الأخبار
أخبار إقليمية
نحذر (أبوسروال) من العبث بحياة المواطنيين
نحذر (أبوسروال) من العبث بحياة المواطنيين
نحذر (أبوسروال) من العبث بحياة المواطنيين


قيادة الحركة الشعبية لتحرير السودان
06-04-2016 10:30 AM


نحذر (أبوسروال) من العبث بحياة المواطنيين



ذكر تابع المؤتمر الوطني أبوسروال المسمى بوالي النيل الأزرق، إنه قد قام بأسر مائة من جنود الجيش الشعبي، أبوسروال كاذب ولا يوجد أي أسير من الجيش الشعبي، وهو يعلم ما حدث في جبل كيلقو، وإن كل ما تم هو إستيلائهم على نقاط خارجية من الجبل وعربة كورية ماركة (أكمة) تم حرقها قبل أن تنسحب قواتنا من إحدى النقاط الخارجية من الجبل، ولكن أبوسروال في فمه ماء .

الأهم من ذلك إن قوات الجنجويد التي أخلت قتلاها في طريقها الي الدمازين توقفت عند قريتي أبوقرن والشهيد فندي، على بعد خمسة كيلومترات جنوب مدينة الدمازين وقامت بالإعتداء على المواطنيين وضربهم وأخذت البعض منهم.

على أبوسروال أن يعلم إنه من أبناء النيل الأزرق للأسف، وإن الإعتداءات التي تمت على القريتين والمواطنيين الذين أقتادتهم قوة الجنجويد لا علاقة لهم بالجيش الشعبي، بل هم كانوا يجب أن يكونوا في حماية هذا الوالي التعيس.

الحركة الشعبية تحذر الوالي أن لا يتلاعب بحياة هؤلاء المواطنيين وإنه هو شخصياً سيكون مسئول من أي شئ يحدث لهم.

ولقد بلغنا فاللهم أشهد.



قيادة الحركة الشعبية لتحرير السودان

4 يونيو 2016م



تعليقات 11 | إهداء 0 | زيارات 20289

التعليقات
#1471578 [محمد]
0.00/5 (0 صوت)

06-05-2016 03:24 PM
مبروك ياسعاده شلل نضيف ،،اكسح امسح ماتجيبو حي ،،اكلو ني ،،مبروك سعاده الفريق حميدتي

[محمد]

#1471081 [فاطمه]
5.00/5 (2 صوت)

06-04-2016 06:47 PM
حميدتى بقاء لواء وبكره حيبقى فريق لو لسه مابقى إن شاء الله يشيل البشير

[فاطمه]

ردود على فاطمه
European Union [صديق عيدروس] 06-05-2016 11:24 AM
يستحق يكون فريق ،،، وسيخلد اسمه في ابطال السودان الشرفاء


#1471073 [الجقود ود بري]
5.00/5 (1 صوت)

06-04-2016 06:26 PM
نحن لسه في التحذير ؟ ولمتين ؟
مش المنطقه مش منطقة عمليات ؟

[الجقود ود بري]

#1471058 [ابولمبة جاز]
0.00/5 (0 صوت)

06-04-2016 05:40 PM
يا ناس الحركة الشعبية ،،،حرقتكن دي مالها المرة دي ،،،،ما ياسروا،،،؟ مفروض تطلبوا ان يبينوا ناس ابوسروال الاسروهم بالعدد والصور ،،،عادي. ما انتو قاعدين تقولوا أسرنا وعملنا كمين وقتلنا ،،في خد غالطكم؟
ثم ماذا يعني الاستيلاء علي اجزاء جانبية خارجية من الجيل؟
أليس هذه تعتبر مواقع خطرة واستراتيجية تحيط بمواقعكم من خارج الجبل؟؟
بيان متناقض
القيادة القوية هي التي تعترف وتتوعد بالرد وليس بهذا الأسلوب الغير واضح،،، لان الحرب سجال ولابد من كسب بعض المعارك وخسارة أخريات فهذه سنة الحياة يوما لك ويوما عليك وليس عيب ان يهزم شخص وليس من المستبعد ان ينتصر في الكرة القادمة فهكذا الحرب،،
ولا يوجد فيها منتصر علي الدوام

[ابولمبة جاز]

ردود على ابولمبة جاز
[زول ساي] 06-05-2016 05:12 AM
يا [ابولمبة جاز] قبل ان تطالب القيادة القوية للحركة بالاعتراف والتوعد بالرد القوي - أهو جماعتك ديل هم الاعترفوا بكذبتهم لما ما اتبلعت ليهم من شكل القرووين القبضوا عليهم واحتجاجاتهم فصرح مصرحهم بأن ذنب هؤلاء هو أنهم (يمثلون دروع بشرية للتمرد) فتأمل... يعني التمرد لو هاجمهم من خلف قرية أو مزرعة أز قطيع بهائم يتم الاعتداء على أهل القرية أو الأسرة صاحبة المزرعة أو الراعي وان ما قتلوهم أخذوهم أسرى، دي المرجلة كدا والرجالة كان ما بقت في الحرب وين بتيقى؟


#1471050 [عصمتووف]
5.00/5 (3 صوت)

06-04-2016 05:13 PM
منحتو الكلب قيمة وحجم اكبر منه بعت اهلك من اجل منزل ف العاصمة انه ثمن بخس لا يليق بشخص يحترم نفسة

[عصمتووف]

ردود على عصمتووف
[شجرة التبلدي] 06-05-2016 12:46 AM
مدالله علي سلامة العودة


#1471043 [tango]
5.00/5 (2 صوت)

06-04-2016 05:00 PM
ما قلتو سعاتو ما بعرف يكب اسمو ياهو شايل قلمين وهذا يدل على انة خريج كلية القادة والاركان اقل شيء .ومن شكلو الرجل فارس ولد فرسان

[tango]

ردود على tango
[القريش] 06-05-2016 07:33 AM
وكمان شغال كورسات لغه انجليزيه مدرس خصوصى فى الحل والترحال ومافيش حد أحسن من حد !بس هو عندو دور مرسومله بدقه أول ماينتهى يتم لفظه مثل نواه التمر!!!هذا المركز ملعون لدرجهبعيده وخطير فى حبك الدسائس!


#1471005 [الناصح]
5.00/5 (1 صوت)

06-04-2016 02:51 PM
أبو سروال ده رسلوا ليهو كوماندوز يعلقوا في شجرة بدون سروال.

[الناصح]

#1470998 [خليل ابراهيم]
3.00/5 (2 صوت)

06-04-2016 02:45 PM
تحذير ابو سروال سيجعله ياتى الخرطوم ام فكو

[خليل ابراهيم]

#1470951 [الباشكاتب]
4.50/5 (3 صوت)

06-04-2016 01:25 PM
هل التعيس اﻵخر حميدتى فى الميدان ام انه عامل قايد وقاعد فى الخرطوم والمرتزقه بتاعينو يقتلون اهلنا من الاطفال والنساء فى جبال النوبه ؟؟؟ المفروض ما يسكت المفروض تطلع بيان عسكرى رغم جهلك وتوضح فيه ما يجرى من احداث . ام انك معتمد على ابو سروال ولابت لينا فى الكندشه يا جبان يا بتاع الحمير .

[الباشكاتب]

#1470944 [خرباش]
5.00/5 (3 صوت)

06-04-2016 01:09 PM
ابو سروال دا منوو .....وسروالو بى تكة ولابى استك ...

[خرباش]

#1470937 [فقعتو مرارتنا]
5.00/5 (2 صوت)

06-04-2016 01:01 PM
ابو سروال .الاسم يكفي للتوضيح

[فقعتو مرارتنا]

ردود على فقعتو مرارتنا
[عصمتووف] 06-04-2016 05:16 PM
ف عهد الإنقاذ العاهره سمعتنا اسما غريبة لكن اب سروال من اسمه له نصيب



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة