الأخبار
أخبار إقليمية
بضربتي جزاء..الكوكب المراكشي يهزم مريخ السودان
بضربتي جزاء..الكوكب المراكشي يهزم مريخ السودان
بضربتي جزاء..الكوكب المراكشي يهزم مريخ السودان


شاهد الأهداف
05-18-2016 11:58 PM
كووورة

تأهل الكوكب المراكشي إلى دور المجموعتين لكأس الكونفدرالية الإفريقية بعد فوزه على المريخ السوداني 2/ صفر بمراكش، وتجاوز بذلك الخسارة التي مني في الذهاب 1/صفر.

وسجل الكوكب المراكشي هدفيه من ركلتي جزاء عبر محمد الفقيه في الدقيقتين 12 و88.

ودخل الكوكب المراكشي المباراة ضاغطا عبر محاولات من الفقيه والمنصوري، وهو ما أربك دفاع المريخ السوداني، وانتظر الفريق المراكشي حتى الدقيقة 12عندما تمكن الفقيه من اصطياد ركلة جزاء بعد إسقاطه في مربع العمليات من طرف أحد المدافعين، وتصدى لها نفس اللاعب وسجل منها الهدف الأول.

وحاول الكوكب إضافة أهداف أخرى لكنه لم ينجح، فرغم أنه كان مسيطرا في هذه الجولة على مجرياته إلا أن اللمسة الأخيرة غابت عليه، ولم يستغل أيضا نرفزة لاعبي المريخ الذين احتجوا كثيرا على الحكم وكذلك على اللاعبين المراكشيين.

وكانت أبرز فرصة للمريخ عبر مدافع الكوكب المراكشي كوياتي الذي أراد إعادة الكرة للحارس أوزوكا، لكنه كاد أن يدخلها في الشباك.

وكان مستوى المريخ أفضل مع بداية الجولة الثانية حيت تمسك بزمام الأمور وضغط، وساعده في ذلك تراجع لاعبي الكوكب للوراء، لكنه لم يستغل سيطرته.

وتمكن الكوكب من اصطياد ركلة جزاء في الدقيقة 82، تسببت في احتجاجات من لاعبي الفريق السوداني حيث تعرض أيضا الحكم الجابوني إيريك أرنو جاستان لاعتداء من أحد المسؤولين وتوقفت المباراة أكثر من 6 دقائق، وسجل منها الفقيه الهدف الثاني الذي منح بطاقة التأهل للفريق المراكشي لدور المجموعتين في كأس الكونفدرالية الإفريقية.

.


تعليقات 35 | إهداء 0 | زيارات 16323

التعليقات
#1463678 [خواجة]
0.00/5 (0 صوت)

05-20-2016 04:42 AM
مشكوك فيها ما مشكوك فيها هم لم يصلوا المرمى
وغير قادرين. هنا المشكلة الأساسية.

[خواجة]

#1463600 [مدحت عروة]
0.00/5 (0 صوت)

05-19-2016 09:34 PM
يا جماعة السودان فاق العالم اجمع فى التصنيع الحربى والاقتصاد والتعليم والتكنولوجيا والصحة والرياضة وما خروج المريخ والفرق السودانية من منافسات افريقيا الا عبارة عن مؤامرة صهيونية وامريكية ضد السودان وضد الاسلام!!!!!!!!!!
كسرة: عليكم الله ما انفع اكون وزير اعلام فى حكم الكيزان؟؟؟؟؟؟

[مدحت عروة]

ردود على مدحت عروة
[sasa] 05-20-2016 10:50 AM
وما خروج المريخ والفرق السودانية من منافسات افريقيا الا عبارة عن مؤامرة صهيونية وامريكية ضد السودان وضد الاسلام!!!!!!!!!!


#1463561 [Tamer]
0.00/5 (0 صوت)

05-19-2016 07:38 PM
ضربة الجزاء الثانيه صحيحه ولا غبار عليها ومصعب لاعب غبي وكل لاعبي المريخ أغبياء ولا يعرفون حتي لعب الكوره في الحواري ولا يعرفون فن التكتيك واللعب خارج الأرض.. نرفزه بلاداعي وضرب وفي النهايه خساره .. والله حرام.. ارحمونا خلاص قرفنا قرفنا قرفنا.. لا حكومه ولا كوره ولا خلقه ولا أخلاق ولعنة الله علي الكيزاااااااان

[Tamer]

#1463543 [الردم]
0.00/5 (0 صوت)

05-19-2016 06:55 PM
باي حال من الاحوال طار الحمام بس للامانة الاولي ليس صحيحة اما التانية فهي واضحة وغباء من مدافع فقد التركيز وفي زمن لا يعوض

[الردم]

#1463447 [كبرانا الشبكة]
0.00/5 (0 صوت)

05-19-2016 03:06 PM
ههههاي كلامكم وتعليقاتكم دي قالوها أجدداكم قبل سبعة او ثمانية عقود، نفس الكلام ونفس الصورة ونفس الواقع ، التاريخ بعيد نفسه .

[كبرانا الشبكة]

#1463357 [المسيري]
0.00/5 (0 صوت)

05-19-2016 12:50 PM
يا اهل الرياضة ويا وزارة الرياضة نحن ليس لدينا مهارات كروية فردية ولا جماعة ، وليس لدينا ناس لعيبة كرة مافي للصرف على لعيبة ميتين ولا لمهارات كروية لديهم أولاد المريخ خلوهم العبوا في حواري السودان وبس وكذلك ناس الهلال كان خلطناهم الاثنين ما بيجو فريق اشد الحيل يجب تسريحهم والغريب ان إدارة الأندية تجلب لعيبة من افريقيا من نفس شاكلة المريخ او الهلال الافارقة الذين تاتوا بهم هؤلاء كان فيهم خير ما جاءوا للعب بالسودان كانت الأندية الأوروبية اخذتهم من زمان لكن اتلمى المتعوس على خايب الرجاء سرحوا كل اجنبي تم استقطابه للعب ضمن الأندية السودانية هؤلاء من الليك قادمون وكان فيهم مهارات كروية لذهبوا لاوروبا وليس لكم أيها الاغبياء ومافي الصرف على أي لاعب سوداني هؤلاء لا مهارات كروية فردية او جماعة سرحوا الجميع وابحثوا عن فرق تشد الحيل بلا مريخ بلا بطيخ .

[المسيري]

#1463326 [watan]
5.00/5 (4 صوت)

05-19-2016 11:49 AM
هكذا سيداتي سادتي تكاملت دائرة الفشل السياسي..الاقتصادي...الاجتماعي و الرياضي في السودان..وشكرا

[watan]

#1463323 [مع العدالة]
5.00/5 (2 صوت)

05-19-2016 11:44 AM
هههههه.....ياشماتت ابله طازه فيكم ....شمتانين فيكم شماته ما ليها حد ...تعالوا لدورى الدفس والعفص ده ...اها يا سلك قبيييببل قلت الهلال بعد طار حقو يلعبوهو اربعه مباريات فى الاسبوع !!ليييييه لانو عاطل ...اها انتو مش حقو يلعبوكم مباريتين فى اليوم واحدة الصباح وواحدة المساء عشان تلحقو

[مع العدالة]

#1463309 [سوداني]
5.00/5 (3 صوت)

05-19-2016 11:10 AM
المشكلة ما كانت في انو اتغلبوا ، المشكلة الكبيرة في الغباء و سوء الأخلاق . لم يحاول لاعبو المريخ لعب الكورة ، كل المباراة مشاكل و بلطجة . اعتقد انو المريخ أفضل من الفريق المغربي بس مافي ذرة عقل عند ناس المريخ .ديل لسة من زمن عايزين يدقو الحكم !!!!

[سوداني]

#1463306 [عماد الدين]
5.00/5 (1 صوت)

05-19-2016 11:08 AM
الواحد مستغرب من الجماهير الرياضية المغلوبة علي امرها وهي عندها عشم او رجاء من الكورة السودانية. سبق وقلنا اللاعبين مظلومين والاداريين كذلك والمدربين . الجميع مظلوم لانهم يحرثون في البحر وفاقد الشئ لا يعطيه . اذا اهملت ولدك وماربيته وصرفت عليه صعب ترجي منه رجاء. كورة القدم خاصة في السودان محتاجة بنية تحتية من اول وجديد يعني صناعة والمسألة عاوزة فلوس وشغل مؤسسي والا سوف تشاهدون لاعبينا وكأنهم أغبياء لا يعرفون كيف يتمركزون رغم الحماس والرغبة ولكن لابد من التكوين يعني الفئات السنية والقصة طويلة

[عماد الدين]

#1463298 [اب جاكوما]
5.00/5 (1 صوت)

05-19-2016 11:00 AM
الحمد لله والشكر لله.. الحمد لله والشكر لله..
تمام التمااااااااااااااااااااااااااااااااام كدا مية مية وبمزاااااااااااااااااااااااج والعرجا لمراحا ونشوفكم بكرة في الموعد برضو لكم شرف المحاولة ونحنا من خلفكم نشد من اذركم والسلام عليكم


تذكرت بتاع المسرحية بيقول للاستاذة[ شوفتيني وأنا ميت] اجنن وانا ميت!!! تجننوا وأنتو ميتين واقصد وانتو خارجين

بقيتوا زيي حجر السيجة من من الابطال للكنفدرالية(يعني من حفرة لحفرة) وبعد دا الكلب ميت.. ياها النية عكاز سيدها.. ونيتكم عفنة شديدة همكم كلوا انكم تجيبوا الكاس قبل الهلال.


مشكلتكم انكم بتلعبوا تحت ضغوط مادية وفنية وغير كدا الضغط الاكبر ليكم هو الهلال داير تعملوا انجاز وتجيبوا الكاس عشان تقولوا ياهو دا الكاس جبناهو

نشوفكم المرة الجاية وان شاء الله من دوري الـ64

المريخ دا تاني بدون الوالي ما بنفع ببصلة لا محليا ولا افريقيا

انا المشكلة اللي بتحيرني فيكم انكم[عندكم امل كدا غريب وعجيب] اغرب امل هو عند خروج الهلال تأكد للمريخ لاعبين وإدارييين ولاعبين بأنهم السنة حا يجيبوا الكاس و... و...

يا الوالي تعال تعال اسندنا ونحنا عدمنا

[اب جاكوما]

ردود على اب جاكوما
[اب جاكوما] 05-19-2016 04:39 PM
ياساسا المحمولة جوا ولا الممحونة جوا ولا الممعوطة جوا.. جوا شنو يا ساسا ديل لا جو لا واطة ما عندهم اي كورة مريخهم دا ياهو بتاع 2007 تاني ما شافوا ليهم مريخ أو بالاصح مريخ الوالي

همهم كلو الهلال... مصيبتهم الهلال... بصراحة انا مبسوط شديد شديد شديد لخروج المريخ دا ولو انه كان مؤكد خروجه البطولات دي دايرة نفس طويل وخبرة كبيرة جدا جدا


معذرة يا اخوانا أنا اب جاكوما اعلق في الشأن الرياضي فقط على هذا الاسم الاسفيري [اب جاكوما]


اخر يحمل نفس الاسم يعلق في الشأن السياسي اسمه هكذا[ابوجاكومة]

[sasa] 05-19-2016 12:45 PM
والله يا أبو جاكومة ياخوى بطنى كانت مسخنة وكلامك ده زى الموية الباردة بعد عطشة شديدة في يوم من أيام رمضان الحاااااار

قالوا محمولة جوا قالوا هو إسرائيل خلت ليكم جو تحوم فيهو طياراتكم حاملة الكاسات جواااا


#1463281 [الدقر]
0.00/5 (0 صوت)

05-19-2016 10:28 AM
غايتو انا لو مسؤول حاتم ده ما اخليهو يشوف كورة فى تلفزيون

[الدقر]

#1463271 [مارد]
5.00/5 (1 صوت)

05-19-2016 10:07 AM
تقرر إعادتها

هذا هو الخبر العاجل من الاتحاد الافريقي لكرة القدم

[مارد]

#1463249 [شوق]
4.50/5 (2 صوت)

05-19-2016 09:24 AM
بلد فاشلة لا تستحق الفرح كورة شنو و الناس ما لاقية تاكل و علي راسها البشير و عبدالرحيم حسين

[شوق]

#1463242 [سودانى]
5.00/5 (1 صوت)

05-19-2016 09:15 AM
الحل الجذرى للكرة السودانية هو ، العمل على تربية النشء فى المدارس السنية واعدادهم الاعداد الكافى فى كل المراحل لإخراج جيل منظم منبط يستطيع ان يشرف الكرة السودانية فى المحافل الدولية والمحلية على مستوى الأندية والمنتخب ، و قبل كل ذلك يجب ابعاد هذه الوجوه التى عاست فسادا فى الكرة السودانية ولم يقدموا شيئا للسودان سوى الخزى والعار فى كل المحافل .. يجب ابعاد هذه الوجوه لاعبين ومدربين ، فى كل الأندية السودانية .. هلال ، مريخ ، موردة ... وغيرها من الأندية ، والعمل فى نفس الوقت على جلب مدربين أجانب من أوروبا أو أمريكا الجنوبية .. للإستفادة من هذه العقول و زرع خبراتها فى الجيل الناشئ و تعليم الأطفال صغار السن ابجديات كرة القدم ، كل ذلك لبناء جيل يمكن الإعتماد عليه مستقبلا ..

[سودانى]

#1463224 [QUICKLY]
3.00/5 (2 صوت)

05-19-2016 08:58 AM
الضربتين غير صحيحات 100%
المغاربة ديل ذكرونا بي لاراش الحكم المغربي و هلال 87 الاسطورة في نهائي كأس أبطال الاندية أمام الأهلي المصري في القاهرة
شمال أفريقيا كلهم يرشون الحكام مافي اتنين تلاتة

[QUICKLY]

ردود على QUICKLY
European Union [هلالابي] 05-19-2016 06:14 PM
زي ما انتو رشيتوا حكم الجلكسيات الزامبي واداكم ضربتين جزاء مع الهلال في كونفدرالية عام 2012 ولا نسيتوا " كما تدين تدان ".


#1463219 [جدو]
5.00/5 (1 صوت)

05-19-2016 08:47 AM
من شدة ما اتعودوا على حكامنا العواليق البساعدوهم في القاسية و الهينة لمن جاهم حكم نزيه اتخلعوا

الحكم امس جامل المريخ في كثير من الحالات و المفروض يطرد 4 لاعبين على الاقل اولهم ابو كرشة امير كمال الذي كاد ان يكسر ساق منافسه في لعبة اقرب للمصارعة منها لكرة القدم

اضافة للشماسي علاء يوسف و شلة البلطجية المعاهو

اما حاتم محمد احمد العامل فيها راجل دا جا يتدبا زي النسوان و ضرب الحكم و جرى بعيييييد الخايب

غايتو المريخ ياهو ما اتغير من ما عرفناهو لا كورة لا خلقة لا اخلاق

[جدو]

#1463213 [ابو محمد]
1.00/5 (2 صوت)

05-19-2016 08:39 AM
لكم العتبى حتى ترضوا يا مريخاب

[ابو محمد]

#1463201 [كيف يجهلوك]
0.00/5 (0 صوت)

05-19-2016 08:16 AM
مريخ قال يخسى عليكم فضحتونا....خلو الكور لاسياده الهلالاب

[كيف يجهلوك]

#1463193 [Salah AL Deen P]
1.00/5 (1 صوت)

05-19-2016 08:07 AM
يا المريخاب اشربوا ليكم شاي حليب بالنعناع .. لانو مفيد ويزيل التوتر خخخخخ

[Salah AL Deen P]

#1463190 [Flowers]
1.00/5 (1 صوت)

05-19-2016 08:04 AM
والله عجب ياكاتب المقال الفرصة الوحيدة للمريخ هي خطاء مدافع مراكش بإسترجاع الكورة للحارس ههههههههههههه يعني منتظرين المغاربة يهزمون أنفسهم ولاتوجد أي
فرصة من أنصاف لاعبي الحواري أقصد أندية الرمة ههههههههههههههههههههههه!!!!!

[Flowers]

#1463189 [Salah AL Deen P]
1.00/5 (1 صوت)

05-19-2016 08:03 AM
بالرغم من الهزيمة إلا ان المريخ اكتسب المزيد من الاحتكاك والخبرة والتعرف على اللعب الافريقي والعربي وصقل مؤهبته ... مما سوف يؤهلة في المرات القادمة من تجاوز العقبات بقليل من الاعداد خخخخخخخخخ
30 سنة والحال كما هو 30 سنة والمريخ يكتسب فقط مزيد من الاحتكاك خخخخ

[Salah AL Deen P]

#1463183 [عبد الرحيم]
1.00/5 (1 صوت)

05-19-2016 07:51 AM
قالوا العرجاء لي مراحها .. بلا مريح بلا لمة ..يلا العدد تمة؟

[عبد الرحيم]

#1463171 [ود أحمد]
0.00/5 (0 صوت)

05-19-2016 07:24 AM
والآن وبعد ان خرجت الفرق السودانية واحد تلو الآخر فبماذا سيشغلنا النظام في الفترة القادمة؟!!

[ود أحمد]

ردود على ود أحمد
[جركان فاضى] 05-19-2016 12:30 PM
بى مخرجات الحوار


#1463164 [السماك]
1.00/5 (1 صوت)

05-19-2016 07:09 AM
مرحباً بالسودان بين دول شمال أفريقيا ..

[السماك]

#1463161 [سامي عز الدين]
1.00/5 (1 صوت)

05-19-2016 07:04 AM
+ لو تم الاحتجاج القوي على الحكم منذ الضربة الأولى كان أفضل.. لتشكيل ضغط عليه..ولكن للأسف حصل الاحتجاج بعد الضربة التانية.. كان الأفضل أن يتم على الضغط على الحكم منذ الضربة الأولى.. ويكون عن طريق واحد من الادارييين لأن طرده غير مؤثر..لكن عدم الاحتجاج من الضربة الأولى جعل الحكم مرتاحا وتمادى أكتر في ظلم المريخ.. لا يوجد تكتيك للتعامل مع الحكام الأفارقة..

[سامي عز الدين]

#1463153 [سيد سليم]
1.00/5 (1 صوت)

05-19-2016 06:17 AM
أصبحت عادة عند الفرق السودانية بل والمسئوولين المرافقين الاعتداء على الحكامواشانة سمعة اليلاد ومهما يكن من خطأ للحكم فهناك مراقب المبارة وهناك الاتحاد الأفريقي لكرة القدم وهناك الفيفا ويمكن الشكوى لهم والمحافظة على وجه الفريق اما ان يعتدى احد مديرى النادى او المدرب او اى من الإداريين المرافقين للفريق فليس من الرياضة في شيء هذه تصرفات صعاليك وأرجو ان تمنع الدولة او يشطب النادى جميع الإداريين واللاعبين ممن ارتكب هذه الحاقة على الأقل للمحافظة على سمعة السودان وليعلم أهل الرياضة عندنا ان بعض هذه المباريات يتم بثها عبر قنوات عالمية مثل قناةBein Sports التي تنقل جميع المباريات الدولية واتابعها هنا في نيويورك ومطاردة الحكم بعد المبارة والاعتداء عليه من قبل اللاعبين والاداريين لا تشرف ،ارحونا يرحمكم الله ولنمنع أولئك الصعاليك من تمثيل السودان والحفاظ على ما تبقى لنا من سمعة

[سيد سليم]

#1463147 [خاتي اللوم]
3.00/5 (2 صوت)

05-19-2016 05:21 AM
الموضوع ما ضربات جزاء
الموضوع إنّو نحنا ماعندنا فريق ،مليون مرة قلنا هذه المجموعة من اللاعبين غير جديرة بتمثيل المريخ ،مجموعة من العواجيز والمحترفين الفاشلين وكمان جابت ليها اخلاق معفنة وضرب في الحكام بقيادة المتهور الأكبر حاتم بلنتي، وحاتم ده طبعا مشهور بالتهور والحماقة وحينما كان لاعبا دائماً عندو بلنتي مضمون هدية للفريق المنافس اما علاء شلاليت أنا ماعارف عاوز يلعب لمتين باصات كلها غلط واخلاق زفت
اما المدعو أمير كمال فقد اتضح إنّو إشاعة كبيرة
عنكبة ماعارفنو كان بعمل في شنو
بكري ،خرمجة شديدة
مصعب ،عامل السن كان واضح
الباقين أنا شخصيا ماسمعت اسماهم.
الحل
شطب كل هذا الكرور والاعتماد علي فريق الشباب

[خاتي اللوم]

#1463144 [خواجة]
3.00/5 (2 صوت)

05-19-2016 04:55 AM
مريخ تعبان لايستطيع الوصول للشباك. مدافعين اغبياء.
وسط تائه .هجوم سارح كالعادة. خطوط متباعدة.
باصات مقطوعة. لابد من العمل من البداية.

[خواجة]

#1463142 [مبارك]
0.00/5 (0 صوت)

05-19-2016 04:38 AM
احسن خبر اسمعه في حياتي
يله بلا لمه... مريخ شنو وخرابيط شنو
انت احسن من سيد البلد؟
كنا متأكدين بأنك لا تتجاوز هذه المرحلة وهذه حقيقة لا غبار عليها
لذلك ما كنا مستعجلين خروجك لان خروجك حتمى حتمى حتمى
انت احسن من سيد البلد؟
والسنة الجاية لا تحمل حتى بكأس الحديد كأس سيكافا الذبحتونا بيهو

[مبارك]

ردود على مبارك
European Union [sasa] 05-19-2016 09:38 AM
مبارك ............ يامبارك وتسلم يافرده

European Union [SudaniOne] 05-19-2016 09:20 AM
أهلا بالاخوة ( الصفراب) !!

European Union [جركان فاضى] 05-19-2016 08:39 AM
يعنى كنت تشاهد فى المباراة بحسد شديد...شوف المريخ لما لعب لعبة تحضيرية واحدة مع بايرن ميونخ فى قطر شوف كيف نتائجه كانت مذهلة....لكن اللعب مع ناس قريحتى راحت هو سبب هبوط مستوى المريخ...ابعد من اللعب مع الفرق العشوائية تظهر صورتك الحقيقية يا مريخ

[جاري النبي] 05-19-2016 05:33 AM
ليش بروك المريخ ود عمنا مايصير صاح مايستاهلون لكن برضو حسبت عيال عمنا لا


#1463126 [الهلباوي]
1.00/5 (1 صوت)

05-19-2016 02:12 AM
لم اشاهد ضربة لجذاء الاولي ولكن الثانية صحيحة 10℅ لغباء مصعب عمر .. المريخ في الشوط الثاني كان الافضل والاحق بالتاهل

[الهلباوي]

#1463125 [سامي عز الدين]
1.00/5 (2 صوت)

05-19-2016 02:02 AM
+ لا الأولى صحيحة ولا التانية صحيحة..والقرار الصحيح انّذار اللاعب للتمثيل في الحالتين..كما نشاهد في الدوريات الاوربية.. شكل الوقعة ظاهر تمثيل !!

+ لن تتطور الكرة الافريقية ما لم يتطور التحكيم الافريقي ..

+ هذا لا يمنع أن لاعبي المريخ ساعدوا الحكم في ظلمهم.. ولم يجيدوا التكتيك لا في المناسب للمبارة ضد الحكم أولا وضد المراكشسي ثانيا..كما هو معروف في مثل هذه المباريات..

[سامي عز الدين]

ردود على سامي عز الدين
European Union [sasa] 05-19-2016 09:41 AM
ولن يتطور التحكيم في افريقيا ان لم يك الحكم وإدارة البلاد والمؤسسات بالتراضى بين كل افراد الشعب وليس بحكومة تجار الدين وحميدتى ومحمد عطا



وما ينط لى واحد في حلقى ويقول لاعلاقة بين السياسة والرياضة

[ابو ريتاج] 05-19-2016 06:38 AM
من سنين والفشل ملازمكم وكل سنة والفرق السودانية لم ينجح احد وشاطرين في الاحتجاجات وقلة الأدب شوفوا ليكم حاجة غير الكورة


#1463123 [كسفريت سكرو]
3.00/5 (2 صوت)

05-19-2016 01:50 AM
ضرب الجزاء الأولى غير صحيحة

[كسفريت سكرو]

ردود على كسفريت سكرو
[ابو الخير] 05-19-2016 06:53 PM
وحتى التانية برضو فيها شك
لكن الثكلي مافي داعي ليهم
نحن ما نجضنا في ملعبنا نفتش ليها برة
والله انا مريخابي
لكن الروب دا لزومه شنو
وهذه فضيحة وبعدين حاتم محمد احمد دا لما كان بيلعب دا كان اسلوبه الغبي دائما
وغير متحضر
يجب معاقبته بمنعه من دخول نادي المريخ للابد لأنه فضحنا وشرط عيننا


#1463117 [نبيل حامد حسن بشير]
3.00/5 (2 صوت)

05-19-2016 12:39 AM
ضربة الجزاء الأولى مشكوك فيها، لكن الثانية صحيحة وبغباء من المدافع. المبارة ضعيفة وفقيرة من الفريقين. كلاهما لا يستحق المنافسة على كأس افريقي. المركشي سيكون أول الفرق المغادرة وبعدد غير مسبوق من الأهداف!!!!

[نبيل حامد حسن بشير]

ردود على نبيل حامد حسن بشير
United States [سيد سليم] 05-19-2016 06:20 AM
كان هناك جذب من القميص من جانب المدافع يا نبيل ثم يبدو ان قدمه لامست قدم اللاعب وفى ذات الةقت كان امام اللاعب مدافع آخر بمعنى انه لم يكن بوسعه حقا التهديف ولكن المداغع ظل يتابع رغم ان زميلا له كان امام اللاعب ..... راجع الفيديو


#1463112 [امبوطه]
1.00/5 (1 صوت)

05-19-2016 12:22 AM
غادي

[امبوطه]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة