الأخبار
أخبار إقليمية
البشير : لاقطوعات للكهرباء خلال شهر رمضان مالم ياتي قدر من رب العالمين،
البشير : لاقطوعات للكهرباء خلال شهر رمضان مالم ياتي قدر من رب العالمين،
البشير : لاقطوعات للكهرباء خلال شهر رمضان  مالم ياتي قدر من رب العالمين،


05-22-2016 07:56 PM
الخرطوم : عمر دمباي


كشف رئيس الجمهورية المشير عمر البشير عن مشروع لتوطين اهالي حلفا المهجرين بمنطقة دلتا وادي حلفا وتعويضهم ماديا وعينيا، وأعلن عن التزام رئاسة الجمهورية بإنشاء ترعتي سد مروي،وقال البشير خلال مخاطبته ختام مؤتمر نهضة الولاية الشمالية بقاعة الصداقة أمس ان شهر رمضان سيكون خالي من قطوعات الكهرباء مالم ياتي قدر من رب العالمين، وأعلن عن تبرعه بمبلغ(5) مليون جنيه، مؤكدا التزام الحكومة بالتبرع باربعة اضعاف ما يتم جمعه من تبرعات لنهضة الولاية. من جانبه كشف والي الولاية الشمالية علي العوض عن ان ابرز توصيات مؤتمر نهضة الولاية الشمالية تمثلت فى مناهضة القرار (206) والذي قال بأنه صادر “نصيب الأسد” من اراضي الولاية لصالح وحدة تنفيذ السدود.
آخر لحظة


تعليقات 34 | إهداء 0 | زيارات 9687

التعليقات
#1465227 [الناهه]
4.17/5 (14 صوت)

05-23-2016 11:29 AM
يا سيادة المشير عمر البشير رئيس الجمهوريه
الشعب السوداني يعلم بان اسوأ الاقدار قد وقع وانتهي
وكل الشعب يرفع اكف الضراعة لله تعالى ان يرفع عنه المقت والغضب
فلا ترهق نفسك عناءا ودع الكهرباء تقطع في رمضان وفي غير رمضان فكلها شهور الله وحتى لو قطعت الكهرباء في رمضان فان ثواب الصيا سيكون اكبر
لا شك ياسيادة المشير رئيس الجمهوريه انت وبطانتك لا تحسون بانقطاع الكهرباء لان مساكنكم مجهزه بجرنيترات اتوماتيكيه هذا ان لم يكن قطع الكهرباء عنكم من المحرمات والخيانه الوطنيه
لا تسرفوا في الوعود واقطعوا الكهرباء كما شئتم ورضيتم
سيتجه الشعب في رمضان الى الصلاة والعباده والدعاء ان يذهب الله عن هذه البلاد البلاء والابتلاء وان تشرق الشمس بعد طول ظلام وظلمات

[الناهه]

#1465224 [قدر الله جاكم]
4.17/5 (12 صوت)

05-23-2016 11:23 AM
بسيطة جدا .

انت القدر ذاتو .في رمضان أرحل ليك لي أي بلد وتكون المشكلة انحلت.قال قدر قال.

[قدر الله جاكم]

#1465211 [almahi]
4.17/5 (11 صوت)

05-23-2016 10:58 AM
غريبه نتكلم عن الكهرباء وقطوعاتها عام 2016م ليه اصلا تقطع فى رمضان ولا غير رمضان قرى نائية فى الهند ووسط المطر والمزارع كهربتها شقاله نحن فى الخرطوم العاصمه ونحلم بالكهرباء . كمان مدفوعه مسبقا اقترح حل شركة الكهرباء ويفتحوا المجال للناس تجيب مولدات لان الكهرباء صارت ضرورة وليست كماليات كل كم حى ينوروا نفسهم طالما الفلوس مدفوعه مقدما

[almahi]

#1465200 [QUICKLY]
4.17/5 (12 صوت)

05-23-2016 10:41 AM
بلا يخمك يا عمر البشير
الكهرباء خليناها ليك والوزراء بتاعنك

[QUICKLY]

#1465173 [رابسو]
4.17/5 (12 صوت)

05-23-2016 09:55 AM
والله العظيم ما شفت في حياتي رئيس كضاب ذي البشير ده ... هو كده داخل النار داخله .. بعدين حكاية يتبرع ب 5 مليون ديه شوية منه ما دام مزعته بتدخل ليه مليار جنية بالسنة وعمارات شمبات بالخرطوم بحري قصاد السوق المركزي المفروض يتبرع بيها ك وقف لمساعدة الغلابة ولا يكلم حبيبته الكتل راجلها شمس الدين وضماها لحوش بانقا تتبرع بأيجار شهرين بس من عقاراتها بماليزيا ودبي ، ولا يكلم أخوانه الحرامية ويقول ليهم أتبرعوا من أموال الشعب التي نهبتوها ....

سجم خشمك يا السودان الكان رئيسك عمر البشير .......

[رابسو]

ردود على رابسو
[البيادة العسكرية] 05-23-2016 11:36 AM
رائحة النفاق تكاد تخنقني في هذا المجتمع


#1465152 [شهنور]
4.17/5 (12 صوت)

05-23-2016 09:13 AM
اتنا قدر الله بقدومكم يا رزلة.

[شهنور]

#1465139 [قلام الفقر]
4.17/5 (12 صوت)

05-23-2016 09:04 AM
سبحان الله يامعتوه: أانت من يقول ( مالم يأتى غدر من رب العالمين), ماذا تعلم عن رب العالمين, أاعمالك كلها لها علاقة برب العالمين؟؟؟؟ او حتى انت تعرف رب العالمين ياجائر ياظالم, اى رب العالمين قد حرم الظلم على نفسة, الاتعلم ذلك ياعاق الله ورسولة. الم يخطر ببالك ان الكبوات والمكالبات التى وضعك فيها رب العالمين لهى غضب رب العالمين, الم تستشعر بان ما انت فية غضب رب العالمين وكونك رئيس دولة محدود ومطار من العدالة الدولية والتى اتتك من رب العالمين وانت الرئيس الاوحد بالعالم من غضب علية رب العالمين ووضع فى اشر اعمال من سوء اعمالك ومن ظلم عباد رب العالمين, ويل وويل للحاكم الظالم من اخذ رب العالمين, ولاسيما الكل يدعى عليك بسوء الدعاء, وانظر من حولك منذ ان ولاك رب العالمين على ولاية عباد رب العالمين, كم طفل قتلت, وكم من امراءة رملتها , وكم كم من طفل يتمته, وكم من روح زهقت وقتلت من دون جريرة, وكم نفسة اظمئت, وكم من نفس جوعت, وكم من مال استحوزتة, وكم من ظالم فاجر مكنته, ياظالم ياظالم ياظالم, وصدق الله جل وعلا حين قال (نسوا الله فانساهم انفسهم), منذ نزول القراءن الكريم لم تنطبق هذه الاية الكريمة الا عليك انت تحديدا, نسيت رب العالمين فانساك نفسك وبلغ بك مبلغا الى ان تجبرت وتكبرت وقلت انا ربكم الاعلى , لقد فقت فرعون فى تجبرة وتكبرة و تظلمة وادعاءه بانة رب العالمين ربكم الاكبر, انت ياعمر شقى دنيا واخرة, وهذه هى مشيئتك التى ليس منها مفر من رب العالمين, وتعود وتقول (الا قدر من رب العالمين) ياجاهل برب العالمين, ورب العالمين سيعاملك فى الدنيا والاخرة بما تستحق, وعلمة عند مليك مقتدر.

[قلام الفقر]

ردود على قلام الفقر
European Union [الظلم ظلمات] 05-24-2016 08:52 AM
لقد اسمعت لو ناديت حيا

[قلام الفقر] 05-23-2016 01:02 PM
والله ضحكتنى ياغبيان يامعتوة: اظنك من الجماعة الساقطين اياهم, البيادة العسكرية: يا بتاع المؤتمر الوطنى ومنبرش البشير, كلام فارغ يا فارغ من دون ادنى شك, روح الله يقبرك انت والزيك وفى مقدمتكم عمر وهم المجرم الدولى الهارب من العدالة, يامرتهن ياسفيق. وكفاك, باكر بجى الخريف وكلكم بتقيفوا.
بعدين انا ماكل وشارب من المجرم بتاعك ياوهم ويا قليل قليل الادب وياجاهل.

[البيادة العسكرية] 05-23-2016 11:45 AM
ما يفعلة رئيس الجمهوريه في مصلحة الشعب وأمن هذا الوطن الغالي.
وانت كل معتوه منبطح على فراشك ماكل وشارب, فاحمد ربك على هذه النعم,,,,,,, بلاش كلام فارغ


#1465137 [أبو حسن]
4.17/5 (13 صوت)

05-23-2016 09:02 AM
شوفو من حسع زايغ وجايب الأعذار ... الكهربة قاطعة قاطعة في رمضان ... هو في قدر أكتر منكم ... لعنة الله عليكم يا أعداء الله والشعب

[أبو حسن]

#1465131 [ود المهدي]
4.17/5 (12 صوت)

05-23-2016 08:57 AM
قطع الله رقبتك ، مالك لسانا صادقا : كفاية انفصال الجنوب لن يؤثر على اقتصاد السودان ، كفاية وبالطلاق عدم دخول جيش الأمم للسودان ، كفاية أمريكا دنى عذابها هو شنو القلتوا وكنت صادقا كفاية نلبس مما نصنع وناكل مما نزرع ، السد السد كهربته سوف تغني السودان وتغطيه كله ، ومتى كنت صادقا لقولك طيلة سنوات عمرك . فمتى تصدق متى؟


حكومة فاشلة ولن ينصلح حال السودان إلا بفك الحصار وذهابكم عن سدة الحكم

ارحموا هذا الشعب الفضل وكونوا حكومة جامعة لاخراج السودان من ازماته التي صعبت على الجميع لو كنتم رجال وتعرفون الله بحق ....

اربع لا أمان الله : 04)الحكم ولو قرب منك

[ود المهدي]

#1465115 [مواطن دارفورى]
4.17/5 (12 صوت)

05-23-2016 08:39 AM
( مالم ياتي قدر من رب العالمين، )

رب العالميين لا يرسل قدر المضره .. ولكنه قدرك انت .. أهملت فأصبت القدر ... الله أعطاك نافوخ واسئت استعماله وحركت انقلابك .. المسؤل ةليس رب العالمين بل انت الذى أعطاك عقلا لتفكر به .. فان حدثت قطوعات في شهر رمضان فأنت المسئول وليس ر ب العالمين كما تقول .. فالله لا يضر عباده ابدا بل انت بفسادك الذى نشرته .. تبا لك وتب .

[مواطن دارفورى]

#1465106 [مجنونة وبس]
4.17/5 (11 صوت)

05-23-2016 08:29 AM
ماذاا تريد أن تقول ..بظبط أن نحن غير ممومنين أم سهر رمضان غير مفيدة. ...قدر من رب العالمين في شهر رمضان. نحن نصوم عشان رب العالمين وكيف هو يقطع منا الكهرباء. هل لكم رب أخرى ولن آلهة أخرى لأن في قصركم لا شي يحدث ولنا ممكن .ما الفرق بيننا وبينكم أمام اللة .نحن نتوكل في اللة ولكم مضمون 100% هل هذة إيمان. ...

[مجنونة وبس]

#1465085 [قدر رب العالمين]
4.17/5 (13 صوت)

05-23-2016 07:53 AM
انا بحتار لما افكر ارد على كلام الجزمة ده، اقول شنو!!
ده مافي نبذ ولا شتيمه ممكن تحتويه، و من سفاهته كل استهزائه الدائم برب العالمين وتصريفه للاقدار، مره يقول: الزارعنا غير الله يجي يقلنا"، وجاي الليلة يقول الكهرباء ما بتقطع الا (قدر من رب العالمين).
رب العالمين قدر لينا نعيش عمرنا كله نلعن فيك وفي قبيلتك كلها، وفي اولاد المايقوما الجالسين يسمعوا كلامك ده وما فيهم واحد ود رجال يقوم يقلع مركوبوا يرميه قي وشك.
ما لا يمكنك ان تتوقعه هو كيف ستكون نهايتك القدرها ليك رب العالمين، وخلي اولاد المايقوما ديل يقدروا يتنبأؤ ليك بيها.

[قدر رب العالمين]

#1465084 [السودان الوطن الواحد]
4.17/5 (12 صوت)

05-23-2016 07:49 AM
سيكون خالي من قطوعات الكهرباء مالم ياتي قدر من رب العالمين،

حفظنا لغة الكذب ورمضان بيننا

[السودان الوطن الواحد]

#1465080 [ود العمدة]
4.17/5 (11 صوت)

05-23-2016 07:37 AM
عزيزنا بشبش ....
أرسل كلمة "حلم " من عدم قطع الكهرباء في رمضان الي شركة كهرباء السودان ...
ستفوز_________بمليون خيبة أمل

[ود العمدة]

#1465047 [خليل ابراهيم]
4.17/5 (13 صوت)

05-23-2016 05:53 AM
منتهى السخف.
الكضب فى كل شى يعنى ببساطه الكهرباء كان قطعت انا ما مسئول.
انتا ما تخلى الكضبة دى للوزير ولا ما داير الموسم يفوتك.

[خليل ابراهيم]

#1465043 [abuahmed]
4.17/5 (14 صوت)

05-23-2016 05:11 AM
يا جماعة الخير الرجل صادق وما تهاجموه ساكت خليني افسر ليكم واحده واحده


ما حتكون في قطوعات في رمضان = لانه أصلا ما حتكون في كهرباء عشان تقطع يعنب بلعربي كده ما حتجيكم أصلا

الا يجي فدر من الله = وده بيقصد بيها الا ربنا يأخذ المللك من واو يابو احمد كده

و قد تكون اضغاث هذا والله اعلم يرحمني ويرحمكم الله

[abuahmed]

ردود على abuahmed
European Union [Konda Angelo] 05-23-2016 09:35 AM
يعني رب العالمين في الشهر العظيم يكون سبب في قطع الكهرباء من عباده الصائمين، والسبب يكون بشري مبين


#1465040 [متامل]
4.17/5 (13 صوت)

05-23-2016 04:51 AM
أصلوا قدر الله ده جاي جاي سيف قااااطع

[متامل]

#1465039 [حاج علي]
4.17/5 (12 صوت)

05-23-2016 04:49 AM
الجاك

يعني اذا قطعت مش مننا من زبنا
هو ربنا ده بس قاعد في السودان ههههههههههههههههههه

[حاج علي]

ردود على حاج علي
[ود الشيخ] 05-23-2016 08:15 AM
استغفر الله العظيم .... استغفر الله العظيم ...


#1465008 [ahmed ali]
4.17/5 (13 صوت)

05-23-2016 12:50 AM
قطر مدني المكندش وصل و الا لسه

[ahmed ali]

#1465001 [فترنا]
4.17/5 (19 صوت)

05-22-2016 11:50 PM
الزول دا العاصرو علي البلد دا شنو هو في مصيبة أكبر منك. ..دي قوووووية👇🏻👇🏻👇🏻
يحكي :
أن البشير قال لعبد الرحمن الصادق المهدي :
ما تجي نمسكك رئاسة البلد دي ......
عبد الرحمن قال ليهو كدي يا ريس خليني أشاور اﻹمام
مشي لي أبوه الصادق المهدي، وقال ليه يابا : البشير قال داير يمسكني رئاسة البلد دي رأيك شنو ؟
الصادق قال ليه : اوعك ح تبقي عليك حكايه جنازة اﻷبيض . ....
عبد الرحمن قال لي أبوه كدي احكي لي حكايه جنازة اﻷبيض دي !!!!
الصادق قال ليه : في اﻷبيض تلب حرامي في بيت عزابه،،،، مسكوهو ودقوهو ﻻمن مات .....
العزابه رأسهم ضرب وقعدو جنب الجثمان لي قريب الصباح ....
فجأه واحد من العزابه قال ليهم جيبو لي كفن .... وبدأ يغسل في الجثمان وكفنو وانتظرو لحدد الشمس أشرقت وجاب عنقريب وقال للجماعة شيلو الجنازة وراحكم المقابر .....
وجاء شاقي بيهم سوق اﻷبيض ،،، جماعه السوق شبكوهم صلو علي النبي وواحد من ناس السوق يمسك رجل العنقريب وواحد من العزابه يتملص ﻻمن وصلو المقابر 😳 😳 😳 الناس بقت ما عارفه الجثمان تبع منو ؟
وﻻ الميت منو ؟
وﻻ الحاصل شنو اصﻼ؟
فدحين يا عبد الرحمن يا ولدي اعتذر ليه بي دبلوماسية كده وخليه يدفن جنازتو
😂 😂 😂 😂 😂

[فترنا]

ردود على فترنا
[سوداني غريب] 05-23-2016 06:52 AM
معقول هو الصادق لقاها واباها ده مسكين دايرها وجاري ورآها الطيش وكمان الجو خلي ليه تماما بعد وفاة الترابي أصل كان واقف ليه شوكة حوت وهو حسع منتظر إشارة او فرصة علشان يدخل مجلس الوزرا او حتي البرلمان والنَّاس كلها عارفه ذللك


#1465000 [دقدق]
4.17/5 (13 صوت)

05-22-2016 11:49 PM
شهر رمضان سيكون خالي من قطوعات الكهرباء إلا ما يجي قدر من رب العالمين
هو في قدر اكتر منك كرهك الله الحي الدائم

[دقدق]

#1464996 [الأمير]
4.17/5 (11 صوت)

05-22-2016 11:31 PM
عمري ما شفت لي حكومة تطلب من شعبها يتبرع ليها

[الأمير]

#1464977 [كوكى قرفان]
4.17/5 (14 صوت)

05-22-2016 10:30 PM
اراضى الولايه حتى تخوم شمال كردفان بيعت للرساميل الاسلاموعربيه العنيبى والراجحى ووووو الخ بشكل استيطانى فعادت الولايه او بالاحرى السودان يصدر العلف دون فوائد تجنيها البلاد ونستورد الالبان المجففه والعقاقير الطبيه التى تعالج اثار تناول الالبان المجففه.الله يجازى الكان سبب.

[كوكى قرفان]

#1464969 [من اين اتي هؤلاء]
4.17/5 (16 صوت)

05-22-2016 10:07 PM
انا داير افهم لما رئيس يقول انا متبرع بي كذا ياربي دي من جيبه ولا من جيبنا؟ اذا من جيبه لقي جيب وين بيشيل ده كله...
من جيبنا!!! معقوله لكن تتبرع بي حقنا لينا.

[من اين اتي هؤلاء]

ردود على من اين اتي هؤلاء
United States [ahmed ali] 05-23-2016 08:28 AM
تبرعات بالخشم مافي حاجة بتوصلهم


#1464953 [الباشكاتب]
4.17/5 (13 صوت)

05-22-2016 09:22 PM
بالنسبه لقطوعات الكهرباء فأنت كضاب .
اما بالنسبه لدم الولايه الشماليه فانت كضاب .

[الباشكاتب]

ردود على الباشكاتب
European Union [عبدالرحيم] 05-22-2016 10:48 PM
قال الرئيس:
1- اقامة مشروع لتوطين اهالي حلفا المهجرين بمنطقة دلتا وادي حلفا وتعويضهم
ماديا وعينياً.

2- أعلن لتزام رئاسة الجمهورية بإنشاء ترعتي سد مروي.

3- أعلن أن شهر رمضان سيكون خالي من قطوعات الكهرباء (طبعا لم يحدد اي رمضان)
ولا في اي جهة ربما يكون في كافوري لوحدها او بالقصر الجمهوري فقط.

4- أعلن عن تبرعه بمبلغ(5) مليون جنيه، مؤكدا التزام الحكومة بالتبرع باربعة
اضعاف ما يتم جمعه من تبرعات لنهضة الولاية.

الزمان: السبت 22 مايو 2015م
المكان: قاعة الصداقة الخرطوم - اختتام مؤتمر نهضة الشمالية


سبق وان قال الرئيس :
انه سيلتزم بتنفيذ مخرجات وتوصيات مؤتمر الحوار الوطني ودخلت التوصيات الى القصر الجمهوري ولم تخرج ولن تخرج منه ابداً...وان الراجل يمسكوا من لسانه.

وتنفيذا لتوجيهات رئيس الجمهورية اعلن المؤتمر الوطني عن تكوين لجنة من المؤتمر الوطني للإلتفاف على توصيات مؤتمر الحوار الوطني ولا يدري احد ما توصلت اليه اللجنة بشان مخرجات الحوار ؟

وفي ذات السياق رفض ممثل حزب المؤتمر الوطني في لجنة قضايا الحكم الاستاذ/ صلاح علي إمام مجدِّداً لمبادرة الشخصيات القومية باعتبارها تلغي دور الحكومة الحالية والتي جاءت عبر الانتخابات وهذا يعنى ان الحوار اذا كان يلغي دور الحكومة الحالية فهو مرفوض ايضاً..

ودقي يا مزيكا فمن كان ينتظر وعداً من هذه الحكومة فسيطول انتظاره فالحكومة الحالية (الاسلامية التقية النقية الورعة) جاءت من اول يوم بالكذب والقوة والسلاح والتخفي.. ثم واصلت لعبة الخداع والتخفي فكيف يصدق الناس رئيسا اقسم الله العظيم انهم ليسوا حركة اسلامية ثم قال لاحقا في احد المقابلات الصحفية انه دخل الحركة الاسلامية في الثانوية؟؟


#1464952 [زول ساي]
4.17/5 (19 صوت)

05-22-2016 09:20 PM
معناه ما في كهربا خالص في رمضان ؟؟؟

[زول ساي]

#1464944 [عبدالرحيم]
4.17/5 (15 صوت)

05-22-2016 09:07 PM
زعم الفرزدق ان سيقتل مربعا
ابشر بطول سلامة يا مربع

[عبدالرحيم]

#1464942 [ابواحمد]
4.17/5 (15 صوت)

05-22-2016 09:05 PM
شهر رمضان سيكون خالي من القطوعات الكهربائية
مادام انت قلت كدا ياسعادة الريس الله يستر

[ابواحمد]

#1464937 [زهرة]
4.17/5 (16 صوت)

05-22-2016 08:53 PM
الكضاااب

[زهرة]

#1464932 [ابو الهول]
4.17/5 (14 صوت)

05-22-2016 08:48 PM
كضابين ...كضابين ...كضابين
كضابين ...كضابين ...كضابين
كضابين ...كضابين ...كضابين
اها...........
(....انا حصل كضبت عليكم ...)

[ابو الهول]

#1464930 [هميم]
4.17/5 (16 صوت)

05-22-2016 08:46 PM
البشير وعصابته هم القدر الذي يجب علينا أن نسأل الله تعالى أن يجنبنا إياه

[هميم]

#1464920 [ودالنيل تمساح]
4.17/5 (16 صوت)

05-22-2016 08:18 PM
يقطع رقبتك

[ودالنيل تمساح]

#1464916 [صادميم]
4.17/5 (15 صوت)

05-22-2016 08:12 PM
حضروا المولدات الكهربائية و الشموع و الفوانيس لانها ستكون ايام عصيبة حالكة السواد شديدة الحرارة فالبشير دائماً يعني عكس ما يصرح به

[صادميم]

#1464915 [Truth]
4.17/5 (16 صوت)

05-22-2016 08:10 PM
انا قبل 20 سنة شفت الناس شايلين طوارى و هى جمع طورية و بحفرو فى احتفال و قالوا دى ترعتى كنانة و الرهد بس تانى ما شفنا حاجة

[Truth]

ردود على Truth
European Union [فطومة بت حمد] 05-23-2016 10:25 AM
دفاعنا الشعبي ياهو دي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة