الأخبار
منوعات سودانية
"ما قلنا ليك الحب طريق قاسي وصعيب" مفردة "القول" في الأغنية السودانية.. رجاءات وصدمات
"ما قلنا ليك الحب طريق قاسي وصعيب" مفردة "القول" في الأغنية السودانية.. رجاءات وصدمات



05-26-2016 12:45 PM
الخرطوم - أماني شريف

المتبحر في الأغنية السودانية يكاد يغرقه طوفان مدها العاتي ويزخر جوفها العميق بلآلئ ودرر نفيسة من المفردات تفرح صائدها، وتشجيه عندما يجد فيها ضالته، وكثيراً ما كتبنا عن واحدة من هذه المفردات، وكيف تناولتها الأغنية السودانية من بين مختلف الأوجه.. في هذه المساحة سنقف عند مفردة (القول) التي عدَّدها الشعراء في قصائدهم.

هناك نماذج عديدة لأعمال فنية خالدة في وجدان السودانيين، وكما يقال "سمح القول في خشم سيدو"، فلندلف إلى الموضوع ونغوص مع المبدعين.

حسب السبب

وهنالك من القول ما يوجه من الند إلى نده أو من الحبيب إلى حبيبته بأن يوضح له حقيقة ما، أو أن يبوح له بمكنونات قلبه أو يبين سبب هجرانه أو جفوته أو افتراقه عنه بلامبرر، وعز المزار بعد عمار الدار على شاكلة "قول قول قول الحقيقة بالتلميح بنفهم كل الانت داير" و"قول ليا مين جاب ليك عتاب؟ بدور يفرق مابين قراب ؟" و"قول ليا ياهاجر.. هل تدرى يا نعسان أنا طرفى ساهر" و"ياما قلت كلام جرحنى يا ما قلت ويا ماقلت" و"ماقالوا عليكا حنين بس نان وينا الحنية؟" و"ناس قراب منك قالوا شايفنك تقضي أوقاتك في هناء وحبور زي كأني معاك ما كأني بعيد" و"قول الحقيقة وبس, الكذب حبلو قصير" و"قول الناس دعاية بريدك للنهاية".

وشايات المحبين

تمضي المسيرة باتجاه أغنيات تتعلق بالوشاية عن الحبيب على غرار و"لوكان الناس قالوا ليك عني, عارفني براك أكتر مني" و"كل القالوا ليك رياد.. حكايتى بيعرفا الهداي" و"القالوا كتير على ماشوي" و"وقولوا وقولوا قال مهما تقولوا قال، ما رايحين تنالوا مني ومن حبيبي" و"لو قلتوا حبيبي سلاني بدل حبي ونساني مابصدقكم" و"قالوا قالوا قالوا على شقى ومجنون" و"ما يهمك قول عوازل هو البقولوا الناس شوية؟".

فات الأوان

وهنا تكون التساؤلات عن فوات زمان القول الفصل سواء أكان بنصيحة نافعة تسدى أو إثبات مودة وحب ضمان لاستمرارية العلاقة أو غيرها مثل "غلطان أنا وندمان أنا الماقلت ليك انت الحبيب.. انت الوفي" و"ماقلنا ليك الحب طريق, قاسي وصعيب من أولو" و"القبالنا ليه ما قالوا درب الريد صعيب قلقالو" و"قولى للمشتاق ورايا الرحيل ما باختياري" و"قولي ليهم بي حنية الفراق صعبان عليا" و"قلنا تترجانا انت الزهور تحضن نسيما".

في الانتظار

الرجاء والترجي والأمل في انتظار القول من الطرف الآخر أيضاً تندرج في كلمات (القول) على شاكلة "انت قول الفي ضميرك وخلي لي باقي الكلام" و"قوليها لي قوليها" و"قولي الكلمة لصمت الليل وطولي النجمة، وامشي معايا الدرب طويل وكوني النجمة" و"قوليا قول يا أحلى زول خلي الحزن يرحل يزول" و"لو بهمسة قول أحبك"، ولا بأس من أن تدخل مفردة الكلام من ضمن موضوعية القول هنا كمثال "كلمني يا حلو العيون كلمني حاول حس بى كلمنى وارمي اللوم على كلمني والكاين يكون" و"كلمينى يامراية" و"ولا اتكلمت ولا لمحت ولا بينت الريدة مصيرها" و"قالت كبرت خلاص وكتروا خطابي".

القول الصادم

وهنا تكاد مفردة القول كما سنسرده تقطع القلب بكاء من صدمة الحبيب على ما صار من جميل علاقته مع محبوبه وما اكتشفه عنه من بعد طول عشرة حب وجميل الولف و"ما قايلاكا تلعب بي" و"ما قايلاك حبيب آلاف وقلبك قبلة للضالين" و"وماقايلاكا تنسى حبيب صبر راجيكا ستة سنين"، و"انت تأمر ياحبيبنا ونحنا بنقول ليكا حاضر" و"كنت عايز أقول بحبك يا وحيدة

ليوم التالي


تعليقات 0 | إهداء 0 | زيارات 1289


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة