الأخبار
أخبار إقليمية
الطلاب الشيوعيون يطالبون بإعادة المفصولين واطلاق المعتقلين في احداث جامعة الخرطوم
الطلاب الشيوعيون يطالبون بإعادة المفصولين واطلاق المعتقلين في احداث جامعة الخرطوم
الطلاب الشيوعيون يطالبون بإعادة المفصولين واطلاق المعتقلين في احداث جامعة الخرطوم


شددوا على التحقيق المستقل في الاغتيالات
05-11-2016 10:42 AM

الخرطوم: ملاذ عصام
طالب مكتب الطلاب الشيوعيون بإطلاق سراح جميع طلاب جامعة الخرطوم المعتقلين على خلفية الاحداث التي شهدتها الجامعة مؤخراً، وإرجاع كافة المفصولين عن الدراسة دون قيد أو شرط واستئناف الدراسة بمجمع الوسط وحماية الحرم الجامعي من التدخل الأمني والشرطي والوقوف على سلامة الطلاب داخل حرم الجامعة، وفتح تحقيق مستقل حول ما وصفوه بتجاوزات فصل 17 طالباً وطالبة، والاعتقالات التي شملت عدداً من الطالبات والطلاب ومقتل عدد من الطلاب في الاحداث المختلفة المرتبطة بالعنف بالجامعات السودانية خلال الفترة السابقة.
وتمسك مكتب الطلاب الشيوعيون في مؤتمر صحفي بالمركز العام للحزب الشيوعي بالخرطوم أمس، حول (الوضع السياسي الراهن بالجامعات السودانية)، بإعادة جميع أراضي جامعة الخرطوم المنزوعة من قبل الجهات الأخرى، لإدارتها والإسراع في إعادة اتحاد الجامعة والعمل على تكوين نقابة أساتذة الجامعة.
وطالبوا بالحفاظ على استقلالية إدارة الجامعة، وانتخاب مدير الجامعة من مجلس الجامعة ووقف تعيين الحرس وإعادة تكوينه كمؤسسة مدنية دورها حماية الطلاب وليس التعدي على سلامتهم بالضرب، وعدم السماح للقوات الأمنية باقتحام الجامعة.

الجريدة


تعليقات 5 | إهداء 0 | زيارات 2844

التعليقات
#1459750 [اغبش]
0.00/5 (0 صوت)

05-12-2016 11:46 AM
والله ياعالم الصوره دي بترفع لي الضغط والكولسترول وشويه كده وتعمل لي قرحه معده

[اغبش]

#1459354 [karkaba]
0.00/5 (0 صوت)

05-11-2016 08:33 PM
نقدير عاليا لطلاب الحزب الشيوعي السودان ملخ الارض وبعبع الكيزان

[karkaba]

#1459328 [فيلق]
0.00/5 (0 صوت)

05-11-2016 07:28 PM
نحن الان احوج ما نكون لان نتحد جميعا صفا واحدا كل الاحزاب السياسية ومؤسسات المجتمع المدني في وجة النظام الفاسد العاهر... وبصراحة اي زول بعد نشيل الحكومة دي حر داير اتنظم مع حزب الامة ولا الاتحادي ولا المؤتمر السوداني ولا الجمهوري ولا الشيوعي انا بفتكر دي حرية والناس تعيش في سلام وامان وارجع جنوبنا الحبيب تاني وتستقر دارفور وجبال النوبة ونعمل البنية التحتية وما مهم البحكم منو المهم تكون انتخابات حرة نزيهة ونحتكم للقانون وترجع كل الطيور المهاجرة والعقول النيرة ترجع تنمي البلد مادايرين جعجعه في الاعلام حانسوي وحانعمل ليكم دايرين بيان بالعمل مجانية التعليم والصحة ووظائف تكون كافية والناس تعرس وتتبسط والكيزان الحرامية نشيل حقنا منهم

[فيلق]

#1459281 [زول ساي]
0.00/5 (0 صوت)

05-11-2016 05:28 PM
انتوا يا ناس الراكوبة ما جاكم خبر حرق الفرق الجهادية لمسجد كلية التربية الذي كان قد لجأ اليه طلاب الأقاليم المطرودون من داخليات الوسط فحرقوا المسجد وصولاً لحرق أغراض هؤلاء الطلاب ومن ثم طردهم من هناك بلا مأوى ولا ملبس - وكذلك خبر اقتحام الطلاب لوكر هذه الفرقة الجهادية الارهابية وتخليص الطالب نيوتن الذي اختطفوه وأخذوه رهينة وعذبوه وصور التعذيب مالية وسائط الاعلام - وكمان خبر تسرع ادارة الجامعة إلى تعليق الدراسة بعد أن أفلح الطلاب في استعادة زميلهم؟! عجيب أمركم لماذا لا تبرزون مثل هذه الفظائع ..

[زول ساي]

#1459265 [ابو الكل]
2.00/5 (1 صوت)

05-11-2016 04:55 PM
اظنك قاصد ثقافتكم ككيزان ما اظن كسودانيين
يزكر الشيوعيين عندما يزكر الزهد و الصدق و الامانه تاريخ حافل بالعطاء و نكران الذات
اظنك سمعت بتشيع الراحل الاستاذ نقد كان مقياس حقيقي لراى الشعب السوداني
ياخي دا اسمو راي يعبر عن شخصية قائله كفرد
انت حر في رايك في الشيوعين لكن تزكر انك فرد في مجتمع متنوع
حاول ان تتعلم قبول الآخر
و لكن لك العزر ان كنت تتقاضى راتبا على هذه التعليقات

[ابو الكل]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة