الأخبار
منوعات
السموأل خلف الله: الشيخ البرعي أول ضيف استضفته في التلفزيون.. أول وأول
السموأل خلف الله: الشيخ البرعي أول ضيف استضفته في التلفزيون.. أول وأول
السموأل خلف الله: الشيخ البرعي أول ضيف استضفته في التلفزيون.. أول وأول


05-11-2016 03:55 PM

الخرطوم - أماني شريف مزمل
تعرفه المنابر الثقافية من لدن فرقة نمارق مروراً بالمجلس القومي للثقافة والفنون في منصب الأمين العام ومديراً لمؤسسة أروقة، ومن ثم مثل مكسباً للثقافة ولقبيلة المثقفين بتعيينه وزيراً للثقافة الاتحادية على فترتين متتاليتين، وشهد العام 2014 تعيينه مديراً للهيئة العامة للتلفزيون والإذاعة وقبلها بسنوات عدة كان مديراً لتلفزيون ولاية الخرطوم.
ضيفنا اليوم هو مدير مؤسسة أروقة للثقافة والعلوم الأستاذ (السموأل خلف الله)، ونشاط أروقه ولياليها التي تسهر معها أعين الخرطوم دون أن يطرق أجفانها وسن لا يخفي على أحد، نلتقيه في هذا الحوار الاسترجاعي للذاكرة ولتفاصيل حياة زاخرة بالنشاط الإبداعي والفكر الثقافي المتمكن.
* أول قرية أو مدينة نشأت فيها ؟
- الدويم.
* أول معلم يرسخ في ذهنك ؟
- الأستاذ (سيد الصافي) معلم الرياضيات بمدرسة النيل الأبيض الثانوية.
* أول شخصية أثارت انتباهك ؟
- الأستاذ (علي عبدالله يعقوب ).
* أول بلد زرتها خارج الوطن ؟
- مصر.
* أول كتاب قرأته ؟
- (معالم في الطريق) لسيد قطب.
* أول حلاق تتذكره ؟
- (عثمان باصرو) بالدويم.
* أول عربة اقتنيتها ؟
- عربة كرونا موديل 83.
* أول قطار ركبته؟
- بين القاهرة وأسوان، وبين حلفا والخرطوم وأنا طالب.
* أول من قمت بانتخابه؟
- (خليل عثمان) في دائرة الدويم.
* أول فريق كرة قدم شجعته ؟
- الهلال.
* أول نوع عطر فضلته ؟
- فلور دمور.
* أول وظيفة تبوأتها ؟
- مدير مكتب الوكالة الإسلامية الأفريقية للإغاثة بالدويم.
* أول خبر تألمت له ؟
وفاة صديقي وأخي الشهيد (صلاح علي محمد الأمين) في حادث مؤسف بطريق الدويم في العام 1983.
* أول سياسي لفت انتباهك ؟
- المحجوب.
* أول نتيجة دراسية كم كان ترتيبك فيها ؟
- السادس.
* أول من سرت في جنازته ؟
- أخي (مهلب)، الذي توفي في العام 1972 - رحمة الله عليه.
* أول عملة ورقية تعاملت معها ؟
- الطرادة.
* أول حزب تنتمي له ؟
- المؤتمر الوطنى.
* أول بدلة اقتنيتها ؟
- عندما كنت طالباً بمصر.
* أول عقاب نلته ؟
- من الوالدة - رحمها الله - التي كانت تحاسبنا على كل صغيرة وكبيرة.
* أول مرة تؤم المصلين إمام مسجد ؟
- في يناير العام 1989 بمسجد بري الدرايسة.
* أول خطبة ماذا كان موضوعها ؟
- عن الايمان.
* أول مرة فكرت في إنشاء مؤسسة ثقافية ؟
- بعد التخرج في العام 1985.
* أول نشاط لمؤسسة أروقة للثقافة والعلوم ؟
- افتتاح رواق الشعر بعد أول تأريخ لتأسيسها في العام 2002.
* وأول كتاب تمت مناقشته ضمن رواق الكتاب لأروقة ؟
- كتاب (الإرهاق الخلاق) للدكتور عبد الله علي إبراهيم.
* أول مرة دخلت فيها مبنى التلفزيون؟
- في العام 1983 حيث أجرى معنا المذيع عوض إبراهيم عوض لقاء كاتحاد طلاب ضم رئيس الاتحاد وقتها (عثمان ميرغني وشخصي وإخوة آخرين).
* أول برنامج تلفزيوني قدمته ؟
- برنامج (ليالي الإبداع) مع الأخت إيمان دفع الله في العام 1991.
* أول ضيف استضفته في برنامج قدمته ؟
- الشيخ (عبد الرحيم البرعى) - عليه رحمة الله - ببرنامج (من بيوت العلماء) في العام 1991.
* أول برنامج إذاعي قدمته ؟
- برنامج (مصابيح الهدى) بإذاعة ساهرون العام 2009.
* أول فنان أعجبت به ؟
- حمد الريح.
* أول أغنية نالت إعجابك ؟
- أغنية سواكن (صب دمعي وأنا قلبي ساكن - حار فراقي ناري يا سواكن).
* أول مكتبة ثقافية زرتها؟
- مكتبة معهد بخت الرضا.
* أول فيلم شاهدته ؟
- الفيلم الهندي (جانوار) بسينما الدويم.
* أول موقف محرج بالنسبة لك ؟
- كنت في المسجد ومن ضمن المصلين كان هناك عدد من الدعاة الباكستانيين، وفي بداية تعلمنا للإنجليزية وحفظنا لبعض الأسئلة التقليدية سألت أحدهم "آر يو مسلم؟". أي: هل أنت مسلم ؟ فاندهش ورد على بالإنجليزية ما معناه بالعربية "أنا في المسجد"، فكان موقفاً محرجاً وطريفاً في نفس الوقت.

اليوم التالي


تعليقات 7 | إهداء 0 | زيارات 4012

التعليقات
#1464621 [اليوم الأخير]
1.00/5 (1 صوت)

05-22-2016 10:58 AM
شوف الكضب ، قال أول حزب ينتمي له المؤتمر الوطني !!!!!!!!!
ياكوز يا **** ، نسيت مبايعتك للنميري الفاسق ،
ستموت و في عنقك بيعة لفاجر مثل جعفر نميري يا واطي

[اليوم الأخير]

#1459584 [كعكول في مرق عنقريب]
1.00/5 (1 صوت)

05-12-2016 07:58 AM
* أول نوع عطر فضلته ؟
- فلور دمور.

الفرير دا ريححة نسوان وبيخلط مع انواع أخرى من العطور لإنتاج الخمرة ريحة العرايس بامتياز.. الحصل شنو في السودان الرجاال خلوا أولد سبايس وبوص وحولوا فلور دا مور.

بعدين الزول دا أهلو يهود وللا مسيحيين؟ لأنو سموأل دا إسم يهودي وهو ’صموئيل‘ Samuel وعرب منذ الجاهلية ليصبح سموأل. وماتقول لي السموأل بن عاديا .. عادي .. هؤلاء كاننوا يهود االعرب زيو زي بني قينقاع وبني أخطب وبنني قريظة.

[كعكول في مرق عنقريب]

ردود على كعكول في مرق عنقريب
[نصائح السكري] 05-12-2016 02:46 PM
ياخي اسمك دا شين بالله غيروا.


#1459577 [سيزر]
1.00/5 (1 صوت)

05-12-2016 07:41 AM
ده مش السموأل خلف الله الكان معانا في جامعة الازهر لغات وترجمه ؟؟؟؟ ما شفنا ليهو نشاط ثقافي ياهلو يكون ده كلو ...

قلت شنو يا [عودة ديجانقو] هاهاها











0.00/5 (0 صوت)

[سيزر]

#1459356 [ola]
1.00/5 (1 صوت)

05-11-2016 08:42 PM
حار فراقك نار يا سواكن

علي ما اعتقد

مودة

[ola]

#1459349 [عبوده السر]
1.00/5 (1 صوت)

05-11-2016 08:23 PM
موش برضو دا السموأل الكفتو وشلتو بكرى حسن صالح وتفا ليو في وشو
وطردو من مكتبه ورفدو من شغلو في الاذاعة والتلفزيون لامن حب يتنطط
علي الابالسه الأكبر منو.

حقو كان الصحفي الحمار العمل وياهو المقابله يضيف السؤالين التاليين للسموأل :
من أول زول كفتك وشلتك وتفا ليك في وشك وطردك من مكتبه ورفدك من شغلك ؟
لماذا كنت عاوز تتنطط علي اولاد الابالسه الكبار جنيت والا شنو ؟

[عبوده السر]

#1459272 [عودة ديجانقو]
1.00/5 (1 صوت)

05-11-2016 05:08 PM
فى قرد إسمو سلطان القرود واللى ما شافوا يشوف الصوره الفوق دى

[عودة ديجانقو]

#1459247 [ابو محمد]
1.00/5 (1 صوت)

05-11-2016 04:18 PM
* أول كتاب قرأته ؟
- (معالم في الطريق) لسيد قطب.
ممتاز !!!

[ابو محمد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة