الأخبار
أخبار إقليمية
القوات الحكومية تعلن رصد اختراق للمجال الجوي السوداني من قبل طائرات تابعة لمنظمات دولية وإقليمية دون الحصول على إذن مسبق
القوات الحكومية تعلن رصد اختراق للمجال الجوي السوداني من قبل طائرات تابعة لمنظمات دولية وإقليمية دون الحصول على إذن مسبق
القوات الحكومية تعلن رصد اختراق للمجال الجوي السوداني من قبل طائرات تابعة لمنظمات دولية وإقليمية دون الحصول على إذن مسبق


06-01-2016 11:30 PM
(سونا) - أعلن العميد دكتور/أحمـد خليفة أحــمـد الشـامــي الناطق الرسمي باسم القوات المسلحة أن أجهزة المراقبة الجويّة رصدت في يومي 17 و20 مايو 2016م اختراقاً للمجال الجوي السوداني من قبل طائرات من طراز ( يوشن 76 ) تتبع لمنظمات دولية وإقليمية دون الحصول على إذن مسبق .
واعتبر الناطق الرسمي في بيان أصدره اليوم ، ذلك انتهاكاً صارخاً لسيادة الدولة ومخالفة صريحة لكل الأعراف والمواثيق والقوانين الدولية التي تنظم حركة الملاحة الجوية .
وأكد أن القوات المسلحة ستتعامل بكل حسم مع أي طائرة لا تتبع الإجراءات السليمة للحصول على التصريح والإذن المسبق باعتبارها هدفاً جوياً مشروعاً.

وتورد (سونا) نص البــــيــــان:

رصدت أجهزة المراقبة الجويّة في يومي 17 و20 مايو 2016م اختراقاً للمجال الجوي السوداني من قبل طائرات من طراز ( يوشن 76 ) تتبع لمنظمات دولية وإقليمية دون الحصول على إذن مسبق مما يعد انتهاكاً صارخاً لسيادة الدولة ومخالفة صريحة لكل الأعراف والمواثيق والقوانين الدولية التي تنظم حركة الملاحة الجوية.
ستتعامل القوات المسلحة بكل حسم مع أي طائرة لا تتبع الإجراءات السليمة للحصول على التصريح والإذن المسبق باعتبارها هدفاً جوياً مشروعاً .


عميد دكتور/أحمـد خليفة أحــمـد الشـامــــــــــــي
الناطق الرسمي باسم القوات المسلحة


تعليقات 26 | إهداء 0 | زيارات 11304

التعليقات
#1470412 [ود الجزيرة]
0.00/5 (0 صوت)

06-02-2016 09:39 PM
انتوا يا جماعة الخير نسيتوا نظرية الدفاع بالنظر .بتاعت اللمبي ومعتمدة الخرطوم حاليا.اها جماعتنا شغالين بيها..
والله ده منتهي الغباء واللا مسئولية..طيارة طيارة.
والله لو رجال صح لو جاءت طيرة في مناطق النزاع دي تزل أرضا مش طيارة يا سجم

[ود الجزيرة]

#1470384 [ALIIIIIIIIIIIIIIIIIIIIIIIIIIIIII]
0.00/5 (0 صوت)

06-02-2016 07:58 PM
(((((القوات الحكومية تعلن رصد اختراق للمجال الجوي السوداني من قبل طائرات تابعة لمنظمات دولية وإقليمية دون الحصول على إذن مسبق)))).....طيب وحتعملوا شنو ولا حاجة واعلي مافي خيلكم اركبوه دولة جيشها عبارة عن مناصب والقاب شرفية جيش ليس له وجود فعلي جيش تم تدميره تدمير ممنهج علي مدي 27 سنة لصالح ميليشيات وصعاليك مايسمي بالدعم السريع وبعدين انتو ماشاء الله تبارك عندكم اللواء general of the army حمدان حميدتي حرامي الحمير خلوه يفك ليكم الطيارات دي بالنبلة..والله السودان بقي يحنن بالجد لانو ماسكينو زبالة زي ديل بلد يرزح تحت الجهل والتخلف في كل مجال من مجالات الحياة...نفسي اعرف عمر البشكير ده قاعد يعاين وين بالضبط كده نظرة بتاعة زول ماطبيعي اطلاقا

[ALIIIIIIIIIIIIIIIIIIIIIIIIIIIIII]

#1470383 [ود المهدي]
0.00/5 (0 صوت)

06-02-2016 07:57 PM
إن كانت لنا قوات مسلحة ذات كفاءة عليها اسقاط اي جسم يدخل المجال الجوي السوداني دون هوادة ولا تنظر لاي جهة في العالم اضربوا فقط اي جسم يدخل المجال الجوي السوداني دون اذن واتركوا الكلام الفارغ والجبن دا .



اضربوا اي جسم وما عليكم من اي جهة في العالم مهما كانت اضرب في المليان يا جيش ان كنت قويا :


ان ينصركم الله فلا غالب لكم اضربوا في العمق اي جسم طائر دخل المجال الجوي السوداني وخليكم جاهزين لمثل هذه الخروقات من الاعداء .

ورونا رجالتكم يا جيش ويا حكومة ما تكون مثل دفاع بالنظر .

[ود المهدي]

#1470324 [ود اللواء]
5.00/5 (1 صوت)

06-02-2016 05:12 PM
هههههههههه انتو طيره مابتقدرو تسقطوها
انا عارفكم كويس 😂

[ود اللواء]

#1470315 [مدحت عروة]
4.50/5 (2 صوت)

06-02-2016 04:51 PM
رصدتوها لانها لم تكن طافية الانوار والناس ما كانوا فى صلاة العشا ولا كيف؟؟؟؟

[مدحت عروة]

#1470296 [كجمجم]
4.00/5 (1 صوت)

06-02-2016 03:51 PM
هل لهذا الاختراق علاقة بالقرار2265

[كجمجم]

#1470273 [عبوده السر]
0.00/5 (0 صوت)

06-02-2016 02:57 PM
ستتعامل القوات المسلحة بكل حسم مع أي طائرة لا تتبع الإجراءات السليمة للحصول على التصريح والإذن المسبق باعتبارها هدفاً جوياً مشروعاً .

والاجراءات السليمه للحصول علي التصريح والاذن المسبق
هو سداد الرسوم المسبق وبالدولار او اليورو او الجنيه
الاسترليني او حتي بالبر الحبشي والشلنج الصومالي .!!! أهم شى الرسوم ماالاختراق
والكلام الكبار كبار المابنقدر عليهو دا.!!!!!!

لكن ياسعادة العميد الدكتور ماكان حقو توروهم يسددوا
الرسوم دى كيف ؟ والا دايرهم يختوها في شراب قديم ويربطوها
بلاستك ويجدعوها ليكم من فوق ؟ طيب ماهم كمان دايرين ايصال
بالقروش الجدعوها ليكم من فوق !!! أها دى هاتحلها كيف ياسعادة
الدكتور النجار الترزى الحريمي العميد الناطق الرسمي باسم القوات المتشلحه ؟!!

[عبوده السر]

ردود على عبوده السر
[ود الامين] 06-02-2016 04:36 PM
رصدوها بالرادار ولا بالنظر ههههههه ,,

ولا المواطنين شافوها وكلمونا ،،

هي طيارات ولا صوارييخ

هعهعهعههعهعهعهع


#1470125 [عبد الرحيم]
5.00/5 (1 صوت)

06-02-2016 10:57 AM
لما الواحد يشوف الحرامي ومن الخوف يعمل نائم بل يتابع الحرامي بعيونه فقط ولما جاء تاني يوم فتح بلاغ في السرقة وكان عامل فيها راجل وابو العريف ويقولهم الحرامي نزل من هنا شوف دربوا ثم دخل من هنا ويقدم دليل

بس انطبق على حكومة الكيزان التي تعمل حساب للخارج حتى لو كانت اثيوبيا وارتريا خوف من التعامل بالمثل ولكنها اسد على الشعب المعارض ..

حكومة عجيبة تشتم الشعب وتستغل سمعته وطيبته دوليا وتقتل الشعب وتشيل من قروش الشعب لتدفع دية القتل ضد مجهول ؟؟

[عبد الرحيم]

#1470105 [جيش متفرج!]
5.00/5 (1 صوت)

06-02-2016 10:27 AM
هذا البيان وبهذا الإسلوب يعني أن الجيش ليست لديه أسلحة تقوم بالرد علي هذا الإختراق,عرفوا طراز الطائرات والجهة التي تتبع لها ولم يفعلوا شيء تجاه هذا الإختراق.
هذا البيان.... موجه لمن؟ للشعب السوداني أم لهذه المنظمات؟ كلنا نعلم أن النظام حرك قوات حميدتي نحو جنوب النيل الأزرق و يتوقع الجيش هزيمة هذه القوات لذلك سوق لهذه الفبركة حتي يتهم الحركة الشعبية شمال فيما بعد بأنها تتلقي سلاح بواسطة طائرات المنظمات, وقد يكون هذا البيان مشروع لطرد المنظمات الدولية والإقليمية.

[جيش متفرج!]

#1470099 [باكاش]
4.00/5 (1 صوت)

06-02-2016 10:12 AM
ههههههههههههههه
الله يعلم دي دا ما يوشن دي
الملايكة تتحاوم ب فوقكم عشان
مشروع الهجرة الي الله.

[باكاش]

#1470086 [الساكن جوبا]
5.00/5 (1 صوت)

06-02-2016 09:49 AM
طيب يا فالحين ما دامت هى طائرات منظمات و دخلت المجال الجوى السودانى دون إذن كان إما أن تسقطوها أو تجبروها على الهبوط و تفتيشها . منتظرين شنو .
( أسد على المواطن و مع المنظمات نعامة )

[الساكن جوبا]

#1470085 [مجنووووووون]
5.00/5 (1 صوت)

06-02-2016 09:47 AM
طيب مادام تم رصد تلك الطائرات لماذا لم يتم اعتراضها والطلب منها عدم عبور المجال الجوى السودانى؟ اه نسيت الكهرباء كانت عندنا مقطوعة وطائراتنا الحربية مستثمره فى السعودية

[مجنووووووون]

#1470074 [القريش]
5.00/5 (2 صوت)

06-02-2016 09:30 AM
طيب يادكتور حسب بيانك ماأوضحت لنا فى اى موقع من السودان تم الاختراق ولماذا لم تتعاملو مع الخرق مباشره لأن الموضوع موضوع سياده اقلاها تسقطو طائره يوشن واحده؟اليوشن حسب معرفتى المتواضه هى طائرات شحن عملاقه ترى ماذا كانت تحمل بجوفها؟وأين هبطت ؟وهل توجد بمناطق المتمردن بكاودا وبحر أزرق مهابط أو مطارات؟

[القريش]

#1470068 [محمد فريد]
5.00/5 (1 صوت)

06-02-2016 09:21 AM
يا أخى روح هدف مشروع يعنى حتعملوا شنو؟ ما قبل كدا جوا ودقوكم جوه بلدكم عملتوا شنوا بس فالحين على اطفال هيبان

[محمد فريد]

ردود على محمد فريد
European Union [على على] 06-02-2016 11:24 AM
دا هدف مشروع حضارى


#1470047 [failag]
5.00/5 (1 صوت)

06-02-2016 08:56 AM
انتو لو بتتعاملو بحسم امشوا احسموا القوات المصرية في حلايب وشلاتين وابورماد فالحين علي النسوان والاطفال في دارفور وجبال النوبة حسبنا الله فيكم
رحم الله الرجال السودانيين امثال عبدالله خليل ومحمد احمد المحجوب

[failag]

#1470033 [برعي]
5.00/5 (1 صوت)

06-02-2016 08:40 AM
اجهزة المراقبة الجويه بالنظرر هاهاهاها

[برعي]

#1470032 [kurbaj]
0.00/5 (0 صوت)

06-02-2016 08:39 AM
( عميد دكتور/أحمـد خليفة أحــمـد الشـامــــــــــــي
الناطق الرسمي باسم القوات المسلحة)
حتى الناطق بإسم حلف شمال الاطلسي او عاصفة الصحراء... لا يحمل مثل هذه الالقاب كنا نسمع بهذه الخزعبلات عند الملكية ولكن ظهر هذا الوباء بصورة مقززة داخل الجيش (المتحور المتهور )..؟؟!!
الصوارمي كان كذابا اما هذا فكان كذابا ومختالا فخورا..؟؟...رحم الله امرؤُ عرف قدر نفسه..؟؟!!..

[kurbaj]

#1470000 [karkaba]
5.00/5 (2 صوت)

06-02-2016 07:43 AM
طبعا لانك كوز ولا تفعم في العسكرية الظاهر شمو خبر انة الدولة العبرية ناوية تضرب

[karkaba]

#1469987 [ahamazole]
4.00/5 (1 صوت)

06-02-2016 07:21 AM
دي قمة انجازات جيش الانقاض تخيلو في الوكت دا و كهربا مافي و الدنيا ضلام و يشوفو الطيارات المتسللة بس الطيارات البتضرب ما بشوفوها و ما عرفنا راي اللمبي في الموضوع و هو كا ما فاضي ما تشوفو لينا راي حميدتي حرامي الحمير ولا برضو مشغول بعد ما بقى مقاول طرق. و عليكم الله ما تسالو حرامي بحري الثانوية عشان كصبو ظاهر و مكشوف.

[ahamazole]

#1469985 [صالح عام]
0.00/5 (0 صوت)

06-02-2016 07:07 AM
حكومة الاغبياء قطعت علاقتها ب ايران والان ايران عملت حسر جوى لمد الحركه الشعبيه وجركات دارفور ب المؤن والسلاح نكايه بحكومة الكيزان يلا خمو وصرو ذى ما بيقول المثل

[صالح عام]

#1469983 [قلام الفقر]
5.00/5 (1 صوت)

06-02-2016 07:01 AM
يا العميد: هذا كلام طبيعى ودائم الحدوث, ان لم يكن بشكل يومى ففى الاسبوع العديد من المرات, تعرف يالعميد لسببين:-
1. ان هذه البلد العظيم شعبها, اصبحت مسخرة وملعبة عند كل دول العالم, لان رئيسها غير شرعى وغير معترف بة دوليا, وان حصانتة كرئيس عالميا قد سحبت منة, بدليل انه صارح بليس رئيس جمهورية, بل ملك الهروب العظيم اينما ذهب, والرئيس (الغفلة) الوحيد فى كل كل العالم المطارد دوليا حتى صار (فار افريفيا, بدلا ماكنتم تصفونة باسد افريقيا), علية كما قيل (اذا كان رب البيت بالدف ضاربا..... فشيمة اهل الدار كلهم الرقص), بهذه المبررات, يالعميد اصبح البلد كلة مستباحة بكل دول العالم, بل من كل من هب ودب من العالم الخارجى.
2. الا تعلم يا العميد: ان المنظمات العالمية لها لوائح ونظم لا تحيد عنها لاحترامهم للعهود والمواثيق, فان ما فعلوه باختراق الاجواء السودانية ما هو الا تم بموجب معطيات قانونية لديهم, وليس كما نقول (همبتة).
3. الا تعلم يا العميد: ان هذه المنظمات المخترقة كما اسلفت, الا تعلم انها على علم تام بقدراتكم العسكرية الدون متواضعة, ولهم دلائل وبراهين من كل الاختراقات السابقة للسودان والتى وصلت الى الضرب, كما حدث فى بورتسودان من قبل, وخاصة دفاعتكم الجوية واجهزة الدفاع الجوى السودانية, الدون متواضعة.
3. الا تعلم سبب افقار الجيش السودانى فى التسليح البدائى هو من صنع الدجال الكبير وحتى سحب ابر الدبابات التى كما تقولون يضرب بها (منيم القازفة) لهى مسحوبة ومجردة من سلاح المدرعات بالشجرة, واستعاد عنكم كقوات مسلحة سودانية بأولئك الجنجويد, ووضعكم على كنب البدلاء.
5. اخيرا ان سياسة بدائية الجيش الذى انت ناطقة الرسمى (بالنظر) لهى فعلة مقصودة لضمان ديمومة هذا الشيطان الاكبر, علية يا العميد لا تتعبوا انفسكم كثيرا مع هذا النظام وكونوا فى الحياد (اهو اكل عيش والسلام) ولوزوا بالصمت, كما عودتتنا القوات المسلحة بالصمت اذاء كل ما هو حادث فى البلد, وليس فى مقدوركم فعل شئ, او كما كان فى السابق الجيش دائم الحيازة الى جانب الشعب فى مثل هذه الانظمة التى فعلت الافاعيل, وانتم فى ثبات وبيات شتوى عميق, ادامكم الله فى ثباتكم هذا, والشعب كفيل بفعل ما لم تستطعوا انتم فعلة بعد الاعتماد على الله.

[قلام الفقر]

#1469972 [الجــــــــــــــزيرة ابـــا]
4.00/5 (1 صوت)

06-02-2016 06:25 AM
قال ليهو كان راجل نط الشخيت دة ! .. وقام نط الشخيت اها نطيتو عايز تعمل شنو ؟! .. طيب كان راجل نط الشخيت التانى دة .. اها نطيتو داير تعمل شنو ؟! .. كويس كان راجل نط الشخيت التالت دة .. اها نطيتو داير تعمل شنو ؟!! وهكذا دواليب ينططو فينا ب F16 من تل ابيب عااادى ويضربونا فى الشجرة ويرجعوا بمكنات اللحام عااادى ... جيش القائد العام حقه الجنرال حرامى الحميرحميرتى .. يجعجع بلغة رصدنا وشفنا وبالنظر وباﻻراضى كلها باعوها .
حكومة رئيسها محاصر جوة وطنه لو عايز يسافر اﻻ يشيل اذن من القوات اﻻميركية فى البحر اﻻحمر وقبل سفره وفوده تجرى جرى الوحوش فى التحانيس واﻻنبراش ﻻستلام ضمان برجوعه سالم عشان يرقص فى الهتيفة والمغيبين والمجانين وشحيحى الضمير ويقول ليهم هيييع جيييك جاك كاك واك كر ... دى دولة انتهت منذ امد بعيد ... ولو الناس عايزة ترجع دولتها المخطوفة من تنظيم المجرمين التابع للقرضاوى عليهم بالخروووج للشارع فهو الضامن الشرعى لوضع الوهم فى علبو والرسالة اﻻوضح للشعوب اﻻخرى فى احترامها لينا وعدم مساسها بوطننا واﻻ فليبرطع فينا من يبرطع وحلايب والفشقة وابو رماد ومثلث الكفرة شمال دارفور .

[الجــــــــــــــزيرة ابـــا]

#1469940 [مهرج]
3.50/5 (3 صوت)

06-02-2016 03:08 AM
كذاب, الظاهر خايفين من ضربة مرتقبة , دايرين يوروا علي إنهم صاحين.

[مهرج]

#1469921 [عودة ديجانقو]
4.88/5 (5 صوت)

06-02-2016 01:07 AM
تعريف المجال الجوى هو حسب قدرتك لحماية ما فوقك وذلك بالتأكيد يعتمد على اجهزة الرصد والدفاع...بمعنى اخر للتوضيح مثلا الدفاع المدنى عندنا يستطيع ان يخمد حريق على الطابق الثالث فى مبنى وما فوق ذلك يعتبر عنده (قضاء وقدر).
إذا سلمنا بأن الطيران المدنى قال مجاله الجوى إرتفاعه 45 الف قدم هناك طائرات مثل F15 و F16 و F18 تستطيع التحليق على إرتفاع 80 الف قدم..ماذا انتم فاعلون؟
الخطوط الكوريه كانت فى رحله من تورنتو الى سيئول حاولت الاقتراب من مجال الاتحاد السوفيتى سابقا..كان هناك إنذار اول والانذار الثانى كان صاروخ اودى بحياة 400 راكب.
مفهوم المسؤلين فى السودان المجال بتاعهم لحد القمر..طيب ليه ما قدمتم شكوى والاقمار الصناعيه بتخترق مجالنا فى اليوم الواحد 16 مره.
سيبك من ده كووولوا الطيران الاسرائيلى إخترق مجالنا اكتر من مره طلع علينا أب رياله بنظريه دفاع جديده...وكتير مسجل فى الذاكره.
أخير ليكم مدوا ارجلكم قدر لحافكم لأنه ده رقيص ماعندكم ليهو رحط.

[عودة ديجانقو]

ردود على عودة ديجانقو
European Union [عبدالله] 06-02-2016 06:49 AM
ههههههههههههههههه، ياخي ديل عندهم اسماء عجيبة، الرقاص وابو ريالة وابو العفين ومصطفي شحدة وصلاح دولار وكشكوش وابو رقبة والكضاب والمفنقس وغيرها تدل علي من يحكم هذا السودان مجموعة طراطير ليس الا


#1469910 [ahmedali]
4.88/5 (6 صوت)

06-02-2016 12:14 AM
هههههههههههههعلي الاقل كان يفترض تجبروا هذه الطائرات علي الهبوط

قال: ستتعامل القوات المسلحة بكل حسم مع أي طائرة لا تتبع الإجراءات السليمة للحصول على التصريح والإذن المسبق باعتبارها هدفاً جوياً مشروعاً .

كنتو وين لمن اسرائيل عربدت في سماء الخرطوم


القوات المسلحة في في زمنكم يا اشباه الرجال ولارجال حلوم الاطفال وقلوب ربات الحجال اصبحت تسمي القوات المشلحة

ده كلو كوم وحلايب والفشقة تنتظر زحف قواتكم لتحريرها
انتو فالحين في قتل الطلاب والنساء والاطفال ومهمتكم ليس حماية سيادة البلد بل التنكيل بالشعب

ليكم يوم يا ابناء المواخير تفو عليكم

[ahmedali]

#1469894 [تاع الباسبوسة]
5.00/5 (3 صوت)

06-01-2016 11:46 PM
احي الباستة, ندربو نقارة

[تاع الباسبوسة]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2016 www.alrakoba.net - All rights reserved

صحيفة الراكوبة