الأخبار
أخبار إقليمية
مسئول بالامن : الحصار وفوائد الديون اقعدت بالاقتصاد السوداني
مسئول بالامن : الحصار وفوائد الديون اقعدت بالاقتصاد السوداني
مسئول بالامن : الحصار وفوائد الديون اقعدت بالاقتصاد السوداني


05-16-2016 06:06 PM
الخرطوم (سونا )- اوضح الدكتور ادم احمد مراد كبر مدير ادارة أمن الايرادات بالأمن الاقتصادي فى الدورة التدريبية للاعلام الاقتصادي بأكاديمية السودان للعلوم المصرفية والمالية والتي اختتمت مؤخرا ان من اهم اشكالات الاعلام الاقتصادي غياب الاحصاءات والمعلومات الاقتصادية الدقيقة وضعف الترويج الإعلامي للمشاريع وانشغال المؤسسات الاعلامية بعكس الانشطة السياسية .
وقال إن من اهم مهددات الاقتصاد السوداني الحصار والحظر الاقتصادي على البلاد وضعف البنيات التحتية وارتفاع سعر الصرف مقابل العملة المحلية وشح الموارد البترولية وهجرة الكوادر المؤهلة وتطور الجرائم الاقتصادية وكلها اثرت وبشكل مباشر على الاقتصاد, واضاف ان اثر الازمة الاقتصادية العالمية وفوائد الديون الخارجية التي بلغت (84 مليار ) من اصل 16 مليار كان لها الاثر الكبير في اضعاف الاقتصاد السوداني .
وأبان أن اهم المرتكزات الامنية في الخطاب الاقتصادي الإعلامي وضع استراتيجية للإعلام وتكوين منظومة ذات اسس علمية تدار من قبل مختصين في المجال ،مبينا ان هناك خطة يتم العمل بها من قبل هيئة الامن الاقتصادي تتمثل في رصد التناول الإعلامي السالب للتأكد من صحة المعلومات ومن ثم معالجتها مع الجهات المختصة مؤكدا اهمية تفعيل دور الاعلام الاقتصادي كإعلام مختص في معالجة القضايا الاقتصادية .


تعليقات 10 | إهداء 0 | زيارات 3473

التعليقات
#1462077 [elfaith]
0.00/5 (0 صوت)

05-17-2016 09:32 AM
فايدة الترويج الاعلامي للاستثمار شنو لامن يجي مستثمر ويلقي بيروقرطيه وامشي وتعال امشي وتعال وجرجرة وكومشنات واقتصاد تعبان ما يقدر المستتمر تحويل ريع ما استثمره بالعمله الصعبه ؟

ثانيا مشكله الاقتصاد السوداني موش الحظر الاقتصادي الفساد المالي والصرف البزخي علي القصر وعلي الامن

اكثر من ٧٠ وزير
كل وزير عندو كم بيت وكم عربيه اخر موديل وتزاكر وقود علي حساب خزينه الدوله جيب المواطن وعلاج له واسرته خارج السودان وبدلات ونثريات وحوافز وكل مأموريه ياخد وكل سفريه لمهمه برا السودان ياخد باليورو وبحساب اليوم
غير الدستوريين والمستشارين ..الخ

داير توفر لخزينة الدوله اسحب كل السيارات من الوزراء والدستوريين علاج برا ماف نثريات ماف بدلات ماف ماف
فى ترحيل جماعي
وفى كل وزارة توجد سيارة او اثنين بالاكثر للسفريات والمهمات الداخليه فقط
قلل الانفاق علي القصر
دي بس شوف توفر كم مليار

[elfaith]

#1462062 [شهنور]
0.00/5 (0 صوت)

05-17-2016 09:04 AM
انت لم تقل الحقيقة انتم نهبتم مقدرات هذا البلد .الحصار والديون شماعة رغم انتم السبب عندمااتيتم بالانقلاب كان الديون 13 فقط وفى مشاريع ملموسة وذات عائد (ماناكل دقيق فينو دقيقنا كتير بكفينا )يخس على ناس مابختشو .

[شهنور]

#1461997 [ود يوسف]
5.00/5 (1 صوت)

05-17-2016 07:12 AM
(( الحصار والحظر الاقتصادي على البلاد وضعف البنيات التحتية وارتفاع سعر الصرف مقابل العملة المحلية وشح الموارد البترولية وهجرة الكوادر المؤهلة وتطور الجرائم الاقتصادية )) !!!
ومن الذي تسبب في كل ذلك يا شاطر ؟؟؟

[ود يوسف]

#1461938 [الجقود ود بري]
5.00/5 (2 صوت)

05-17-2016 12:16 AM
مادام انت عارف دا كلو وانت مدير ادارة أمن الايرادات بالأمن الاقتصادي مش مفروض شغلك يكون تنصح عصابتك بالحلل وطريقة الخروج من الحاله دي ؟
ولا خايف يطيروك لو قلت لرئيس العصابه سلم نفسك ؟
النفاق عندكم له ارجل يمشي بها

[الجقود ود بري]

#1461900 [عبدالرحيم]
5.00/5 (4 صوت)

05-16-2016 08:50 PM
لا ينصلح حال الاقتصاد الا بعاملين اساسين هما:

ولا (العدل) وطالما ان الحكومة ظالمة وتحابي مجموعة محدد من الناس وتمارس سياسة التمكين لذواتهم واقصاء الاخرين من معادلة الحكم والثروة والسلطة فلن ينصلح حال الاقتصاد

انظروا الى اثيوبيا والى دول الخليج العربي .. صحيح انه مع المال فالناس سواسية لا قبلية ولا جهوية ولا استثمار في شق الصف الوطني ؟؟ ولا ممارسة سياسة فرق تسد ولو كانت دول الخليج تريد ممارسة فرق تسد فلها من التربة الخصبة الصالحة لهذه السياسة.

ثانياً: البعد عن تنظيم الاخوان المسلمين العالمي واستقطاباته الدولية المعروفة والهروب منه هروبنا من الاسد او من الشيطان واللجوء الى الشعب السودان فقط فهو الضامن للأقتصاد وهو الضامن للأنتاج فقد توقف الشعب تماما عن الانتاج بسبب الظلم والجباية ودخول التنظيم في حروب لا طائل للسودان من ورائها ..

[عبدالرحيم]

#1461886 [BEWILDERED]
4.00/5 (2 صوت)

05-16-2016 07:58 PM
بسم الله الرحمن الرحيم

(من اهم مهددات قتصاد السوداني الحصار والحظر الاقتصادي على البلاد وضعف البنيات التحتية وارتفاع سعر الصرف مقابل العملة المحلية وشح الموارد البترولية وهجرة الكوادر المؤهلة وتطور الجرائم الاقتصادية وكلها اثرت وبشكل مباشر على الاقتصاد,)


ده بالاضافة للديون و ارباحها.
في امل ينصلح الحال بعد دا كلوووووووووو؟ ام احسن نتخارج .....ارض الله واسعه اهلها لا يرحبون بالمهاجر...و بحارها عميقة و حيتانها شرهة مسعورة.....الله المعين لطيف بعباده

[BEWILDERED]

ردود على BEWILDERED
European Union [الجزاء من جنس العمل] 05-16-2016 10:54 PM
ي فرده والله وبالله وانا صادق في كلامي البشير مشكله السودان هسا السودان وشعبو كلو رهين قصاد البشير الحصار المفروض من المجتمع الدولي دا نتايجو بدت توضح بشكل كبير عند الشعب المسكين دا البشير وزمرته ماكلين سمح ولايهمهم كان الناس دي كلها ماتت بالجوع الحصار الفارضو المجتمع الدولي(امريكا) ليهو اهداف سياسيه مابهمهم كان السودانيين ديل جاعو ولااتشردو عندو خطوط لاذم تمشي واي ذول ماينبرش ياكلا .
البشير حيروح ممكن ماهسي او مشيتو مكلفه بس مادايمه ليهو كلامي انو الناس ماتتطلع تخلي البلد بزات الشباب البشير كان فات حنعمر ونبني بلدنا انشالله بنشوفو صعب بس ممكن وفي تجارب دول كتيره انبنت واوضاعها اصلحت في ظروف سنيين بس كان عندهم الامل دايما بالامل وبعدو العمل الدول بتنبني مش باليأس والمخارجه ودي حلول كلها فرديه صحي قد نكون مضغوطين واسرنا محتاجه بس كدي نفكر كان انا مرقت وانت مرقت وداك مرق الببني منو بعدين؟
اي بلد شبابها هجرها اتاكد دي بلدان ماحتقوم ليها قايمه.
محبتي لاهل السودان قاطبه باختلاف سحناتهم ولغاتهم وجراحهم كمان


#1461882 [Breeze]
5.00/5 (5 صوت)

05-16-2016 07:50 PM
وقال إن من اهم مهددات الاقتصاد السوداني الحصار والحظر الاقتصادي....الخ
--------
ما هو السبب الرئيسي في الحصار والحظر الإقتصادي؟
الحظر الإقتصادي= البشير
الحل :
رفع البشير إلي لاهاي = رفع الحظر الإقتصادي

هذه هي المعادلة التي يعرفها المحللون الإقتصاديون لكنهم يتحاشون قول أن البشير هو المعوق الرئيسي للإقتصاد السوداني.

[Breeze]

#1461876 [SD2000]
5.00/5 (4 صوت)

05-16-2016 07:41 PM
من اهم العوامل التى اقعدت الاقتصاد السودانى هى صرف اكثر من 70% من الميزانية فى حروب عبثية و ما تبقى الا القليل يذهب الى جيوب ميليشياتكم وفساد منسوبيكم .....لا د1 كلام ما تقدر تقولو ...بعدين هل انت اقتصادى؟
قوم لف بلا اعلام بلا بظيخ .

[SD2000]

#1461870 [AAA]
4.94/5 (5 صوت)

05-16-2016 07:33 PM
اتفق معك يا سعادة المسئول بالامن في كل ما ذكرته من مهددات الاقتصاد السوداني

** بس احب اذكرك.. الصرف غير المحدودعلى الامن الانت فيهو ده.. والمليشيات الحكومية..وشراء السلاح والرصاص والذخيرة والبراميل المتفجرة وما ينفق على الحرب
** بعدين ما تنسى النهب المصلح للمال العام..

[AAA]

#1461849 [QUICKLY]
5.00/5 (5 صوت)

05-16-2016 06:46 PM
الحصار دا ما مقتنعين بيهو فوائد الديون نعم صدقت فيها
أضف الى ذلك مالم تحب أن تذكره ويعرفه الصغير قبل الكبير

**الانفاق الامحدود في الحرب القتل والدمار وتشريد الآمنيين ,الانفاق في الأجهزة الأمنية
**والفساد الكبيييييير المستشري كالنار في الهشيم بين أعضاء ومنتسبي حكومتكم

أوقفوا هذين الشيئين ونضمن لكم أقتصاد ثابت مستقر يتقدم يوم بعد يوم
هل تفعلون ؟؟ .......

[QUICKLY]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة