الأخبار
أخبار إقليمية
سعاد الفاتح : مقاطعة اللحوم والسكر يخفف الضائقة المعيشية
سعاد الفاتح : مقاطعة اللحوم والسكر يخفف الضائقة المعيشية
سعاد الفاتح : مقاطعة اللحوم والسكر يخفف الضائقة المعيشية


عبد الرحيم محمد حسين يؤكد عدم وجود صرف صحي في الخرطوم،
05-11-2016 09:10 PM
الخرطوم: عبد الرحمن صالح

أقر والي الخرطوم عبد الرحيم محمد حسين، بوجود مشكلات في المياه بالولاية، وأفصح عن وضعهم خطة لجعل مياه الشرب من النيل «100%»، والاستغناء عن مياه الآبار بحلول العام «2030». وأكد عدم وجود صرف صحي في الخرطوم، في وقت نبه فيه إلى وجود «85%» من الاستثمارات الأجنبية والوطنية في الخرطوم، ودعا إلى توزيعها على الولايات الأخرى. وفي ذات الأثناء، طالبت النائبة بمجلس الولايات سعاد الفاتح، المواطنين بعدم أكل اللحوم الحمراء واستعمال السكر والاتجاه إلى البدائل لهما. ودعتهم للرجوع لتربية الأغنام والدواجن بمنازلهم وعدم الذهاب للأسواق، وقطعت بأن استخدام تلك السياسة سيخفف الضائقة المعيشية. وطالب عبد الرحيم، مجلس الولايات أمس، بوقف التمدد الأفقي في الولاية وتعديل قانون التمويل العقاري لإيقافه، وكشف عن هجرة «12» ألف أسرة سنوياً للخرطوم، وطالب بإعادة النظر في هيكلة الخرطوم، وأضاف: «نحن نتحمل الأعباء الاتحادية بدلاً من الحكومة»، وأقر بوجود مشكلات في المواصلات. وقال: (لدينا «3.5» مليون شخص يتحركون في ساعات الذروة ويحتاجون إلى مواعين نقل).

الانتباهة


تعليقات 33 | إهداء 0 | زيارات 5558

التعليقات
#1460266 [sasa]
0.00/5 (0 صوت)

05-13-2016 09:31 AM
طيب ياعبدالرهيم انتى يا

انقلابى

ياقاتل

يافاشل

يا ابوريالة

يامنغولى

يامتوحد

منذ 27 سنة تحكم وتتحكم في السودان وانت خريج المعهد الفني (جامعة السودان للعلوم والتكنولوجيا) فنى سباكة ومجارى ليه ما أسست بنيات للمجارى للخرطوم
اليس هذا تخصصك ياوزير الدفاع بالنظر والطيارة جات بالليل والناس في الصلاة والكهرباء كانت قاطعة

[sasa]

#1460186 [زول ساي]
0.00/5 (0 صوت)

05-13-2016 01:26 AM
هسي الحيزبون دي متربطة كدا قايل نفسها بتطبق في الشريعة ولا قايلة نفسها لسه عورة؟

[زول ساي]

#1460128 [Rasts]
0.00/5 (0 صوت)

05-12-2016 10:23 PM
عيش. سكر. بصل. غاز. كهربا و موية. ادوية. مصاريف الاولاد. لبن وشاي حب. الاسعار حتكون نار في رمضان.

[Rasts]

#1460043 [badradiMm]
0.00/5 (0 صوت)

05-12-2016 07:15 PM
قبل صرحت بانك سوف تحل مشكلة مياه الشرب فى 3 شهور....وصرح الخضر بانه سوف يحل مشكلة المواصلات فى 6 شهور....التصرحين يدلو على ان الوالين لايعرفون حجم الاشكال.......لذالك تاتى التصريحات الغبية .....الان اكتشفت بان الولاية ما فيها صرف صحى ...قبل ان تقول اى شى اعلم ان الكيلو متر المربع بحتاج الى 500 متر من شبكة الصرف الصحى وان المتر الطولى الواحد بكلف فى حدود 200 دولار هذا غير الخطوط الناقلة ...واذا فرضت انك عاوز تخدم 6 مليون فرد فقط اذا انت محتاج الى معالجة 1350000 مليون وثلاثمائة وخمسون متر مكعب من المياه العادمة يعنى محتاج ليك الى اكثر من 30 محطة معالجة سعة الواحدة اكثر من 50 الف متر مكعب....استحيل ان يكون هنالك افق لانسان اهم نقاط سيرته الذاتية القتل والتدمير وتجارة السلاح ...انت لا تصلح ان تكون رجل بناء

[badradiMm]

#1460023 [ودالجزيرة]
0.00/5 (0 صوت)

05-12-2016 06:29 PM
هو المواطن لاقي قطعه عشان تلمو واسرته كل الاراضي بعتوها وقبطو قروشها قالت ييربي بهائم ودواجن.

[ودالجزيرة]

#1459968 [سيف الدين الجميلى]
0.00/5 (0 صوت)

05-12-2016 04:51 PM
كتر خيرك ياحاجة كده تكونى حليتى المشكلة الاقتصادية فى السودان اها ورينا ياحبوبه البدائل شنو يعنى نأكل دكوه وطعمية والا ناكل بيتزا وجاتوه وانتى ماسمعتى كمال رزق قال فيما معناه المشكلة الاقتصادية ماحاتتحل لانها معركة مع الله

[سيف الدين الجميلى]

#1459953 [hamdan]
0.00/5 (0 صوت)

05-12-2016 04:21 PM
عندي واحد صاحبي مقتنع تماما بأن الذين يصرحون أو يصدرون القرارات جايين من كوكب آخر ليدلوا بالتصريحات أو يصدروا القرارات وبعد داك يرجعوا لكوكبهم. السكر هو أرخص بديل متاح للحصول على مولدات الطاقة عند الإنسان السوداني المغلوب على أمره، فهو لا يستطيع شراء الفواكه ولا حتى الموز لأولاده ناهيك عن البرتقال أو التفاح أو الأشياء الأخرى التي تحتوي على السكريات الضرورية للطاقة. اللحم مصدر للبروتين الحيواني وهو مهم لنمو الجسم والعقل خصوصا للأطفال. أنا بفتكر الدكتورة دي حقو تخلي الناس في حالها عندهم رب رحيم بيهم. تصريحها دا بشبه لي تصريح الملكة الفرنسية ماري أنطوانيت المشهورةعندما قيل لها أن أسعار الخبز ارتفعت كثيرا فردت عليهم "على الشعب حينئذ أن يأكل الجاتوه" وهي المسكينة لا تعلم أن الجاتوه يصنع من الدقيق الذي يصنع منه الخبز!!!
خلونا في حالنا يا ناس ما دام ما عندكم حاجة لينا. إنتو ناس مفلسين في الفكر وفي الإقتصاد وفي السلوك وفي الأخلاق وفي كلو. بإختصار مفلسين في كل شئ إلا في المال الذي كنزتم منه الكثير. خلونا في حالنا يا ناس الله يهدينا ويهديكم.. لك الله يا بلدي .. لك الله....

[hamdan]

#1459839 [ودالنيل]
0.00/5 (0 صوت)

05-12-2016 01:20 PM
الغنم والدواجن نربيها وين؟؟ نحن بيوتنا ليس كبيوتكم يا ناس الحكومة 300 او 216 او 200 متر مربع ولو سالوكم تقولو السودان ارض ال 1000000 ميل مربع ده قبل ما تفصلو الجنوب هذه دلالة واضحة انكم ما عايشين مشاكل الناس

[ودالنيل]

#1459837 [أبو محمد الأصلي]
5.00/5 (2 صوت)

05-12-2016 01:19 PM
ليه يا حجة ما ناكل لحم ونشرب سكر ولا الاشياء دي بقت حكر عليكم . لو فاكره أنه الشعب السوداني حيخليك عشان إمراة وكبيرة في السن تبقى غلطانه. ولا حنخلي سامية أحمد محمد ولا بدرية سليمان ولا إشراقة سيد محمود ولا مشاعر الدولب ولا أي واحدة معاكم في فصيلكم ، الذبح من الوريد للوريد ، إنتهى زمن توقير المرأة الزيك ، أما بقية النسوان من عامة الشعب فهن على العين والرأس بس نوعكم ده والله إلا يموت موت الله زي المقبور ولي نعمتكم . لوكي الصبر يا حجة ليلة السكاكين في الطريق . ولا نامت أعين المحنطات المنحطاط .

[أبو محمد الأصلي]

ردود على أبو محمد الأصلي
[ود ابوراس] 05-12-2016 06:20 PM
ما تنسى كمان روضة الحاج كمان


#1459829 [أبو محمد الأصلي]
0.00/5 (0 صوت)

05-12-2016 01:14 PM
يا حجة لو فاكره أنه حنسيبك عشان إمراة وكبيرة في العمر تبقي غلطانه مافي حاجة اسمها عفى الله عما سلف معاكم ، نحنا ما حنخلي لا راجل ولا إمراة شارك او شاركت في غذابنا وتوجيه الإساءة للشعب السوداني . ما حنخليك ولا حنخلي بدرية سليمان ولا سامية أحمد محمد ولا تهاني تور الدبة ولا مشاعر الدولب ولا إشراقة سيد محمود ولا أي واحدة من فصيلكم عذبتنا أو أساءت إلينا. لوكي الصبر يا حجة ليلة الساكين في الطريق ، والقصاص من جنس العمل قادم . إمراة ما تحترمي سنك شغالة إساءة للشعب السوداني . طيب ، نراه قريبا وترونه بيعدا وكل شي مسجل ومعروف للقاصي والداني .

[أبو محمد الأصلي]

#1459810 [اخ تقرصو ميرم الكضابة]
0.00/5 (0 صوت)

05-12-2016 12:57 PM
وانتى بس لوقطعت وشك الشين ده عننا حتكونى عملتى فينا خير ومعروف ياعجوز ياشمطاء

[اخ تقرصو ميرم الكضابة]

#1459756 [عمر الحاج حلفاوي]
0.00/5 (0 صوت)

05-12-2016 11:55 AM
امثالك هم الذين افقروا الخرطوم والسودان- علي وساخة العاصمة توسخينها ذيادة بتربية المواشي في البيوت يمكن تجلسين في فيللا واسعة كثيرة الاعشاب- الشعب يتكدس في بيوت الايجار الغالية كمان يربو غنم ؟.اذا كنت دكتورة بصحيح كنت طلبت تطوير تربية الثروة الحيوانية التي تتمتع بها البلاد ليذيد دخل الشعب والدولة- بالله عليك ماذا تختلفين عن من لم يكن له حظ في التعليم..

[عمر الحاج حلفاوي]

#1459712 [الشانق طاقيتو]
0.00/5 (0 صوت)

05-12-2016 10:45 AM
فشل فشل فشل ولسه مكنكشين ... الي مزبلة التاريخ كيزان الشوم...

[الشانق طاقيتو]

#1459677 [م محمد الحاج]
0.00/5 (0 صوت)

05-12-2016 10:02 AM
لن اقرأ المقال فقط اقول وجضيماتك ديل من اكل النباتات ولا شنو
تبا لك

[م محمد الحاج]

#1459634 [أبو محمد الأصلي]
0.00/5 (0 صوت)

05-12-2016 09:14 AM
أصبحنا وأصبح الملك لله الدائم الذي لا يموت . والله تقول الناس بتصرح تصريحان عشان عاوزه الناس تشتمها عشان تلقط حسنات تقابل بيها ربها لانه عارفه في الدنيا دي ما عندها حسنات . عاوزه تكبر كومها قبل ما تهلك .

أعوذ الله .

[أبو محمد الأصلي]

#1459624 [سيد الغنم]
0.00/5 (0 صوت)

05-12-2016 09:01 AM
يا AHMAZOLE ممكن تكلمنا عن قصيدة المحجوب دي : أول مرة نسمع بيها .

مع خالص الشكر.

بعدين هذه العجوز أنا بطلب منها حاجة واحدة : أن توجه كلامها هذا الى جميع من يسمون بالدستوريين بدءا من رئيسهم الى اخر دسيتيري وتطلب منهم أن ياكلوا بي موية وسخينة وهي ذاتها تكون أول واحدة عشان يكونوا قدوة مع انو هذا ليس بالحل الصحيح لكن خليهم يجربوا .

الناس ديل بقوا استفزازيين لأبعد الحدود.

[سيد الغنم]

#1459604 [المسيري]
0.00/5 (0 صوت)

05-12-2016 08:32 AM
ايتها العفراء الشمطاء يا بتاعة كل حكومة طول عمرك وقد بلغت من العمر عتيا هل ربيتي دجاجة ولا حمامة ولا غنامية ايتها الغنماية العفراء ، برلمانية تبلع الذ وما طاب من اللحوم بانواعها واليوم تاتي لتخبر اهل السودان بالامتناع عن اكل اللحوم والسكر في الوقت لدينا اكبر ثروة حيوانية في افريقيا ولدينا اكثر من خمسة مصانع سكر ايتها العفراء انتي وبرلمانك الميت بدل تبحثوا عن حلول جذرية لرفع انتاج تلك الثروات تفكري ان يمتنع الشعب عن تناولها خيبة عليك وعلى برلمانك وعلى حكومة انتم برلمانييها خيبة عليكم في الدارين .

أيها العفراء الفاشلة اصبري الموت قادم هادم اللذات والله كل لحظة نعيم عشتوها ستذوقونها طعما مرا في حينما تقبرون جميعا يابرلمانية فاشلة انت ومن معك من كلاب البرلمان السوداني وحكومته فقط انتظروا الموت هو الخطوة القادمة لا محالة.

[المسيري]

#1459553 [QUICKLY]
0.00/5 (0 صوت)

05-12-2016 06:49 AM
وجهك غضب من الله

[QUICKLY]

#1459547 [ali saad]
0.00/5 (0 صوت)

05-12-2016 06:32 AM
هل سعاد الفاتح تربي الاغنام و الدواجن في منزلها
و لماذا نخفف من اللحوم و نحن اكبر دوله منتجه لها
السكر تفتخرون بمصانعه و نستورده ارخص من سكركم
يا دكتوره لا يستقيم هذا الحديث.....قولوها جهارا لقد ظلمنا الشعب باسلامنا السياسي الفاشل و اعتذروا له قبل ان يأتي الاجل.
فأنت و امثالك تتحدثون 27 عاما لا نري طحينا

[ali saad]

#1459540 [المنجلك]
5.00/5 (1 صوت)

05-12-2016 06:14 AM
القصة الحقيقة للخرطوم تم استهدافها ببرنامج كيزاني للتغيير الديمغرافي للسكان
ضمن سياسات التمكين وهذا من اهم نجاحات الكيزان في توطين السلطة وجمع ثلث سكان السودان في عاصمة تفتقد كل شيئ فاصبحت هذه الثروة البشرية الهائلة تفتقد النشاط الانتاجي والثقافي والاجتماعي الذي تمايزت به واصبحت اسيرة في عاصمة الظلام

صحيح الحقد اعمي

[المنجلك]

#1459513 [زول ساي]
0.00/5 (0 صوت)

05-12-2016 02:55 AM
طالبت النائبة بمجلس الولايات سعاد الفاتح، المواطنين بعدم أكل اللحوم الحمراء واستعمال السكر والاتجاه إلى البدائل لهما. ودعتهم للرجوع لتربية الأغنام والدواجن بمنازلهم وعدم الذهاب للأسواق....... يعني الحل ما على الحكومة الحل عند الشعب شوفوا ليكم حلل وهي ما قصرت معاكم ادتكم خيارات تخليكم ما تمشوا السوق - لكن ياحاجة نحن بدون خياراتك حنمشي السوق ونحرق السوق والهوامير الفيهو ونشرد بهم من خلفهم من الولاة والحكام وزعماء وزعيمات عصبة اللصوص لا نفرق بين رجل سوء وامرأة سوء

[زول ساي]

#1459494 [كعكول في مرق عنقريب]
5.00/5 (1 صوت)

05-12-2016 12:37 AM
الله يخيبكم ويرميكم شخصياً بأدواء تخرج من أنابيب الصرف الصحي ... يارب.

وإلا ماذا يعني "ما في صرف صحي"؟ ياوالي السجم والرماد، إن كنت تقصد عدم وجوده فأنت كاذب. أما إن كنت تقصد أنه لا يعمل. فهذا صدق من فم كدوب - ولكن تعلم كيف تتحدث اللغة العربية. فما هكذا تورد الإبل ولا تصاغ الجمل المفيدة.

إعترفنا لكذوب بصدق مقال أتى جزافاً وبالصدفة وبمحاولة منا لإيجاد تبرير عقلاني لتصريحك فلا تفرح به كثيراً لأنه استدراجي لأنه يترتب عليه فشلك في أداء واجبك ومنه الصرف الصحي (و أضف إليه الصرف السطحي للولاية - ولأننا لا نرى لك أي همة أو نشاط فاعل في تنظيف مجاري الشوارع أ و أي أستعداداً لخريف هذا العام، فالمحصلة أنك فشلت (وبعضمة لسانك الأغلف) في تشغيل شبكة ومحطات رفع وتنقية مياه مجاري الصرف الصحي - ورثتموها وهي شغالة زي الفل عن البريطانين ولم تتمكنوا حتى من مجرد الحفاظ عليه. ناهيك عن تطويرها بعد أكثر من قرن.

كل ما لديك هي محفوظات تتلوها كالببغاء. مثلاً هل سألت من لقنك أن الحل هو في التمدد الأفقي ماذا يعني: طيب يافالح حولت كل سكان أمبدة في 4 عمرات كل واحدة 40 طابق .. يعني أمبدة تكون زيماريناة دبي .. حلو؟؟ اها ديل حترفع ليهم الموية للطابق الثالت كيف ناهيك عن الدور 40. واها لو حصلت حريقة في الدور التاني ناهيك ... حتجيب مضخطات لمكافحة الحريق كيف. أنا مرة شفت حريق محدود في عمار إسلافوس في قلب الخرطوم. جات المطافي والحق يقال بسرعة ولكن كنا نرى عسكري المطافي يقوم ويقع مع خرطوم المطافي الضخم ولا يستطيع التحكم فيه. وكانت مهزلة ووقفوا محاولة الإطفاء وماتتالنار من تلقائها.
فالنار تأكل بفسها إن لم تجد ما تأكله

أها نرجع لامتداداتك الأفقية.. الإمتدادات الرأسية دي ما عايزة أسانسيرات؟والأسانسيرات دي شغالة بي شنو؟ مش عايزة كهرباء ... وللا إنت عايز تشغلها في العمارات السكنية تشغلها بالبركة وللا باالريالة يا لمبي؟؟ أها حبوية الكهرباء اللي بتصل الخرطوم دي تتقطع؟

المرة الجاية واحد يجيب ليك سيرة أفقي وراسي .. ألمس راسك أولاً .. لو لقيتو .. قول ليهو: طيب الأول نحل مشكلة الكهرباء والموية والصرف الصحي وباقي خدمات البنية التحتية (حلوة دي .. مش؟) وكمان مياه كافية للشرب وأخرى للرفع لمكافحة الحرائق في البايات العالية. موقتاً ألزموا الجابرة "لزمت فوق رووسكم القلاد" وعندما تفعلوا كل هذه الأشياء تكون الإنقاذ راحت في خبر كان - لأنها لم تعد هي الإنقاذ.

[كعكول في مرق عنقريب]

#1459484 [جرداة في الخشم]
0.00/5 (0 صوت)

05-12-2016 12:16 AM
يا حاجة .. نحنا زمااااااان قاطعنا اللحمة والسكر .. والفول والعدس كمان !!

[جرداة في الخشم]

#1459451 [Truth]
4.00/5 (1 صوت)

05-11-2016 11:08 PM
و السمن و الترهل دا مجيبو من وين من اللوبة و العدس و لا الفول و الغنم دى نأكلا شنو البرسيم بى كم و اب سبعين بى كم و البزرة بى كم ناكل الغنم و لا ناكل اولادنا و لا ناكل (الغنم )

[Truth]

#1459443 [فيلق]
5.00/5 (1 صوت)

05-11-2016 11:00 PM
2030 عليكم الله شوفوا الحمار دة بتكلم عن 2030 كانوا هو ديناصور وكانوا هو خلاص حايحكمونا لغاية الزمن داك
يا عبودي اصحي من النوم شعب السودان قال كلمتو مادايرنكم وحا نقاوم لاخر رمق حتي نقتلعكم اقتلاعا
اللهم اهلك الظالمين بالظالمين عمر البشير واعوانه وكلاب امنه اللهم ارحنا منهم اللهم ارحنا منهم اللهم ارحنا منهم اللهم ارحنا منهم
اللهم اهلك البشير واعوانه وكلاب امنه وعلى عثمان ونافع والمتعافي وعلي عثمان وعبد الرحيم وقوش وعطا وبكري وغازي ومصطفي وسيخه وكرتي وايلا والخضر وحميدتي وموسي هلال وقادة الجنجويد واحفظ اهلنا في دارفور وجبال النوبة وسائر بقاع السودان
اللهم انصرنا عليهم نصر عزيز مقتدر
اللهم نشكو اليك ضعفنا وقلة حيلتنا

[فيلق]

#1459430 [مستغرب]
0.00/5 (0 صوت)

05-11-2016 10:33 PM
اقول ليك شنو بس غير ك...

[مستغرب]

#1459429 [أسير عبر الأثير]
5.00/5 (1 صوت)

05-11-2016 10:29 PM
كلامك قمح بالحيل يا حاجة سعاد .... بس أريت تربي الغنم و البهائم في بيتك اولا حتى تصبحي لنا قدوى طيبة في ذلك....

[أسير عبر الأثير]

#1459425 [حان وقت الانتقام]
0.00/5 (0 صوت)

05-11-2016 10:26 PM
المرأة دى مجنونه

[حان وقت الانتقام]

#1459424 [الســــــيــــــف الــبــتـــار]
5.00/5 (1 صوت)

05-11-2016 10:26 PM
االوالى لا يمتلك الاهليه لادارة ولاية الخرطوم التى تعد من اكبر ولاية من عدد السكان و المساحه العمرانية و اهم المناطق الصناعيه التى كانت باب رزق للمواطنين و ترفد السوق المحلى بالمنتجات الى اصبحت اليوم تستورد من الخارج و يكفى أن مصنعين للكبريت توقفا عن الانتاج و نستورده من باكستان ؟
اضف الى ذلك الاقمشة و الادوية و الزيوت و الصابون بنوعيه حمام و غسيل و ملابس جاهزة و زجاج و اوانى منزلية و حلويات و طحنيه و دقيق و لكن الافساد عملت على وقف الانتاج و التعدى على الاراضى الزراعيه و تلك التى على نهر النيل التى تمد العاصمه بالخضروات الطازجه يوميا ؟
امتداد الاحياء السكنية يحتاج الى بنيه تحتيه و الاستفاده من التخطيط و الاحياء التى تم انشاءها فى عهد عبود عليه الرحمه و النميرى عليه الرحمه من حيث التخطيط و المياه و الاعتماد على الابار قبل أن يبشرنا الدعول بالصرف الصحى و كان لسكان كوبر نصيبا من التمديدات بحكم منزل ووالد الدعول و لزاما عليه أن يوصل الخط لسكان الحى الذى اواه حينا من الدهر فبل أن يتفرعن و يشرنق و يتيرنق ويصبح جراده مكتملة الاطوار ويطير الى كافورى و ينتقل الى قصر بدل بيوت الجالوص و المطر يموص ؟
اما أنتى يا بت الفاتح نقول فيك شنو و لا انتى منو علشان تستلمى مرتبك و تركبى عربيه حكوميه و تحجى و تعمرى و تعلمى عيالك وو عيال عيالك و تأكل ما لذا وطاب و دى كله جديد عليك و سنينتك دليل على النعمه التى أنتى فيها ناقصه كالسيوم و فيتامينات و نحن عيشنا قبلكم حياة يا حليله اللحم كان فى الفطور و العشا سمك و الغدا اطلب ما شاء لك طبقين و تلاته اطباق و سلطات و مكرونه باللحمه و لا رز ابيض مفلفل يشهيك يا حليلنا فيها ؟
خليكم فى حالكم و فى نعيمكم الذائل و ما تنقصنو علينا عيشتنا و بام دقدوقه بنعيش و لا كسره بموية بنتمها نوم بس يا مستجى النعمه ليكم يوم و الله ليكم يوم الله ليكم يوم ......

[الســــــيــــــف الــبــتـــار]

#1459419 [ahamazole]
5.00/5 (1 صوت)

05-11-2016 10:21 PM
يا بتاعة At the tone the time will be عند سماع الاشار يكون الوقت عليكم الله المحجوب رحمه الله كان عايش لي هسا و شاف قباحة الخلقة و الاخلاق دي ما كان ندم علي قصيدته الكتبها فيها و يا ناس الراكوبة حرام عليكم تجيبو صور القبح و القماءة دي و نحن بنسمح ليكم تاني لو في اي موضوع عن الشمطاء دي حتي لو جبتو صورة بيشة ولا ساطور ولا حتي كان صورة العبيط اللمبي مسامحينكم بس كفانا طمام بطن

[ahamazole]

#1459407 [خواجة]
0.00/5 (0 صوت)

05-11-2016 10:01 PM
نأكل ولا نوكل الغنم والدجاج. شيء عجيب.

[خواجة]

#1459397 [حسن الامين]
0.00/5 (0 صوت)

05-11-2016 09:49 PM
هههههههه 2030 قرييييبة ...لكن بلة الغائب قال اخركم 2020 .... والدكتورة دي خرفت ولاشنو ههه. تربية الاغنام قالت !!! هو الناس قادرين يربو اولادهم عشان يربو اغنام ..

[حسن الامين]

ردود على حسن الامين
[الى الامام] 05-12-2016 10:43 AM
مضربه لفلذات اكبادها
غشان كده 2030 ,,, و كمان اولادها
بفكروا زيها ....

[كعكول في مرق عنقريب] 05-12-2016 07:20 AM
والله يابو علي دي في الصميم - والله سبقتني في المقاربة دي.

والنواب في مجلس الولايات ديل شغلهم شنو؟ يعني عازين يكونوا زي المجلس الأوروبي في الاتحاد الأوروبي في بروكسل كده مثلاً؟ طيب علامة الجنيه السوداني المجسمة وين؟ وبسوطوا في شو؟ ما سامعين ليهم حس .. لكن على أي حال ما مهم .. النوعية باينة.


#1459393 [خواجة]
4.00/5 (1 صوت)

05-11-2016 09:44 PM
نأكل ولا نوكل الغنم والدجاج.

[خواجة]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة