الأخبار
أخبار إقليمية
الخرطوم تلزم أصحاب القطع الخالية بتسويرها
الخرطوم تلزم أصحاب القطع الخالية بتسويرها
الخرطوم تلزم أصحاب القطع الخالية بتسويرها


05-31-2016 02:08 PM
أصدر معتمد محلية الخرطوم، الفريق الركن أحمد علي عثمان أبوشنب، مراسيم محلية تعنى بتنظيم العمل وإزالة المظاهر السالبة، فيما يلي تسوير القطع الخالية وسط الأحياء والأسواق إضافة إلى مرسوم خاص بتنظيم التعامل في العربات عبر الدلالات.

وقال المعتمد للمركز السوداني للخدمات الصحفية، إن المرسوم يلزم ملاك وكلاء القطع الخالية بتسويرها حسب مساحتها في مدة لا تتجاوز الشهر من تاريخ الإنذار وفي حالة عدم الاستجابة يعاقب بالغرامة المالية، كما خول المرسوم للجان الشعبية سلطة متابعة حصر وتحديد القطع الخالية غير المسورة واتخاذ الإجراءات اللازمة مع السلطات المختصة.

كما أصدر المعتمد مرسوماً خاصاً بتنظيم عمل دلالات السيارات قضى بحظر مزاولة أي شخص بيع وشراء السيارات في الساحات والطرقات والمواقع الخاصة والعامة وقضى أن يتم مزاولة العمل من بيع وشراء ومقايضة للسيارات داخل الدلالة المصرح بها للعمل من قبل المحلية، إضافة إلى منع أصحاب معارض السيارات من عرض المركبات خارج المعرض المرخص لهم، إضافة إلى منع مزاولة أي عمل حرفي أو نشاط تجاري إلا بترخيص صادر من المحلية.

الصيحة


تعليقات 28 | إهداء 0 | زيارات 13349

التعليقات
#1469740 [ALIIIIIIIIIIIIIIIIIIIIIIIIIIIIII]
0.00/5 (0 صوت)

06-01-2016 04:03 PM
لو سورت جميع الاراضي بسياج معدني او بلوكات اسمنت او طوب احمر او غيرها اول حاجة حيتلمو فيها الحرامية والصعاليك والشماشة والمشردين ده غير الاوساخ والنفايات ومياه الامطار والبرك ومايصاحبها من امراض...فياحبذا لو المعتمد اب مخ فاضي ده عندو فكرة غير دي الافضل ان ينفذها بدلا من الافكار عديمة الفائدة لانو حتي لو سورت الارض بسياج معدني ارتفاع مترين ونص او حتي ثلاثة امتار في ناس ممكن يكسروه ويسرقوه قطعة قطعة ويكسروه ويخشو جوة ده غير المشاكل الامنية اللي ممكن صاحب القطعة المسورة يخش فيها من قبل العصابات والشماسة يعني مثلا انا اذا قررت تسوير قطعتي حدادي مددادي وانقتل فيها زول ده معناهو يجيني هواء في صمة خشمي مش كده ولاكيف...الافضل اصدار القوانين والقرارات وافهام الراي العام المغيب في بلاد السودان عن جميع شؤون البلاد بمالات هكذا قرارات وتبيين نفعها ومضارها للناس مش كده ساكت وبعدين انت يامعتمد الهنا والمني عندك العاصمة ياها من اقذر واوسخ العواصم عالميا جيوش من الزبالة والركام والمشردين والالاف الظواهر السالبة في الطرق والاحياء وعشرات الالاف من المخالفات امام اعين محلياتك الفاشلة ماتورينا فلاحتك فيها..قال تسوير اراضي قال

[ALIIIIIIIIIIIIIIIIIIIIIIIIIIIIII]

#1469613 [عبدالله احمد محمد]
0.00/5 (0 صوت)

06-01-2016 12:24 PM
عندما تسور القطع سيكون ما خفى اعظم ... من تخزين سلاح ... ماوى لللمشردين والحرامية انا ما عارف الحكومة دى بتفكر كيف

[عبدالله احمد محمد]

ردود على عبدالله احمد محمد
[Kaboos] 06-01-2016 04:36 PM
كلامك سليم ولكن القطع الفاضية أصبحت مكب للاوساخ وسبب لتوالد الذباب والبعوض والحشرات ونقل الأمراض وكذلك عند عمل سُور للقطعة حيكون صاحبها مسؤول امام القانون عن اي جريمة ترتكب بداخلها و لتفادي ذلك عليه بمراقبتها او عمل سلك شايك واحكام غلق باب السور وبذلك يكون ساهم في أصحاح البيئة و المظهر العام الحضاري.


#1469524 [الدهباية]
2.00/5 (1 صوت)

06-01-2016 10:25 AM
افضل يسوروها وتتحول لمخازن لتخذين مواد البناء مثل السراميك والحديد وخلافة وطبعا بيكون في غفير للحراسة وممكن صاحب الارض يستفيد ماديا

[الدهباية]

#1469491 [ابو شامة]
5.00/5 (2 صوت)

06-01-2016 09:29 AM
انا عندي قطعة مسورة الجيران اشتكوا لقريبي وقال هذا الموقع بقي مرتع للحرامية
والمشردين فقلت له كسر السور وريحي الجيران والحمد الله ما سمعنا اي مشكلة

[ابو شامة]

#1469467 [mohamed]
5.00/5 (3 صوت)

06-01-2016 09:00 AM
لو فعلا عاوزين المصلحة العامة والعدالة الاجتماعية
اي زول عندو ارض او بيت او شقه غير مكان سكنو سواء ان كانت فاضية او مشغولة يدفع عليها ضريبة سنوية عالية عشان يقل تكدس الاراضي عند ناس معينين ويقل استخدامها كمخزن للقيمة وبالتالي حترخص اسعار الاراضي ولن يمتلكها الامن يحتاج لها وستزيد ايرادات الولاية لمقابلة التزامات الصرف الكبير وستكون هذه الايرادات من فئة مقتدرة وهذا معني العدالة الذي عنيته

[mohamed]

#1469439 [ابو محمد]
5.00/5 (1 صوت)

06-01-2016 08:21 AM
نعم انا مع هذا القرار لسبب بسيط كل القطع التى بالاحياء هى وكر للاوساخ والحرامية ولقد تضررنا منها كثير جدا وخاصة فى موسم الامطار هى مرتع للبعوض والذباب والضفاضع. هناك قطع لها مئات السنين اين اصحابها .

[ابو محمد]

#1469421 [عمر عدالة]
5.00/5 (2 صوت)

06-01-2016 08:10 AM
تسوير القطع وسط الاحياء يحولها الى أوكار لممارسة الرزيلة والممنوعات .. وتسويرها يعتبر قنابل موقوتة لشتى أنواع المخالفات وتصبح مكب للاوساخ والخازورات وتوالد الحشرات والباعوض ومرتع للزواحف مثل الثعابين والعقارب وتلوث صحة البيئة.. يجب التفكير جيدا من قبل استشاريين .. وأن لا تكون القرارات فردية وارتجالية .. يجب اشراك أهل الشأن في مثل هذه القرارات الغير مدروسة ..
وياريت المعتمد يهتم بمعاش الناس ونظافة الشوارع ومجاري الصرف الصحي والخريف وبالاخص وسط الخرطوم .. ومكافحة الباعوض والحشرات .. وتوفير الخدمات للمواطن من ماء نظيف وتيار كهربائي مستقر وتوفير المواصلات ومراقبة المطاعم والكافتيريات ..... الخ ...
وياريت تكون هنالك دورات تدريبية من جهات مختصة وبيوت خبرة لهؤلاء الولاة والمعتمدين ليعرفوا مهام عملهم واختصاصاتهم التي تهم المواطن بدلا من التخبط في السياسات والقرارات التي لا تهم المواطن اولا واخيرا

[عمر عدالة]

#1469355 [زول وهم]
5.00/5 (6 صوت)

06-01-2016 03:20 AM
ياربي عاوزين يقلعو الأراضي دي ويسكنو فيها الجنجويد ولا شنو؟

يكون حميدتي نقرط وقال ليهم مافي ود مره من الخرتوم يسكن ويتحكر فوق بيته ويسيب واطاتو دلجه وعيالي يحموكم وسكنهم صي وكيعانهم حمت. وقت حاملكم الخرتوم يانا الساكننهأ مجمجه مافي وجيب من جوه

[زول وهم]

ردود على زول وهم
[ابو محمد] 06-01-2016 08:27 AM
الحكومة لها حق فى نزع اى قطعة لم يكن لها صاحب لاننا تازينا منها كثير اوساخ ذباب حرامية مياة راكضة ضفاضع


#1469265 [صابر الصابر]
5.00/5 (3 صوت)

05-31-2016 08:02 PM
وصية الحرامي الداير يتوب ..( هم عارفين ناسهم اي قطعة غير مسورة يسبل لها لعابهم وتاني يوم تتباع طوالي.

[صابر الصابر]

#1469257 [Khalifa Batran]
5.00/5 (1 صوت)

05-31-2016 07:49 PM
; فلسوا

[Khalifa Batran]

#1469252 [عبد اللطيف طه أبوسويط]
5.00/5 (3 صوت)

05-31-2016 07:38 PM
أقترح أن تسور الأراضي بسلك شائك حتى لا تكون مكانا لرمي الزباله

[عبد اللطيف طه أبوسويط]

#1469242 [سوداني قرفان من حكم الكيزان]
4.75/5 (3 صوت)

05-31-2016 07:15 PM
ياسيادة المعتمد من حكومتك وكيزانك ومامعتمد من الشعب خلااااااص يعني حليت مشاكل المحلية كلها ومافاضل الا الاراضي المحتاجة تسوير ياخي بطلو استخفاف واستهتار بعقول الناس كرهتونا ابو البلد زاتو انتو فكرو في المواطن الحارق دمه في حلة الملاح وتحاولو تخففو عنه مش تزيدو في همومهم هم يركبكم من ريئسكم لاصغر واحد فيكم يعني الانسان العنده قطعة ارض وماقادر ياكل اولاده حيقدر يسور الارض وهو اصلا لو عنده امكانية تسوير ماكان انتظر قراركم ده ولا هي حجة وسبب علشان تمصو دم الناس خافو ربكم الله ياخدكم

[سوداني قرفان من حكم الكيزان]

#1469232 [كاسـترو عـبدالحـمـيـد]
5.00/5 (1 صوت)

05-31-2016 06:51 PM
قرار معتمد محلية الخرطوم، الفريق الركن أحمد علي عثمان أبوشنب ، تم الأعتراض عليه من كثير من القراء وهذا دليل مشاركة من الشعب لقرارات الحكومة المحلية بالنقد . وهذه ظاهرة صحية سوف يشكر عليها المعتمد اذا استجاب لها . نعم الحياة لا تسير بالأوامر التعسفية بل بالرأى والمناقشة ومراعاة الأسباب . لقد تم ذكر كثير من الأسباب التى تحول دون تسوير القطع السكنية التى لم تبنى بعد , وفى نظرى ان وجهة نظر هؤلاء الناس المعترضين وجيهة ومقبولة , لذلك على الفريق الركن / ابوشنب ان يستجيب لهم ويا حبذا لو قامت اللجان الشعبية لكل حى باستشارة السكان المجاورين للقطع الخالية واخذ رائهم حول التسوير أو عدمه لأنهم هم الذين سوف يتأثرون بالعملية . وفى هذا عدل للجميع ويكون المعتمد قد ابرأ ذمته وتعامل مع السكان بديمقراطية وعندها لن يقدر احد ان يوجه له اى لوم او نقد لأنه بذلك قد رمى الكرة فى مرمى السكان الجيران .

[كاسـترو عـبدالحـمـيـد]

#1469226 [عبوده السر]
5.00/5 (2 صوت)

05-31-2016 06:35 PM
معتمد محلية الخرطوم، الفريق الركن أحمد علي عثمان أبوشنب!!!!

يعرفوك فاقد تربوى كيف ياب شنب ؟ مالازم تطلع وتصدر تعلميات زى
دى وكأنك تكورك وتقول للناس :

ياخوانا هووووى أنا حمار وفاقد تربوى برتبة فريق ركن وبي شنب كمان

قال الود خلاص شغال وبخوف الناس بي شنبو .!!!!!!!!!!!!!!!!!!!!!!!!!!

والله انا لو منك يالفاقد التربوى سعادة الفريق الركن اب شنب البد ساكت
حفاظا علي العداد الرامي طوالي شى مرتب وشى حافز وشي رشاوى وشي لهطي
باالمشاركه مع التانيين وشي لهطي بانفراد يعني بمجهود فردى وتحت تحت.

امسك خشمك عليك ياب شنب ماتجوط وتتفلهم ساكت واتا امكانياتك وتعليمك
متواضعين ..... اسمع كلامى اكل مع الآكلين والهط مع اللاهطين مالك ومال
شيل وش القباحه واللنبي قاعد في الطراوه وهو برضو زيك فريق اول وركن
يعني دفعه يعني بلا يخمك ياالفاقد التربوى ويخم اللمبي اب رياله معاك.

[عبوده السر]

ردود على عبوده السر
European Union [عبدالرحيم طه خليفة] 06-01-2016 03:17 PM
عبودة السر أنت إنسان جاهل وليس فاقد تربوي كما نعت سعادة الأخ الفرق / أحمد علي ولعلمك هو لو كان داير يلهط ويرتشي ويسكت كان لهط وإرتشي وسكت عندما كان في وظيفة أهم من معتمد الخرطوم .. نائب رئيس هيئة الأركان عمليات بس نحن عندنا الراجل بوصوهو وهو صغير من الجبن والسرقة والثالثة ما بقولها ليك هنا... وبالمناسبة هو ما متفلهم ولو متفلهم ليه حق هو فريق وكمان ركن طبعاً إنت لأنك جاهل أنا بشرح ليك ركن دي معماها أركان حرب يعني حائز على شهادة الماجستير في العلوم العسكرية ..
أما ( بلا يخمك يا الفاقد التربوى ) فأعلم أن هنالك رب يحميه وأن له أسرة تنتظره وتدعو له في غيابه بأن يرده الله لهم سالماً غانماً..
وأنا أدعو له بذلك وأزيد أن يحفظه الله كما حفظه ورده من جبهات القتال والعمليات سالماً منتصراً..
وأخيراً أسأل الله أن يهديك وأن يعينك على جهلك ...


#1469204 [المشتهى السخينه]
5.00/5 (4 صوت)

05-31-2016 05:27 PM
القطعه المسوره المهجورة سرعان ما تصبح وكرا للجريمه بانواعها ويلوذ بها المشردون . ولكن امثال هذا المحافظ افقه ضيق ومعرفته سطحيه الحياة المدنيه فهو عسكرى لا يصلح الا للعمل فى حروب الرئيس الدائم السرمديه ضد شعبه والتى لم ولن ينتصر فيها يوما .

[المشتهى السخينه]

ردود على المشتهى السخينه
[abushihab] 05-31-2016 07:06 PM
يا حبيبي هنالك ما وراء الاكمة.... الوالي مش قال الحتات كلها باعوها؟؟..وتيب.


#1469201 [ممكون من عمايل اب دقون]
5.00/5 (2 صوت)

05-31-2016 05:14 PM
حرااااااميه

[ممكون من عمايل اب دقون]

#1469198 [صمت الحزن]
5.00/5 (2 صوت)

05-31-2016 05:06 PM
شوف العين ماكتل غزال (بالبلدى)
المبقدر يسورة انتو بتستلموه منه صح قروشكم جاهزة .....!!!!!
طيب منزل خالى مسور داخل حى سكنى فيهو اسر (خمن) الحيحصل شنو...

[صمت الحزن]

#1469188 [AAA]
5.00/5 (1 صوت)

05-31-2016 04:41 PM
انا فاكرها مراسيم تخفيض قفة الملاح.. تقول لي تسوير ودلالة..

[AAA]

#1469170 [حسنين]
5.00/5 (3 صوت)

05-31-2016 04:09 PM
هذا قرار فارغ ولا معني ولا محتوى له البتة .. هل اصبحت مشكلة البلد والناس في القطع السكنية الخالية غير المسورة .. ام ان هذا شغل زول ما عندو شغل .. يا سيدي شوف المواضيع الاهم من كدة .. وبلاش قرارات انصرافية لا تخدم المواطن ولا تقدم ولا تؤخر. صحيح المثل القائل .. الفايق يهمز ... .

[حسنين]

#1469162 [Mutasim]
5.00/5 (5 صوت)

05-31-2016 03:50 PM
دا من اغبي القرارات السمعتها ... يعني المظاهر السالبة دي أفضل ليها تكون القطعة مفتوحة للعيان ولا نسورها عشان تتحول لي اوكار مهجورة للجريمة

[Mutasim]

#1469152 [أبو عبدالله]
4.91/5 (7 صوت)

05-31-2016 03:36 PM
في قطع أصحابها أيتام صغار وقد لا يستطيعون تسويرها قبل سنوات حتى يبلغوا أشدهم فما ذنبهم ؟

[أبو عبدالله]

#1469136 [عبدالله ابراهيم]
5.00/5 (5 صوت)

05-31-2016 03:13 PM
قطع الاراضي المسورة دائما تمون مرتعا للجرائم كل الدول تزيل السور من اي قطعة مسورةللحفاظ علي الامن العام ------------- التفكير مطلوب قبل اتخاذ قرارات ادارية غير سليمه

[عبدالله ابراهيم]

#1469135 [ابوشوارب]
5.00/5 (2 صوت)

05-31-2016 03:08 PM
هو ملو ومال كدا
كدى خليهو فى قفة الملاح وعلاج الملاريا بعدين نشوف التسوير و التنوير والتدوير والتحمير والتقمير وكل امر خطييييييييييييييييييييييييييييييييييييييييير


والله قالوا الفايق بهمز امو

[ابوشوارب]

#1469131 [ود يوسف]
5.00/5 (3 صوت)

05-31-2016 02:56 PM
الأهم من دا إزالة التعديات على الشارع العام من المواطنين والمحلات التجارية .. لأنه كل واحد ماخد ليهو أربعة أو خمسة أمتار ومسورها وعاملها جزء من بيته ... ما هذه الفوضى ؟؟؟؟

[ود يوسف]

#1469124 [Truth]
5.00/5 (2 صوت)

05-31-2016 02:47 PM
تعرف اخ الجعلى الاكثر من التضييق هو سوف تظهر حالة غير امنية بسبب تسوير القطع لانه سوف تكون ساتر للمجرميين و ممارسات غير اخلاقية هؤلاء الناس يصدرون قرار و لا يدرسون اثاره الايجابية و السالبة و تقليب السالبة اذا كان اكبر من الايجابية الحمدلله على جعل جهلاء القوم هم القائميين على الامر و بكرا حيزيلو اى حوش بسبب صعوبة السيطرة على الجريمة فى القطع المسوروة

[Truth]

#1469114 [المتحسر على الزمن الجميل]
4.97/5 (8 صوت)

05-31-2016 02:38 PM
كل قوانين التنظيم دي موجودة في البلديات قبل أن يأتي أمثال أب شنب وأب ضنب عندما كانت هناك بلديات وكان هناك ضباط مجالس واداريون أكفاء يؤدون عملهم عن فهم واحترافية .أما الان ، أصبحت الأمور عبارة عن أوامر عسكرية تصدر حسب حاجة الخزينة الفارغة دائماوتطبق باجحاف وقسوة وحرفية.أين قوانين ازالةأنقاض المباني والقوانين الصحية وتلك المتعلقة بصحة ولياقة حيوانات الكارو وحتى تلك المتعلقة بأنوار العجلات وأجراسها ......الخ الخ
جبانة هايصة الان.

[المتحسر على الزمن الجميل]

#1469111 [ماهر محمد صالح]
5.00/5 (4 صوت)

05-31-2016 02:29 PM
رغم أن القرار خاوى من أى مضمون ،، ولكن لماذا شهر فقط ؟؟؟؟؟؟؟؟؟؟؟؟

هل جميع الناس جاهزون بمبالغهم لهذا التسوير الذى أتاهم من حيث لا يعلمون ؟؟؟؟؟

فى كثير من أصحاب هذه الأراضى خارج السودان وربما لن يسمعوا بهذا القرار

يا أخى قول 6 أشهر قول سنة ،، موش شهر واحد .

[ماهر محمد صالح]

ردود على ماهر محمد صالح
[جركان فاضى] 05-31-2016 05:54 PM
بعدين تسوير الاراضى الفاضية له انعكاسات سالبة على الامن...هذه الاراضى المسورة تكون بالليل وكرا للصوص وما اكثر اللصوص فى هذا الزمن...خلى الاراضى مكشوفة بدون سور ليأمن الجار من قطعة جاره المسورة

European Union [مشعكل] 05-31-2016 04:59 PM
ولاحظ جاي خريف والاجازات انتهت المغتربين اللي بتملك اغلبهم القطع الفارغة دي رجعوا

ولو دققت زيادة بتلاقي الشهر دا بس فترة رمضان ، يعني وقت الناس بتكون مسافرة وعمرة ومشغولايات رمضان والعيد

يعني توقيت بتاع اغلطوا اغلطوا ونحنا بندفعكم هههههه


#1469101 [الجعلي الطفشان]
4.69/5 (6 صوت)

05-31-2016 02:17 PM
بس فالحين في تضيق الامور على خلق الله ، حسبنا الله ونعم الوكيل

[الجعلي الطفشان]

ردود على الجعلي الطفشان
[كشيب] 05-31-2016 02:48 PM
ما في قرار من فراغ باخوي الطفشان
دا كلو عشان يفرضوا عوائد وضرايب يلقطوا شوية القروش الحايمه في السوق حساده منهم انو لسه في ناس عندهم قروش ويملوا بطونهم المابتشبع ابدا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة