الأخبار
أخبار إقليمية
شركة مملوكة لقيادي بارز تعتزم طرد (32) ألف مواطن من قرية بالشمالية
شركة مملوكة لقيادي بارز تعتزم طرد (32) ألف مواطن من قرية بالشمالية
شركة مملوكة لقيادي بارز تعتزم طرد (32) ألف مواطن من قرية بالشمالية


الارض أعطيت له في العام 1946 كمنحة من الاحتلال البريطاني
05-07-2016 12:31 PM
دنقلا: صابر حامد

تعتزم شركة مملوكة لقيادي بارز بأحد الأحزاب السياسية المعارضة تعمل في مجال التعدين بالولاية الشمالية طرد حوالي (32) ألف مواطن ومعدن من قرية (جبل أونتي) بمحلية وادي حلفا يعملون في التعدين التقليدي بالمنطقة، بحجة ملكيتها للأرض منذ العام 1946.

وأكد أحد الأعيان بمحلية حلفا أن الشركة هددت المواطنين بطردهم من قريتهم والمعدنين التقليديين باستخدام القوة العسكرية بقوة اسمتها (الطوفان)، ونوه إلى أن الارض التي يدعي القيادي بحزبه ملكيتها أعطيت له في العام 1946 كمنحة من الاحتلال البريطاني وقتها، مشيراً إلى أنه عندما تم تهجير مواطني حلفا القديمة لبناء السد العالي تم تعويض بعضهم في هذه المنطقة وتعويض مالكها مالياً، وأضاف :" بعد ظهور الذهب بالمنطقة قام القيادي البارز بتحريك المستندات القديمة، وجاء ليتحدث عن ملكيته للأرض ومنع الأهالي من التنقيب في المنطقة بالرغم من أن كل الشركات تعطيهم جزءا من الأرض للتنقيب".

الصيحة


تعليقات 16 | إهداء 0 | زيارات 12486

التعليقات
#1457293 [حسنين]
0.00/5 (0 صوت)

05-08-2016 12:15 PM
هذه عطية من لا يملك لمن لا يستحق ..

[حسنين]

#1457226 [Aola Tah]
0.00/5 (0 صوت)

05-08-2016 09:37 AM
هو السنة دي كان لسه السودان تحت الاحتلال الانجليزي يا راجل للعلم السنة دي كان الرئيس عبود لو قلت عبود يعني بتنبلع شويه كان بس يا سبحان الله عشان كده ما قادر تظبط ليك كذبه مناسبه بالله عليك اخجل وثانيا باي صفه انت ومن انت عشان يعوضوك دا اسمه سرقه عيني يعبنك والله الاختشوا ماتوا يا حرامي

[Aola Tah]

#1457222 [شهنور]
0.00/5 (0 صوت)

05-08-2016 09:32 AM
1 - من هو القيادى ؟
2 - ارى فى الامر سرقة كيزانية ودى دائما طريقتم للفتنة والسرقة .

[شهنور]

#1457187 [محمدوردي محمدالامين]
0.00/5 (0 صوت)

05-08-2016 08:48 AM
شركه مملوكه لقيادي بارز !!!!؟؟؟؟؟
باين عليكم لسا في زمن الخوف والهلع
يا اما تسموا الفاعل والمفعول به
او لا توردوا اخبار مبتوره لا تسوي
احبارها

[محمدوردي محمدالامين]

#1457108 [العركى]
0.00/5 (0 صوت)

05-08-2016 02:36 AM
بعد اكتمال سد النهضة سوف نجد دعم كامل من مصر لكى نتمرد ونطالب بالحقوق مثل الشرق والغرب وهذا موضوع جاهز للتنفيز

[العركى]

ردود على العركى
[ابوجلمبو] 05-08-2016 08:09 AM
كده اول اعرف اكتب تنفيذ وبعيدن امشي اتمرد
والله يا رمة كلامك ده ما يقوله الا متخلف


#1457073 [ودأبرك]
5.00/5 (1 صوت)

05-07-2016 11:42 PM
حتى لو أفترضنا ... أنها ملكك .. وقمت بشراءها ، ناهيك عن إدعاءك بأنها هبة .. من سيادك الانجليز ..، فإن الارض قد أصبحت ملك أهل القرية .. ( بحكم وضع اليد ،) .. وتأصل مصالح الكل على الفرد. طيلة سبعون عاماً .

[ودأبرك]

#1457051 [abuali]
4.83/5 (7 صوت)

05-07-2016 10:31 PM
مبارك الفاضل المهدى شخص ليس له اى مبادى او قيم مثله مثل ابن عمه الصادق المهدى ممكن يتحالفوا مع كل الشياطين لكى يكونوا حكام،الله يقرفكم

[abuali]

ردود على abuali
European Union [Piye] 05-08-2016 08:01 AM
دخل الصادق انه جدهم كان صبي بيصنع المراكب و عندما استولى على السلطة استولى على كل السودان كأن لم تكن شيء و لا فيها ناس لهم حقوق و ممتلكات و بدأ التهجير و المصادرة و الاقصاء فكثر هجروا الى الضفة الأخرى من النيل، ناهيك عن السبي و الاغتيالات و باقي أخلاق الجنجويد و من ثم أصبحت لصانع المراكب ثروة ضخمة و واصل أبناءه خط السير عبدالرحمن في القطن المزروع من قبل البؤساء بغية البركة و الفاضل في تعدين الدهب و ما نال أهل المناطق منهم خير. بؤس في بؤس - ياريت لو الثروة كانت اتعملت بفكرة مفيدة أو اختراع...

European Union [مسمار جحا] 05-08-2016 12:45 AM
يازول انت راميك جمل ؟ مين قال ليك الصادق المهدي ما عندو قيم ّّ
انت بتكبوا سكرانين أم انت من الجداد الالكتروني ؟
هسه دخل الصادق المهدي شنو بالموضوع دا ؟


#1457048 [حلايب وشلاتين واأسوان سودانية]
5.00/5 (4 صوت)

05-07-2016 10:19 PM
والله يبقو رجال ونفتحها حرب اهليه في الشماليه
ليه الغرب والشرق احسن مننا

[حلايب وشلاتين واأسوان سودانية]

ردود على حلايب وشلاتين واأسوان سودانية
[محمدوردي محمدالامين] 05-08-2016 01:20 PM
عفيت منك ؛ هو ده الاسم ولا بلاش
اهلنا زمان قالوا : البلاقيك مشمر
لاقيهو عريان عديل (حلايب وشلاتين واسوانسودانيه)

[محمد علي] 05-08-2016 08:54 AM
اتق الله يامريض داير تخرب بلدك ؟ ماعندك شغله بي غيرك لو كل زول عمل زيك البلد بتقا زي بيت الورثة وهي بقت وانتهت خلي الجهل المالي دماغك ده ؟؟؟ حرب اهلية ؟؟؟


#1457004 [جركان فاضى]
4.38/5 (4 صوت)

05-07-2016 08:00 PM
الارض لايملكها الانجليز...فكيف يمنحونها له...دا عمل زى وعد بلفور...دى فلسطين جديدة

[جركان فاضى]

ردود على جركان فاضى
[جركان فاضى] 05-08-2016 05:55 PM
يا محمد على يا عزيزى تحية طيبة...بيت المال دا من ايام المهدية واوراق الانجليز تلحين بس...اما حال السودانيين فى عهد الانجليز فحدث ولاحرج...كان السودانيين يعانون من القمل والهيم والقوب وقلة اللبس...حتى ان ملايين السودانيين ماتوا بالحمى الراجعة التى سببها القمل...الله يرحم ازهرى رحمة واسعة فهو الذى نشر المدارس والتعليم وكذلك الامام عبدالرحمن المهدى .. هم الذين اخرجوا السودان من الجهل والفقر والمرض

European Union [محمد علي] 05-08-2016 09:50 AM
كيف الكلام ده ؟؟؟ المكاتب الحكومية والسلطة والمعاملات والقضاء وكل شي كان في يد الحكومه البريطانية جميع المعاملات المدنية من سجلات اراضي وغيرو وغيرو وكلها عندها قوانين اسسوها الانجليز طيب نحنا بيوتنا الفي بيت المال القديمه دي ورقه من الابعينات الزمن داك كانت الحكومه البريطانيه هي البتصدر سكوك الملكيه حسب القانون يبقا ده مابيتنا لانو ورقو طلع من حكومه محتلة ؟؟؟؟ كان كلامك ده كدة بيوتكم القديمه واراضيكم كلها يقلعوها منكم لانو اكيد طلعت من سجلات الاراضي ايام الاستعمار وتعال هنا ياخوي اته قايل لو ما الانجليز كان بيكون في تعليم وجامعات والله كان لي يوم الليله الناس تكون حايمه عرايه اته ماعارف حاجة ساي شكلك كان ماعارف اعرف واسال عشان تعرف


#1456998 [فلس]
3.75/5 (3 صوت)

05-07-2016 07:51 PM
عايز ينافس أولاد الميرغني الأجانب ولا هو منهم ياتري!؟

[فلس]

ردود على فلس
European Union [Piye] 05-08-2016 08:03 AM
لا الفئة المناوئة - ال محمد أحمد المدعو بالمهدي و بالتحديد مبارك الفاضل


#1456987 [ظفار]
3.50/5 (3 صوت)

05-07-2016 07:01 PM
70 سنه يا كذاب يا مفترى لا تسأل ولا تنازع ولا تفاوض الا دى الوقت ؟؟

[ظفار]

#1456985 [عارف وفاهم]
3.75/5 (4 صوت)

05-07-2016 06:56 PM
(( أن الارض التي يدعي القيادي بحزبه ملكيتها أعطيت له في العام 1946 كمنحة من الاحتلال البريطاني وقتها،))…….. أدّوه واطة القرية أم 32 ألف شخص “مِنحة”؟ بالله!!! هم الإنجليز ديل كانوا كُلاما للدرجة دي؟ قلت لي حزبه إسمه شنو؟.

[عارف وفاهم]

ردود على عارف وفاهم
[جركان فاضى] 05-07-2016 08:55 PM
اعطوها اياه الانجليز!!!! من لايملك الى من لايستحق...هل الارض ارض الانجليز حتى يمنحوها اياه؟


#1456944 [Observer]
4.00/5 (3 صوت)

05-07-2016 05:06 PM
لندن تنتخب أول عمدة مسلم لها, ديمقراطية وست مينستر في قمة تألقها.

[Observer]

#1456893 [صلاح للي]
3.25/5 (3 صوت)

05-07-2016 02:35 PM
الضمير المقتول
القصه ما قصه
فول وعيش
القصه بس كيف
الناس تعيش
في بلد مليان فساد
ومحكوم بخيش
القصه كيف انك تكون
انسان وما يومات تستغيث
العنصريه
العنجهيه
الصحه والتعليم مفيش
القصه وجعك يا وطن
واطيه بوت وسجانو ديش
ممكن يكون الليله
احسن من امس
قول ليه كيف
تطلع مظاهره من شندي
ما للرغيف
تهتف تقول لا للاباده
يكتب محمد عن كوه
وكل الغلابه
يرسم مثقف في جريده
كيف تغتصب فتيات هناك
وعن الحرابه
سيبو سوريا وحلم غزه
انسو صنعاء وفينا غصه
حاصرو القصر
والبيرقص في المنصه
القصه في الطفل اليتيم
والناس تساكك في الرزق
وكيفن تعيش
القصه زير فوق ليه كوز
ملفوف بخيش

[صلاح للي]

#1456887 [Aola Tah]
4.00/5 (3 صوت)

05-07-2016 02:30 PM
يا كذاب هم هجروا اهالي حلفا انت كيف بيعوضوك في منطقه يتم غمرها يا منافق لغاية هنا وكفي مهترات حلفا القديمه ليست للبيع كفي اتقوا شر الحليم اذا غضب وقال ايه الانجليز عوضوني قال وكل السنيين دي كنت نايم ولقيتها في مكتب النوثيق السوداني ولا في الموضوع ان شكلك انت ليك دور في حرائق النخيل ودا المقابل يا زول هوي ديل هم ما براهم وايا تري انت في السنه دي دورك كان شنوا عشان يعوضوك يعني من يومك خائن بتبيع نفسك والله ما لاقيه لفظ عشان اوصفك بيه يا خائن يا حقير

[Aola Tah]

#1456875 [خالد إبراهيم]
4.75/5 (5 صوت)

05-07-2016 01:58 PM
نصب واحتيال من أجل أن ينعم شخص ذو منصب سابق او حالي في شخصه دون غيره علمن بأن الدين الإسلامي أتانا الإيثار لقوله تعالي ((ويؤثرون علي أنفسهم ولو كان بهم خصاصه ))لاكن هذا زمانك يامهازل فمرحي هذا عهد حكومة السجم هذا عهد حكم القوي علي الضعيف لاكن لو توحد ال32 الف لا قيادي بقدر اقلع منهم أرضهم ولا حكومة فما عليهم إلا بالتوحد في وجه المغتصب

[خالد إبراهيم]

ردود على خالد إبراهيم
[ابو عمر] 05-09-2016 01:05 PM
لكن لكن لكن



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة