟؟؟؟؟؟؟؟؟؟؟ لأنكم أنصاف رجال ..........

أنتم أيها المتأسلمين ........ 27 سنة منبطحين لأسيادكم الامريكان (ورونا ) اذا كان فيكم رجال بنسبة 75% وما أظن ذلك...

[سوداني]

#1452040 [Diplomat]
3.00/5 (2 صوت)

04-28-2016 11:22 AM
ها، إنتو عورا ولا شنو؟ هو إنتو ذاتكم قايلين في مسؤل أمريكي بجيكم؟ تعامل بالمثل شنو يا كضابين، والله إلا كان ترسلو ليهم وفد من المثليين (زي أم الحسن نقطة نظام) بتاعنكم عشان يتعاملوا مع مثليين وبرضو حتطلعو خسرانين مع زنوج بروكلين وهارلم. لو أصلو عندكم القدرة تتعاملو معاهم بالندية ليه ما رسلتو صواريخكم وضربتو ليهم مصنع أدوية ذي ما ضربو مصنع الشفا. أو مثلا كان ممكن تمنعوا الدبلوماسيين الأمريكيين ما يسافرو أكتر من خمسين كيلو برا الخرطوم ذي ما هم بعملو لي دبلوماسيينكم في واشنطن. ولا كان ترسلو بارجة تضرب البارجه الأمريكيه باراكودا اللافه جنب سواكن وتكتل في الصيادين كل مره. أو أقول ليكم إقتراح... ما تسحبو تريليوناتكم من البنوك الأمريكية عشان تعملو عليهم حصار إقتصادي ولا لو دي شوية صعبه حركو قضاتكم في المحكمة الجنائية الدولية خليهم يعملو قضية لدونالد ترمب قبال يجي أصلو عوير متل بشيركم دا ولو حصل لحق جاكم حيوريكم نجوم القايله وجد جد كدا يلحقكم أمات طه. مدو لسانكم قدر خشمكم يا دلاهات...

[Diplomat]

#1452035 [محمدوردي محمدالامين]
3.00/5 (2 صوت)

04-28-2016 11:10 AM
ههههههههههاي خلاص امريكا حتجوع وتعطش لما انتو تمنعوا منهم التاشيرات ياكيزان يا دجالين ؛ تاشيراتهم تعني ليكم الكثير ,علي الاقل فرصه ليكم تنهبوا بيها ماتبقي من مال الشعب تحت بنود التذاكر والنثريات والفنادق وتهريب دولار وكل انواع الفساد المقنن
المدقمس ؛ موووووتوووو بغيظكم مافي تاشيرات امريكيه وان شاء الله باقي العالم يحظركم

[محمدوردي محمدالامين]

#1451945 [mustofaaliahmad]
1.00/5 (1 صوت)

04-28-2016 09:27 AM
هههههههههههههههههااي

[mustofaaliahmad]

#1451942 [ودأبرك]
1.00/5 (1 صوت)

04-28-2016 09:26 AM
كذابين ... ولست أنتم أهل ( للضكرنة ) ، والنفخة ... وعلى مر فترة حكمكم ... كنا شاهديين على إنبطاحكم .. وحنث بقسمكم ، أمام كل الجماهير السودانية ... انتم حثالة من المجرمين ، جهلاء ، عديمى الضمير ، دمرتم كل جميل فى هذا الوطن ، حتى الانسان السودانى... تم نسخة ، وسلخة ... عن ماضية...

[ودأبرك]

#1451927 [صوت الشعـب السـودانى]
3.00/5 (2 صوت)

04-28-2016 09:10 AM
على اميركا التحرك الآن ضد النظام بكل فعالية . واذا كانت امريكا صادقة وترغب فى صداقة الشعب السودانى وان يكون حليفا لها , فعليها ان تشدد العقوبات عليه وعلى افراده وان تقف له بالمرصاد فى كل المحافل الدولية وان تساعد العدالة فى القبض على المجرم البشير لتسليمه للمحكمة فى لاهاى , وهى بذلك تكون بجانب الشعب وسوف لن ينسى لها الشعب السودانى هذا الجميل .

[صوت الشعـب السـودانى]

#1451901 [أبو محمد الأصلي]
1.00/5 (1 صوت)

04-28-2016 08:37 AM
يلا يا عمك بارك أوباما ، غير الزيوت والمصافي ل F16 و F22 تجهيزا لرحلة فوق طيات السحاب ، وأسحب لينا الكيزان ديل من دقونهم على قوانتنامو، عشان يكون عندهم وقت فراغ كبير للعب البصرة والوست والحريق ، حريقة تاخدهم كلهم من أصغرهم لأكبرهم . أسوأ نظام حكم مر على العالم كله .

[أبو محمد الأصلي]

#1451880 [م. خوجلى]
3.00/5 (2 صوت)

04-28-2016 08:23 AM
لا يوجد عداء بين امريكا والسودان . كل السوء فيكم ايها الكيزان الذين افسدتم حياة السودانيين وتاريخهم . لعنة الله عليكم ايها الجبناء

[م. خوجلى]

#1451877 [ABORAFAT]
3.00/5 (2 صوت)

04-28-2016 08:21 AM
27 عاما ياحكومة البشير علاقلتكم بالدول الكبري امريكا واوروبا وكثير من الدول العربية غير مرحب بها ابحثو عن الاجابة وماهو الحل لتكونو مرحب بكم ؟؟؟؟؟؟
حكومة رعناء فاشلة مبغوضة ومكروهه داخليا وحارجيا - السيد البشير تحتاج ثورة وانقلاب جديد علي شرزمتك الضارة لتدرك ما يمكن ادراكه

[ABORAFAT]

#1451869 [kurbaj]
3.00/5 (2 صوت)

04-28-2016 08:15 AM
نرجو نقل مقر الامم المتحدة والمؤسسات الاخرى الى السودان وذلك حتى ياتي اليكم الامريكان وغيرهم صاغرين ..؟؟

[kurbaj]

#1451766 [ahamazole]
1.00/5 (1 صوت)

04-28-2016 12:39 AM
تمام تمام تمام كداا الحسم وللا بلاش
مساكين الامريكان هسا ييلقو ليهم بلد يسافرولليهومن وين و ههسا كروتا بتاع الكرتا بسوي في شنو في امريكا يكون بلم في الكرتا ولا شنو.

[ahamazole]

#1451765 [ahamazole]
3.00/5 (2 صوت)

04-28-2016 12:39 AM
تمام تمام تمام كداا الحسم وللا بلاش
مساكين الامريكان هسا ييلقو ليهم بلد يسافرولليهومن وين و ههسا كروتا بتاع الكرتا بسوي في شنو في امريكا يكون بلم في الكرتا ولا شنو.

[ahamazole]

ردود على ahamazole
European Union [واحد من أياهم] 04-28-2016 05:25 AM
يبدو ان الأمريكان ما عايزين يفهموا انه الحكومة بتاعة أولاد وبنات العرب ما يدوهم فيزا و عوضية كوكو تتفاصح مع كيري و تاكل الكول فى واشنطون واللّه مسخرة! خلاص دنا عذابكم !!!!


#1451756 [Truth]
3.00/5 (2 صوت)

04-28-2016 12:15 AM
بكرا نشوف و الموية تكضب الغطاس

[Truth]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة