الأخبار
أخبار إقليمية
شركة سوداني :معرض صنع فى السودان يؤكد ان مقدرات السودان تجعله في مصاف الدول الصناعية
شركة سوداني :معرض صنع فى السودان يؤكد ان مقدرات السودان تجعله في مصاف الدول الصناعية
شركة سوداني :معرض صنع فى السودان يؤكد ان مقدرات السودان تجعله في مصاف الدول الصناعية


06-03-2016 11:37 PM
(سونا) أكد عاصم هجو احمد ممثل شركة سوداني ان مشاركة سوداني في معرض صنع في السودان والفعاليات الأخرى تاتي لايمانها بأن السودان يمتلك من المقدرات ما يجعله في مصاف الدول الصناعية .

وقال هجو في كلمته بمناسبة افتتاح معرض صنع في السودان تحت شعار "جودة وإتقان "والذي افتتحه السيد رئيس الجمهورية " تشارك سوداني بما تمتلك من بنيات تحتية ورعاية للعديد من المناشط المختلفة "، مشيرا إلى أن سوداني تمتلك خبرات وتكنولوجيا تمكنها من انجاح المناشط ، لافتاً لدورها ورعايتها لإنجاح معرض صنع في السودان .

وقال إن سوداني تمتلك بنيات تحتيه والياف ضوئية وتكنولوجيا قادرة علي أن تسهم في الحكومة الإلكترونية وصولاً للحكومة الذكية وذلك بخدمات مناشط عده مثل الدفع الإلكتروني واكاديمية الاتصالات للمساهمة في نماء السودان كما أنها الراعي الأول للرياضة ورعايتها لفعاليات معارض التجارة والسياحة في الولايات.

واستعرض هجو اسهامات الشركة بإنشاء عشرة الف نقطة لعابر سبيل و2 الف كيس للأسر المتعففة وكيس الصائم ، وأشار إلى رسالة الشركة للشركاء في الاتصالات للعمل سويا لبناء ونهضة السودان ، واشار لمشاركة سوداني في نماء أفريقيا في مجال الاتصالات ، مؤكداً قدرة الخبرات السودانية في أحداث التنمية المنشودة .


تعليقات 16 | إهداء 0 | زيارات 6267

التعليقات
#1471714 [ياخي خلونا]
0.00/5 (0 صوت)

06-05-2016 08:40 PM
هههههههههههههههههههههههههههههههه

[ياخي خلونا]

#1471597 [ود الساهرة حالا]
5.00/5 (1 صوت)

06-05-2016 03:56 PM
لا يستقيم الظل والعود أعوج ، الكذب والنفاق أصبح سمة أساسية لهؤلاء القوم ..... وتباً لكل الأخوان المسلمين الذين أهلكوا النسل والضرع والأرض ، وأفسدوا علينا الدين والدنيا وتصدق عليهم مقولة الفيلسوف جان بول سارتر، حينما قال : الإنسان هو أكثر الحيوانات فحشاً وضراوة ولكنه أكثرهم جبناً حينما تُنزع عنه غلالة القوة والسلطة ........ وسيعلم الذين ظلموا أي منقلب ينقلبون.

[ود الساهرة حالا]

#1471077 [hassan]
5.00/5 (2 صوت)

06-04-2016 06:35 PM
ااوع تكون مصانع الحديد الضارب ضمن صنع في السودان

[hassan]

#1471053 [ياخ]
5.00/5 (5 صوت)

06-04-2016 05:24 PM
ولا فكرت اقرا الموضوع لكن من العنوان اقول هههههههههه

[ياخ]

#1470925 [عبوده السر]
0.00/5 (0 صوت)

06-04-2016 12:27 PM
أكد عاصم هجو احمد ممثل شركة سوداني ان مشاركة سوداني في معرض صنع في السودان والفعاليات الأخرى تاتي لايمانها بأن السودان يمتلك من المقدرات ما يجعله في مصاف الدول الصناعية .

وبعدين تعالوا اضحكوا معاى عندما يسرد لكم انجازاتهم التي تجعل السودان في مصاف
الدول الصناعيه الكبرى :

-إنشاء عشرة الف نقطة لعابر سبيل.
- و2 الف كيس للأسر المتعففة وكيس الصائم.

هذه هي الانجازات العظيمه البتخلي السودان في مصاف الدول الصناعيه
وهذه هي بضاعة النصاب والحرامي عماد الدين حسين الكان مدير عام سوداتل.

[عبوده السر]

#1470874 [عودة ديجانقو]
5.00/5 (3 صوت)

06-04-2016 10:28 AM
بخدمات مناشط عده مثل الدفع الإلكتروني
*************************************

كنت أمر مرور الكرام على العباره اعلاه لأن المدعوا وزير الماليه كان صرف فيها كلام كتير بخصوص اورنيك 15 ولكن اليوم توقفت لأتأملها يعنى كيف الدفع الإلكتروني؟؟؟؟؟؟؟؟
على حسب علمى وعلم الجميع طالما إنه دفع اليكترونى فمعنى هذا لابد ان يكون عند كل مواطن يا إما بطاقة إعتماد (Credit Card) او إيداع (Debit Card) حتى يتم بموجبها تكملة إجراءات الدفع أليكترونيا..أما إجراء الدفع التالى فيستحيل تطبيقه فى اى دوله من دول العالم الثالث وهو عمل حساب شخصى مجانا زى حسابك مع فيسبوك تعمله مع مؤسسه ماليه وهم يقومون بالدفع نيابة عنك وبعد أستلامك يرسلوا لك فاتوره على عنوانك بتسديد القيمه بشيك او ممكن تعطيهم رقم حسابك وهو اسهل واسرع من الشيك وهذه الخدمه مجانا ليس من وراءها اى رسوم خدمه...وأنا شخصيا عندى حساب شخصى مع مؤسسة PayPal..كبرى المؤسسات الماليه وملايين الناس غيرى عندهم معها حساب وهى تقوم بالدفع واخيرا ادخلوا نظام التحويل المالى وهى خدمه مجانيه افضل من البنك لأنه البنك بتاعى بشيل رسوم تحويل.
ولذلك وكما هو معروف الناس فى السودان لا تتعامل بنظام البطاقات المصرفيه ومن يعرف الاجابه من الاخوه المعلقين عن كيف يتم الدفع الاليكترونى اكون شاكر له.
تحياتى

[عودة ديجانقو]

ردود على عودة ديجانقو
[Rebel] 06-06-2016 01:12 AM
* يا أخى, "الناس" ديل ما بقصدوا علم و لا علوم و لا إلكترونيات و لا تقدم و لا يحزنون!!..الناس دى شغلها نضيف, كله دفع و قروش, و "كروش تتطاقش" و طعام و نكاح و بس!
* بلد 97% من مواطنيها فقراء!..و 56% تحت خط الفقر..و تتسول الغذاء و الهبات و الصدقات!..و نسبة البطاله اكثر من 60%!..ونسبة "الاميه" فيها أكثر من 75%..و الديون على اجيال المستقبل حوالى 50 مليار دولار..و لا توجد فيها خدمات كهرباء و لا مياه و لا صحة بيئه!..ليس فيها "نظام" و لا "حكومه", و إنما لصوص و نصابين,
* و بعدين الدجالين و المنافقين و الارزقيه يقولوا ليك "تكنولوجيا و بنيات تحتيه و صنع فى السودان"!!؟

[كمندان] 06-04-2016 01:59 PM
اظنهم يقصدون دفع بيوت احرار زمان


#1470865 [Nader]
5.00/5 (2 صوت)

06-04-2016 09:55 AM
كدى الاول صلحوا شبكتكم العاديه دى وبعدين اتكلم حكومه الكترونيه ومصاف الدول الصناعيه انت لسع شغال بالجيل التانى من الاتصالات الناس وصلوا لل5gانت بتغش فى منو مقطع 20 ثانيه شبكتك دى ما بتشغلوا عايز تعمل دفع الكترونى رحم الله امرىء عرف قدر نفسه

[Nader]

#1470846 [layla]
5.00/5 (2 صوت)

06-04-2016 09:24 AM
طبعا ما اسهل الكلام علي الحاكمين ويحسبو انو الناس اغبياء وحيصدقوا الجعجعه البدون طحين....بالله عليه اختشي من ربك اذا كنت لاتختشي من العباد ..فاي دوله صناعيه الحتكون في السودان ؟؟وهل درسوك في المدرسه مقومات الدوله الصناعيه؟؟؟ قالو ان الاماني لاتحقق المعجزات ...ام ان شيخكم الفكي قال ليكم حنكون دوله صناعيه لكن بعد 10 او ميه سنه علمها عند ربها..لانو كل النهابين الزيكم ماخلو مال سايب الا واكلوه والخزنه الكانت فاضيه في 1989م مازالت تئن من فراغها فما الذي انجذتموه حتي نامل ان نكون دوله صناعا؟؟؟ فسر كلامك

[layla]

#1470844 [فري]
5.00/5 (1 صوت)

06-04-2016 09:18 AM
صناعة زي مصانع حديد السيخ المغشوش ؟

[فري]

#1470816 [بنت الناظر]
5.00/5 (1 صوت)

06-04-2016 08:14 AM
دولة صناعية وحكومة إلكترونية وصولاً للحكومة الذكية ..بس بي وين مع الهردبيس والموية المافى والكهرباء المقطوعة؟؟
حكومة ذكية فى السودان دى زى راجل بدون ملابس وعايزين تلبسوهوا كرافتة..الله يجازى محنكم وكضبكم يا كيزان الجن...

[بنت الناظر]

#1470795 [حاجي تشقند]
5.00/5 (1 صوت)

06-04-2016 07:12 AM
ههههههههههههههههههههههههههههههههههههههههههههههههههههههه مصافي بنزين ولازيت

[حاجي تشقند]

#1470785 [أمريكي]
5.00/5 (1 صوت)

06-04-2016 06:43 AM
قطعت مصاريني من الضحك

[أمريكي]

ردود على أمريكي
[ود الشريف] 06-04-2016 02:41 PM
واضحك تاني كمان يا امريكي
واستعرض هجو اسهامات الشركة بإنشاء عشرة الف نقطة لعابر سبيل و2 الف كيس للأسر المتعففة وكيس الصائم
انت شفتا حاجة سودان العجب


#1470752 [عدو الكيزان وتنابلة السلطان]
4.88/5 (6 صوت)

06-04-2016 02:31 AM
دول صناعية!!كدى اعملوا ليكم مجاري وشوارع وكهرباء ومويه صالحة للشرب،بعدين نتكلم في الصناعة، في صناعة بدون كهرباء ؟

[عدو الكيزان وتنابلة السلطان]

#1470751 [sudany 7r]
4.75/5 (5 صوت)

06-04-2016 02:29 AM
معرض صنع فى السودان يؤكد ان مقدرات السودان تجعله في مصاف الدول الصناعية:
...يخرب بيتك يا مرسي...

[sudany 7r]

ردود على sudany 7r
European Union [معشش] 06-04-2016 08:24 AM
هههههههه
الراجل طلع لافيها بي كركاسه


#1470738 [Truth]
4.50/5 (4 صوت)

06-04-2016 01:14 AM
و الله لو اطال الله فى عمر هذه الجيل ذو العشرين عام و بلغوا المائة عام لن تتحقق الحكومة الالكترونية و يرجو ان يفهم المتحدث ان الحكومة الالكترونية هى ليست الجباية فقط انها كل خدمة من استخراج شهادة الميلاد حتى عمر الجواز الذى يجعلك تسافر حتى القضاية فى المحاكم حتى اى اجراء حكومى يتم بمعزل عن المواطن و الموظف و من خلال الاجهزة فقط اضعوا استراتيجية و بعدها تحدثوا عن الاحلام

[Truth]

#1470736 [محمد المغترب]
4.50/5 (4 صوت)

06-04-2016 01:11 AM
تصريح مستفز صراحة يجعله شنو في مصاف وين الدول الصناعية هههههه لا براحة
هي واحدة من اتنين يا اما محششين او متخلفين الله يعينا
طيب السودان في القطاع الصناعي يعتمد على القطاع الخاص
الاقتصاد مابيحركوه رجال دولة بل رجال عصابات
الكلام دايما يكون بإحصائيات واضحة ومكشوفة للرأي العام عن الاقتصاد دا الماشي في مصاف الدول الصناعية
بس شوفوا احصائيات المهاجرين خلال ال5 سنوات الفاتت من خريجين واصحاب مؤهلات علمية وخبراء وعوام الماعندهم شهادات هتفهموا ياناس سوداني واي مغفل زيهم

[محمد المغترب]

ردود على محمد المغترب
[ود الشريف] 06-04-2016 02:43 PM
يا مغترب ما عجبك ده (واستعرض هجو اسهامات الشركة بإنشاء عشرة الف نقطة لعابر سبيل و2 الف كيس للأسر المتعففة وكيس الصائم ،)
قال ليك كيس الصايم الكيس الكييييس صنع في السودان شفتا كيف



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة