الأخبار
أخبار إقليمية
الحسن الميرغني يتسلم ملف الامن الغذائي
الحسن الميرغني يتسلم ملف الامن الغذائي
الحسن الميرغني يتسلم ملف الامن الغذائي


لم يخرج من القصر الجمهوري مغاضباً،
05-25-2016 10:49 AM
الخرطوم: مها التلب
اعلن مهدي شيخ إدريس مستشار مساعد اول رئيس الجمهورية الحسن الميرغني، استلام الحسن للملفات الموكلة إليه مثل الأمن الغذائي الذي وصفه بالمهم.
وقال مهدي إن مساعد اول الرئيس كان في رحلة علاجية بالخارج، ولم يخرج من القصر الجمهوري مغاضباً، واضاف انه عاد بروح ونشاط جديدين.
وتابع في تصريحات صحفية أمس عقب لقاء الحسن الميرغني بمساعد رئيس الجمهورية موسى محمد أحمد أن اللقاء جاء بمبادرة من الحسن الميرغني لزيارة زملائه المساعدين، وأنه ناقش مآلات الحوار الوطني وكيفية إلحاق الرافضين، بجانب مناقشة الأوضاع الاقتصادية والضائقة المعيشية التي يمر بها المواطنون وكيفية مساعدتهم للخروج منها، ولفت إلى اتفاقهما على اهمية استمرار تلك اللقاءات لمناقشة القضايا المهمة، والتواصل المباشر بين رئيس الجمهورية ومساعديه.

الجريدة


تعليقات 20 | إهداء 0 | زيارات 3860

التعليقات
#1466791 [محمد]
5.00/5 (1 صوت)

05-26-2016 11:09 AM
ينسب الى احد السياسين الغربيين الساخرين القول: اذا أردت أن تكسب الجمهور فعليك بأحد أمرين: You either feed them or shock them وبما أن حكومة الأتقاذ لم تترك صدمة لصادم فليس أمام سيدى الصغير غير الأطعام فهيئت له الحكومة مشكورة هذه الفرصة وسلمته ملف اطعام شعب السودان الجائع فيا لها من فرصة.غايتو ي ستة جابت ستين وي غرقة للطين مع العلم أنو الأتحاديين والمراغنة شاطرين فى التجارة قهل هم كذلك فى السياسة؟ غاينو الجماعة ديل فقدوا اصول اللعبة

[محمد]

#1466606 [عبدالله]
0.00/5 (0 صوت)

05-26-2016 04:19 AM
هل الصورة المعروضه في الخبر هي صورة حسن المرغني ؟
ام صورة الغذاء ؟
ما علاقة الصورة بالخبر ؟

[عبدالله]

#1466592 [ابوالعينيين]
1.00/5 (1 صوت)

05-26-2016 02:15 AM
ايوا جاء الفرج يالسودان دي القرارات والا بلاش عاوزين فته ولحم ورز كتر من الفته
إبادة اباده لحكم الساده إلا حسوني لأن صغير عاوز دادة

[ابوالعينيين]

#1466555 [العنقالي]
3.00/5 (2 صوت)

05-25-2016 11:48 PM
الزول دا بلحقكم ناس الصومال
قال لمساعدة المواطنين على الخروج من ضيق المعيشة ههههه بالله شوف اللغة المتعالية دي

[العنقالي]

#1466543 [مهرج]
5.00/5 (2 صوت)

05-25-2016 11:20 PM
الفطور فتة والغدا فتة والعشا فتة والمشكلة إتحلت.

[مهرج]

#1466513 [لتسألن]
5.00/5 (1 صوت)

05-25-2016 10:22 PM
الشعب الجائع زهد في (هوت دوق) الصقر الكاسر، و لن يطمع في (فتة) (الطير المهاجر).

[لتسألن]

#1466390 [Truth]
0.00/5 (0 صوت)

05-25-2016 04:22 PM
بلهط الغذاء و يخلى للشعب الامن

[Truth]

#1466358 [زول ساي]
0.00/5 (0 صوت)

05-25-2016 03:10 PM
والله يا المستشار! هو الولد الحسن بعضمة لسانو بقول كدا انت تقول لا! ما تنصحو هو ما يقول كده من الأول، أما بعد ما يرمي الدراب بتاعو دا مهمتك ليس في النفي ولكن في المخارجة فقط، قول خانو التعبير ولا ما قاصد كدا وبعدين مغاضب منو وفي شنو؟؟!! دا منصب هبة من الكيزان الهم نفسهم جايين بلا تفويض من الشعب ولو حردت أو زعلت ولا حتى انشرطت دا بينك وبينهم نحن مالنا ياخي خلونا في حالنا، هو الجايب خبركم منو؟ عالم وهم زعلان ومغاضب التقول عالم ذرة ولا ود نبي!! أخ فقعتوا مرارتنا الله يفقع مراريركم

[زول ساي]

#1466339 [احمد]
0.00/5 (0 صوت)

05-25-2016 02:34 PM
(مساعد اول )غايتو العبارة البين قوسين دى مزعلانى زعل شديد
افرض انو مساعد قبل الاول حا يعمل شنو؟
ابشر الشعب السودانى بعد استلام مولانا الصغير لملف الامن الغذائى سوف تصبح الاسعار كالاتى:
كيلو اللحمه الضان 10جنية
جوال السكر كنانة 50جنية
رطل اللبن. 1.5 جنية
طلب الفول1.5 جنية
سلطة كاملة مشكلة 1.5 جنية
جركانة الزيت الكبيرة 20جنية

ملحوظة :
اى تاجر يبيع باعلى من الاسعار المعلنة يعرض نفسة للمساءلة

[احمد]

#1466330 [habbani]
0.00/5 (0 صوت)

05-25-2016 02:17 PM
زمان بدرالدين طه مشى مع الترابى ولما ماوجد وجد شطر يحلبه بلغ البشير بى انقلاب يقوده الترابى بواسطة الرائد شمس الدين ومجموعة طائرة عدارييل ..كافأه البشير برئاسة جمعية الذكر ةالذاكرين ؟
لحدى هسع منتظر انقلوهو لى حتة دسمة . ههههه.
الحسن الميرغنى بكرة اقولوا ليه امن الغذاء من جنينتكن .

[habbani]

#1466329 [ود النيل]
5.00/5 (1 صوت)

05-25-2016 02:15 PM
ورينا شطارتك يا الحسن ود المرغني ورجالتك وقوتك وعزيمتك اخرجنا من هذا اليم والجوع والفقر افرض رأيك على من يمسكون بتلابيب غذاء المواطن ويسيطرون عليه

خلال ثلاثة أيام من الان ورينا ماذا ستقدم للمواطن الجعان هناك دوكة وفي الرماش وفي كلبس وهيبان وفي عد الفرسان وفي ود الزاكي وفي قرية التماري وقرية الدون

تلك قرى لم تسمع بها يا اخي الكريم وهي قرى سودانية نائية نأي الروح من الجسد ولا الحكومة تعرفها .

[ود النيل]

#1466284 [فيلق]
5.00/5 (3 صوت)

05-25-2016 12:54 PM
ده استعباط وهبل ساي... مستشار مساعد اول ده شنو ده البلاهه دي... الحسن علاقتو شنو بالامن الغذائي وحايعمل شنو... حسبنا الله ونعم الوكيل فيكم ربنا انتقم منكم من البشير لاصغر لص
لكن دة كلو بروح لمن جحافل الشعب تخش القصر نشوف حسنكم دة الا امشي اربي ليو جداد في مزرعه جدو بلد هامله ومطلوقة

[فيلق]

#1466276 [فري]
5.00/5 (1 صوت)

05-25-2016 12:41 PM
لدي طلب لإدارة الراكوبة ... أما وقد استلم الحسن الميرغني ملف الأمن الغذائي وتعهد - كما قرأنا أمس - وحاورته الصحفية لينا يعقوب بأنه سيحل المشاكل في ظرف 180يوم , طلبي هو عمل (مؤقت زمني متناقص) علي الصفحة الرئيسة للراكوبة يتناقص كل يوم إلي أن ينتهي في الـ180يوم لنري بعده إنجازات الحسن الميرغني خلال هذه المدة المضروبة.

[فري]

#1466274 [ود الشريف]
5.00/5 (3 صوت)

05-25-2016 12:38 PM
اقتباس :
أن اللقاء جاء بمبادرة من الحسن الميرغني لزيارة زملائه المساعدين،

والله الحته دي زي الرز بالزبادي عليها معلقة عثل , والله ده العثل ذاتو ياخي نحنا نستاهل البهدلة والبشتنة والعكننة ( زملائه ) ديل يكونو كم زميل وكده , عشرة وحارس مرمي ولا هي سداسيات ,, أحيييي يا بطني المقصة كاتلانا .

[ود الشريف]

ردود على ود الشريف
[man] 05-25-2016 11:44 PM
hehehehehehe


#1466273 [عبد الرحيم]
0.00/5 (0 صوت)

05-25-2016 12:37 PM
تمخض الجمل فولد فاراً ؟ امن غذائي بتاع ايه ؟؟
تاني قول عايز ملف ؟

[عبد الرحيم]

#1466272 [عبد الرحيم]
5.00/5 (1 صوت)

05-25-2016 12:36 PM
رئيس الجمهورية
نائب اول رئيس الجمهوري بكري حسن صالح
نائب ثاني حسبو اخوان
الحسن الميرغني كبيري مساعدي رئيس الجمهورية (تمخض الجمل فولد فاراً)
عبدالرحمن المهدي مساعد رئيس الجمهورية
موسي محمد احمد مساعد رئيس الجمهورية
جلال يوسف الدقير مساعد رئيس الجمهورية
عوض الجاز مساعد رئيس الجمهورية لشئون الصين

وكل ذلك على ظهر الشعب المسكين ؟؟ لاحول ولا قوة الا بالله العلي العظييم حليلك يا ابعاج اخوي دراج المحن.

[عبد الرحيم]

#1466268 [babo]
0.00/5 (0 صوت)

05-25-2016 12:28 PM
هل خرج الحسن الميرغنى مستشفيا ليعود بعد سنة كاملة تلك الفرية وهل أحضر ما يثبت بأنه كان يتعالج في الخارج وما ذنب الشعب السوداني ليتحمل رواتبه ومخصصاته طوال هذا العام .. وفيما سيفيد ملف الأمن الغذائي لأنه تمومة جرتق في القصر لا ينش ولا يهش مثله مثل بقية المساعدين من موسى والدقير وعبدالرحمن الصادق ...

[babo]

#1466267 [Breeze]
5.00/5 (1 صوت)

05-25-2016 12:28 PM
هههههههههه المستشار الأول للرئيس لديه مستشار مساعد أسوة بالبشير...وربما لدي مستشار المستشار الأول للرئيس لديه مستشار أيضا... وهكذا ...الخ شيء مضحك أليس كذلك؟

من الذي يدفع رواتب مستشار المستشار الأول للرئيس؟ هل هو الميرغني ( الصغنوني) أم الحزب الإتحادي الأصل أم نظام البشير في شكل رئاسة الجمهورية؟

مستشار المستشار (الأول) (مهدي شيخ إدريس) منذ أمس ينبئنا باستلام الحسن بملف الأمن الغذائي كأنه إستلم منظمة ( الفاو) العالمية.

عليه نتمني - وكبداية جدية وحسن نية - أن يعلن الميرغني الصغنوني تبرع أسرة الميرغني - وليس الحزب الإتحادي لأن الحزب الإتحادي يأخذ أمواله من الحكومة- أن تتبرع العائلة بنصف أموالها للفقراء والمساكين والمحتاجين والمرضي والنازحين السودانيين وذلك دعماً للملف الذي يشرف عليه سيادته خاصة وأنه علم أن هناك ضائقة إقتصادية ومعيشية للمواطن.. علي الميرغني الصغير فعل ذلك من أجل والده المريض الذي يحتاج للدعاء و ما أعظم أدعاء عندما يأتي من أفواه وقلوب وأكف الجوعى والمرضى والنازحين... اجعلها صدقة لوالدك ..... أنت تحمل جنسية من يتبرعون بثرواتهم كلها للقطط والكلاب أيها المغرور!

[Breeze]

#1466241 [مستورة]
5.00/5 (1 صوت)

05-25-2016 11:57 AM
فقط لدي سؤال للحسن الماسك بملف أمننا الغذائي إن كان يعرف شيئا عن المنتوج الوطني المسمى ( الويكة ) وهل أغلى هو أم الكافيار .. ولو جاوب بنصفق ليهو ونقول شاطر سيدنا الصغير !

[مستورة]

#1466235 [ساكن فى السعوديه]
5.00/5 (4 صوت)

05-25-2016 11:49 AM
اصلا هو بتاع فته عشان كده الامن الغذائى دى جايه معاهو ظابطه

[ساكن فى السعوديه]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة