الأخبار
أخبار إقليمية
برلمانيون يتخوفون من بلوغ سعر جوال السكر (500) جنيه ويطالبون بدعم السلعة
برلمانيون يتخوفون من بلوغ سعر جوال السكر (500) جنيه ويطالبون بدعم السلعة
برلمانيون يتخوفون من بلوغ سعر جوال السكر (500) جنيه ويطالبون بدعم السلعة


05-25-2016 10:23 AM
الخرطوم: عازة ابوعوف
تخوف برلمانيون بالمجلس التشريعي لولاية الخرطوم، من حدوث هلع وسط المواطنين نتيجة ارتفاع الاسعار في شهر رمضان، واشاروا الى ارتفاع اسعار السكر، ولفتوا الى ان سعر جوال السكر بلغ 470 جنيهاً، وتوقعوا زيادة في اسعاره بحلول شهر رمضان تتجاوز (30) جنيهاً ليبلغ سعر الجوال (500) جنيه.
وطالب البرلماني ابراهيم علي، خلال تنوير قدمته وزيرة التنمية الاجتماعية بولاية الخرطوم امل البيلي بالمجلس التشريعي امس، بدعم سعلة السكر، وقال (ادعمو السكر الليلة سعرو (470) جنيه ومع حلول شهر رمضان حتصل اسعارو 500 جنيه)، وذكر (في التلفزيون يقولوا السعر 300 وفي السوق كلام تاني، واضاف (الحكومة تقول كلام والشارع عندو كلام).
وانتقد نواب اتجاه الولاية لفتح اسواق للبيع المخفض في رمضان وقالوا (موضوع فتح اسواق للبيع المخفض ما فيهو وضوح نحن عايزين نقول للمواطن السكر القطع قلبك دا بنوفروا ليك بالسعر دا).
وفي السياق حذر النائب السابق بالمجلس، وزير الثروة الحيوانية بولاية شمال دارفور محمد بريمة، من حدوث هلع وسط المواطنين لما وصفه بسيطرة الطفييلين على الاسعار بالاسواق، وتخوف من سخط المواطنين على الحكومة حال تأخر توزيع مشروعات التنمية الاجتماعية لشهر رمضان (الدعم المباشر وكيس الصائم) عن بداية رمضان بوقت كافٍ، وذكر :(لو ماتم توزيعها قبل رمضان بي اسبوع حنواجه سخط من المواطنين).

الجريدة


تعليقات 5 | إهداء 0 | زيارات 2922

التعليقات
#1466363 [من اين اتي هؤلاء]
0.00/5 (0 صوت)

05-25-2016 03:31 PM
السكر ده سعر التكلفه زائد الجهات البتخت طاقيه مفروض تمشي ليهم شولات مجاني او كاش زائد ضرائب ح يصل 600 عديل الخذينه فاضيه وده كاش ساهل يغرفو منه...
رنا علي الظالم

[من اين اتي هؤلاء]

#1466334 [ود المهدي]
0.00/5 (0 صوت)

05-25-2016 02:22 PM
الشيء البحير الواحد كل يوم نسمع بزيادة في الأسعار البلد ما فيها وزير تجارة ولا فيها حكومة شغالين في شنو ناس حكومتنا دي شغالين محاصصات في بعض وكلام في الفاضي اين دور الدولة في كبح جماح الأسعار التي تزيد يوما تلو اليوم .


دي بلد ماشي بالبركة .

بلد فيه اكثر من خمسة مصانع سكر ومع ذلك كل يوم يزيد اين الحكومة اليس بالسودان حكومة؟؟؟؟؟ دورها شنو في ذلك .

بلد فيه اكثر من مصنع للاسمنت وبرضو كل يوم زائد دي بلد شنو ؟؟؟؟؟

[ود المهدي]

#1466325 [المتفائل بغدا افضل :]
0.00/5 (0 صوت)

05-25-2016 02:10 PM
البلد كان فيها حكومة أصبحت كدا ،،،،،،،،،،،،، البلد كان فيها برلمان حال اصبح كدا ......................

البلد بلا وجيع وبدون قانون الغاب والساري وكوزي وكوزك هم اهل من يطبقون القانون وقريبي وقريبك .... نعم هكذا تسير البلدان وتنهض الشعوب .


البلد كان فيها مخلصين مساكين البلد ما صارت حالنا هكذا بلد اصبح ملطشة حتى من الجيران كل يأخذ ما يريد ومتى أراد البلد ياناس ح يضيع اذا لم نعض عليه بالنواجز .

عايزين رجال اقبضوا على البلد من بين انياب الأسود الضارية التي بدات تنهشه

وهم ابناءنا واخواننا للأسف الشديد فهل من مخرج يا وطني العزيز .

متى يصبح السودان بلدا بلا مشاكل متى؟؟؟؟؟ يا اخوان متى ونكن مثل سائر الشعوب التي تطورت ونحن تكسحنا تكسحنا الله لك رفعنا امرنا انت القوي العزيز ولي من يصلح على اهل السودان :

[المتفائل بغدا افضل :]

#1466224 [elfaith]
0.00/5 (0 صوت)

05-25-2016 11:31 AM
ياخ نغمه الدعم دي خلونا منها عشان بكرا ما تشبكونا دايرين نرفع الدعم وهو اصلا ماف دعم

[elfaith]

#1466213 [Meki]
0.00/5 (0 صوت)

05-25-2016 11:13 AM
لا ما تخافو يا برطمانيين يا حلوين السكر هسع ب ال500 الخائفين منها دى

[Meki]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة