الأخبار
أخبار إقليمية
وزير النفط يكشف عن تزايد سرعة نضوب الحقول النفطية القديمة بالبلاد
وزير النفط يكشف عن تزايد سرعة نضوب الحقول النفطية القديمة بالبلاد
وزير النفط يكشف عن تزايد سرعة نضوب الحقول النفطية القديمة بالبلاد


05-31-2016 08:03 PM

البرلمان: سلمان
كشف وزير النفط والغاز محمد زايد عوض عن تحديات كبيرة تُواجه صناعة النفط بالبلاد أجملها في تزايد سرعة النضوب الطبيعي للحقول النفطية القديمة بالبلاد، وقرب انتهاء أجل اتفاقية التعاون النفطي مع دولة الجنوب وما يمكن أن يترتب على ذلك من آثار، وتنامي ديون الشركاء في ظل الظروف الاقتصادية الصعبة لقطاع النفط، بجانب صعوبة المُعاملات البنكية بالعملات الأجنبية، والحظر المفروض على البلاد وأثره على قدرات الوزارة في استيراد المواد والمعدات ونقل التقنيات، فضلاً عن الأثر الكبير لانخفاض أسعار النفط العالمية، وقال زايد: "إن وزارة النفط رفدت وزارة المالية في العام (2015م) بحوالي (8.2) تريليون جنيه (بالقديم)"، ولفت زائد بأن الرسوم المتحصلة من عبور البترول العام الماضي بلغت (1.146) مليار دولار، منها (694.6) مليون دولار رسوم عبور بترول جنوب السودان و(451) مليون دولار من نصيب شركاء الجنوب، وأضاف: "الرسوم التي تَحَصّلتها الوزارة لعبور بترول الجنوب خلال الفترة من (يناير - مارس) بلغت (268.3) مليون دولار، منها (160.4) مليون دولار من نصيب حكومة الجنوب و(107.9) ملايين دولار من نصيب شركاء الجنوب"، وأوضح وزير النفط إن خطة وزارته للعام الحالي تركز على تطوير الإنتاج وزيادته، وضمان انسياب الإمداد النفطي للبلاد وتكثيف الرقابة لخفض تكاليف الإنتاج

الصيحة


تعليقات 25 | إهداء 0 | زيارات 9507

التعليقات
#1469789 [احمد البقاري]
0.00/5 (0 صوت)

06-01-2016 05:57 PM
معظم الآبار النشطة/المنتجة بالشمال كانت مربوطة بعدد من الآبار المنتجة بالجنوب وفي نفس الوقت كانت مغلقة تمويها بأعتبارها آبار غير ذات جدوى أقتصادية ... مع أنتقال مهندسي البترول الهنود من الشمال للخدمة لصالح الجنوب، ربما ساعدوا حكومة الجنوب في أكتشاف هذه السرقات وتم وقف النفط المسروق ....

وأحتياطا من حكومة الأقلية في الشمال لايجاد مبرر لانخفاض أنتاجها من النفط ومخافة تسريب ذلك من الشركاء، سارعت الحكومة لنشر خبر نضوب بعض الآبار، والتي في حقيقتها ليس سوى مستودعات أرضية لتجميع النفط المسروق من آبار داخل جنوب السودان..

[احمد البقاري]

#1469749 [ALIIIIIIIIIIIIIIIIIIIIIIIIIIIIII]
0.00/5 (0 صوت)

06-01-2016 04:23 PM
(((وزير النفط يكشف عن تزايد سرعة نضوب الحقول النفطية القديمة بالبلاد))) اليبا اليبا اليبا سبيدي جونزاليس ههههههههههههههه

[ALIIIIIIIIIIIIIIIIIIIIIIIIIIIIII]

#1469698 [sam]
0.00/5 (0 صوت)

06-01-2016 02:45 PM
لن تقوملنا قائمة ما دام القوانين توضع وتنفذ علي البعض دون البعض وما دام في السودان بشرية زي ناس شركات البترول والشركات الوطيه يوظف لها الناس حسب منصب النسابة والاب والحبيبه والرقابة وهلما جرا وليس بالكفاءه فود نافع مدير ادراة في المدعوه سودابت وما دام ود احمد عبدالرحمن احد زعماء الحركه الاسلامية مدير ادارة عامه في نفس المدعوه سودابت ومادام ادارات باكملها من بيت واحد مع بعض عرب الجزيره كما يقولون عنهم وبعض الادروبات وبعض الغرابه وكلهم مغضوب عليهم وهم الذين تهضم حقوقهم ويرفدو بدافع ترشيد الصرف ويعين في نفس الزمن اولاد المصاريين البيض وهذا نموزج دمرت به البحريه والطيران والسكه حديد وبيعت به الاراضي الحكوميه
معظم الذين يحكمونا لهم اكثر من اقامة وجواز وباستمرار هم في سفر وبيرديم وتجديد اقامات وحتي ملابس السودان لا تعجبهم بل ياتون بها من الخارج
نحكم بغيرنا ونحن راضون اذا لا تطور لا استقرار ولا حياه بل محنطزن ننتظر الموت المحتوم

[sam]

#1469654 [شهنور]
0.00/5 (0 صوت)

06-01-2016 01:32 PM
تشفطو بحلاقيمكم الكبير وعمايلكم الوسخانه كيف ما ينضب !

[شهنور]

#1469618 [Flowers]
5.00/5 (1 صوت)

06-01-2016 12:32 PM
الظلم ظلمات يوم القايمة والحمد لله إن شاء ربنا يخسف بالبترول سابع أرضين!!!
المستفيد من بترول الظلم إخوان الشيطان والشاويش عطيه وحريمه وبقية الشعب الكسلان المحنط فليذهب للجحيم !!!!!!!!!!!!!!!

[Flowers]

#1469576 [ود المهدي]
5.00/5 (1 صوت)

06-01-2016 11:28 AM
يا عوض منه العوض نحن لسع ما ضقناه البترول بنسمع بيوه سمع الشكية لله ، الجقر شفطه ولا شنو يا اخوي العوض .


عمائلكم هي تنشف البحر مش بترول السودان اريتو اغطس استفدنا منه لامتشفيات بنيت منه ولا طرق فقط دخل جيوب الكيزان لكن هل سيحملون تلك الأموال معهم لدفنها معهم يوم يقبرون ؟


حاسبوا قبل ان تحاسبوا يا حكومة النشير السجمانة.

[ود المهدي]

ردود على ود المهدي
European Union [QUICKLY] 06-01-2016 03:57 PM
اريتو اغطس استفدنا منه لامتشفيات بنيت منه ولا طرق فقط دخل جيوب الكيزان لكن هل سيحملون تلك الأموال معهم لدفنها معهم يوم يقبرون ؟

البترول راح شمار في مرق
البترول راح وكمل في المشروع الحضاري مالكم زعلانيين ؟!!


#1469556 [ابو شهاب]
0.00/5 (0 صوت)

06-01-2016 10:58 AM
ده كله من عمائلكم وذى ما نشفتوا ريق المواطنيين وبعد شويه حتنشفوا النيل نفسه وقل اعملوا فسيرى الله عملكم ورسوله والمؤمنيين وياريت تقف على نشاف الحقول القديمه اين الحقول التى تم اكتشافها فى عهد المعلم الجاز فى الممربعات والله دى كانت تصبيره عشان الناس تفوق من انفصال الجنوب

ولو كان حكمكم الاسلامى حقيقه لانزل الله عليكم رحمه من عنده ولكن اكل الربا واموال الناس بالباطل سوف تجنون ثمارها نشاف فى كل شىء ولا تظنون ان الله غافل عما تعملون

اصحى يابريش ( البشير ) واخشى لعنه المظلوم ودعاؤههنالك رب ينصر المظلوم ولو الى حين نقوا نفوسكم وطهروا سريرتكم وتوبوا الى الله واستغفروه يصلح لكم اعمالكم وما عايزين دخل فى حكم الله ولكن ياويلكم

اينكم من سيدنا عمر بن الخطاب رضى الله عنه وكلكم راع وكلكم مسئول عن رعيته لقد طلقت الرعيه فى فى كل بقاع السودان يتيهون فى الارض بلا راع

نسال الله لكم الهدايه واحقاق كلمه الحق

[ابو شهاب]

#1469511 [Salah AL Deen P]
5.00/5 (1 صوت)

06-01-2016 10:02 AM
الظاهر في جقر قاعد يشفط فيهو... الجقور ديل كعبين زمان اكلوا كوبري عديل كدا..

[Salah AL Deen P]

#1469502 [سامي]
0.00/5 (0 صوت)

06-01-2016 09:44 AM
معقولة ياود يابشة بيموية وكملت الرغيفة بقت لاترى بالعين المجردة والبترول يبس وجف عديل كداأنا أول مرة في حياتي أسمع ببترول يبس والحواشات الان في مشروع الجزيرة خلاص بقت غابات سنط ومطار الخرطوم جف من الطيارات السودانية وبحرنا الاحمر لا تبحر فيه سفينة سودانية ياود يابشة أنت ماعندك قلب بيحس بالناس البشر تقتل فيهم بجنجويدك يمين وشمال وتعذب فيهم بلقطائك الذين يتلذذون بموت الناس وبوزرائك الذين يلهطون ويكنزون وبحاشيتك المتنطعين المكوشين على قوت الناس ياود معقولة يوم 1 كدا ما يحاسبك ضميرك لو كان لك ضمير وتشوف أنت بتعمل في شنوووووووو

[سامي]

#1469501 [ود العمدة]
0.00/5 (0 صوت)

06-01-2016 09:41 AM
بعد الدهب الوعدتونا بيه ما بقي ضهب يا وزارة المعادن والثروة المعجنية...ماااااا بنصدقكم

[ود العمدة]

#1469493 [الكرك]
0.00/5 (0 صوت)

06-01-2016 09:32 AM
لو عايزين بترول ما كان فصلتوا الجنوب فصل كيدي وشفطوا بتروله ووضعتوها في حيضان في غرب السودان ظنا منكم انها سوف تنقدكم ولكن الزمن يمضي وهاهو مخزونكم ينفد ولم تاتوا بالبديل

[الكرك]

#1469472 [مجنووووووون]
0.00/5 (0 صوت)

06-01-2016 09:05 AM
نشفتوها نشفتوها عافى منكم عقبال النيل كمان يارب

[مجنووووووون]

#1469462 [قلام الفقر]
0.00/5 (0 صوت)

06-01-2016 08:55 AM
الان ياوزير النفط: كل شئ بداء واضح جليا مليا, ان السودان اخذ فى الانحدار, واعتقد انة وصل القاع فى هاوية الانحدار وذلك كلة بفضل مجهودات الحكومة الفاشلة فى ادارة دفة البلاد ممزوجا مع الظلم البائن ضد العباد ورب العباد الذى حرم الظلم على نفسة. هذه مؤشرات واضح ان الامر قد قضى, ونقول الان كل شئ فى السودان اصبح فى تعداد الشلل الكامل, وايضا بفضل سؤ ادارة وتخطيط من تدعى نفسها بحكومة, وغدا سجف النيل والزرع والضرع, ونتيجة واضحة من الغضب الربانى, فى ولاية امر من لايرحم البعباد .
يستحضرنى قضيدة غنائية للفنان ابو عركى البخيت , والتى تجسد واقع الحكومة الفاشلة النشاذ, والتى تقول ( جسمى انتحل كيييييييييف العمل). الان حينما يحصحص الحق والحق ابلج, هنا تأتى عدم الحلية, ويعم الضنك والعنت بمشاركة الطبيعة التى تؤمر من الحق عز وجل.
شوف ياوزر النفط: كلامك هذا سيردفة غدا وزير الزراعة فى امر الزرع, وبعد غدا مستردفا وزير الثروة الحيوانيةفى امر الضرع,, كما سبقكم وزير الخارجية فى تقطيع اوصال الوطن السودان وكذلك دواليك. الى ان يتلاشى السودان رويدا رويدا.
بيد ان هنالك لابد من انتقام عرمرم لاقبل لكم بة من الشعب, وفى الاخرة اشد وطأء واقوم قيل عند مليك مقتدر. فيا ويلكم.

[قلام الفقر]

#1469459 [المستغرب]
5.00/5 (1 صوت)

06-01-2016 08:49 AM
توضيح غامض وتفسير غريب للأرقام .رسوم متحصلة من عبور بترول الجنوب .يعني ذاهبة الى خزينة الشمال .دا الفهم كدي وللا لا ؟ طيب شنو حكاية : منها مبلغ كذا وكذا من نصيب حكومة الجنوب وشركاء الجنوب .معليش أنا اتلخبطت شوية .انتو فاهمين حاجة من الحساب دا؟؟؟؟أفيدوناأفادكم الله.

[المستغرب]

#1469452 [sayed]
5.00/5 (1 صوت)

06-01-2016 08:41 AM
كيف لا تنضب الآبار إذا واحد يريد أن يأخذ نصيبه من بترول السودان,,

[sayed]

#1469436 [layla]
5.00/5 (1 صوت)

06-01-2016 08:20 AM
المفروض تسأل ابو الجاز...كيف جف البترول من هذه الحقول ؟؟؟اكيد عندو الاجابه لانو قعد في الوزاره سنين عددا لمن عرف انو شفطها كلها

[layla]

#1469430 [عمر حسن احمد البشير]
5.00/5 (1 صوت)

06-01-2016 08:16 AM
الظلم ظلمات عمال البترول مظلومين

[عمر حسن احمد البشير]

#1469424 [عبد الجبار أحمد]
5.00/5 (1 صوت)

06-01-2016 08:13 AM
بالله يا جماعة هل رأيتم أي وزير نفط في أي دولة من دول يتكلم عن مبالغ مالية رفدتها وزارتة لوزارة المالية في بلده؟؟؟

وزارة النفط يا وزير ياهمام يهمها فقط الانتاج وزيادة كميته وقد تعلق على أسعار البترول لكنها لا تتكلم عن دخل البرتول ومساهمته في دخل وزارة المالية . انت يا فالح حاول اعمل زيادة في انتاج البترول وخليك من حكاية أدخلت كم لوزارة المالية.

الشيء الاخر والمعروف لكل العالم ان تقنية الصينية الخاصة بانتاج البترول تعتبر من أردأ الانواع ولا تراعي اي اشايء جوانب أخرى كتلوث البيئة وتطوير مناطق ابترول وغيرها ولذلك الصينيين اخذوا حقهم وركبوكم ماسورة كبيــــــــــــــــرة

[عبد الجبار أحمد]

#1469351 [adilnugud]
5.00/5 (1 صوت)

06-01-2016 02:53 AM
واخيرا بدات تظهر الحقائق ......................
هل هو بترول مسروق.....................
ام كانت اكتشافات سياسيه لتخدير الناس بها...................

[adilnugud]

#1469345 [الباشكاتب]
3.00/5 (3 صوت)

06-01-2016 01:18 AM
لو داير تزيد اسعار البترول احسن تقولا عديل ... تعبنا من الولوه دى !!!!

[الباشكاتب]

#1469324 [بنك الخرطوم]
5.00/5 (2 صوت)

05-31-2016 11:42 PM
ياجوج وماجوج (عسكر+متأسلمين) في عهدهم النيل ذاتو بصبح ابوعشرين.
الشعب اتفرمط . والنفط نفذ واتبدد.
المتأسلمين اي بلد حكموها اتلاشت .

[بنك الخرطوم]

#1469307 [ابو سريع]
5.00/5 (1 صوت)

05-31-2016 10:21 PM
يا خوي انتو نضذبتوا ريق الشعب السوداني معقول ما تنضِّبوا حقول البترول ؟؟؟

[ابو سريع]

#1469304 [BEWILDERED]
5.00/5 (2 صوت)

05-31-2016 10:04 PM
حديث السيد الوزير كأنه "عظة مودع". وقف خطوة واحده من الاعلان بِِ مافيش فايده. الارقام تبين تعيس الحاضر، و الانشاء تعيس المستقبل بنضوب الموجود و تنامي الديون الصينيه الماليزية ; كلا البلدين يملك امكانية لي الذراع اقوى مما يملكه الحظر الامريكي.

[BEWILDERED]

#1469297 [عبوده السر]
3.88/5 (5 صوت)

05-31-2016 09:32 PM
والله يابشه ياسفاح لو بتسمع كلامي الكارورى دا ماتكتلوا
ارفدوا بس فالرفد عندو أهون من الكتل . الزول دا كضب
عليكا وعلينا وطلعك فوق كضبك المشهور بيهو طلعك حمار كمان.!!

وبعدين تقبل علي الحمار الحرامي عمار ميرغني الوزرتو علي
الاوقاف والارشاد ترفدوا وتعلقوا من كرعينو في شجره وتخليهو معلق في
الهوا كدا لامن يبين ليو اصحاب !!!!

السلفي طلع أظرط منكم وفاتكم في اللهطي يابشه ياسفاح.!!!!
أكيد بتكون سمعتا بموضوع ايجار مقر وزارته الدولارى الجايهو
من الامارات .!!!!!

يعني السلفي بيلعب ويلهط من ورا ضهركم وبالدولار المعدوم ومالاقينو.!!!

وبعد الحمار الحرامي عمار ميرغني ياريت لو ترفد حاج ماجد حمار بتاع
جهاز المغتربين لأنه أثبت فشله للمره المليون في وظيفته مسؤلا عن شؤون
المغتربين .!!!! يعني قدر ماتديهو في فرص الزول فاشل بي طبعه يعني الفشل
في جيناته ...!!!!!أرفدو وخليهو حايم بكرعينو من مكتب لي مكتب يطق الحنك
مع اصحابه الفشله .

وبعد ماترتاح شويه يابشه ياسفاح عشان نفسك مايقوم اسمع كلامي دا سمح.!!!!
نادى الود الخايب بدر الدين محمود الوليتو علي وزارة الماليه وخلي 4 من الجنجويد المرتزقه الماليين العندك بيحرسوكا يعبطوهوا ليكا فلقه ويدوكا سوط العنج تدق فيهو بيدك الموضيه الطاهره لامن تفتر لأنو دا الوحيد الطلعك **** وكضاب عند الشعب .!!!!

وبعد ترتاح شويه خليهو يمش يقيف الف هناك في الكورودوى او الممر القدام مكتبك ويكون وشه في الحيطه وتكلم مدير مكتبك الحرامي يكلم الناس اى زول يجي مارى ببدر الدين يلزقو كف علي قفاهو ولازم تسمع صوت الكف يابشه واتا قاعد في مكتبك والكف الماتسمع صوتو يعيدوهوا ليكا لتسمع صوته لأنو في ناس هاتجامل بدر الدين ومايدوهوا علي قفاهو الكف البسمع عندك يابشه.

آخر الدوام يابشه ياسفاح نادى الود بدر الدين وتفا ليو في وشه تفه بمخاتتا وقول ليو اتا مرفود ياتافه وتمشي بيتكم هسى كدر يعني عربيه توديك البيت ماف والعربات الفي بيتك هناك عند النسوان الليله دى تجي تقيف هنا قدام متكتبي دا.

وهكذا دواليكا يابشه لغاية ماتخلص من كل الوزراء الفشله والسفله في آن
وبعد كدا تقبل علي البرلمان تخليهم يدوكا كشف باسماء النواب البيقلوا أدبهم
وبيعملوا جوطه ونقتهم كتيره.

ناديهم يجوكا واحد ورا التاني في مكتبك زى الكلاب تمسح بيهم بلاط مكتبك وتوريهم
العين الحمرا الماشافوها وتذكرهم انه لولاكا ماشاف ولا شما واحد فوقم البرلمان وتديهم آخر انذار تاني لو صدر من اى سافل فيهم اى قلة أدب لايلومن الا نفسه.!!!

باقي منو تاني يابشه المفروض يترفد والا يتأدب؟ كدى ذكرني عشان انصحك تعمل
شنو في المواقف البايخه الزى دى.!!!

[عبوده السر]

#1469272 [ود احمد]
5.00/5 (2 صوت)

05-31-2016 08:25 PM
اذا كان الغراب دليل قوم دلاهم الي دار الخراب
او ارشدهم
ياجماعة بلد فيها كنوز ظاهرة ماء و200 مليون فدان صالحة للزراعة
ماهو المطلوب لكي انهض بالسودان
اولا علاقات مع جميع دول العالم
ثانيا نبذ كل اساليب الاحتراب والاقتتال
ثالثا الاستفادة من المجتمع الدولي والتكنلوجيا في مجال الزراعة وتربية الحيوان
التعليب والتغليف
وصناعة الحليب والاجبان وتنمية البنية التحتية
طيب اذا زرعنا القمح وزدنا انتاجنا من المواشي والحبوب الزيتية والحليب والاجبان
بالله قل لي عليب ماذا يحتاج الشعب

[ود احمد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة