الأخبار
منوعات سودانية
هدية أهل العروس للعريس ..«موية رمضان » .. تواصل الجيران
هدية أهل العروس للعريس ..«موية رمضان » .. تواصل الجيران
هدية أهل العروس للعريس ..«موية رمضان » .. تواصل الجيران


05-25-2016 12:39 PM
الخرطوم : آلاء عبد الحليم


وجدت أسر سودانية كثيرة نفسها في حيرة بسبب التحولات التي طرأت على المجتمع، حيث أصبح لزاماً إرسال (موية رمضان) قبل أيام من حلول الشهر الفضيل للنسابة، وموية رمضان يجب أن تتعدد أشكالها وأنواعها، ففي حال أرادت الأسرة إظهار (المقدرة) فلابد من إضافة الحلويات والسكر، مع وضع الاعتبار لزخرفة العبوة والشكل
لكن الآن يقفز إلى الذهن السؤال الذي لا مفر منه، وهو القدرة على قضاء حاجيات الأسرة قبل النسابة في ظل الوضع الاقتصادي الصعب، والذي حرم كثيرين من المجاملة، بينما يفضل البعض أن يقول حرم كنوع من (الفشخرة وهل هي فشخرة فعلاً أم واجب)؟


هذا السؤال أجابت عنه السيدة حرم بشير التي قالت لنا (مافي أي طريقة للفشخرة، الناس بقت في البحلها) وحكت لنا عن تجربتها مع موية رمضان للنسابة (أنا ماوديت موية رمضان ونسابتي ناس فاهمين وضعي، وولدي الحمد لله ما شعر بالحرج، لو في (بودي) ولو مافي (لا يكلف الله نفساً إلا وسعها)
أما فاطمة يوسف فترى أن موية رمضان أصبحت مثلها مثل أي التزام أخلاقي آخر في المجتمع، وسألت عن مصدر هذه العادات الضارة، وكشفت أنها أصبحت (تشيل الهم) بسبب مثل هذه العادات، مثلها مثل نساء كثيرات أصبحن يشتكين من (موية رمضان) و(فطور العريس) وغيرها، وأضافت: (بيجي وقت الناس حا تخلي العادات دي لانها ما جزء من أخلاق الشعب السوداني البيعرف وبيقدر حال بعض)، وأضافت (ما بتحير إلا مغير) نحن شعب عارف وفاهم حدود قدراته وامكانياته، والناس بيجي يوم حا تعرف أنو زي العادات دي ضررها أكبر من نفعها، وطلبت أن نرمي بصوت اللوم على أي عادة دخيلة (دا دور الإعلام) الإعلام لابد يخلق الوعي، ويحسم أي ظاهرة جديدة عشان ما تربك الناس.
الخبيرة الاجتماعيه ثريا إبراهيم قالت إن موية رمضان في أصلها هدية والهدية محبة، ومافي زول مطالب بتقديم هدية أكبر من طاقته، ولابد الناس تفهم مايقدم للنسابة يجب أن يتم العامل معه بأنه مقدم للأهل قبل كل شيء، وفي حال استوعبنا هذا الأمر لن تواجه الاسر أي مشاكل، ولن يشعر أحد بأنه أرهق مادياً، ولن تكون هناك مساحات (للفشخرة) والنفخة الكضابة

آخر لحظة


تعليقات 3 | إهداء 0 | زيارات 2792

التعليقات
#1466710 [ابو الدرداء]
0.00/5 (0 صوت)

05-26-2016 08:39 AM
والله ياجماعة الحاجات دى بحسموها الرجال البمشى ورا النسوان بيتعب
يمنع منعا كل من يروج لتلك الاشياء المكلفة بالمقاطعة الاجتماعية فى حاجات ظهرت فى السودان لو ماواجهت بالحزم بتتطور والنسوان بيحبه البوبار المصيبة الرجال ماشين وراهم زى التيوس ده ماافترا لكن فى كثير من الشباب سابو العرس والبلد زاته بسبب عادات وبوبار لى شنو انا ناعارف انت لوعندك قروش ياخى اتصدق بيها

[ابو الدرداء]

#1466455 [من الااااااخر كدة]
5.00/5 (1 صوت)

05-25-2016 07:35 PM
(وجدت أسر سودانية كثيرة نفسها في حيرة بسبب التحولات التي طرأت على المجتمع، حيث أصبح لزاماً ...ز)


الخلاها لزاما شنووووووو ؟؟؟ ما في بيلزم بكدة غير انو هنالك من يسعي لتفكيك المجتمع واشغاله بامور تافهة جدا جدا مفي شي خالينا متاخرين سوي العادات والتقاليد الضارة دي

يعني بدل ما تكون لزاما ليه ما نحارب كل العادات والتقاليد الضارة بكل اشكالها وليبداء كل منا بتفسه


بالتسبة للمعلق المدعو [Tarig Amman] مع احترامنا للراي الاخر بس حقيقة رايك بعبر عن شخصية مريضة ومتخلفة ربنا يهديك ويهدي امثالك

[من الااااااخر كدة]

ردود على من الااااااخر كدة
European Union [Tarig Amman] 05-26-2016 05:08 PM
الاخ من الاخر كدة ... تحياتى ... نعتنى بالشخصية المريضة و المتخلفة ... اشكرك على ئلك لانك اوضحت لى شخصيتك و طريقة تفكيرك و حكمك على الامور .... التخلف يا عزيزى ان تطلق ساقط القول يمنة و يسرة دون حسيب ... و الشخصية المريضة هى التى تصف الناس بالمرض و تدعى انها سليمة ..
نصيحة ... لاتبادر باطلاق مثل ه>ه النعوت على اشخاص لا تعرفهم لانها تكشف عن شخصيتك و عن البيئة التى اتيت منها ... فلا تجعلنا نحكم على بيئتك من خلال اقوالك .

[الجوكي] 05-26-2016 05:01 AM
انا اشوف كلام طارق صح
لأنو انا عن تجربه أهل العروس مصوني مص


#1466420 [Tarig Amman]
5.00/5 (1 صوت)

05-25-2016 05:47 PM
اصلا ما دايرين مويتكم و لا حتى دايرين فطوركم ده ... انتو تودوا موية رمضان و تاخدوا حقكم تالت و متلت ... شيلة و دهب و صالة و كوافير ... عليكم الله اختشوا شوية ... انتو عارفين العرس بيكلف العريس كم عشان تقعدوا تكوركوا تقولولا موية رمضان مكلفة .... نصيحة لاى عريس خلى اهل عروستك يجيبوا موية رمضان كاملة و لا تعفى ليهم شى .. لانهم حياخدوا منك يا شاطر ... و لو ما جابوا لاهلك موية رمضان ... فك ليهم بتهم عكس الهواء ... و المشتهى الحنيطير يطير

[Tarig Amman]

ردود على Tarig Amman
[واحدة] 05-26-2016 02:49 PM
عسل يا طارق................خليك كدا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة