الأخبار
أخبار إقليمية
الحسن الميرغني " المهمش " يعود للاعتكاف بجنينة الميرغني
الحسن الميرغني " المهمش " يعود للاعتكاف بجنينة الميرغني
الحسن الميرغني


لم يعد راضياً عن وضعه في الحكومة،
05-18-2016 12:47 PM
الخرطوم: محجوب عثمان

اعتكف مساعد أول رئيس الجمهورية محمد الحسن الميرغني بمكتبه بجنينة السيد علي الميرغني بعد يوم واحد من عودته من مدينة سنكات أمس، ومارس الحسن مهامه الحزبية من مكتبه بالجنينة دون أن يزور مكتبه بالقصر الرئاسي.

وقالت مصادر مطلعة إن الحسن لم يعد راضياً عن وضعه في الحكومة، وأراد أن يبعث رسالة بعدم ذهابه لمكتبه بالقصر

وكشفت أن الحسن كان قد أبدى تذمره عقب عودته من القاهرة للبلاد، حيث لم يجد أي مسؤول بالدولة في استقباله بمطار الخرطوم كما يقتضي البروتوكول، وأشارت الى أن مستقبليه كانوا فقط وزراء حزبه في الحكومة وقيادات طائفة الختمية.

وجددت المصادر ذاتها رفض الحسن لما اعتبره "تهميش" خلال مباشرة مهامه بالقصر الجمهوري، وقالت إن نجل الميرغني بدأ في تقليل تواجده هناك خلال الفترة الأخيرة وقضاء أغلب أوقاته بجنينة علي الميرغني وسط الخرطوم.

الصيحة


تعليقات 25 | إهداء 0 | زيارات 4822

التعليقات
#1463284 [عبد الرحيم]
0.00/5 (0 صوت)

05-19-2016 10:32 AM
انت عايز الكيزان يحنو عليك ولا شنو؟ وهل السياسة تشمي بالاعتكاف وبعث رسالة؟ الموضوع عايز حسم يا فيها وبشروط يا برا منها ..ويقول المثل : الأولو شرط اخروا نور من البداية يجب ان تكون الامور ووااااااااااااااضحة

احمد سعد عمر ركبكم مع الظالمين عشان يكون قاعد في مجلس الوزراء

[عبد الرحيم]

#1463267 [الواضح ما فاضح]
5.00/5 (1 صوت)

05-19-2016 10:02 AM
غايتو انا معجب بولد الصادق (التخين المتين) داك، مدى الموضوع طناش ومحل ما يسمع بحفلة بكون حاضر ويهز يعصايته العسكرية، هههههه على الأقل سمحة القناعة لا بتعب نفسه ولا بتعب خلق الله وراه، عارف نفسه لا حيقدم ولا حيأخر، غايتو ود الميرغني دا بتاع فارغة وفاكيها فى روحه، قال إيه؟ حيحل مشاكل السودان فى 180 يوما حسوما، جاتك داهية يا أهطل وخليك فى جنينتكم دي وأشرب كباية سحلب على رأس كل ساعة فأمرك لا يعنينا ولا أمر أبوك ولا البشير ولا الإنقاذ كلها، بلا يخمكم.

[الواضح ما فاضح]

#1463206 [الكردفاني العديييييييييييييييييييييل]
0.00/5 (0 صوت)

05-19-2016 08:24 AM
من زمان ما ....... نصحوكم ونصحوكم ..... ولكن لم تقيم وزنا لاحد... الم تسمعوا عن للذين لدغوا من جحور الارجاس ..... مرات ومرات ..... ومنهم الامام الاخر ..... والذي اصبح يندب حظه ...... اذ ..... خذل الناس ..... فقال البشير جلدنا ...... ما بنجر فوقه الشوك .....

[الكردفاني العديييييييييييييييييييييل]

#1463196 [سودانى]
4.00/5 (2 صوت)

05-19-2016 08:10 AM
حسن جا حسن ماجا حسن يا حلوة ما عارف الزهور راجية

اغنية للفنان صديق احمد

[سودانى]

#1463131 [الباشكاتب]
0.00/5 (0 صوت)

05-19-2016 02:31 AM
الحسن يبعث رساله .... الحسن يبدى تذمره ..... الحسن يعتكف ...
يا شيخنا الحكايه ما لعب عيال الحكايه كلام رجال . ارجو ان تقدم استقالتك وتترك اساليب الكيزان المشبوهة الملتويه فالموقف لا يحتمل غير ذلك وشكرا .

[الباشكاتب]

#1463110 [عودة ديجانقو]
4.00/5 (2 صوت)

05-19-2016 12:04 AM
يا الحسن ولا تزعل نفسك إنت زول عيان هسع جاى من عمليه.
خليك فى جنينتك دى وحضر ليك جوز كوتشينه ولو ناقصين أنا بجى بربعها ليكم والفوره 14 الف زى سعر الدولار اليوم.

ما تنسى كلم الخدم يجهزوا الشاى باللبن

[عودة ديجانقو]

#1463059 [خواجه]
0.00/5 (0 صوت)

05-18-2016 08:44 PM
تستاهل


ولسه ياما تشوف

[خواجه]

#1463035 [القانوني]
3.00/5 (3 صوت)

05-18-2016 08:17 PM
يا جماعة وبصراحة القانون لا يحمي المغفلين، السيد الحسن عندما عقد إتفاقهو مع الوطني يظهر عليه لم يسألهم ما هي الواجبات التي سيطلع بها كمساعد للرئيس وكأني به عندما تباحثوا معه وقالوا له إنه سيكون المساعد الأول تخيل إنه سيكون الرجل الثاني في السلطة ، ولذلك لم يناقش في أي تفاصيل وهز رأسه بالموافقة (علي بياض) او قول علي سراب!!!
يا ناس الوطني رفقا بالحسن وأرجوكم ما تزعلوه وتخلوهو وقتو كلو مقضيه بالجنينة يلعب ويقرض في النجيلة من شدة الزعل في جنينة جدة الميرغني. وعلشان يرجع للقصر ومكتبه الفخيم ارجوكم عبو ليهو الرضاعة بأحسن خليط من الحليب والفواكه وجيبو ليهو أحسن عربية أطفال حتي إن كانت من ديزني لاند وأدخلوهو معزز مكرم حتي يقوم بواجباته الغير معروفة!!!!!!مساعد أول قال ....تحسبوه لعب؟؟؟؟؟؟

[القانوني]

#1463001 [صابر الصابر]
4.50/5 (2 صوت)

05-18-2016 07:04 PM
تتحرد وتدلع على حسابنا نحن المساكين .. تاس مالاقية تاكل تموت من المرض وانت تفتش للسيارات الفارهة من دم قلب الشعب المسكين وانت مساهمتك شنو في الحكومة وفي صالح المواطن الحكومة جابتك ترضية لابوك زي وليد الصادق فقط اشترتكم ودايرة تمرمطكم ..والله كان اعتكفت ولا فت صفر على الشمال0000000000000000000000001

[صابر الصابر]

#1462997 [أسير عبر الأثير]
5.00/5 (1 صوت)

05-18-2016 06:36 PM
يأخذكم الله أنت و امثالكم من الاحزاب الطائفية و الكيزان .... كرهتمونا السودان

[أسير عبر الأثير]

#1462995 [الجقود ود بري]
0.00/5 (0 صوت)

05-18-2016 06:35 PM
دلع العروس !!!!!!

[الجقود ود بري]

#1462981 [ابو الهول]
5.00/5 (1 صوت)

05-18-2016 05:32 PM
مقنجر ...
اطفال السياسة ..بزران عايزة حلاوة لكوم
ابكي يا بلدي الحبيب
Cry The Beloved Country

[ابو الهول]

#1462962 [حان وقت الانتقام]
4.75/5 (3 صوت)

05-18-2016 04:24 PM
كل يوم الحسن الميرغني الحسن سافر الحسن جاء ده كل لصرف أنظار الناس عن مشاكل الكهرباء والغلاء والدولار وانعدام الأدوية وتردى الخدمات وحلايب وقتل طلاب الجامعات والفساد المستشرى فى السودان والله يا جماعة عصابة المؤتمر اللاوطنى نجحت فى الهاء الناس عن الحال الذى وصل اليه السودان وهم يعيشون فى رفاهية ونعيم ويضحكوا عليكم بهذه التفاهات اصحو يا عالم

[حان وقت الانتقام]

#1462957 [hassan]
0.00/5 (0 صوت)

05-18-2016 04:11 PM
قول لمولانا دورك انتهي
مع نهاية الانتخابات
التي لم تجد لها انيسا غيرك

[hassan]

#1462956 [ادروب]
4.50/5 (2 صوت)

05-18-2016 04:04 PM
بجا مهمشين نشوف
مراغنة مهمشين مانشوف.

[ادروب]

#1462942 [Bit messames]
4.94/5 (5 صوت)

05-18-2016 03:18 PM
شوفوا الاعتكاف الما خمج!الاعتكاف بدل المساجد بسوهو في الجنينة الفي نص الخرطوم! وووب علينا نحنه الماقرينا...نحنه ناس "مرقنبو قرمبو"...

[Bit messames]

#1462939 [Bit messames]
0.00/5 (0 صوت)

05-18-2016 03:13 PM
بشرب "جبنة سيدي الحسن" في الجنينة؟ و الله متعة و شراب لبن!يا اخوانا"جعفوري" وين؟

[Bit messames]

#1462934 [باى باى]
4.00/5 (4 صوت)

05-18-2016 03:05 PM
حيث لم يجد أي مسؤول بالدولة في استقباله بمطار الخرطوم كما يقتضي البروتوكول!!!!!!!!

كدة إنت فهمتها ودورك إنتهى مثل الآخرين الذين تساقطوا مثل مناديل الكلينكس,

[باى باى]

#1462923 [Amin]
5.00/5 (1 صوت)

05-18-2016 02:47 PM
بالله عليكم .. بالله عليكم ما تشغلونا بالفارغة

[Amin]

#1462887 [حسين محمد عبدالله]
5.00/5 (3 صوت)

05-18-2016 01:50 PM
المهم المرتب السمين و الخمسة عربات مرسيدس و مخصصات كبير مستشارى القصر تكون ماشة ماوقفت .

[حسين محمد عبدالله]

#1462882 [المسلمي]
5.00/5 (1 صوت)

05-18-2016 01:45 PM
لا يقدم لا يؤخر الا عب علي هذا الشعب المنهكة قواه

[المسلمي]

#1462878 [Hussein Hamid]
0.00/5 (0 صوت)

05-18-2016 01:36 PM
يبدو ان حمار الجنينة لم يفهم بعد نكتة القرد ، و عليه توقع استقبال أسد الجنينة او وزيره في استقباله عند وصوله الجنينة ، و الأدهي و الامر يبدو انه تاثر بتهريج أئمة الشيعة بالاعتكاف حتي تجاب مطالبهم !

[Hussein Hamid]

#1462867 [عبوده السر]
4.94/5 (5 صوت)

05-18-2016 01:15 PM
مالك اتا ومال القصر محل الدوشه ووجه الدماغ
خليك في الجنينه اخير ليك حيث الماء والخضره والوجوه الحسنه.

هاتمشي القصر هايجيك ناطين الشينين كلهم حسبو هايعمل فيها انو صاحبك والا يجيك
مهدى ابراهيم يعديها ليك كلها احسب ان الهجرة الي الله تبلغ منتهاها قريبا
وياويلك لو جاب معاهو الحمار الشين التاني الزبير احمد الحسن برضو بتاع
الهجره الي الله وتتم الناقصه لو جاتك عفاف تاور ههههههه ستضحك لامن دموعك تسيل.!!

خليك يابوى في الجنينه يضربك الهمبريب فوق تحت ولما تتضايق تمشي السرايا تستريج
ولو شفت الحكايه بقت سخيفه اركب طيارتك وعلي لندن والا القاهره تستريح وتفرفش
هناك ..!!!!!!! قال يمشي مكتبه في القصر قال

[عبوده السر]

ردود على عبوده السر
[Bit messames] 05-18-2016 05:35 PM
هووووي يا اخوي يا عبوده...مالك نسيت "اللمبي"..ولا حسبته مع السمحيين؟قول ليهو و الله لو جا يسلم عليك في االقصر الا يملا وشك بزاق...يطير ليك الكريمات الجاي بيها من لندن دي.


#1462863 [محمد]
0.00/5 (0 صوت)

05-18-2016 01:09 PM
هو صدَّق وفال الشغلانة جد ولَّ شنو!!!؟؟؟ يا مولاهم أنت قايل نفسك مساعد رئيس بالجد. خليك مفتح والعب حريف زى زميلك ابن السيد الآخر، كل تورك ونوم نومك مالك ومال وجع الراس وبلاوى ال 181 يوم.

[محمد]

#1462862 [برعي]
0.00/5 (0 صوت)

05-18-2016 01:08 PM
والله ناس الحسن الميرغني ديل هو وابوه كان ما اتهمشوا نهائي البلد ما راح تنفع بي بصله،،، هي اصلها ما نافعه ،،، وهو عليك الله فايدتو شنو هسي لو مات زاتو في زول بسمع بيهو ولا بحس بيهو .. ما تفكونا يا اخي بلا الحسن الميرغني با بلا ياخدكم في ستين داهية .. هي البلد كلها راحت وناس بتموت في كل مكان في جبال النوبه اطفال زي الازهار وفي ادار فور صبايا حسان وفي الخرطوم الكسر والضرب عم الجامعات والجوع والفقر والمرض ..... وتقول لي الهسن الميرغني بلا ياخدكم

[برعي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة