الأخبار
أخبار إقليمية
الحسن وموسى يبحثان تخفيف أعباء المعيشة على المواطن
الحسن وموسى يبحثان تخفيف أعباء المعيشة على المواطن
الحسن وموسى يبحثان تخفيف أعباء المعيشة على المواطن


05-24-2016 07:57 PM
بحث مساعد أول الرئيس السوداني محمد الحسن الميرغني ومساعد الرئيس موسى محمد أحمد، الثلاثاء، سبل تخفيف أعباء المعيشة على المواطن والحوار الوطني ومآلاته، وبعده الخارجي، وسبل الدفع به، عبر حث الممانعين على الانضمام لمسيرة الحوار.

وقال مستشار مساعد أول الرئيس مهدي الشيخ إدريس، في تصريحات صحفية، إن الحسن وموسى اتفقا على عقد اجتماعات دورية بين مساعدي رئيس الجمهورية للتفاكر حول القضايا العامة.

وأكد مهدي أن محمد الحسن الميرغني كان في زيارة علاجية خارج البلاد، وعاد لممارسة نشاطه السياسي من داخل القصر، والإشراف على الملفات التي كلفه بها رئيس الجمهورية، وعلى رأسها ملف الأمن الغذائي.

وأشار إلى أن مساعد أول الرئيس أتى بروح جديدة للدفع بسبل معالجة القضايا السياسية الراهنة، لافتاً إلى أن وجوده بمكتبه بجنينة الميرغني، يكون لإدارة الشؤون المتعلقة بالحزب، والتي لا تتطلب وجوده بالقصر الجمهوري.


شبكة الشروق


تعليقات 25 | إهداء 0 | زيارات 3976

التعليقات
#1466418 [سيف الدين الجميلى]
5.00/5 (1 صوت)

05-25-2016 05:44 PM
وديل اتلمو معا بعض يون ياربى فى حولية الست مريم انا يتخيل لى مساعدى رئيس الجمهورية زى الضرات مابيدورو بعض

[سيف الدين الجميلى]

#1466411 [احمد]
0.00/5 (0 صوت)

05-25-2016 05:25 PM
لا تعليق الا هاهاهاها

[احمد]

#1466355 [جنجويد]
0.00/5 (0 صوت)

05-25-2016 03:00 PM
والله ردودكم كلكم عسل اول مرة الواحد يضحك من اعماق قلبواشكرا للرود اللذيذة بجد

[جنجويد]

#1466286 [المتجهجه بسبب الانفصال]
0.00/5 (0 صوت)

05-25-2016 12:59 PM
الحسن صاقعة النجم البحمي الشهادة والنضم
حليل موسى يا حليل موسى حليل موسى اللي الرجال خوصة



أغنيتين من التراث السوداني ولكن لا حياة لمن تنادي،،،

[المتجهجه بسبب الانفصال]

#1466245 [نصائح السكري]
5.00/5 (1 صوت)

05-25-2016 12:00 PM
خلاص كملتو قرايت الجرايد وشراب الجبنة؟

[نصائح السكري]

#1466230 [عمك تنقو]
5.00/5 (2 صوت)

05-25-2016 11:42 AM
مساعد الحله الحس سجم الرماد ومساعد الصاجات موسي يجتمعان لتخيف المعانة قاليك
هيوفه بت قدال رسلوها تجيب الحطب من الغابة مشت تفتش للرجال
تووووووووووووووووووووووووووووووووووووووووووووووووووووووفي علي اليوم المانا فيكم

[عمك تنقو]

#1466221 [CHOCOLATE]
0.00/5 (0 صوت)

05-25-2016 11:27 AM
اها طلعو بشنو من أجتماعاتهم هل المواطن استفاد منهم او تحصيل حاصل فقط

[CHOCOLATE]

#1466202 [سوداني]
0.00/5 (0 صوت)

05-25-2016 10:47 AM
اتلم المتعوس علي ......................

[سوداني]

#1466170 [elfaith]
0.00/5 (0 صوت)

05-25-2016 10:02 AM
اتلمه التعيس علي خايب الرجال
يا موسي محمد احمد انت بقيت مؤتمر وطني عديييل من وقعتوا اتفاق الشرق ٢٠٠٥ مع مصطفي عثمان اسماعيل وزير الخارجيه سابقا السفير حاليا بجنيف واليوم الشرق تعباااااااان مويه موووويه مالاقين
ما دايرنك يا موسي تحل مشكلة الشرق من تنميه وخدمات لانو ما عندك عصا موسي لكن
نفذ بنود الاتفاق الوقعتوه مع المؤتمر الوطني لصالح الشرق
وانت وامنه ضرار ومبارك مبروك سليم تنحوا جيبوا ناس غيركم ولا حزبكم دا فيو انتوا التلاته بس لا شفنا ليكم مؤتمر عام لا ندوة لا مؤتمر صحفي يناقش قضاياكم

اما انت يا ود الميرغني عليك الله امش فتش ليك صيوان عشان تعملوا مؤتمركم العام البقي حلم دا

المواطن السوداني ووووواعي وعارف المطره صابه وين

[elfaith]

#1466127 [الكلكي]
0.00/5 (0 صوت)

05-25-2016 09:05 AM
انتم الاثنين ومعكم ابن الصادق اكبر عبء علي الشعب السوداني

[الكلكي]

#1466126 [السودانى الاصيل]
4.00/5 (1 صوت)

05-25-2016 09:05 AM
سهيل وصحويل

[السودانى الاصيل]

#1466124 [ابو عمر]
5.00/5 (1 صوت)

05-25-2016 09:03 AM
دحين ده ما الزول الحردان في الجنينة

[ابو عمر]

#1466121 [عبوده السر]
5.00/5 (1 صوت)

05-25-2016 09:01 AM
الحسن وموسي ....ينفع يكون اسم لمسلسل تلفزيوني كوميدى.!!!!

الاثنين امعات وتافهين وحرام علي الراكوبه والله تتحفنا بأخبارهم
وصورهم وكأننا ناقصين بلاوى .!!!!!!!!!!!

[عبوده السر]

#1466120 [مقرسم]
0.00/5 (0 صوت)

05-25-2016 09:01 AM
اتلمي المتعوس علي خائب الرجاء

[مقرسم]

#1466073 [السماك]
5.00/5 (1 صوت)

05-25-2016 07:43 AM
مهازل ومحن !!! مهازل ومحن ..

[السماك]

#1466054 [Salah AL Deen P]
5.00/5 (2 صوت)

05-25-2016 07:04 AM
الميرغني مساعد اول والتاني مساعد سادة... والاتنين مساعد ياي ما ينفعوا .. ماعارف يساعدو الرئيس في شنو !!!! واحد كان في القاهرة والتاني واقع في ياتوا حلة ما معروف..

[Salah AL Deen P]

ردود على Salah AL Deen P
[جنجويد] 05-25-2016 02:56 PM
والله كلام عسل ضحكتنى من جوا قلبى


#1466030 [الى الامام]
5.00/5 (2 صوت)

05-25-2016 04:51 AM
ابشروا
الحسن سيوفر الفته
بالجملة والقطاعى
الراجل بقى مسؤول الامن الغذائي
الجدير بالذكر ان الغذاء فى السودان لفوه من زمان

[الى الامام]

#1466005 [Pablo Niroda]
5.00/5 (1 صوت)

05-25-2016 01:11 AM
الم يعلم الحسن وموسى بان الشعب ما ناقص استفزاز ......
الم يعلما بان هذه الدوله تتحكم فيها دوله عميقه أخرى لا ترد لها كلمه ؟؟؟؟
الم يعلما بان الله يرى ؟؟؟

[Pablo Niroda]

#1466001 [Rajab]
0.00/5 (0 صوت)

05-25-2016 12:54 AM
جاكم الفرج يا مساكين. دحين ديل لمن يقعدوا بيحلوا مشكلة الامن الغذائئ العالمي في قعدة واحدة. واحد راسه فاضية و ما بيعرف يتكلم و التاني لتخ ومتخيل نفسه ذكي و ماخد في روحه بمبه.

[Rajab]

#1465991 [AAA]
0.00/5 (0 صوت)

05-25-2016 12:28 AM
الحسن و موسى !!!

[AAA]

#1465969 [سوداني حر]
0.00/5 (0 صوت)

05-24-2016 11:04 PM
ديل ناس طير سلكت

[سوداني حر]

#1465952 [ودالجزيرة]
0.00/5 (0 صوت)

05-24-2016 10:08 PM
انتما تجلسان بالقصر لزوم الوجاهة فقط ولاتملكان وتتخذان اي قرار انتما ديكور داخل القصر ليس الا وعاد لممارسة نشاطه السياسي من داخل القصر والأشراف علي الملفات التي كلفه بها خادم الكيزان وعلي رأسها ملف الأمن الغذائي اتحداك يا ود الميرغني يالمكلف بملف الأمن الغذائي أن تصدر قرارا بشأن سلعة السكر وان يعود سعر الجوال الي قيمته قبل الزيادات فقط. ناهيك عن السلع الأخري.

[ودالجزيرة]

#1465937 [adel]
0.00/5 (0 صوت)

05-24-2016 09:21 PM
هههه المساعد بجث مع المساعد مشكله اعباء المعيشه

[adel]

#1465921 [ود المهدي]
3.75/5 (3 صوت)

05-24-2016 08:53 PM
الاثنان لا دور لكم في ادارة الدولة ،،،،، الدولة يديرها الفاشلون وصوتكم لا وجود له إلا عند التصفيق بالبرلمان .

معظم الحادبون على اصلاح الدولة لا يملكون قرارا للتنفيذ ، الدولة تديرها جهات لا تدري ما يدور في الشارع وما يحصل للمواطن كانهم يعيشون خارج اسوار السودان.


معظم من بالدولة مجرد موظفين لا يملكون قرارا للاسف الشديد، والدولة ادارتها فاشلة ويديرها اطفال صغار للاسف الشديد وهذا ما نراه في التخبط الاقتصادي وغياب القانون ، وكثرة الفساد بالدولة والمفسدين ولا من يحاسب من يسرق او يختلس ومعظم الكيزان اثروا انفسهم على حساب المواطن ولا حسيب لهم .

ولكن دوام الحال من المحال يا وطن ولكل ظالم نهاية مهما طال الزمن .

لقد فشل كل ساسة السودان عبر التاريخ في صنع بلد معافى من الازمات ومازالت مستمرة حتى الآن فهل من مخرج ؟؟؟؟؟؟؟

حسبنا الله ونعم الوكيل في حكومة اهملت الوطن بمن فيه ؟؟؟؟؟؟

[ود المهدي]

#1465915 [صابر الصابر]
0.00/5 (0 صوت)

05-24-2016 08:36 PM
اخيرا عرفتوا انو في ضائقة معيشية..

[صابر الصابر]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة