الأخبار
أخبار إقليمية
الحركة الاسلامية: برنامج الهجرة الى الله صمم لتجاوز أمراض السلطة
الحركة الاسلامية: برنامج الهجرة الى الله صمم لتجاوز أمراض السلطة
الحركة الاسلامية: برنامج الهجرة الى الله صمم لتجاوز أمراض السلطة


05-29-2016 10:27 AM

الخرطوم: أكد مقرر شورى الحركة الاسلامية القومي عبد الله الأردب أن برنامج الهجرة الى الله صمم لتجاوز الفتنة وأمراض السلطة، وقال ان من يتم اعفاؤه من منصبه ينبغي ألا يصيبه غبن بسبب تخفيف المسؤولية عنه.
وقال الاردب ممثل الامين العام للحركة الاسلامية لدى مخاطبته ملتقى الهجرة الى الله بمحلية جنوب الجزيرة، ان من يتم اعفاؤه من منصبه ينبغي ألا يصيبه غبن فقد خفف عليه الحمل والمسؤولية وهو تكليف وانها امانة ويوم القيامة خزي وندامة، ونوه الى انه لا يوجد منصب دائم.
ودعا الاردب الى تجاوز الجهويات والتقرب الى الله بالتعبد وآداء الفرائض والنوافل من قيام الليل والصوم، وقال إن الفرصة لازالت قائمة للتوبة والأوبة ولتجاوز الهجمة الشرسة، واضاف: ان التربص عظيم والكيد كبير لمشروعنا الاسلامي، وأردف: الدعوة هي سفينتنا التي نتوسل بها الى الله، ولابد من تجديد عملنا ومراجعة انفسنا.
من جانبها قالت ممثلة الاتصال التنظيمي المركزي فاطمة عبد المحمود، ان برنامج الهجرة الى الله هو برنامج الأمانة العامة تنفذه كل الأمانات الولائية، وذكرت: أننا نأمل ان ينعكس على كل المستويات بذات الروح، وأشارت الى تضحيات أبناء الحركة الاسلامية، وقالت انها قدمت آلاف الشهداء والمجاهدين، ولفتت الى ان الحركة الاسلامية الآن تنبعث من جديد لمعالجة المظاهر الاجتماعية السالبة.
ومن جهته أوضح والي الجزيرة محمد طاهر ايلا، امام الدورة الحتمية حسب (شبكة الشروق) امس، ان معسكرات الحركة الاسلامية تهدف الى التزكية والاعداد الروحي والتربية على العمل الجماعي والتنظيمي، واعتبر ان الدورة تعتبر فرصة يستطيع عبرها اعضاء الحركة الاسلامية الحصول على التدريب اللازم لمواجهة الكثير من التحديات التي تواجه البلاد، واشار الى ان الحركة الاسلامية السودانية من أكثر الحركات الاسلامية في العالم تنظيماً.

الجريدة


تعليقات 12 | إهداء 0 | زيارات 2902

التعليقات
#1468690 [زول]
0.00/5 (0 صوت)

05-30-2016 05:58 PM
الناس ديل لسه بلعبوا بي عقول الناس ما خلاص الناس عرفت تنظيم الاخوان المسلمين على حقيقته وهو تنظيم ماسوني وعبارة عن تنظيم اشبه بعصابات المافيا بل هو اشد من حيث الاجرام خاصة وانه يستغل الدين الاسلامي كلافته ياكلون اموال الناس بالباطل تحت رايته يستحلون المحارم ويحللون لانفسهم ماليس لهم وكل من لاينتمي اليهم مظلوم وحقه مهضوم .
شوفوا ليكم طريقة تانية لان امركم قد انكشف وهجرتكم الى الله تبدأ بالتوبة اليه وذلك برد المظالم ورد الاموال المنهوبة

[زول]

#1468639 [عمك تنقو]
0.00/5 (0 صوت)

05-30-2016 03:56 PM
الشعار العالي نرفع والعالم كل بسمع للكيزان هو اسرقو سرقتكم بس خلو الاسلام بعيد من وساختكم هواسرقو سرقتكم بس خلو الاسلام بعيد من وساختكم هو اسرقو سرقتكم بس خلو الاسلام بعيد من وساختكم هو اسرقو سرقتكم بس خلو الاسلام بعيد من وساختكم ياالردب ولا الربع ولا الملوة انت من وين جيت واقع علينا من السماء تقول في كلام بزيك هباله دين شنو وهجرة شنو البتتكلم عليها ياوهم شعارنا نحن السودانين لابده من ان يكون في كل مكان ظاهر هو اسرقو سرقتكم بس خلو الاسلام بعيد من وساختكم هو اسرقو سرقتكم بس خلو الاسلام بعيد من وساختكم هو اسرقو سرقتكم بس خلو الاسلام بعيد من وساختكم

[عمك تنقو]

#1468557 [اللوترى]
0.00/5 (0 صوت)

05-30-2016 01:19 PM
ميزانية الهجرة الى الله اوع تعملوا ليها قروش و بعدين تشطفوها ذى كل البرامج الانقاذية

[اللوترى]

#1468241 [هميم]
0.00/5 (0 صوت)

05-29-2016 06:52 PM
حتى الهجرة إلى الله يعتقد الكيزان أنها برنامج من تصميمهم! المرض الحقيقي هو الحركة الإسلامية السودانية التي تحتضمن المجرمين من أمثال البشير ونافع ومهدي إبراهيم والدراويش من امثال الزبير ودراويش آخرين فإن تجاوز البشير وكيزانه هذه الحركة المريضة وكشفوا عن وجوههم الحقيقية الكالحة فقد تجاوزوا المرض وظهروا بأمراضهم الحقيقية من حب للسلطة ورغبة في الفجور وتقسيم البلاد وعندها قد تتيسر أمورهم أكثر مما هي عليه الآن!

[هميم]

#1468238 [Alkarazy]
5.00/5 (2 صوت)

05-29-2016 06:46 PM
اكثر من ٢٥ سنه بتقوموا الليل ومافي فرج تب ؟؟ دا لو كان سيدنا ايوب معنا في السودان كان جرى عريان ؟واضح الظلم بلغ الحقوم والسماء قفلت ابوابها ..قيام الليل قال ..تقوم قيامتكم بحق المصطفي صلعم. آمين

[Alkarazy]

#1468211 [العباس]
5.00/5 (4 صوت)

05-29-2016 05:20 PM
يا متأسلمين : استعدوا الى الهجرة الى ماليزيا قريبا ان شاء الله

قال هجرة الى الله قال

[العباس]

#1468193 [عبوده السر]
5.00/5 (3 صوت)

05-29-2016 04:27 PM
والله اعظيم اتضح انو المهابيل ديل أغبي خلق الله وأحمق من يمشي علي الأرض
ياخ اردب شنو وفاطمه عبد المحمود شنو والزبير احمد الحسن شنو والقبيح
مهدى ابراهيم شنو والاوهام والخزعبلات السميتوها الهجره الي اله شنو؟!!

اذا كان راشد الغنوشي وطبعا اتو يالمواهيم تعرفون من هو راشد الغنوشي
زعيم حركة النهضه التونسيه فهو المفكر الاسلاموى الأكثر علما من كل مفكرى
التنظيم الدولي الماسوني لحركة الاخوان المسلمين بما فيهم شيوخ الضلال والفتن
يوسف القرضاوى المتصابي والهالك حسن الترابي والاقوى تأثيرا علي مستوى الاسلامويين والارهابيين في كل أنحاء العالم أعلن زعيم حزب "حركة النهضة" التونسية راشد الغنوشي، مساء الجمعة 20 مايو/ايار على فصل الدين عن الدولة، في خطوة غير مسبوقة الى حد بعيد في اوساط تيارات الاسلام السياسي التي تنتمي اليها النهضة
وأقر بضلال الفكره ومناهجها وأساليبها وتبرأ من سوء أعمالهم في السابق واعتذر
للشعب التونسي وطالبه أن يسامحه ويغفر له ولحركة النهضه عن كل اساليب الغش والتدليس والخداع والتضليل والتآمر التي مارسوها ضد الشعب التونسي.

وشدد الغنوشي في خطابه على النأي بالدين عن المعارك السياسية والتحييد الكامل للمساجد عن خصومات السياسة وعن التوظيف الحزبي حتى تكون المساجد جامعة لا مفرقة"
وأوضح أن "ارتباط الدين بحزب معين لا يفيد الدين أصلا، نحن لا نريد للسياسة أن تُوظف الدين أو الدين أن يُوظف السياسية".

ثم ياتي عندنا الفاقد التربوى والنصابين وبتوعين ال 3 ورقات عشان يقنعونا بفكره هلاميه خرافيه مطاطيه رخوه ويطلقون عليها الهجره الي الله رغم علمهم بأن
الله طيب ولايقبل الا كل طيب .

ياعبد الله ياأردب اسيادك الأهبل الهمبول الزبير أحمد الحسن ود ام الطيور والقبيح
الشين مهدى ابراهيم زعماء والمروجين لوهمة الهجره الي الله نعرفهم من قبل فهم لصوص ومحتالين كباقي زعماء تجار الدين أما أنت فنكره لايعرفك أحد ولم نسمع عنك أصلا كما نسمع عن كثير من مثيرى ومسببي الضجيج فلا لحن كلامك وحلاوته وطراوته ممكن يشفع لك عند المتلقيين لكلامك ولا وهمة الهجره الي الله دخلت راس زول اصلا في البلد فأكلوا أكلم والهطوا لهطكم ساكت بلا ضجيج حتي يأتي يوم حسابكم الذى تحسبونه بعيدا ونراه قريبا .

كلما أرى الكم الهائل للأعواد التي تجهز لكم والتي يطورها الشباب في كل لحظه
حسب تطور الاحداث وارتفاع اصوات السفله اتخيل كيف ستكون احوالكم وانتم تلعنون
بعضكم بعضا وتلعنون الذين أضلوكم.!!!!

[عبوده السر]

ردود على عبوده السر
[Alkarazy] 05-29-2016 06:52 PM
كلام فى التنك ...هو دا الكلام ولابلاش كفيت تب؟؟ مزيدا من هذه الضربات الموجعه حتي تنفقع بيوضهم من اكبرهم حتي اصغرهم


#1468176 [وحيد]
5.00/5 (2 صوت)

05-29-2016 03:29 PM
الحركة الاجرامية دي هي شنو ؟ حزب؟ جمعية خيرية؟ منظمة؟ مسجلة وين؟ بتجيب قروشها من وين؟
مصيبتنا ان الجكومة عندها غولين يرضعوا من مال الشعب و ما بشبعوا: غول المؤتمر الوثني و غول الحركة الاجرامية

[وحيد]

#1468094 [صابر الصابر]
5.00/5 (2 صوت)

05-29-2016 01:22 PM
"صمم لتجاوز الفتنة وأمراض السلطة" ..طبعا من ضمنها الفساد .لان ساقية الفساد لسه مدورة

"ان من يتم اعفاؤه من منصبه ينبغي ألا يصيبه غبن فقد خفف عليه الحمل والمسؤولية وهو تكليف وانها امانة ويوم القيامة خزي وندامة،"

يا راجل... كواركم بلتزموا بالكلام القلتو دا ؟؟؟؟


"ان التربص عظيم والكيد كبير لمشروعنا الاسلامي.." متاكد انو مشروع اسلامي؟ارجع البصر كرتين..

[صابر الصابر]

#1468089 [QUICKLY]
5.00/5 (6 صوت)

05-29-2016 01:09 PM
اذا كنتم تريدون محاربة توريه سماها أمراض السلطة (الفساد السرقةوالنهب ) بين منتسبيكم يجب تطبيق شرع الله فيهم بلا مهاودة
وليس بتصميم برامج وهمية ... ياوهم

[QUICKLY]

#1468068 [كازانوفا]
5.00/5 (5 صوت)

05-29-2016 12:41 PM
ألعن ......... و العن ......,..... مشروعك الاسلامي الما اسلامي , ياخي الناس لسه شابكننا مشروع اسلامي الناس عويره وله شنو . ياخي اسرقو سرقتكم بس خلو الاسلام بعيد من وساختكم دي عليكم الله

[كازانوفا]

#1468033 [Salah AL Deen P]
5.00/5 (4 صوت)

05-29-2016 11:45 AM
ياخ دي عمليات تجهيل واستصغار لعقول الناس... حسي الاردب دا تخصصوا شنو؟ عشان يكون امين عليهوا... بيعرف شنو ويفيد بي شنو؟
((ودعا الاردب الى تجاوز الجهويات والتقرب الى الله بالتعبد وآداء الفرائض والنوافل من قيام الليل والصوم، وقال إن الفرصة لازالت قائمة للتوبة والأوبة))
حسي كلام زي دا ما يقولوا في اي جامع بعد اي صلاة وتنتهي القصة؟ ياخد عليهوا راتب من المال العام ليه؟ هل دي امانة؟
((من جانبها قالت ممثلة الاتصال التنظيمي المركزي فاطمة عبد المحمود، ان برنامج الهجرة الى الله هو برنامج الأمانة العامة تنفذه كل الأمانات الولائية،)) .. السؤال هو هل يتم الصرف عليهم من المال العام؟؟
ياخ اتقوا الله وعظموا الله وقدروه ولا تأكلوا اموال الناس بالباطل... امشوا شوفوا ليكم شغل حقيقي ؟؟ ما اي واحد حفظ ليهو شوية من السيرة النبوية طوالي يمشى ياكلوا من اموال الناس... حرام ... والهجرة الى الله حاجة شخصية ما فيها صرف من اموال الشعب السوداني ... هاجروا الى الله هاجروا الى أي مكان عاوزينو بس بس ما تأكلوا اموالنا

[Salah AL Deen P]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة