الأخبار
أخبار إقليمية
الحكومة ترفض طلبات لأجانب للعمل في المنازل والنظافة
الحكومة ترفض طلبات لأجانب للعمل في المنازل والنظافة
 الحكومة ترفض طلبات لأجانب للعمل في المنازل والنظافة


05-10-2016 03:45 PM
البرلمان : صبري جبور


كشف وزير الدولة بالعمل خالد حسن إبراهيم ،عن رفضهم لطلبات لعمالة أجنبية في المنازل ونظافة الطرق من أجل إتاحة الفرص للعمالة السودانية،وأقر الوزير في جلسة البرلمان أمس بأن المشكلة التي تواجههم تتمثل في دخول العمالة بطرق غير مشروعة. من جانبها قطعت وزيرة التعليم العالي سمية أبوكشوة ،بأن سوق العمل الخارجي يتخطف الخريجين في مجالات الطب والهندسة، ورفضت بشدة ما يثار عن أن مخرجات التعليم العالي لاعلاقة لها باحتياجات سوق العمل. في السياق سخر النائب البرلماني بابكر محمد توم من الوجود الكبير للعمالة الأجنبية بالبلاد، وقال “حتى في الكرة يجيبوا لينا ناس وارغو وكلتشي ليأخذوا دولارات وجنسية سودانية.


اخر لحظة


تعليقات 9 | إهداء 0 | زيارات 9949

التعليقات
#1459312 [على]
0.00/5 (0 صوت)

05-11-2016 06:22 PM
بس الفول الفى الصورة دا الظاهر عليه مدنكل اذا عايزين توفروا الشغل للسودانيين وعدم هجرتهم ما تحسنوا دخلهم ومعيشتهم وحريتهم اذا طبقتوا ذلك مافى زول حايهاجر ومعظم البرة حايجوا راجعين لكن يبدو انه دى احلام ظلوط وحلايب سودانية

[على]

#1459251 [جار سوطو]
0.00/5 (0 صوت)

05-11-2016 04:26 PM
عبودة السر

والله لقد صدقت في كل ما نطقت وواضح أنك تعرف كل خبايا توظيف الحبشيات في السودان والاجرام الذي يمارس جهارا نهارا في سوق العمل السوداني في ظل غياب أقل قدر من الرقابة . بلد جايطة وهايصة وما عندها وجيع وشعب طيب لدرجة السذاجة والعباطة.

[جار سوطو]

#1459164 [المتأمل]
0.00/5 (0 صوت)

05-11-2016 02:02 PM
لا تضيقوا علي الناس بحجة اجانب دعوهم يسترزقوا بالذات الافارقة الضعفاء

[المتأمل]

#1459003 [شروم]
0.00/5 (0 صوت)

05-11-2016 10:08 AM
كمندان كفيت وفيت فى ردك على عديم النخوة دا -واحدة ظروف الحياة جبرتها تشتغل وتتعب ليل نهار عشان تعيش اسرتها ويجى نوع المدعو مالك يشاغل ويتحرش فعلا مستوى دوووون واقول ليهو كم تدين تدان

[شروم]

#1458974 [ابوذر]
0.00/5 (0 صوت)

05-11-2016 09:17 AM
يا اخ كمندان الراجل بيهظر الجاب الرجالة والنخوه شنو في الموضوع

[ابوذر]

#1458949 [عبوده السر]
5.00/5 (1 صوت)

05-11-2016 08:49 AM
لم نسمع ابدا ان حبشيه تقدمت بطلب لوزارة الوزير الكضاب
عشان تشتغل في البيوت

البيوت كلها ملانه حبشيات والسماسره بتوعنهن البشغلوهن برضو
حبش وارقام تلفونات السماسره الاحباش محفوظه في موبايلات النسوان
السودانيات لزوم التحوط في حالة اكتشفت المره السودانيه انو الحبشيه
مابتعرف تشتغل او أن زوجها مركز مع الحبشيه تقوم تتصل تاني بالسمسارى
الحبشي عشان يجي يسوق البت ويجيب معاهو واحده تانيه.

السمسارى الحبشي عرف الشغله وعرف البجنن النسوان السودانيات عشان كده
في كل مره يأتي بحبشيه اسمح من الدايرات يمشوها وياخد عمولته التي وصلت
الي 300 جنيه والحبشيه الماشه لازم تاخد حساب الايام الاشتغلتا وممكن الحكايه
دى تتكرر مرتين كل شهر علما بأنو مافي حبشيه بترضي تشتغل بأقل من 1500 جنيه
الان لو الاسره صغيره اما لو كانت كبيره دا كلام تاني.

والسمسار الحبشي بكون عندو اكثر من 20 حبشيه بشغلهن في البيوت وبيدعي انهن
كلهن اخواته ومره مره يقول ليكا دى زوجتي فشوفوا بيكسب كم والحبشيات بيكسبن
كم وخريج كلية الطب او خريج اى كليه بيكسب كم مع انو سوداني او سودانيه.

والحبشيات البشتغلن في البيوت بقن يتشرطن يعني دايرات مستوى اكل معين (واجدات
مابياكلن فول كله كله ) وغرفة للنوم خاصه واجازه اسبوعيه بمصاريفا غير المرتب

ياوزير الدوله بالعمل ان كنت تدرى فهذه مصيبة وان كنت لاتدرى فالمصيبة اعظم.

(دى رميه من عندى مستخدما فيها طقم الحنك البقولوهوا تجار الدين لأضفاء المسحه
الدينيه المنافقه والمخاتله علي أحاديثهم لخداع الناس )

ياوزير الدوله للعمل ياكضاب منو البجي يقدم ليك طلب من الاجانب عشان يشتغل
عشان اتا ترفضه ؟ لعلك عاوز تورينا انك بتشتغل ومكطع نفسك في الشغل وسط ملفات
وطلبات الاجانب .!!!! والله كضبتك السخيفه دى ماعملتا اشراقه مع انها كانت مشهوره
بالزغاريد والكضب لامن رفدها الدقير من الوزاره .

[عبوده السر]

#1458940 [ماذا غدا]
0.00/5 (0 صوت)

05-11-2016 08:38 AM
ده إنسان مريض نفسيا ي اخي كمندان ،نسأل الله له الشفاء .

[ماذا غدا]

#1458901 [zahgan]
5.00/5 (1 صوت)

05-11-2016 07:22 AM
Sudan needs a lot of cleaning , why do they prevent those who willing the to the job for you for small amounts of money ? we know sudanese would not do these jobs whether at homes or on the streets , because they are full of useless pride that takes them no where

[zahgan]

#1458689 [مالك الحزين]
5.00/5 (1 صوت)

05-10-2016 05:59 PM
أحى أنا ما تخلونانشغل السوريات الزى العسل ديل علييييييكم الله

[مالك الحزين]

ردود على مالك الحزين
[ودالبلد] 05-11-2016 08:37 AM
إحترم نفسك يا .........

[كمندان عمرو علاء] 05-10-2016 11:10 PM
تشغل سوريات ياخايب قال زي العسل قال ي معندك نخوه داير تشغل مره عشان تشاغلا وتقعد طالع وداخل تعاين ليها ياخ استحي على دمك ياخ السودانيين ناس نخوه ورجال الناس الزيك دي طلعو لينا من وين تعليقك يدل على انك انسان خايب وماعندك مروءه ولانخوه تف عليك ياخايب



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة