الأخبار
أخبار إقليمية
النقل: (سودانير) لا تملك ولا ناقلاً واحداً وجميع طائراتها مؤجرة
النقل: (سودانير) لا تملك ولا ناقلاً واحداً وجميع طائراتها مؤجرة
النقل: (سودانير) لا تملك ولا ناقلاً واحداً وجميع طائراتها مؤجرة


05-19-2016 11:03 AM
الخرطوم: تقوى موسى
أقر وزير النقل والطرق والجسور مكاوي محمد عوض، بوجود مشاكل ومعوقات اقعدت الخطوط الجوية السودانية (سودانير) عن دورها، وقال (نحن الان لا نملك ولا طائرة، وجميع طائراتنا مؤجرة)، وكشف عن احتلال (سودانير) للمرتبة الثانية في الوزارة من حيث الإيرادات بعد الموانئ البحرية.
وقال الوزير خلال استضافته في برنامج (الحديث الاسبوعي) الذي نظمته الإدارة العامة لشؤون مكتب الناطق الرسمي بوزارة الاعلام امس، قال ان مطار الخرطوم يستقبل يومياً (23) سفرية، واوضح ان الحصيلة المالية لـ (سودانير) للعام 2015م بلغت "95" مليون دولار، و"521" مليار جنيه.
وارجع مكاوي تراجع الخطوط الجوية السودانية للدور السلبي للحصار الأمريكي الذي وصفه بالجائر، لتأثير المقاطعة الامريكية على جملة من الاشياء منها عدم التمكن من الحصول على قطع الغيار.
وأكد مكاوي توفر الإرادة السياسية الكافية للنهوض بمؤسسات وهيئات الوزارة وتنفيذ خططها ومشاريعها على أرض الواقع، واشار لقرار رئيس الجمهورية القاضي بإعفاء الاسفلت من الجمارك، وقال ان القرار دخل حيز التنفيذ.
وكشف الوزير عن حوار بين الوزارة وسلطات ولاية الخرطوم حول مصير بقاء رئاسة ومباني السكة الحديد بالخرطوم، عقب ازالة كبري المسلمية، ولفت لجهود لاستعادة ايرادات السكة حديد وأهميتها كناقل وطني، وطالب الصحافة وأهل الاعلام بإجراء حوار مفتوح لبحث سبل النهوض بالسكة حديد، وأكد ان شعار (لا بديل للسكة حديد إلا السكة حديد) يعتبر شعاراً عالمياً، وابان ان الوزارة تملك خطة واضحة للنهوض بذلك القطاع المهم لتحقيق اهداف استراتيجية للدولة، تتمثل في اقليمية ميناء بورتسودان ليكون المنفذ لدول الجوار.
وأوضح مكاوي ان خطة عملهم في السكة حديد بدأت في العام 2010م بإدخال قطارات حديثة وذات سرعة عالية، وكشف عن تطور تقني كبير شهدته السكة حديد عالمياً، وقال (الان هناك اربع سرعات مختلفة للقطارات، وأن السرعة الاعلى تتطلب وجود بنية تحتية مكلفة جداً).
واشار وزير النقل الى اخضاع السكة حديد لقانون المؤسسات للعام 2003م، وقال (زمان الزول بيضربو قطر بيكون هو الغلطان لانه وقف في طريق القطر، الان البضربو قطر يشتكي لي ناس المرور).

الجريدة


تعليقات 11 | إهداء 0 | زيارات 4727

التعليقات
#1463984 [خاتي اللوم]
0.00/5 (0 صوت)

05-21-2016 12:22 AM
انتو القرقرابة والونسة مع جاكوب زوما ده كانت بالعربي ولا بالإنجليزي ؟

[خاتي اللوم]

#1463880 [جركان فاضى]
0.00/5 (0 صوت)

05-20-2016 06:37 PM
وكشف مكاوى ان سودانير تأتى فى المرتبة الثانية من حيث الايرادات بعد الخطوط البحرية!!!!!!...وهل تملك الخطوط البحرية باخرة واحدة حتى يكون عندها ايرادات؟

[جركان فاضى]

#1463807 [مكتول كمد]
3.50/5 (2 صوت)

05-20-2016 02:13 PM
اليوم ضحك وغدا بكاء يابشكير

[مكتول كمد]

#1463768 [AAA]
4.25/5 (3 صوت)

05-20-2016 12:15 PM
وزير نقل.. وخطوط جوية سودانية "سودانير" ورئيس مجلس ادارة وموظفين وعمال ومباني وعربات..ورئيس لجنة النقل بالبرلمان بدرجة وزير.. وكباتن ومضيفات ومشكلة خط هيثرو...الخ وبعد ده كله ما عندنا ولا طيارة يتيمة !!! وينطبق الحال على الخطوط البحرية..لافتة بس !!

** المفروض يتم تغيير اسم الوزارة الى وزارة النقل البرى.. وان يكون مقرها في الميناء البري..

[AAA]

#1463601 [zahgan]
0.00/5 (0 صوت)

05-19-2016 09:37 PM
If someone got hit by a train he will not walk for ever , how he could go to complain

[zahgan]

#1463580 [kamal salih]
0.00/5 (0 صوت)

05-19-2016 08:29 PM
كانت في 3 طائرات ملك الشركة قبل ما تجي عارف الكويتية وتدمر الشركة . اشتروها وسجلوها في السودان .

[kamal salih]

#1463534 [الردم]
4.00/5 (3 صوت)

05-19-2016 06:25 PM
انتي تعلم يا مكاوي لا حصار ولا يحزنون من دمر سودانير من دمرها هم بني ماسون من حزبكم الحاكم الدين دمروا الخطوط البحرية والسكة حديد ومشروع الجزيرة وفصل الجنوب واشعال الحرب العرقية في دارفور والقبلية وحتي الان ساعين لفصل اكتر من اقليم ولن تفلحوا مالم تقدموا العميل ورئيس بني ماسون علي عثمان محمد طه مهندس تدمير السودان واعوانه منفدي سياسة اليهود والنصاري في ارض الوطن لمحاكمات واستئصالهم من مفاصل الدولة وان تنحي الافعي جانبا فهو ينفث السم

[الردم]

#1463514 [الجن الارقط]
3.25/5 (3 صوت)

05-19-2016 05:43 PM
(وارجع مكاوي تراجع الخطوط الجوية السودانية للدور السلبي للحصار الأمريكي الذي وصفه بالجائر)
انتو زمان وقت كنتوا بتهددوا فى امريكا و تنعلون سنسفيلها بدون سبب و قلتوا جاهزين ليها و عذابها قد دنا ما كنتوا متصورين ان هذه الامريكا حتعملها فيكم امريكا دى يا ناس الانقاذ دولة عدل و مساواة و انتو لو ما غيرتو اسلوبكم القميئ ده امريكا دى حتكون دايسة على رؤوسكم ببوتها زىىىى ده و تقعدوا تسكلبوا زى العوين.

[الجن الارقط]

#1463378 [خرباش]
3.50/5 (2 صوت)

05-19-2016 01:32 PM
23 رحلة فى اليوم ؟؟؟؟ دى القطرية بتعملها فى 23 دقيقة ...

[خرباش]

#1463359 [ود المهدي]
3.00/5 (3 صوت)

05-19-2016 12:54 PM
البركة في حكومة الانقاص وقفت حال البلد الله أوقف حالهم شنو الما وقفوا ودمروه

السكة الحديد الطيران المشاريع الزراعية الكبيرة الطرق النقل البحري لم يتركوا شيء ما دمروه الاقتصاد التعليم الصحة قسموا السودان لدولتين كثروا الفساد بين العباد ، قاتلهم الله آنى وجدوا

[ود المهدي]

ردود على ود المهدي
[جركان فاضى] 05-20-2016 06:35 PM
ههههههها حكومة الانقاص.....تعبير جميل....شبعتنا ضحك يا ودالمهدى


#1463346 [QUICKLY]
4.97/5 (6 صوت)

05-19-2016 12:24 PM
سودانير ولا طائرة واحدة
والتور الفي الصورة دا قاعد يضحك مبسووط ولايهمه
البلد دي بقى ما فيهارجال... !!!!!

[QUICKLY]

ردود على QUICKLY
[sasa] 05-20-2016 10:57 AM
ده ماهو تور ظلمت التور وانا كمان اظلم الخنزير وأقول ده خنزير برى



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة