الأخبار
أخبار إقليمية
الشاكي مزمل أبو القاسم.. جرائم المعلوماتية تطلق سراح الصحفي محمد كامل
الشاكي مزمل أبو القاسم.. جرائم المعلوماتية تطلق سراح الصحفي محمد كامل
الشاكي مزمل أبو القاسم.. جرائم المعلوماتية تطلق سراح الصحفي محمد كامل


05-11-2016 09:46 PM
الراكوبة: الخرطوم
أطلقت شرطة جرائم المعلوماتية سراح الصحفي محمد كامل منتصف نهار اليوم الأربعاء؛ وعلمت الراكوبة أن كامل أطلق سراحه بالضمان من قبل مدير تحرير صحيفة "الأهرام اليوم" الأستاذ طارق عبدالله. وأفادت المصادر بأن الشاكي في البلاغ هو الصحفي مزمل أبو القاسم. وكانت مجموعة صحفيون لحقوق الإنسان (جهر) قد أصدرت بياناً أمس الثلاثاء جاء فيه: (قبضت شرطة المباحث في حوالي السادسة والنصف من مساء الثلاثاء 10 مايو 2016 على الصحفي في صحيفة الأهرام اليوم محمد كامل. ودهم مقر الصحيفة شخصان يرتديان زيّاً مدنيّاً، وقد رفضا إبراز هويتهما، قبل أن يقبضا على الصحفي محمد كامل سعيد، بطريقة مزعجة لزملائه، ومهينة له. وأُجبر الصحفي على ركوب سيارة "دبل كاب مظللة"، اقتادته نحو منطقة بحري، بالعاصمة السودانية، الخرطوم. ويقبع محمد كامل حالياً في نيابة جرائم المعلوماتية، بالخرطوم بحري. ويواجه المادة "17" معلوماتية: إشانة السمعة. ورفضت الشرطة إطلاق سراحه بالضمان، لغياب المتحري، وفق تبريرات الشرطة. كذلك ترفض الشرطة إخطار محمد كامل باسم الشاكي في البلاغ. وبحسب متابعات "جهر": يُعتقد أن سبب القبض على محمد كامل مادة نشر، نشرتها صحيفة، ونشرها موقع إلكتروني، نقلاً عن الصحيفة، غير أن التحقيق لم يتم بعد لتتضح الصورة، وتتبيّن التفاصيل).
وأكد مصدر لـ(الراكوبة) اليوم؛ صحة ما جاء في بيان (جهر) بأن محمد كامل تم القبض عليه بسبب عمود صحفي نشر في موقع الكتروني؛ نقلاً عن الصحيفة الورقية؛ والتي كان يعمل فيها الصحفي قبل انتقاله لجريدة (الأهرام اليوم). ويواجه كامل بلاغين من مزمل أبو القاسم أحدهما خاص بنيابة الصحافة والمطبوعات والآخر خاص بنيابة (المعلوماتية) حسب المصدر.


تعليقات 12 | إهداء 0 | زيارات 17088

التعليقات
#1460206 [صحفى ياكل من عموده]
0.00/5 (0 صوت)

05-13-2016 06:05 AM
مزمل لم يسرق بل يدير اموال يمتلكها اعضاء بالمؤتمر الوطنى والحكومة لايريدون ان يظهروا فى الواجهة فصار المزمل هو واجهة المستثمر في مجالات المدارس الخاصة والطباعة والعقارات وكله بثمنه

[صحفى ياكل من عموده]

#1459990 [أبوهنيدة]
0.00/5 (0 صوت)

05-12-2016 05:22 PM
البخليهو يدخل في أعراض الناس شنووووووووووووو

[أبوهنيدة]

#1459770 [شكري عبد القيوم]
0.00/5 (0 صوت)

05-12-2016 12:20 PM
»معركة فى غير مُعترك,««
تبّاً لهُم

[شكري عبد القيوم]

#1459751 [الزيدابي - الجزيرة ام طرفة]
0.00/5 (0 صوت)

05-12-2016 11:46 AM
ربنا يفك اسر الصحفي العفيف الاخ محمد كامل صاحب القلم الجري واليد النظيفة ..
مزمل ابوالقاسم بتع وجسر بعد ما كان حبة مراسل صحفي في الامارات ..

بكل اسف في السودان اذا سرق العفيف اقاموا عليه الحد واذا سرق القوي تركوهوا يمرح ويسرح.
مزمل رجل لا يتقبل النقد وصدره ضيف جدا . في حين انو قلموا داعر جدا ويفجر في الخصومة .. لكن ابشرك يامزمل الخلاص قرب وعلى الابواب ..

[الزيدابي - الجزيرة ام طرفة]

ردود على الزيدابي - الجزيرة ام طرفة
European Union [BIG MO] 05-12-2016 03:18 PM
اى حاجه الناس بقت تكرر نفس الكلام، صحفى اتهم صحفى اخر بالنصب و بالسرقه ما هو المطلوب من مزمل، و ايه دخل اذا سرق الضعيف فى الموضوع ده، دى محتكم جرائم معلوماتيه، مش اى ول مركب مكنة صحفى يتهم الناس زى ما عايز و لمن الناس نتشتكى يسمعوك الاسطوانه المشروخة دى، و بعدين منو قاليك مزمل لا يتقبل النقد، الظاهر انت يا ما متابع يا بتكتب بناء على قالو و قلنا، اكثر صحفى شتم فى الصحف هو مزمل و لم نسمع يوما ان مزمل استعمل نفس الاسلوب للرد لكن الاتهام فى الشرف لا يدخل ضمن دائرة النقد، صحافة متفلته و يجب انو كل من يطتب حرف يتحمل نتيجة كلامو


#1459711 [كلينت استوود]
0.00/5 (0 صوت)

05-12-2016 10:44 AM
أعفوا وأصلح يا مزمل...
ما تبقى زى فاطمة شاش.

[كلينت استوود]

#1459594 [kakan]
0.00/5 (0 صوت)

05-12-2016 08:21 AM
انتقاء الكلمات ونشر الوعي واحترام الخصوم وتوعيتهم بالرؤي الثاقبة والفكر السليم من اهم المعينات لاحداث ثورة ثقافية قوامها مجتمع متحضر يؤمن بحق الاخر في التعبير عن رؤاه بمنهج لايتعارض مع القيم المجتمعية والشاهد ان الديمقراطية الاخيرة شهدت مساجلات غبية ولغة قبيحة شوهت اصاله هذا المجتمع وجماله
اامطلوب استخدام العقل والمنطق في طرحنا لرؤانا دون اساءة الاخرين ومجادلتهم بالتي هي احسن ومحاولة رفع قدراتهم لاستيعاب رؤانا ان كانت انا حقا رؤي راشدة
مجددا لا للقمع ولا للتجريح

[kakan]

#1459563 [أبوعلي]
5.00/5 (1 صوت)

05-12-2016 07:04 AM
محمد كامل أقوى من أن يهزّه منافقو الوالي الكوز الفاسد والمُفسد
إعتقالك يا كامل كان مكسبا للصحافة والرياضة والمريخ ونكسة للكيزان
أبشر: هذه بداية لمسلسل نهاية صحفي النفاق والتطبيل تُبّع الوالي (مزمّل)
تبّا لكلّ أشباهه في الصحافة الرياضيّة والسياسيّة داعمي النظام الحاكم
إعتقالك شرف وشهادة بالوطنيّة في عهد الظلم والقهر للوطن والمواطن

[أبوعلي]

ردود على أبوعلي
[أبوعلي] 05-12-2016 03:33 PM
[محمد عبد الرحمن محمد حسين]:
خلاص الوالي جاي المريخ ده جننكم ولسه ماشفتوا حاجة اصبروا

لانّك قصير النظر ومحدود التفكير ،نحن لا نحارب الوالي في شخصه
نحارب كلّ مدعوم من الكيزان لخلق الفتن والتناحر بين المشجعين في
(المرّيخ والهلال وغيرهما)لأجل إشغال الناس عن مآسي الوطن لمصلحة النظام
أنت والوالي وونسي والكاردنال والآخرين تنفذون خطط ومآرب الكيزان الدنيئة
[محمد عبد الرحمن محمد حسين] : كلّ هذا الإسم ليطّلع عليه الوالي وداعميه
(في النهاية سودانيين سودانيين سودانيين): نعم نحن سودانيين لكنّا لسنا
من الأخوان الفاسدين ،،،،،،،،، , ربّنا يحقق ليك مرادك منهم

European Union [BIG MO] 05-12-2016 03:18 PM
قوم لف

European Union [محمد عبد الرحمن محمد حسين] 05-12-2016 12:22 PM
مادخل الوالي في هذه المشكلة خلاص الوالي جاي المريخ ده جننكم ولسه ماشفتوا حاجة اصبروا دائما اتمني ان يكون الرد به عقلانية وتدارك الحل الامثل لمثل هذه المشاكل وماتنسوا انوا نحنا في النهاية سودانيين سودانيين سودانيين


#1459531 [موالم شديد]
5.00/5 (1 صوت)

05-12-2016 05:46 AM
اذا يجب حملة مقاطعة لهذا المزمل ابو القاسم وعدم شراء او قراءة اي صحيفة يكتب لها .. وهذا اضعف الايمان.
خلاص ياخي بقينا مهزلة

[موالم شديد]

#1459457 [الهلباوي]
4.50/5 (2 صوت)

05-11-2016 11:15 PM
طبعا نا البوليس ديل كلهم فاقد تربوي بي ضباطهم .. لامن يقولو ليهم نفذو امر قبض صحفي او نجم بمثلو فيها س الجهاز يجوك ببوكس .. ياخ ناس الجهاز لو جوك بعرفوك بنفسهم ديل بوليس ساكت يرفضو يعرفو نفسهم وهذا مخالف للقانون .. طبعا لوعرفو نفسهم بفقدو صفة التمثيل انهم جهاز امن .. هسع في داعي للعوارة دي ممكن كان يتم استدعاء الصحفي بالهاتق او احضاره بامجاد .. مزمل استقل انو قريبو مدير عام الشرطة .. بالله دا زميل دا عفن ساكت وباد ما عندها قانون

[الهلباوي]

#1459453 [SUDANESE]
5.00/5 (2 صوت)

05-11-2016 11:12 PM
وفقك الله اخي كامل والي الامام.

[SUDANESE]

#1459446 [Truth]
4.00/5 (1 صوت)

05-11-2016 11:04 PM
هؤلاء صحفيين لا يحتملون الرأى فأشانة السمعة تكون ورقية ولا الكترونية ما فرقت البفرق انو تحتمل الراى الا اذا كان فيه سب بالفاظ او قذف فى اخلاق

[Truth]

#1459434 [خالد عمر]
4.94/5 (5 صوت)

05-11-2016 10:47 PM
1- في اي بلد محترم في العالم الشرطه بتعرفك بي حقوقك و توضح ليك سبب اعتقالك

2- معرفة الشاكي من ابسط الابجديات علي الاقل المتهم يعرف اذا كان بلاغ كيدي او لا و يكون عندو الدفوعات بتاعاتو الحا يواجه بيها التهمة

3- حكاية انو الشرطه ترفض ابلاغ المتهم بي اسم الشاكي ده معناه واحد من اتنين يا مزمل ابو القاسم الاول انك امنجي و عندك رتبه **** و الاحتمال التاني تكون دفعت للشرطه رشوه وانا شخصيا برجح الاحتمال الاول ...

[خالد عمر]

ردود على خالد عمر
[موالم شديد] 05-12-2016 05:52 AM
المقاطعة عشان جريدته او اي جريدة بكتب ليها تقيف ويكون هو سبب الخسائر.. عشان يخلي الامن ينفعوا.. وعلي الاقل نكون قادرين نعمل حاجة..دعوة للشرفاء والصحفين بداية حملة في المواقع الاكترونية وصفحات النشطاء والمتابعين ضد هذا الامنجي ..
خلوها الكترونية عشان ما يقدرو يصادرو حاجة

[الانصاري] 05-12-2016 12:32 AM
كلامك صحيح مية المية ..انا المحيرني هو كيف يقبل يمشي مع اشخاص بدون ان يعرف هويتهم واين باقي الكانوا معاه لماذا لم يدافعوا عن زميلهم وحتي لو يتعاركوامعهم ويتصل الاخرون بالشرطة ،العملية واضح مدبرة من الانتهازي القذر مزمل بايع الوهم للمساكين



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة