الأخبار
أخبار إقليمية
الشاكي فيها جهاز أمن البشير..المحكمة توجه تهماً للشقيقين عروة وعماد الصادق
الشاكي فيها جهاز أمن البشير..المحكمة توجه تهماً للشقيقين عروة وعماد الصادق
الشاكي فيها جهاز أمن البشير..المحكمة توجه تهماً للشقيقين عروة وعماد الصادق


05-25-2016 11:32 AM
الخرطوم: محمد الأمين عبدالعزيز
كشفت هيئة الدفاع عن المتهمين الشقيقين عروة وعماد الصادق، عن توجيه محكمة الخرطوم شمال، اتهاماً تحت المادة 160 من القانون الجنائي لسنة 1991م، المتعلقة بالاساءة والسباب، والمادة 17من جرائم أمن المعلوماتية للمتهم الأول عماد الصادق، وأسقطت عنه المادة 50 من القانون الجنائي المتعلقة بتقويض النظام، والمواد 5 و6 من قانون الأرهاب.
وقال ممثل هيئة الدفاع ساطع الحاج ان المحكمة وجهت تلك التهم للمتهم الاول، ووجهت للمتهم الثاني عروة الصادق تهماً تحت المادة 50 من القانون الجنائي لسنة 1991م، والمادة 157 القذف والمادة 66 نشر أخبار كاذبة والمادة 17من قانون جرائم المعلوماتية، واشار الى تحديد جلسة في 31 من الشهر الجاري لسماع قضية الدفاع.
يذكر أن السلطات كانت قد اعتقلت عضو حزب الأمة القومي عماد الصادق في الرابع عشر من ديسمبر من العام السابق، وبعدها تم اعتقال شقيقه الأكبر مدير مكتب الأمين العام لحزب الأمة القومي عروة الصادق في السادس من يناير من العام الجاري.

الجريدة


تعليقات 9 | إهداء 0 | زيارات 18525

التعليقات
#1466988 [Sudani99@hotmail.com]
0.00/5 (0 صوت)

05-26-2016 05:47 PM
دي مسرحية لتلميع الشخصين في النهاية ح تنتهي على لاشئ

[Sudani99@hotmail.com]

#1466954 [الحقاني]
0.00/5 (0 صوت)

05-26-2016 04:31 PM
ما اسمنا السودان ما اسمنا السودان بلاد النوبه بلاد وادي النيل سنار بلاد سواكن كلها وغيرها اطلقت علينا بس اسم السودان هو اسم حملة الهالك كتشنر ومن ديك وعيك
اولا خطوه في اصلاح البلد هو تغير اسم السودان

[الحقاني]

#1466901 [محمد لفت]
0.00/5 (0 صوت)

05-26-2016 02:35 PM
من السودان الفضل سلام.
حقيقة الأمر أن التغيير الإجتماعى الذى أجتاح المجتمع السودانى يعد بكل المقاييس أو معظمها جيد ، حيث لم تعد تلك التنظيمات الحزبية الطائفية التى تنقاد قيادة عمياء الى شيوخها الأسطوريون لا تجد سند أو إنتماء من الجيل الناشىء ، الذى وعى و تعلم و فهم أن ما يسمى آل المهدى و الميرغنى أصحاب حظوه و أنهم يمثلون جزء من نبض الشعب السودانى ، و بالتالى فأن أبناء الصادق أن نكل بهم نظامهم الأنقازى أو أعتقلهم أو قتلهم لا يمثل فرقاً كبيراً فهم لا يختلفون عن سائر أبناء الشعب السودانى الذين يعانون الأمرين من نظام الطغمة من تشريد و أعتقال و قتل سواء كان ذلك بالجامعات أم بأقاليم السودان المختلفة.
ولا يهمنى أن قتل أو عزب أو حوكم أبناء الصادق أو التراى أو الميرغنى أو أخوان البشير فهم يستون عندى فى ماحاق البلاد من دمار..
و الله أكبر ولا نامت أعين الجبناء

[محمد لفت]

#1466896 [الدرب الطويل]
0.00/5 (0 صوت)

05-26-2016 02:31 PM
بلاغات كيدية وتهم باطلة.. قال شنو تقويض النظام واغتيالات وبينشر الخطة في الفيسبوك !!..

[الدرب الطويل]

#1466661 [Sarah]
0.00/5 (0 صوت)

05-26-2016 08:07 AM
وين حزب الأمة من الحاصل لعضويته ؟؟
لو حزب عاجز عن اظهار التضامن مع عضويته وهم يصعارعوا في كلاب الأمن ..طيب متين الناس دي حا تلقى الحزب تاني؟

سيدي الصادق ......... إن شاء الله الكهربء محل انت قاعد دا شغالة بس.

[Sarah]

ردود على Sarah
[الى الامام] 05-26-2016 11:27 AM
يلعبوا علينا
الانقلاب قام به
الصادق المهدى
حسن الترابى


#1466636 [amar max]
0.00/5 (0 صوت)

05-26-2016 07:16 AM
انتم رجال عروه وعماد وفقكم الله ايها الشابان الجميلان

[amar max]

#1466551 [معاويـــــــــــــــــــــــــــــــــــة]
2.75/5 (4 صوت)

05-25-2016 11:38 PM
وعبد الرحمن نائب اول ونائب تانى وتالت وابوه رئيس حزب والبعذبو فيهم ديل ما ال البيت طيب وين ال البيت مريم مريم اصحى

[معاويـــــــــــــــــــــــــــــــــــة]

ردود على معاويـــــــــــــــــــــــــــــــــــة
[elfaith] 05-26-2016 08:26 AM
عبدالرحمن مساعد الحله دا وابوه الصادق وكل اسرة المهدي بعيدين عن المواطن بس ناس كلام وظهور فى الاعلام نظام نحن موجودين نحن احفاد المهدي الحرر السودان تقول تاريخ السودان دا بداء مع المهديه وهم مفتكرين السودان دا حرروه ابراهيم ناس عواليق وبتاعين سلطة
البخليك محتار لسه عندهم اعضاء برقم الحاصل فى الحزب دا ويقوليك ديمقراطيه تنمية عدالة وحدة استقرار كلو ما مطبقنوا

تاريخ السودان اقدم من تاريخ مصر تاريخ السودان الحضارة السودانيه بدأت قبل التاريخ ب ٥٣٠٠ سنه والحضارة المصريه بدأت بعدة ٣٢٠٠ سنه الاهرامات الموجودة بالسودان اكثر من ٣٠٠ هرم
الموجود حاليا وفعليا ٢٠٠ هرم
اهرامات مصر كلها ٥ فقط الفرق بينها وبين اهرامات السودان انا حجمها كبير
فراعنه السودان حكموا مصر الي فلسطين الي الاردن ٢٥٠ سنه

انا بذكر الكلام دا لانو فى حصص التاريخ كانوا بقول لينا تاريخ المهديه وشيكان ووووين كنا مفتكرين انو دا تاريخ السودان لكن غلط
اي واحد يفتح اليوتيوب يشوف كلمه جون قرنق عند توقيع اتفاقيه السلام بكينيا نيفاشا اول كلمة القاها ذكر تاريخ السودان من زمن الفراعنه ودا الصاح

يا ناس افتحوا اليوتيوب شوفوا محاضرات عالم الاثار الفرنسي شارلي بونيه عن تاريخ السودان وفراعنه السودان ثقفوا ابناءكم وروهم الحقائق عشان يا يجوا ناس المهدي والميرغني يكضبوا لينا
ويعملوا فيها اسياد البلد ذي العمل حرروا السودان براهم


انتهي زمن العبوديه والطاعه العمياء وتقبيل الأيادي المهديه والمراغنه نصحي عشان البلد تمش لقدام


#1466535 [حزب الراكوبة]
0.00/5 (0 صوت)

05-25-2016 11:00 PM
رجال الانصار ماتوا في كرري والفضل مات في ودنوباوي

[حزب الراكوبة]

#1466297 [تاج الدين حنفي]
0.00/5 (0 صوت)

05-25-2016 01:14 PM
وينكم يا انصار هذه الطغمة الحاكمة ماذا تريدون ان تعمل اكثر من هذا اعتقال شباب الانصار بدون مبررات او قول بمبرات واهية لا ترقي لما حصل ويحصل للشعب السوداني قاطبة ونحن نعلم ان جماعة الانصار هم اكثر شعب السودان مصادمة واسلافهم من كان له السبق في ترير السودان في المهدية وفي استقلال السودان .. اين انتم ايها الانصار انا لا اراكم اي انتم اين انتم ....

[تاج الدين حنفي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة