الأخبار
أخبار إقليمية
الرئاسة : الشعب جرّب الحكومة و(26) عاماً لم تكذب عليه
الرئاسة : الشعب جرّب الحكومة و(26) عاماً لم تكذب عليه
الرئاسة : الشعب جرّب الحكومة و(26) عاماً لم تكذب عليه


05-10-2016 03:51 PM
القضارف : أسامه عبد الماجد


قطع نائب رئيس الجمهورية حسبو محمد عبد الرحمن ، بأنهم عاهدوا الشعب بعدم بيع عقيدته او أرضه وبإستمرار الحكومة في سياسة الإصلاح ، وقال ان الشعب السوداني يعلم صدق الحكومة ، وجربها (26) عاماً ولم تكذب عليه. وكشف عبدالرحمن في لقاء خاص مع مزارعو القضارف أمس عن أناس - لم يحدد هويتهم – قال انهم يريدون تخريب البلاد ، وإمتدح دور المزارعين في تحريك عجلة الإقتصاد وأكد عدم عودة إتحادات المزارعين بالقول : (تاني مافي إتحادات).
وكان عدد من المزارعين ابدوا عدم رضائهم عن السياسية التمويلية وقالوا انها لم تكن مدروسة في الوقت الذي أبدوا سعادتهم بتفقد حسبو لأوضاعهم وأجمعوا على تفويضه لحل قضاياهم.

آخر لحظة


تعليقات 27 | إهداء 0 | زيارات 8024

التعليقات
#1459156 [ودالنيل]
0.00/5 (0 صوت)

05-11-2016 01:45 PM
المثل بقول المليان ما بجلبغ من اللذي سالكم عن صدقكم او كذبكم ولا الفي بطنو حرقص وحيدو برقص؟؟

[ودالنيل]

#1459106 [كروري]
0.00/5 (0 صوت)

05-11-2016 12:41 PM
نشكر إدارة الراكوبة على الصورة المرافقة لهذا الخبر لأنه لا يوجد أبلغ منها في الرد على الخبر.

[كروري]

#1458999 [QUICKLY]
0.00/5 (0 صوت)

05-11-2016 10:04 AM
دا شكلو كان نشال في موقف الحاج يوسف قبل ما يجي الحكومة دي ويبقى نائب رئيس الجمهورية
المهم ... وقت الحساب داك داير ليه علقة مظبووووطة وبعدين يصير التفاهم معاهو

[QUICKLY]

#1458994 [الجبلابي]
0.00/5 (0 صوت)

05-11-2016 09:53 AM
حسب المعلومة العندي بيقول حسبو فيه ... حاجة غير طبيعية بتاع رقيص وجلسات وحرايم والله أعلم بدق هل هذه المعلومة صحيحة يا جماعة ...

[الجبلابي]

#1458982 [ابو محمد]
0.00/5 (0 صوت)

05-11-2016 09:30 AM
اقتباس
وبإستمرار الحكومة في سياسة الإصلاح
انتهى
كل ما قاله حسبو محمد عبد الرحمن بأنهم عاهدوا الشعب بعدم بيع عقيدته او أرضه مردود عليه بالبينة وبالدليل في حيثيات الواقع المعاش !! وهو يعلم انني اعلم انه كاذب !!
اتفق معه في إستمرار الحكومة في سياسة الإصلاح !! اوافقه على المعنى الاخر لكلمة الاصلاح وهو تفعيل جرائم الاحلال والابدال والتمكين !! اما الاصلاح الذي يتراءى له اننا سننخدع به فيكذبه واقع الحال !! والمثل السوداني بيقول (الكضاب وصلو لي خشم الباب) ونحن في ربع قرن من الزمان وزيادة وصلنا الكضاب الى سرير نومه !! ولم يبق الا هدير صوت الجماهير ليفيق من احلام اليقظة !!

[ابو محمد]

#1458920 [المتجهجه بسبب الانفصال]
0.00/5 (0 صوت)

05-11-2016 08:03 AM
الدولة الدينية يكون الكذب فيها أكثر من الدولة العلمانية ويغطي فيها المسؤول كذبه لأنه يعتبر اكتشاف كذبه انهيار لمبدأ الغش بالشريعة التي رفعها شعاراً لذلك كل كذبة تجر وراها كذبة أكبر منها وكل كذبة أكبر منها تجر كذبة أكبر من سابقاتها حتى يصل الكذب مستوى يكون هو الصدق ذاته وهذه هي الحالة التي يعيشها حسبو وجماعته أما الدولة العلمانية فبسبب حرية الرأي يخجل الانسان أن يكذب لأن الكاميرات وأجهزة التلفزة ستسلط عليه الضوء وتثبت كذبته الاولى فاما اعتذر وارعوى وإما عن المجتمع انزوى،، أما المسؤولين في الدولة الدينية المتغطرسين فيستغلون نصوص الشريعة للتخويف من كشف أكاذيبهم ويجعلون الذي يكشفها عدو لله ولرسوله لأنه كشف كذب المسؤول أليس المسؤول هو ظل الله في الارض وهل يكذب ظل الله في الارض، نسمع الاجابة من حسبو بعد الفاصل والاستماع لاغنية يا سمسم القضارف !!!!!

[المتجهجه بسبب الانفصال]

#1458831 [نقول شنو اسي]
5.00/5 (3 صوت)

05-11-2016 12:28 AM
أخجل علي 26 سنة دي .امريكا جو فيها دشليون رئيس وهذا سر تفوقها في العالم لانها لاترهن مصيرها ومستقبلها بمعاقين فكريا امثالكم وكان لها القدح المعلي في الدمقراطية الحقيقية وتجدد الأفكار بتعاقب الروساء وعدم الاحتكار في كل شيء مثلكم أما انتو مرضي نفسيين ونحن مرافقينكم أو اطباؤكم أو نحن المرضي النفسيين وانتم مرافقننا أو اطباؤنا لكن الأرجح انو انتو منسطلين ونحن منسطلين ومخدرين اكتر منكم لانو بنقرا في خطرفاتكم دي ربنا يحلك ياسودان من الكيزان والشعب الكسلان

[نقول شنو اسي]

#1458811 [ناقش أفندي ..]
5.00/5 (3 صوت)

05-10-2016 11:09 PM
وأكبر كذبة في الإنقاذ .. إنك إنت أصبحت في هذا المنصب الفضفاض عليك .. يا من نام باحد عشر مليار من الجنيهات حينما كان مفوضا لهيئة الإغاثة ومن ثم وزيرا للشئؤن الإنسانية يا سي حسبو ,,يا نائب كبير الكذابين !

[ناقش أفندي ..]

#1458802 [SUDANESE]
4.00/5 (1 صوت)

05-10-2016 10:43 PM
وقال ان الشعب السوداني يعلم صدق الحكومة ، وجربها (26) عاماً ولم تكذب عليه....
خاف الله يكوز يانتن....
هو انتو غير الكذب بتعرفوا شنو؟

[SUDANESE]

#1458785 [عبدالرحيم]
4.00/5 (2 صوت)

05-10-2016 09:59 PM
قال: بأنهم عاهدوا الشعب بعدم بيع عقيدته او أرضه..

وانتو فضلتوا حاجة للبيع ؟؟

هذا الشخص من فصيلة الحاج ادم وملاحظوا ان كل نائب رئيس يكون من لئام الكيزان ؟ يكون عندو دقينة ويفتكر انهم هم فقط المسلمين ؟؟

[عبدالرحيم]

ردود على عبدالرحيم
[AAA] 05-11-2016 12:40 AM
الاخ الاستاذ عبدالرحيم..اتابع تعليقاتكم القيّمة..
المأساة الكبرى..يعتبرون انفسهم شعب الله المختار..ويظنون انهم يحسنون صنعا..
أوف وتف عليهم...لك احترامي..


#1458783 [Naseh]
4.00/5 (2 صوت)

05-10-2016 09:47 PM
لا بالله و لو كان كذبتوا و بعتوا كنتم حاتبيعونا يعني يشهد الله أن الكذب مل من كذبكم

[Naseh]

#1458758 [ALIIIIIIIIIIIIIIIIIIIIIIIIIIIIII]
5.00/5 (1 صوت)

05-10-2016 08:47 PM
الشعب جرب الحكومة و 27 سنة وهي تكذب وتقتل وتدمر في البلد انتم شلة من العصابات والتنظيمات الاجرامية ليس الا ثلة من الصعاليك والفاقد التربوي والاخلاقي من امثالك وامثال ولي نعمتك عمر البشير وغيركم...هسع بعد شوية حيشغل لينا اسطوانة الاستهداف الصهيوني والعمالة والارتزاق والارتهان عند الاجنبي ولن نزل ولن نهان ولا نطيع الامريكان

[ALIIIIIIIIIIIIIIIIIIIIIIIIIIIIII]

#1458723 [على على]
3.25/5 (4 صوت)

05-10-2016 07:17 PM
انتو ملايكة نحن ما بنستاهلكم ارحلوا
دايرين بشر زينا يكضبوا ويسرقوا ويكتلوا ويغتصبوا ويبنوا عمارات من عرقنا ويفصلوا الجنوب يحاولو كتل رئيس مصر يجروا من حلايب والفشقة يقذفوا دارفور وجبال النوبة بالبراميل المتفجرة يعذبوا الطلبة ويعدوا علينا انفاسنا ويسوقوا عربات من غير لوحات ويعتدوا على المحامين فى مكاتبم ويسمسروا فى باقى اراضى البلد ويودزا قروشنا ماليزيا والامارات ولو لا قد الله طلع لينا بترول حمانا الله واياكم يسرقوا كلو ويدمرو التعليم والصحة ويدفنوا لينا النفايلت بكل انواعا .
نحنا اصلنا فقر وبنفقركم معانا امشوا السويد ولا النرويج يمكن تلقوا ملايكة زيكم
مهمتكم خلاص انتهت وريتونا القيم الكانت غايبة علينا

[على على]

#1458721 [A.rahman]
4.50/5 (3 صوت)

05-10-2016 07:16 PM
حكومتك لم تعرف طوال عمرها غير الكذب، و انت بالذات تكذب دون ان يطرف لك جفن، تماما مثل رئيسك الذي عجن بالكذب و السرقة، و انت أصبحت سبة في وجه اهلنا ناس دارفور الذين عاشوا في جحيم طوال عهد حكومتك، الله لا بارك فيك و لا في حكومتك

[A.rahman]

#1458718 [ود احمد]
3.00/5 (2 صوت)

05-10-2016 06:59 PM
انتم 26 سنة ادمنتم فيها المذب والفشل
شغالين امذب اكذب حتى يصدقوك
ماهو الشيء الذي صدقتم به مع السعب
ان انقلابكم كان كذبة وخدعة للشعب وما بني على باطل فعو باطل
ثانيا تكذبون على الشعب عاما بعد عام والنتيجة هي التردي الاقتصادي والسياسي والاجتماعي
والاساقير مليئة بكذبكم وموثقة ولا تحتاج الي كثير عناء
بس الشيء المحير انكم الي الان متخيلين انكم صادقين

[ود احمد]

#1458716 [السودان الوطن الواحد]
5.00/5 (1 صوت)

05-10-2016 06:58 PM
بأنهم عاهدوا الشعب بعدم بيع عقيدته او أرضه وبإستمرار الحكومة في سياسة الإصلاح !!!!!!!!!?

[السودان الوطن الواحد]

#1458715 [سوداني]
5.00/5 (1 صوت)

05-10-2016 06:57 PM
انت أتلمت علي الجماعه ديل متين ياأخي الترابي قال بعضمة لسان قلت للبشير الي القصر وسوف اذهب الي كوبر ده كان من اول تيت وبعدينك قالو الريس كان معروف بالكذاب في الجيش والكلام كثير والحلف كان كتير وفاطمة خالد الله يديها الصحة والعافية طلق فيها كأم مرة و................................

[سوداني]

#1458698 [الجن الارقط]
5.00/5 (1 صوت)

05-10-2016 06:18 PM
اهل الانقاذ كلهم رجل لا يدرى و هو لا يدرى انه لا يدرى
هسع كلامك ده ذاتو الكذب بعينه و اطفال السودان الولدوهم الآآآآآآن يعلمون انه كذب و مافى زول مهدد العقيدة و الارض غيركم انتو.

[الجن الارقط]

#1458691 [عباس]
5.00/5 (1 صوت)

05-10-2016 06:06 PM
بمناسبة كلام حسبو ده يا أخوانا وداد أخبارها شنو ؟؟؟

[عباس]

#1458683 [م محمد الحاج]
5.00/5 (1 صوت)

05-10-2016 05:40 PM
في سابقة فريدة في نوعها فوجئ المعتمرين اليوم في ميناء جدة الجوي بطلب لجان سودانية تتبع للحج والعمرة بدفع مبالغ مالية لكل قطعة عفش و تلفاز بواقع خمسون ريال لكل قطعة وهذا الشي نال استغراب المسافرين المعتمرين وسبب هرج و مرج وفضائح في مطار جدة
متروك لكم التعليق
فقط نريد معرفة ما هو بند هذا التحصيل والله شئ مضحك مبكي
نأسف انو الموضوع ليس له علاقة بالموضوع الحالي بس له علاقة بفقع مرارتنا كسودانيين

[م محمد الحاج]

#1458681 [Azan Malta]
5.00/5 (1 صوت)

05-10-2016 05:35 PM
وأداة لله هانت الزلابية امثال هولاء يتحكموا فى مصائر البلاد والعباد

[Azan Malta]

ردود على Azan Malta
[AAA] 05-11-2016 12:42 AM
والله يا أذان مالطا...زي ما قال المثل..بلد ما فيها تمساح يقدل فيها الورل.. لك تحياتي..


#1458677 [حاج علي]
5.00/5 (1 صوت)

05-10-2016 05:29 PM
دي عاوزه ضحكة السر قدور

[حاج علي]

#1458674 [الامير]
5.00/5 (1 صوت)

05-10-2016 05:24 PM
الترابة دي في خشمكم يامزارعين تفوضوا ليكم زول زي ده لحل قضاياكم الشي التاني بلاي في تخريب للبلاد اكتر من الخربتوه انتو ؟

[الامير]

#1458671 [من الااااااااخر كدة]
4.50/5 (3 صوت)

05-10-2016 05:15 PM
(وقال ان الشعب السوداني يعلم صدق الحكومة ، وجربها (26) عاماً ولم تكذب عليه)


خلاص جابت ليها خرخرة اهااااا دي اول كذبة انتوا ماليكم 26 عاما احسب كويس
وتاني كذبة انا واحد من الشعب السوداني يعلم كذب الحكومة يا سجم انتوا بديتوا حكمكم بالكذب

ياخ 26 عاما ولم تكذبوا انتوا ملائكة يعني ولا كيف كدة راجع كلامك ده تاني



لكن من الاااااخر كدة العيب مما ممنكم العيب فينا نحن الخايفين منكم وبالواضح كدة ايوة خايفين عشان كدة ساكتين علي قلة ادبكم واستهتاركم بينا واستعبادكم لينا ودي الحقيقة الحاصلة الان

[من الااااااااخر كدة]

#1458665 [يوسف على]
5.00/5 (2 صوت)

05-10-2016 04:53 PM
الناس ديل مسطولين وكذابين ولا مجانين وما واعين , نحن ما عارفين

[يوسف على]

#1458661 [غضبان]
5.00/5 (1 صوت)

05-10-2016 04:46 PM
صحيح الحكومة من ما جات بالسطو الليلي ما كذبت توقعاتنا

[غضبان]

#1458645 [AAA]
5.00/5 (3 صوت)

05-10-2016 04:03 PM
(وقال ان الشعب السوداني يعلم صدق الحكومة ، وجربها (26) عاماً ولم تكذب عليه).

هع هع هع هااااااااااااااع..

[AAA]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة