الأخبار
أخبار إقليمية
بمطار الخرطوم.. ضبط "كوكايين" يقدر بأكثر من 100 مليون دولار
بمطار الخرطوم.. ضبط "كوكايين" يقدر بأكثر من 100 مليون دولار
بمطار الخرطوم.. ضبط


الأضخم في المنطقة والإقليم في الآونة الأخيرة،
06-05-2016 11:38 PM
كشف مسؤول رفيع في شرطة الجمارك، عن تمكن قواته بمطار الخرطوم، من ضبط شحنة مخدرات كبيرة من "الكوكايين الخام" تقدر بـ"12" ك.غ، يبلغ سعرها أكثر من 100 مليون دولار، مُخبأة داخل أواني "سرامس شاي" قادمة من تركيا.

وأكد ممثل مدير شرطة الجمارك، اللواء شرطة خليل باشا سايرين، أن الضبطية تعد الأضخم في المنطقة والإقليم في الآونة الأخيرة، وتأتي في إطار تبادل المعلومات والتعاون بين الدول تحقيقاً للأهداف الاستراتيجية.


وقال سايرين في مؤتمر صحفي عُقد يوم الأحد، إنه تم تطبيق خطة مشتركة بين الأجهزة العسكرية والأمنية بمطار الخرطوم حتى تم ضبط الشحنة والمتورطين ويجري التحري الآن حولها.


وأشار مدير إدارة جمارك الخرطوم، العميد محمد السناري، أن المعلومات تؤكد أن مطار الخرطوم كان معبراً لهذه الشحنة القادمة من دولة البرازيل عبر مطار اسطنبول.


وأضاف" تم تشكيل غرفة عمليات منذ وقت مبكر تم فيها التعاون بين كافة الأجهزة العسكرية والأمنية العاملة بمطار الخرطوم"، ممتدحاً دور الإعلام باعتباره عضواً أصيلاً في تبصير المجتمع بمخاطر المخدرات.


وقال مدير دائرة الخرطوم، العميد علي جدو، إن الشرطة ستظل ساهرة ويداً أمينة في الحفاظ على مكتسبات البلاد، وإن الجمارك حريصة على أمن وسلامة المجتمع والاقتصاد.


شبكة الشروق


تعليقات 25 | إهداء 0 | زيارات 13146

التعليقات
#1474363 [primo]
0.00/5 (0 صوت)

06-11-2016 03:43 PM
12kg of cocaine is about 4 million dollars not 100 million

[primo]

#1472301 [المنجلك]
5.00/5 (1 صوت)

06-07-2016 08:04 AM
هذه قضية مرتبطة بالفساد الحكومي فقد اصبحت البلاد معبر دولي للمخدرات والتجارة البشرية

مع ذلك يصر البشير علي عدم رفع الحصانة ربما تكون المخدرات مصدر دخل مهم للحزب الحاكم فلا يمكن لشبكة دولية تمويل مثل هذه الكمية بدون سند حكومي

[المنجلك]

#1472275 [سوبرمان]
4.00/5 (1 صوت)

06-07-2016 04:24 AM
كما كشفت جمارك مطار الخرطوم بوم أمس على كميات كبيرة من المخدرات مهربة إلى السعودية. حسبما جاءت فى قناة الشروق

[سوبرمان]

#1472274 [قرفان فى الغربة]
5.00/5 (1 صوت)

06-07-2016 04:22 AM
سؤال :
وين بكرى حسن صالح....و دورو شنو فى العملية دى ؟

[قرفان فى الغربة]

#1472077 [عثمان]
5.00/5 (1 صوت)

06-06-2016 02:48 PM
البلد قاعدة ام فكو والمهربين بعرفوا كده قبضتوا 12 كيلو لكن قطع شك مرت 12 طن ههههه امن قال قوموا احرسوا البشير واهله مننا دي الفالحين فيها.

[عثمان]

ردود على عثمان
[محمد الفاتح] 06-06-2016 11:47 PM
الأحري أن تقول إن الكمية التي مرت بسلام تم ضبطها بالدولة المستهدفه وتم إبلاغ النائمين في الخرطوم


#1471973 [جركان فاضى]
5.00/5 (2 صوت)

06-06-2016 11:34 AM
لاتوجد مافيا مخدرات فى العالم تقوم بادخال مخدرات لاى بلد دون ان يكون هناك ترتيب داخلى لتأمين دخول شحنة المخدرات.. فالحصل غالبا ما يكون ضبط جزء من الشحنة وتمرير الجزء الاكبر منها...وفى ذلك تقول ادارة الجمارك انها يقظة فى حماية البلد من المخدرات...تمويه فى تمويه فى تمويه...الجزء الاكبر من الشحنة اكيد دخل البلد...وماتم ضبطه يتم تسجيله ضد مجهول...ترامس تحمل مخدرات غير ان صاحبها غير معروف...شحنة بهذه الضخامة لايمكن القول انها تدخل البلد بدون تسهيلات من ادارة الجمارك الفاسدة

[جركان فاضى]

ردود على جركان فاضى
[محمد علي] 06-07-2016 12:59 PM
اولا ياجركان فاضي مافي مافيا مخدرات بتجيب مخدرات قدر دي وبي المبلغ دة لي دولة في افريقيا وتعد الافقر في دول العالم دولة اهلها يادوب بطلعو حق العيش الحاف عشان ياكلوهو النوع ده من المخدرات بمشي للدول الغنية زي دول الخليج اولادم عندهم قروش في يدهم ماعارفين اودوها وين يبقا ناس المافيا واي تاجر شاطر بقول انا اولي بالقروش دي ويبيع ليهم الكوكاين دة لو افترضنا انها خاشة السودان وده يبقا غباء من تجار المخدرات لو صحي جايبنها للسودان في بلد اهلها يادوب حق الاكل اما احتمال انها تكون معبر بي مساعدة الاجهزة الامنية ويقبضو الكمية دي عشان يمررو كمية اكبر دة كلام زول راسو ملحوس اظاهر عليك راسك ملحوس اللحسة الفي راسك مامدياك فرصة تفكر اظاهر عليك عندك مشكلة شخصية مع واحد من اجهزةالشرطة دي ولا الجمارك وغالبا حسد الله يشفيك نصيحة اتعالج

[جميل بثينة] 06-06-2016 01:11 PM
خيالك واسع يا جركان مليان دحان


#1471932 [اليوم الأخير]
4.94/5 (7 صوت)

06-06-2016 10:32 AM
بيقبضوا كل مرة المخدرات ولكن لا يقبضون على المهرب أو المروج ،، يعني كيف دي؟
ليه ما بيعلنوا عن صاحب الشحنة؟

[اليوم الأخير]

#1471916 [ابكر]
4.00/5 (3 صوت)

06-06-2016 10:13 AM
والشحنات الما انضبطت كم؟

[ابكر]

#1471898 [ahmed ali]
4.75/5 (5 صوت)

06-06-2016 09:52 AM
سعر كيلو الكوكايين مليون دولار و بحساب الكميه ١٢ مليون دولار وهنا السؤال من أين أتي هؤلاء بالمية مليون دولار المذكورة ؟
المنطق يقول قد يكون المبلغ صحيح و بذلك يكون هناك ٨٨ كيلو كوكايين غي معروف من الذي أخذها . أو ان المبلغ خطأ والكمية صحيحة ١٢ كيلو وهذا يعني في مافيا المخدرات أنها كمية لتشتيت الإنتباه لتهريب كمية أكبر
المهم في الموضوع أن الشحنه وصلت لنهاية الطريق و أعني السودان لأن
طريقة تتبع هذه الشحنات بواسطة المكافحة الدولية تركها حتي تصل إلي البلد النهائي والقبض علي المستورد الأساسي و هذا يعني إنه سوداني !!!
إذا كنت لا توجد ملة صعبة لإساد الدواء فمن أين لكم بهذه الملايين يا كيزان لتدفعوها نقداً لتجار المخدرات ؟؟؟؟

[ahmed ali]

ردود على ahmed ali
[محمد علي] 06-07-2016 01:05 PM
هههههه بلد اغلبه تحت خط الفقر يخش ليها كوكاين ؟؟ بالكمية دي النوع ده من المخدرات مابستخدموهو الا الاغنياء حول العالم ودول الخليج هي المستهدفة لان فيها رؤوس اموال ضخمه ملاحظه النوع ده الخواجات بستكترو علي الافريقي الاسود تقول السودان يكون المستهلك راس مالك سجارة شوالات بنقو ولا براميل عرقي لكن كوكاين ده حق الاغنيا والدول الغنية بس اسي انا لو تاجر بجيب لي بضاعة زي دي ابيعه في السودان ؟؟الا اكون غبي ولا السودان فجاة بقا زي الخليج وانا ماعارف

European Union [جميل بثينة] 06-06-2016 01:14 PM
هو انت تاجر محدرات ونحن ما عارفين والحمدلله على الحس الوطنى
العالى لرجال الجمارك السودانيين وما يهمنا السعر فى شئ


#1471896 [سوداني]
5.00/5 (1 صوت)

06-06-2016 09:51 AM
انت قادين حساب؟!

(سعر الجرام. 1000 جرام. 12)
$300 · 1000. 12 = $3600000
يعني تلاتة مليون و ستمية الف دولاار.
مش 100 مليون!
صدق القائل: كذب الكيزان متي فتحوا خشومهم!

[سوداني]

ردود على سوداني
[ابوجلمبو] 06-07-2016 08:27 AM
ياخي قال ليك سعر جرام الكوكايين = 300 دولار
واضرب 300 دولار في 12 الف جرام (الكيلو فيه 1000 جارم) الناتج 3 مليون و 600 الف دولار

[abushihab] 06-06-2016 09:45 PM
فهمتو حاجة؟


#1471890 [ابوجلمبو]
5.00/5 (1 صوت)

06-06-2016 09:47 AM
اتراك وسوريين ومصريين وغيرهم وغيرهم

[ابوجلمبو]

#1471874 [ود المهدي]
5.00/5 (1 صوت)

06-06-2016 09:30 AM
افرض انها تم القبض على تلك الشحنة اين ستذهب بعد ذلك طالما انها بمبلغ ضخم كهذا؟

اكيد التماسيح من امس قسموها بينهم لانه أي جرامات منها ستبنى عمارة لاي واحد من اهل الجمارك بختكم شوفوا كيف يتم تحليلها لكم امشو لشيخ بلة ح يجد لكم حل .


لان الشيء المصادر كله من الجمارك السودانية بيباع بارخص الأسعار شيء معروف ويباع لزوي القربي بالمطار او الجمارك السودانية .

وليس دلالة علنية كما ينص القانون تباع بقانون الغابة .

[ود المهدي]

#1471866 [باكاش]
5.00/5 (1 صوت)

06-06-2016 09:11 AM
قال من البرازيل عبر مطار تركيا، خبر مفبرك
وسئ الحبكة والاخراج البرازيل مادولة ذات شهرة
في تصدير الكوكايين كان تقول كولومبيا ومافي ناس
بيستعملوا كوكايين في الدول الجعانة حول السودان واتحداك تاني لو الراي العام سمع اي معلومة عن هذا الخبر والكوكايين قالو ليك تلعب
دور سمج زي دا عشان تصرف انتباه الناس وتشغلهم.

[باكاش]

#1471853 [A. Rahman]
0.00/5 (0 صوت)

06-06-2016 08:44 AM
"...وأشار مدير إدارة جمارك الخرطوم، العميد محمد السناري، أن المعلومات تؤكد أن مطار الخرطوم كان معبراً لهذه الشحنة القادمة من دولة البرازيل عبر مطار اسطنبول..."

ياتو فيهم المعبر، اسطنبول و اللا الخرطوم؟ و إذا هي معبر أي "ترانزيت"، مطار الخرطوم مالو و مالها؟ دي شحنة موجهة للخرطوم و صاحبها أخو مسلم من الجماعة إياهم، و هذا آخر ما سنسمعه عنها. مش وزير العدل بتاعهم قال 86 شهيد في سبتمبر لم يعرف لهم قاتل أو قتلة؟ ديل سفلة و منحطون و رقيعون.

[A. Rahman]

#1471847 [قلام الفقر]
5.00/5 (1 صوت)

06-06-2016 08:25 AM
تعددت وكثرت مواضيع شحنات المخدرات على السودان برا وبحرا وجوا, اية الحاصل, وبمجرد القبض على كل شحنة مخدرات تقوم الدنيا ولا تقعد, وفجأءة الوضوع يموت, وكأن ما كان لم يكن.
وواضح وضوح الشمس فى كبد السماء, كل الضبطيات من الشحنات لهذه السموم الفتاكة , انا اعزيهم لسببين لا ثالث لهما:-
1. هذه سياسة مدروسة لهذا النظام الممنهجة لدمار شباب السودان, وتخدير كل متعاطى لها تماما.
2. كل المستوردين ما هم الا من ال الحضوة والمؤتمر الوطنى والرمم التى حول هذا النظام, اى كيزان السجم والرماد والمخدرات.
ثم شوفوا بعد اسبوع هذه الشحنة الموصوفة بهذا القدر, بكرة ستموت تماما, وكأن ما كان لم يكن.

[قلام الفقر]

#1471833 [مصطفي]
4.75/5 (3 صوت)

06-06-2016 07:53 AM
12 كيلو ب 100 مليون دولار؟
يعني الكيلو ب 8 مليون دولار؟
يعني الكيلو ب 112 مليار جنيه سوداني ؟؟؟


اللهم إني صائم.
كذب حتي في رمضان.

[مصطفي]

#1471828 [failag]
0.00/5 (0 صوت)

06-06-2016 07:42 AM
قال تعاون بين شنو وشنو ...ياخينا البلد مليانة مخدرات زي الهواء واكتر من الموية بعدين الاخبار بتكون جاتكم من برة ...زي لمن قبضتو كارلوس
شرطه هم ناس الشرطه ديل اكتر ناس مجرمين ومرتشين وحرامية وماعندهن اي اخلاق

[failag]

#1471824 [Formersudanese]
0.00/5 (0 صوت)

06-06-2016 06:59 AM
وأشار مدير إدارة جمارك الخرطوم، العميد محمد السناري، أن المعلومات تؤكد أن مطار الخرطوم كان معبراً لهذه الشحنة القادمة من دولة البرازيل عبر مطار اسطنبول!!!!!!!!!!!!!!!!!!!!!!!!!!!!!!!!
This dont make sense
If the cocaine is came from Brazil via Istanbul to Sudan ,it means its destination is Sudan.

[Formersudanese]

#1471821 [كاسـترو عـبدالحـمـيـد]
0.00/5 (0 صوت)

06-06-2016 06:44 AM
التهنئة لشرطة الجمارك ونطالب بحوافز للمجموعة التى احبطت عملية التهريب وبأن يتم التخلص من هذا الكوكايين فى ميدان عام يشهده الصحفيين والا سوف نقوم بتوجيه الأتهام للشرطة نفسها بتهمة استغلأل هذا الكوكايين لمصلحتهم .

[كاسـترو عـبدالحـمـيـد]

ردود على كاسـترو عـبدالحـمـيـد
European Union [جركان فاضى] 06-06-2016 11:48 AM
تهنئة الشرطة تكون ناقصة مالم يتم القبض على الشخص او الاشخاص المهربين....اما ان تقبض على الشحنة دون القبض على صاحبها فهذا يدل على ان شرطة الجمارك متورطة فى العملية ...وان الامر اكبر من هذه الشحنة


#1471820 [الحلومر/خريج الابتدائية]
1.00/5 (1 صوت)

06-06-2016 06:39 AM
الهدندوي قال ياها الحقه تشوف والقندران ما تشوف
السرامس تشوف والحاويات ما تشوف
محاكمة قضية حاويات المخدرات التي تم ضبطها نامت ففي الأضابيرولا شنو ؟؟
وسرامس الكاكوين برضو ح تنوم في أزقة المحاكم

[الحلومر/خريج الابتدائية]

#1471814 [سوداني]
0.00/5 (0 صوت)

06-06-2016 06:04 AM
【Cocaine Prices
The prices of cocaine listed below is the typical price paid to buy a gram of cocaine in U.S. Dollars. How much cocaine costs and the sale price of cocaine are based upon the United Nations Office on Drugs and Crime’s World Drug Report unless stated. When available, the costs of cocaine are also listed based upon users submitting information to Havocscope.

See additional information about Cocaine Addiction.

Cocaine Measurements:

The price of cocaine listed below is shown as how much a gram of cocaine costs. 1,000 grams is equal to 1 kilogram.

When converting grams to pounds, one pound of cocaine is equal to 453.592 grams.

One pound of cocaine is equal to 16 ounces of cocaine. 1 ounce is equal to 28.34 grams.

A popular unit of cocaine that is sold on the black market is the “8 ball,” or “Eighth”. This term represents the amount of cocaine sold for the unit, which is 1/8th of an ounce. In terms of grams, an 8 ball of cocaine has 3.5 grams of cocaine.



Price of Cocaine

Kuwait$330 per gram (User Submitted)
United States$300 to $8 (UN) |$30 (User Submitted) per gram
Australia$300 per gram
Japan$269.5 per gram
Egypt$205.5 per gram】


300 دولار في 1000 يساوي 300000 دولار للكيلو في 12 كيلوغرام يساوي 3600000 دولار! يا قادين حساب!!

[سوداني]

ردود على سوداني
[جركان فاضى] 06-06-2016 11:43 AM
الكوكائين الذى تم ضبطه غالبا تكون قيمته صغيرة جدا ولاتتجاوز نسبة الكوكائين فيه 10%...والغرض هو ان تقوم ادارة الجمارك(باتفاق مسبق مع مافيا المخدرات) بضبط هذه الكمية لتثبت للشعب انها تحمى البلد من المخدرات...بينما تسمح بدخول الكمية الكبيرة والعالية الجودة بأمان داخل البلد...فالمافيا العالمية ليست بليدة لتجازف بمخدرات بمئات الملايين دون ان يكون لها ترتيب داخلى لتأمينها...المافيا لها خبرة طويلة وواسعة فى تجارة المخدرات...فهل سمعت يوما ان احد افراد المافيا الايطالية ضبط فى جريمة ترويج مخدرات؟


#1471812 [كعكول في مرق عنقريب]
0.00/5 (0 صوت)

06-06-2016 05:51 AM
أها الكمية أبو 100 مليون دولار دي حتمشي وين- وحتتخزن وين وما إسم المرسل إليه؟
طبعا تم التحفظ عليها كمعروضات. وحِلك لما تتم المحاكما تكون الكمية إختفت. والجماعة يطلعوا براءة.

والحكومة تدفع تعويضات 100 مليون دولار إشانة سمعة.

[كعكول في مرق عنقريب]

#1471810 [ود كركوج]
4.94/5 (5 صوت)

06-06-2016 05:32 AM
كذاااابة ياحاجة نفيسة!!! وين الصور؟ بس عاوزين تشغلو الناس كالعادة عن المهم وهو الكهربا في رمضان. وكل عام والجميع (عدا الكيزان وكلابهم ودجاجهم) بخير.

[ود كركوج]

#1471807 [ود التوم]
4.88/5 (4 صوت)

06-06-2016 05:17 AM
خلو الكضب
المعلومة متوفره من تركيا

[ود التوم]

#1471805 [النخــــــــــــــــــــــــــــــــل]
4.94/5 (5 صوت)

06-06-2016 05:05 AM
نتمنى العقاب لاصحاب الشحنة
مش تكون زى حاويات بورسودان
البلد دى ماشه على وين يالبشير
المصيبه ان البشير فاكر البلد ماشة عال العال
والناس البتقول غير كدا خونة تابعين لاسرائيل
ودى مصيبة

[النخــــــــــــــــــــــــــــــــل]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة