الأخبار
أخبار إقليمية
برلمان البشير : إجراءات الدولة لتخفيض سعر النقد الأجنبي «مسكنات»
برلمان البشير : إجراءات الدولة لتخفيض سعر النقد الأجنبي «مسكنات»
برلمان البشير : إجراءات الدولة لتخفيض سعر النقد الأجنبي «مسكنات»


الدولة تتجه لإلزام البنك المركزي بشراء موارد المغتربين بأسعار مجزية
05-01-2016 10:07 PM

البرلمان: هبة عبيد أقرَّت لجنة الشؤون الاقتصادية بالبرلمان بأن الإجراءات الإدارية التي اتخذتها الدولة لتخفيض سعر النقد الأجنبي مقابل العملة المحلية عبارة عن «مسكنات»، وأكدت أنها ليست الحل النهائي لمعالجة الأمر، وفيما كشف رئيس اللجنة أحمد المجذوب عن اتجاه الدولة لاتخاذ إجراءات جديدة بإلزام البنك المركزي بشراء المنتج من الذهب وموارد المغتربين بأسعار مجزية للمساهمة في استقرار سعر الصرف، قال: «إذا قررت الدولة أية سياسات المركزي ما عنده خيارات»، وأكد المجذوب في تصريحات أن الإجراءات ستوفر 50% من الاحتياجات النقدية وستعمل على تجاوز التحديات في أجل قصير.
وشدد على ضرورة مراجعة الموازنة الخاصة بالواردات والاستثمارات، وأكد أن أي تعدد لسعر الصرف منهج غير صحيح، وقال: «دي ظروف اضطرارية دفعت إلى اتخاذ بعض التدابير للمعالجة»، وتوقع المجذوب وصول التقرير ربع السنوي للموازنة العامة إلى البرلمان خلال الشهر الجاري، وشدد على ضرورة تضمين زيادة الغاز في الموازنة لجهة أن الزيادة غيرت بند الدعم الموضوع في الموازنة.

الانتباهة


تعليقات 11 | إهداء 0 | زيارات 9314

التعليقات
#1454373 [رابسو]
0.00/5 (0 صوت)

05-02-2016 03:28 PM
لو عاوزين البلد ديه تستقر ، شوفوا ليكم شبيحة ذي ما عمل الدكتور بشار بتاع سوريا أصتياد كل الكيزان برصاصة في راسو وننتهي منهم ، وبعد داك نقبل علي ناس المؤتمر الوطني وندقشهم بالعربات ونكسر ليهم رجليهم ، بعد داك بيفضل البشير نكتفه ونرسله لمحكمة العدل الدولية ، وبعد داك نشوف أهل البشير الكانو بيلعبو بفلوس السودان لعب خاصة العرس قبل سنة ديه ، نقطع ليهم أصابعينهم ونرميهم مع البهايم وحمام ليهم مافي ويشربوا من موية البهائم ونشوي ليهم القعونجات وياكلوها غصبا عنهم ، ومجمع ود بنقا نخليه داخليات بالمجان لوليداتنا المساكين البقروا في الجامعات ونسيت جامعة مأمون حميدة حنخليها بالمجان وكان فتح خشمه تتذكروا الحرامي القبضوه وختوا ليه الشطة في ... حنختها لمامون حميدة .. وقبل ده كله نجيب طبله ومفتاح ونقفل مطار الحرطوم عشان ما يهربوا نسوان وأولاد المسؤليين بالحكومة .... ووداد بابكر حنرجعها لبيت الجالوص الكانت ساكنه فيه قبل ما يجكسه البشير وحرم كان ما رجعت أموالها بماليزيا ودبي ما تشوف الشارع ، ولسه ياما في ناس حتشوف ...

[رابسو]

#1454342 [عبوده السر]
5.00/5 (1 صوت)

05-02-2016 02:31 PM
يالمغتربين هوووووووووووووووووووووى فتحوا عيونكم شديد

الواطه كلها مركزه علي قروشكم الرئيس الحرامي ووزراؤه وبرلمان
النصفيق وهيئة علماء السلطان والدعاة وأامة المساجد مغتصبي الاطفال
كلهم مركزين علي مدخراتكم رغم انهم مافي حوجتا فخزائنهم وحساباتهم
في ماليزيا ودبي مليانه بقروش البلد النهبوها.

كل التركيز دا سببو انهم دايرينكم تشيلوا الليله وفشلهم براكم دى
كل الحكايه .!!!

ابقوا عشره علي قروشكم مهماكانت كتيره والا شويه وماتدقسو اكله كله
امبارح القريبه دى وزير الماليه الحمار بدر الدين محمود ومحافظ بنك
الغبي والأحمر منو قالو بانهم ضخوا كميات كبيره من الدولارات في الصرافات
لمواجهة طلبات المستوردين والمسافرين والدايرين يسافروا للعلاج او الفسحه
وللطلبه البيقروا برا والليله اللصوص بتوعين البرلمان دايرين قروش المغتربين
عليكم الله دا مش نصب واحتيال ؟

[عبوده السر]

#1454340 [المتجهجه بسبب الانفصال]
5.00/5 (1 صوت)

05-02-2016 02:27 PM
إلزام البنك المركزي بشراء المنتج من الذهب وموارد المغتربين بأسعار مجزية للمساهمة في استقرار سعر الصرف،،


موارد المغتربين هو المغتربين فضلت ليهم موارد ما بين رسوم السفارات والمطارات وجهاز العاملين بالخارج ،،، سموا الاخضر باسمه وهو ايضا شعار المؤتمر الوطني ،، الحكومة بسياساتها سترهق الدولار صعوداً حتى يصحى الناس ويحتاجون لقفة يحملون فيها الجنيهات لشراء صباع معجون وصابونة حمام وبرضوا الامور بالنسبة للمؤتمرجية كلها تمام والاقتصاد مكرب والخارجية ستعامل طالبي التأشيرة الامريكيين بالمثل والله علم ،،

[المتجهجه بسبب الانفصال]

#1454297 [سجل]
5.00/5 (1 صوت)

05-02-2016 01:35 PM
ما تتغشو لو بنك السودان بشتري ب 14.10 اتأكد انو في السوق الموازي بكون من 16 الي 18 المواسير ده ما بمش تاني يا عمك حل الموضوع من جذورو و رجعو المال المنهوب الدولار برجع زي ما كان

[سجل]

#1454215 [الحقيقة]
5.00/5 (1 صوت)

05-02-2016 11:49 AM
ببساطة الكلام معناتا إنو بنك السودان يشترى الدولار من المغتربين بسعر السوق يعنى 14 جنيه و10 قروش حسب سعر اليوم.

يعنى إنت قاعد في مكتبك في الرياض أو دبى ويجيك مندوب بنك السودان ويفاوضك يفتح الله يستر الله وإذا وافقت على السعر المعروض تبيع الفى النصيب.

ملعون أبوكى حكومة.

[الحقيقة]

#1454181 [ابو الليل]
5.00/5 (1 صوت)

05-02-2016 10:37 AM
الكيزان قالو الرووووووووووووووووووووووووووب .... لغير الله لن نركع هههههههههههههههههههههههههههههههههههههههههههههههههههههه

[ابو الليل]

#1454170 [الحضارة]
5.00/5 (1 صوت)

05-02-2016 10:12 AM
يا اخونا انتم بتتحدثوا عن انهيار نظام اقتصادي بالكامل وحكاية مسكنات وكده دي خلاص فات زمنها واسالوه ناس بنك السودان عن تصبيحة عبدالله البشير ومداومته شخصياً ليل نهار فى البنك لسحب الدولار ومن الطرائف التى تحكى داخل بنك السودان يحكى (بأن احدي الحانقين على هذا الوضع امر حرس البوابة بمنع دخول عبدالله البشير الا بعد توضيح الغرض من الزيارة فما كان الاأن اخرج موبايله وتحدث مع المحافظ شخصياً وبعدها جاءت التعليمان لجميع البوابات بالسماح والدخول فى اي وقت ومكان ... وطبعا هو المسؤل الاول عن سحب عائدات الدهب فى الوقت الذى تعاني فيه البلد من نقص الاعتماد للادوية

[الحضارة]

#1454099 [ود النيل]
5.00/5 (1 صوت)

05-02-2016 08:20 AM
يا حكومة غلبتكم عديل ، لو كان دولة وبها وزراء وفيها خبراء مساكين تسيير دولاب البلد بإخلاص وصدق لما ظل السودان من فشل لفشل اقتصادي واجتماعي طيلة سنوات الإنقاذ العجاف ، المغتربين والدهب منذ ظهوره والاستثمارات التي نسمع بها جميعها لم تنقذ البلد من انهياره الاقتصادي المتواصل فهل من مخرج آمن يا بلد ؟

واعلموا اذا وقفت الحروب استقر البلد ؟ فعليكم يا حكومة الفاشلين بالوصول لحكومة ترضي جميع الأطراف مثلما حدث في جنوب السودان وعلى قرار ذلك يجب ان تفكر الحكومة في جلب السلام ولو أدى ذلك بها لحل نفسها وتكوين حكومة قومية تخرج البلد وأهله من ويلات الخراب الذي نراه والغلاء الذي فتك بمعظم اهل السودان واصبح وباء سافر حط على كل بيت سوداني .

فهل من مخرج يا وطن من نحن فيه؟

[ود النيل]

#1454049 [سوداني]
4.50/5 (2 صوت)

05-02-2016 06:08 AM
الدولار ممكن ينزل اذا الجماعة ديل ضخو واحد في المية من حسابات ماليزيا مره واحده وتركوا الشعب يتلاسهوا ورآه إنشاءالله لمدة ثلاثة شهور فقط كل شي ببقي تمام التمام وبعدينك يبدأون في سحبها من السوق شوية شوية الي ان تستقر الأوضاع في البلاد ويعتبروها سحابة طير وعدت بالسلامة وان تكون استراحة محارب لهم جميعا وبذلك يضمنو بقاء حكمهم وسلامة مدخراتهم وأنهم يعرفون كيف يعوضون تلك الاستراحة وبروح وتكتيك جديد لان الإجازة دائماً تجدد الطاقات والأفكار وبعدينك ده والله ماخسارة بل ده ريع ما بعده ريع أهو فكرة واحد مجنون ومهوس فكروا فيها بجديه وهذا ليس لمد ايام حكمكم ولكن الي ان يفعل الله أمرا كان مقدورا فقط رحمة للمخلوقات الفقير الي الله يتمني زوال حكمكم اليوم قبل غدا

[سوداني]

#1453990 [مهاجر في بلاد الله]
0.00/5 (0 صوت)

05-01-2016 11:56 PM
فاقد الشئ لا يعطيه، طيب يارئيس اللجنة الاقتصادية في البرلمان ويا نواب البرلمان عارفين لي جميع الاجراءات التي تمت غير مجدية لوقف تدهور العملة ؟؟؟
الاجابة عارفها القاصي والداني نذكرم بس. السبب الرئيسي هو الفساد ثم الفساد في الوقت الذي يشتكي فيه مستوردي الادوية من عدم توفر النقد الاجنبي انتم في البرلمان تطالبوا باستيراد سيارات لكم تكون جماركها بالاقصاد. بالله في فساد اكثر من كدا؟ الحاجة الثانية ايام كان المرحوم عبد الوهاب عثمان وزير للمالية استطاع ان يثبت سعر الصرف رغم عدم وجود بترول في تلك الفترة فقط لأنه وقف في وجه الفساد وكانت معركته ضد المنظمات للنافذين وقراره بأن تخضع للجمارك والضرائب. المشكلة الرئيسية التي يجب أن تعالج هي ايقاف هذا الفساد بكافة اشكالة منظمات ومسئولين وافراد تابعين للنظام بالاضافة للحكومة طبعا هي السبب الرئيسي وراء انهيار العملة الفساد يتثمل في (الاعفاءات من الجمارك ، تسهيلات الاستيراد ،والتسهيلات البنكية ، ارساء المناقصات .... الخ). اذا في ارادة جادة لوقف انهيار العملة أولا يجب على الحكومة ايقاف الحرب وتحقيق التسوية الشاملة ليتم توجيه هذه المليارات من العملات الصعبة التي توجه للتسليح وتركيز النظام للتنمية. ويجب كذلك أن تكون هناك برنامج اسعافي عاجل (في المدى القصير) وهو توفير النقد الاجنبي للسلع الأساسية وبالسعر الحكومي لسلع الدواء المحروقات الدقيق السكر الزيوت ... الخ. وتوفير النقد الاجنبي للمحتاجين مثل طالبي العلاج بالخارج والطلاب والمسافرين وايقاف استيراد السلع الكمالية المغرقة السوق هذه السلع مغرقة السوق صحيح أن هناك قطاع خاص يعمل في هذه السلع ولكن يجب تغليب المصلحة العامة على الخاصة، بعد أن يكون لديك انتاج للصادر يوفر عملات صعبة ويعمل فائض في ميزان المدفوعات وبعدها استقرار سعر الصرف افتح الاستيراد ولكن في مثل هذه الظروف السماح باستيراد سلع كمالية وبالتالي الطلب العالي على النقد الاجنبي يكون انو الناس ماعايشة واقعها.

[مهاجر في بلاد الله]

#1453984 [QUICKLY]
5.00/5 (2 صوت)

05-01-2016 11:11 PM
اسعار مجزية شنو هو شوالات بصل ولا فحم ؟؟
الدولار في السوق الاسود14 الف تدونا نفس السعر ولا يفتح الله
وانتهى البيان !

[QUICKLY]

ردود على QUICKLY
European Union [ابو ميرال] 05-02-2016 10:24 AM
يازول لو ادونا 15 دولار مانبيع للكيزان نحنا في مخاض ثوره الناس ضحت بالارواح اقل حاجه نقدمها نحن معشر المهاجرين عنوه نمسك فلوسنا منهم بس ماعايزين نثق في أي كوز لانهم دينهمالديناروالكذب

[واحد قرفان جدا] 05-02-2016 08:44 AM
نفس السعر شنو ... هو يوميا في زيادة .. طاير طيران ... حمامة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة