الأخبار
أخبار إقليمية
الغارديان : السودان اعتقل الرجل الخطأ والسلطات البريطانية والايطالية تفتح تحقيقا عن القضية
الغارديان : السودان اعتقل الرجل الخطأ والسلطات البريطانية والايطالية تفتح تحقيقا عن القضية
الغارديان : السودان اعتقل الرجل الخطأ والسلطات البريطانية والايطالية تفتح تحقيقا عن القضية


06-09-2016 02:21 AM
شهود عيان اكدوا انه اعتقل اخر شهر مايو وانه مجرد لاجئ لا حول له ولا قوة
الغارديان : السودان اعتقل الرجل الخطأ والسلطات البريطانية والايطالية تفتح تحقيقا عن القضية

كتب : عمار عوض
شرعت الشرطة الايطالية والبريطانية في تحقيق على وجه عالي من السرعة للتحقق من ما إذا كانوا القوا القبض على الشخص الخطأ في عملية كبيرة لمكافحة تهريب البشر الى أوروبا من افريقيا بعد ان القي السودان القبض على شخص تم تسليمه لايطاليا على أساس انه زعيم عمليات تهريب البشر .
وكان محققون في بريطانيا وايطاليا أحدثوا ضجة كبيرة بأنهم القوا القبض على الارتري مدهني يهديقو ويبلق من العمر 35 والذي ادعى
المدعي العام الإيطالي انه زعيم واحدة من اكبر الجماعات الاجرامية العاملة في في وسط أفريقيا وليبيا لتهريب البشر و أشادت الشرطة البريطانية التي شاركت في التحقيق والقبض على من وصفته بانه احد اخطر المهربين المطلوبين في العالم بعد تسليمه الى ايطاليا من السودان حيث القي القبض عليه .
ولكن بعد ساعات فقط شرعت كل من إيطاليا وبريطانيا النظر في ما إذا كان السودان قد أرسل لهم الرجل الخطأ، بعد تحدث ثلاثة من أصدقائه المقربين لصحيفة الغارديان أفادوا فيها بانه ليس الرجل المطلوب وهناك خطأ في تحديد الهوية.

وقالوا ان الرجل الذي أرسل إلى إيطاليا في الواقع هو (مدهني تيسفا مريم كيدين) ، وهو لاجئ عمره 27 عاما اعتقل في أحد شوارع الخرطوم في أواخر الشهر الماضي. وإنه يشاطر الاسم الأول مع الرجل المطلوب. لكنه لم يكن ابدا في ليبيا، حيث كان من المفترض ان مدهني بهديقو مريد يركز عملياته.
وقال فشيا تسفاي للغارديان من منفاه في صقليه وابن عم مدهني كيدين (الرجل المعتقل بالخطأ) انه كبر وعاش مع كيدين في اسمرا وقال بوضوح "انه الرجل الخطأ " واضاف : "إنه أمر لا يصدق - انه لا يهرب البشر- انه من عائلتي. كان يعيش في منزل والدي. و غادر إريتريا في عام 2014، وبعد ذلك ذهب إلى الخرطوم قبل نحو سنة. عاش مع إخواني وأخواتي في الخرطوم. لم يكن لديه وظيفة حتى نستخدمها لنرسل له المال ".
وقد أيد حديث تسفاي لصحيفة الغارديان واحد من جيران كيدين في الخرطوم وقال " انه افضل صديق لي انه بريء."
وقال احد اللذين كانوا يقطنوا مع كيدين في نفس المنزل ان: كيدين اعتقل اواخر شهر مايو قبل ان يتم نقله للمنزل وتفتيش غرفته ثم اختفى لعدة إيام قبل ان يظهر لسبب غير مفهوم في روما اليوم الاربعاء .
وقال صديق ثالث للغارديان " لقد حصلت على تاكيدات على انه الرجل الخطأ "وهو عاش في نفس المنطقة. واضاف " انه ليس مهرب للبشر ولكنه مجرد لاجئ بسيط وكنا كثيرا ما نشرب الشاي معا "
وكانت ميرون ايستيفانوس احدى المذيعات في واحدة من المحطات الاذاعية المعروفة في الشتات الارتري في السويد اول من دق ناقوس الخطر عندما قالت " انا اعرف هذا الرجل وانه نشأ معي وهناك مايقارب 400 شخص كتبوا لي قائلين " هذا هو هو الشخص الخطأ"
وقالت السلطات الإيطالية والبريطانية انها تحقق في هذه الادعاءات ، على الرغم من أنهما لم يعترفا علنا عن أي أخطاء.
____
الصورة على اليمين المجرم الحقيقي وعلى الييسار اللاجئ المعتقل خطأ بحسب الغارديان


تعليقات 43 | إهداء 0 | زيارات 69578

التعليقات
#1474176 [الفاروق]
0.00/5 (0 صوت)

06-11-2016 04:17 AM
رجل محظوظ يطالب بتعويض من الدراويش والخواجات سوف يجيبوا له حقه .

[الفاروق]

#1474026 [منير عبدالرحيم]
0.00/5 (0 صوت)

06-10-2016 05:08 PM
مرزق لاكين يا مدهني...لا بالصحراء لليبيا ولا بالمراكب المتهالكة لإيطاليا و تدفع دم قلبك...جاتك في حتتك. أطلب لجوء طوالي و مش كدة و بس طالب بتعويض عن الضرر النفسي و اشانة السمعة كمان.

[منير عبدالرحيم]

#1473820 [asim]
5.00/5 (1 صوت)

06-10-2016 03:55 AM
"ويبلق" من العمر 35

الواحد عايز يستفرغ!!!!

[asim]

ردود على asim
[asim] 06-12-2016 01:47 AM
ياأخ محرر من الاخر كده انت في وادي والموضوع في وادي

هاك الصياغة الصحيحة :

"الجهد المبذول"

يعني في فرق بين "المبزول" بتاعتك دي وكلمة "المبذول" وقع ليك الفرق؟؟؟؟

[محرر] 06-12-2016 12:00 AM
بزَلَ:
بزَلَ يَبزُل ، بَزْلاً ، فهو بازِل ، والمفعول مَبْزول :-
• بزَل الأنفَ وغيرَها شقّها ، ثقبها :- بزَل الدُّمَّلَ .
• بزَل الشَّرابَ :
1 - ثقب إناءَه ليسيل .
2 - صفّاه .
و بَزَل الرجلُ : كَمُلت تجربتُه
و بَزَل صَفَّاه .
فهو مَبزولُ ، وبَزيل .
و بَزَل الأمرَ أو الرأيَ : قطعه .
و بَزَل الرأيَ : ابتدعَهَ .
و بَزَل الحاجةَ : قضاها .
بزل - يبزل بزلا
1 - بزل الشيء : شقه . 2 - بزل الشراب : ثقب إناءه ليسيل منه . 3 - بزل الشراب : صفاه . 4 - بزل الأمر أو الرأي : قطعه قرره . 5 - بزل الرأي : ابتدعه . 6 - بزل الحاجة : قضاها
المعجم: اللغة العربية المعاصر
كيف معاك يابروف اسامة

[asim] 06-11-2016 01:28 AM
ياسيد محرر أخطاء الصحافة الاكترونية كثيرة ولاتغتفر..أولا لأنو كلو واحد عايز يعمل كوبي وبيست ماعايز يتعب ويدقق المهم السرعة. أنا أراهن انو دا ما خطأ مطبعي وهناك الكثير يمتهن الصحافة وماعارف الفرق بين الحروف ..ماتزعل ساكت
دا حال 80% من طلبة العلم من التسعينات وحتي الان!!!
بعدين ياأخي الجهد"المبزول" دا يعني شنو؟؟

[محرر] 06-10-2016 01:20 PM
ليه تستفرغ دا خطأ في الطباعة ظاهر جدا ولا يحتاج استفراغ ،، وفي كل المطبوعات في الدنيا يحدث بها مثل هذه الاخطاء رغم وجود مصححين ومدققين لغويين ، ومن صياغة الخبر ظاهر ان الخطأ طباعي لانه غير معقول شخص يكتب خبر بكل هذه المعطيات والجهد الصحفي المبزول في كتابة وصياغة الخبر لتمليكنا معلومة نجهلها (لا قرش لا تعريفة) وهو ما يظهر في ان من طالع الخبر من القراء الى الان 60500 ويقدم معلومات مهمة وانت تستفرغ عشان خطأ طباعة مالكم كيف تحكمون ام نسيتم ما كانت تكتبه الصحف " هذا الخطأ لا يفوت على فطنة القارئ وانه مفهوم في السياق"


#1473797 [سوبرمان]
4.88/5 (4 صوت)

06-10-2016 01:41 AM
يا جماعة الحكومة معصورة والمقاطعة بقت تشتغل جواتى فيهم وهم عايزين يثبتوا للغرب بأى طريقة ولو بالكضب بأنهم ضد الإرهاب عشان كدة مسكوا الزول المسكين دة وسلموه لكن دارت عليهم الدوائر.

[سوبرمان]

#1473717 [الفقير]
4.75/5 (3 صوت)

06-09-2016 09:58 PM
إلييتش راميريز سانشيز ، الشهير بكارلوس (الثعلب) ، الذي شارك و أحدث تأثيراً في معظم الحركات الثورية في العالم و قام بعمليات فريدة من نوعها واشتركت معه مجموعات ثورية في كل من*الجيش الجمهوري الإيرلندي*–*الجيش الأحمرالياباني –*منظمة إيتا*والباسك الانفصالية –*الألوية الحمراء*–*منظمة بادرماينهوف الألمانية ،إضافة إلى جيش تحرير الشعب*التركي*ومنظمة العمل المباشر*الفرنسية و أسس كارلوس منظمة الثوار الأمميين*أيام*الحرب الباردة*، وقد لقي مساندة من*سورياوالعراق*وجمهورية اليمن الجنوبي.

أحضره الترابي للسودان (رغم نكرانه) ، و كشفته المخابرات المصرية (نشرت الصور في وسائل الإعلام).

إحدى المهام الجانبية التي أوكلها إليه الترابي ، كانت إستعادة أو سرقة أموال من أرملة قيادي بالتنظيم ، و لم يجاريهم كارلوس في هذا الدور الخسيس ، فقاموا بتسليمه مكتف و مخدر لفرنسا ، حيث قاموا بخيانته:
(أدخل المستشفى لإجراء عملية جراحية و أفاق في فرنسا).

جميع أجهزة المخابرات العالمية كانت تطارده و عجزت عن الإمساك به ، و حتى عحزوا عن إثبات إنه شخصية واحدة أو عدة شخصيات ، أم مجرد أسطورة ، و لم يكن دافع أجهزة المخابرات الحد من عملياته فقط ، إنما كان خوفهم الأكبر من الأسرار التي يحملها ، التي تفضح تعاون بعض قادة و أنظمة العالم معه لتنفيذ عمليات لصالحهم ، لذلك تحرص فرنسا على إبقاءه داخل السجن حتى مماته.

هل يعجز تنظيم ، إستطاع إستغفال محترف بهذه الكفاءة ، و لهم سجل حافل في الإجرام و الإرهاب العالمي ، و يقومون بالتعامل بكميات مخدرات ، فاقت عصابات الكارتيل الشهيرة في مجال المخدرات!
هل يعجزون عن تحديد هوية إرتريري له سجل حافل في تهريب البشر!!!!

يستحيل أن يمارس هذا الإرتريري عملياته دون نافذين في التنظيم ، و يستحيل أن يسلم حياً لإيطاليا.

إنها مسرحية لكسب الزمن لتأمين هروبه ، و هو تحت مراقبتهم و سيطرتهم التامة ، و إذا عجزوا سيغتالونه ، إن لم يكن حريصاً ، أو يسلم نفسه لأي دولة أوربية ، للمحافظة على حياته.

و هذا ينطبق على بن لادن و أيمن الظواهري ، و الجماعات التي شاركت في حادثة أديس أببا عام ١٩٩٥ ، و قادة جيش الرب ، بوكو حرام ، طوارق مالي .... إلخ.

[الفقير]

ردود على الفقير
European Union [ديجانقو] 06-10-2016 05:51 PM
والله صدقت يا الفقير ...ديل فاتو عصابات المافيا والاجرام في ايطاليا

وكولومبيا وديترويت ...اما ان اعتقال الشخص الحقيقي فيه مخاطر للجماعه

واما انهم يحتفظون به ككرت ضغط للجايات ...

[فاروق بشير] 06-10-2016 10:37 AM
انت خطير يا الفقير


#1473709 [abdelazim mekki]
5.00/5 (2 صوت)

06-09-2016 09:13 PM
فكره حلوة

الواحد يسمع انو في واحد مطوب لاوربا ولا أمريكا وإحتمال تواجده في السودان يقوم يغير أسمه باسمه الأول فقط ويطلق شعره زيه يلقي نفسه في أوربا بطياره خاصه

[abdelazim mekki]

ردود على abdelazim mekki
[قرفان فى الغربة] 06-10-2016 04:11 AM
ههههههه....طيب منتظر شنو


#1473655 [AAA]
4.38/5 (4 صوت)

06-09-2016 06:09 PM
المطلوب القبض عليه اسمه [مدهني يهديقو]..
والذي تم القبض عليه اسمه (مدهني تيسفا مريم كيدين)..

الاسم الاولاني بس مطابق,, هع هع هاااااع.. اللهم اني صايم..

[AAA]

#1473636 [شنقر]
5.00/5 (1 صوت)

06-09-2016 05:09 PM
يا ناس الراكوبة: أرحو مراجعة املاء ما يكتب علي موقعكم المحترم، لا يمكن ان تكون المسألة كلها كوبي بيست، يعني ما ممكن واحد خريج مدارس عمر البشير يكتب ("يبلق" من العمر) و تنشروها بدون مراجعة.

[شنقر]

#1473590 [محمد عمر]
4.50/5 (4 صوت)

06-09-2016 03:13 PM
الكيزان ديل اولاد حرام. بكون استلمو الكسرة من الحكومة الايطالية وسلموهم المسكين دا.
دا مشروعك يا الترابي. خلانا حرامية ومحتاليين.
يا شعب كفاية متين توعي .

[محمد عمر]

#1473582 [صلاح حسن]
5.00/5 (4 صوت)

06-09-2016 02:57 PM
حتى فى دى فاشلين ؟؟
تعتقلو زول بريئ و ترسلوهو فى طرد للدول ال "تحت جزمتى" و بعد دة كله يطلع طردكم مخستك لا يشبه حتى المطلوب جنائياً فى أى شيئ .

طيب ممكن تورونا إنتو ناجحين فى شنو ؟؟
حتى ولو فى شيئ واحد غير النهب والسرقة و قتل وسحل المواطن و التأسد عليه ؟؟

[صلاح حسن]

#1473567 [بنك الخرطوم]
5.00/5 (4 صوت)

06-09-2016 02:38 PM
الجماعة لحسو قروش الخواجات . ورسلو ليهم مراهق .
الخواجات رجعوا البضاعة لانها مضروبه وعاوزين يالاصلية او ترجع ليهم دولارتهم.

الابتزاز باسم محاربة الهجرة الغير شرعية . لم تشفع للغذافي . ولاملياراته المودعة
في بنوك اوروبا . فهل عمالة الكيزان المفلسين تحسن من سجلاتهم ؟

[بنك الخرطوم]

ردود على بنك الخرطوم
[سننتصر علي الكيزان الخونة اكلي قوت الغلابة] 06-10-2016 08:06 AM
كلامك في الصميم يا (بنك الخرطوم)


#1473531 [كاكا]
4.88/5 (4 صوت)

06-09-2016 01:42 PM
الشعب السوداني مشتهي الخوف هسا ده جهاز امنكم الخايفين منو ؟! الا تدركون ان الفشل طال اي موسسة حتي جهاز الامن

[كاكا]

#1473518 [المسلمي]
5.00/5 (1 صوت)

06-09-2016 01:25 PM
المدردم كله ليمون

[المسلمي]

ردود على المسلمي
[قرفان فى الغربة] 06-10-2016 04:12 AM
ههههههه


#1473504 [سلطة]
4.50/5 (5 صوت)

06-09-2016 01:05 PM
واحد بشبهه المرحوم الفنان محمود عبدالعزيز (الحوت) والتاني بشبهة لي فنان من الفنانين الصغار ما بعرف اسمو -ويا السودانيون معظمكم من اصول ارترية وحبشية وبعد دا كضابين كضب:انو جدكم العباس وانتو اشراف وانتو ما عارف جايين من العراق وفي ناس بيقولو جايين من الحجاز -خلو الكضب -ياهم الناس البشبهوكم ظهروا -اعملو مقارنة فورية بينكم وبين عرب الخليج اوالشام او شمال افريقيا حتى ما في اية مقارنة

[سلطة]

ردود على سلطة
[سعاد الأمين] 06-10-2016 08:32 AM
ليه نعمل مقارنه بين عرب الخليج والشام وشمال افريقيا...؟؟؟؟!!!!! عاجبنك للدرجة دى ةأشراف شنو وبطيخ شنو؟ ان كان على الوجاهة والجمال فمقياسها القرن الافريقي ارتريا اتيوبيا الصومال ..هجين في منتهى الجمال....الاجناس تقاس بعقولهابماقدمت للأنسانية..اختراع اكتشاف أجهزة تصنيع غير ذلك لا عرب الشام لا اليمن ولا أشراف كلهم زبالة عالة على العالم بما فيهم نحن..الأفارقة..أرضى بما قسمه الله لك

[كمدان] 06-09-2016 03:11 PM
هسع علاقة كلامك بالموضوع شنو؟يعني عاوزم يفتحو البلد زريبة عشان يريحو اسياس؟
في سوداني قاعد في بلدك بدون اقامة؟


#1473467 [Salah AL Deen P]
4.50/5 (3 صوت)

06-09-2016 11:54 AM
الكيزان مسّكوا الطليان ضنب ككو اصلي ... ويكونوا قبضوا قبضة في الككو وضنبو ههه

[Salah AL Deen P]

ردود على Salah AL Deen P
[sasa] 06-09-2016 01:37 PM
ههههههه ههههاااى اللهم انى صائم وهنيئا لك يا ابليس بترك بلاد السودان لمن هم أسوأ من ابليس

European Union [فارس الحديد] 06-09-2016 01:22 PM
ههههههههههههههههههههه


#1473445 [ahmed ali]
4.00/5 (3 صوت)

06-09-2016 11:09 AM
لقد آن الأوان لكتابة مذكرة إحتجاج لمجلس العموم البريطاني ومثيله الإيطالي نستنكرفه تعامل الأجهزه الأمنية لتلك الدول مع الأجهزة الأمنية السودانية الإرهابية التي تقوم بقتل المواطنيين العزل في السودان ويجب وقف هذه التعاملات فوراً .
اجو من الشرفاء المامون و القضاة صياغة مذكرة قانونية والدفع بها للمسؤلين في تلك الدول ... دم أطفال هيبان لن يضيع هدر

[ahmed ali]

#1473438 [محمد احمد]
4.69/5 (5 صوت)

06-09-2016 11:01 AM
ياخي سبحان الله نحنا فاشلين في كل حاجة .. حتي في شغلة مصاصين الدماء اللي كنا فيها عشرة علي عشرة بقينا فيها فاشلين.. في شغلة واحدة فقط ما في زول في العالم بلحقنا فيها وهي اكل اموال الحكومة والناس والشعب بالباطل وبطريقة ابليس زاتو لسة ما اكتشفها ،، هم زاتم الخواجات بقوا حمير وما بفهمو وشغلة الهجرة كبست ليهم مخهم .. بلد مليانة حرامية ولصوص بياكلوا القروش ليل ونهار دايراهم يقبضوا ليهم واحد بيبيض ليهم كل يوم بيضة من دهب ومعاها حلة بتاعت قروش وبالدولار كمان عشان خاطر عيونهم الخضر .. يا خي الخواجة زاتو افلس وبقي ماعندو منطق.

[محمد احمد]

ردود على محمد احمد
[AAA] 06-09-2016 06:00 PM
[ياخي سبحان الله نحنا فاشلين في كل حاجة .. حتي في شغلة مصاصين الدماء اللي كنا فيها عشرة علي عشرة بقينا فيها فاشلين]

هههههههههه..تعليق في الصميم

[الطريفي زول نصيحة] 06-09-2016 01:47 PM
هههههههههههههههههههههههههههههه والله صدقت الخواجة زاتو راحت ليهو ...لكن والله البريء ده محظوظ ..المرة الجاية تعالو اقبضو الطريفي ههههههاي


#1473433 [abundaibue]
4.00/5 (3 صوت)

06-09-2016 10:54 AM
تخيلو معاي ده لوكان أحد نجوم كرة القدم السودانية ..(ابراهومةمثلاً )كان وقع علي قفاه بمجرد دخوله ايطاليا ويمثل فيها انو مصاب ولا يقوي علي الحركة ويداوم علي الصراخ والتمثيل...

[abundaibue]

#1473432 [Omer]
5.00/5 (6 صوت)

06-09-2016 10:52 AM
الحقيقة بانت أوضح من وضوح الشمس في كبد السماء. لقد ظلوا ينفون وبشدة بأنهم لا يتعاونون مع الاوربيين في اعتقال طالبي اللجو إلى أوربا وسجنهم في السودان أو داخل معسكرات.
لقد ظهرت سوءاتهم وانبطاحهم لاسيادهم بدعوى الاتجار في البشر وخلافه. هولاء البشر يدفعون من أجل التحرر من الاتطهاض الحاصل لهم في دولهم الفاشلة، التي استحكمت فيها الشمولية والدكتاتورية. كثير منهم يفضل الموت وهو يبحث عن حياة أفضل من انتظار الموت البطئ في بلدانهم. والدول الاوربية تعلم ان ظروف هولاء الفتية قاسية في بلدانهم. لكن يسمون الاشياء بغير اسمائها لمحاربة الهجرة ووجدوا في الدكتاتوريات البائسة في افريقيا مثل السودان لتنفيذ سياساتهم.
لقد انفضح النظام الذي يحاول لفترة مداراة سؤاته لكن اليوم انكشفت ومعها امور اخرى من الفشل في نظام مخابراته الذي ظن ان الحيلة تنطلي على العفاريت بأن يوهمهم بان المعتقل هو الشخص المطلوب، وما دروا بان المطلوب لدي المخابرات الاوربية كل الوسائل التي تقودهم للتعرف عليه موجودة عندهم من بصمة وحمض نووي وخلافه. وهي اشياء عندنا طلاب الاساس مخابرات لا يعرفونها. والتالي اسقطت البضاعة في يدهم وهي كاسدة لا تغنى ولا تسمن من جوع.
شوفوا لكم حاجة غيرها والثقة انعدمت مثل انعدام المياه في أحياء العاصمة والحر والناس عطشانة.

[Omer]

#1473428 [العيسابي]
5.00/5 (10 صوت)

06-09-2016 10:50 AM
فضيحة بجلاجل للمخابرات وجهاز الأمن السوداني ...
لو كنت الرئيس لأحلتكم للمحاكمة العسكرية وبالشلوت إلى الشارع ...
بس فالحين في التعذيب والاغتصابات وقتل الأبرياء .

[العيسابي]

#1473427 [Truth]
4.94/5 (8 صوت)

06-09-2016 10:48 AM
انتو صدقتز انو الرجل الخطأ ديل يلعبوا باللبيضا و الحجر لموا فى بتاع رقشة بشبه الزول داك و عشان القصة بجر ناس نافذين فى البلد لو رسلوا الزول الحقيقى و لكن هذه المرة التصرف سوف ياتى بتيجة عكسية عليهم

[Truth]

#1473422 [kajo]
5.00/5 (4 صوت)

06-09-2016 10:40 AM
المبروم علي المبروم ما يلفش .

[kajo]

#1473411 [اشارة]
4.88/5 (9 صوت)

06-09-2016 10:26 AM
المجرم الحقيقي تم تحزيره من المتعاونين في الامن لان وقوعه يعني تفشي معلومات للخواجات
وليس بعيدا ان يكونوا قد قاموا بتحييده بالكامل

[اشارة]

ردود على اشارة
[sasa] 06-09-2016 01:38 PM
أوافق وتلكم هي الحقيقة


#1473409 [الحقيقة مرة]
4.82/5 (6 صوت)

06-09-2016 10:22 AM
هذا زمانك يا مهازل فامرحي
يا ترى كم عدد الذي اعتقلوا بالخطأ ..وربما تم تعذيبهم والتنكيل بهم دون جريرة ارتكبوها .....اللهم عليك بالظالمين

[الحقيقة مرة]

#1473402 [ميمان]
4.44/5 (5 صوت)

06-09-2016 10:17 AM
الابالسة باعوا الترام للايطليين وقبضوا المكافأة.إنهم اخوان الشياطين

[ميمان]

#1473394 [ياسر]
5.00/5 (3 صوت)

06-09-2016 10:01 AM
اغبياء وحمير هل يعتقد نظام الكيزان ان تسليم شخص بهذه الطريقة لمجرد تشابه اسمه مع المتهم الحقيقى سيفوت على الخواجات ليرضوا عنكم ايها السفلة هذه هى اخلاقكم واعمالكم القذرةدائما تفضحكم
يا فرحة ما تمت

[ياسر]

#1473391 [كاكي]
4.94/5 (9 صوت)

06-09-2016 10:01 AM
عملوا مسابقة لكل مخابرات العالم فكوا قرد في غابة وعاوزين يعرفوا مين البمسكوا أسرع ,,,, السي أي أيه دقيقتين ،، الكي جي بي خمسة دقايق ،، المصرية نص ساعة ،، البريطانية ربع ساعة حتى اكتمل عقد الدول ، بعد يومين اكتشوا السودانيين ما رجعو !! سريعا اطلقوا كل المخبابرات للبحث عنهم ... اخيرا لقوهم رابطين ليهم ثعلب في شجرة وبعذبوا فيهو قول أنا قرد ,,, قول أنا قرد ... قول أنا قرد

[كاكي]

ردود على كاكي
United States [ابن حلايب] 06-09-2016 12:02 PM
هههههههههه


#1473381 [زول ساي]
5.00/5 (2 صوت)

06-09-2016 09:33 AM
انا افتكرت في تعليق سابق بوجود دغمسة خبيثة لتحسين صورتهم لدى الجهات البخافوا منها جد جد رغم جعجعات ليكم تسلحنا وبوهيات الاستهلاك المحلي والحركات التخويفية والاستعراضيات بتاعتهم دي، ولكن بعد قريت تسليم المعلقين بوجود خطأ ربما استفاد منه الضحية ففكرت في الخطأ دا زاتو طالما الأغبياء بخطئوا أحطاء فظيعة وبليدة زي دي ليه ما يكون الاريتري استدرجهم بشبهه للمطلوب ويمكن اعترف ليهم عديل كدا لما أوقعهم في شركه وإلا كيف يتم العثور على ابرة في كوم قش ويلقوا الشبيه من بين ملايين الأحباش البسدوا عين الشارع في الخرطوم كافة المدن من الشرق حتى الغرب؟

[زول ساي]

#1473377 [الساكن جوبا]
4.88/5 (8 صوت)

06-09-2016 09:27 AM
بختك يا مدهنى كيدين فرصة لم تكن تحلم بها ( رب ضارة نافعة ) ستجد محاميين أيطاليين أشداء يقفون معك حتى النهاية و ستجد تعويضا ضخما يعوضك سنوات التيه فى شوارع الخرطوم و إعتذار بجانب الشهرة التى جاءتك و ربما تجد منتجا و مخرجا سينمائيين ينتجون فيلما عن قصتك تكسب الذهب من ورائة .
كثير من الناس يتمنون لو كانوا مكانك بدل ما كنت تغرق فى البحر الأبيض و تستقر فى بطن قرش سفروك بطائرة من مطار الخرطوم حتى روما ( يا بختك ) .
لو كنت فى مكانك لطالبت بتعويض 100 مليون دولار خليها فى النهاية تنزل لعشرة مليون أقول لهم بسبب التشهير والضرر النفسى الذى لحق بى مع إنها هى شهرة و متعة سفر .

[الساكن جوبا]

ردود على الساكن جوبا
[كاكا] 06-09-2016 10:54 AM
رزق المساكين علي الفاشلين


#1473372 [سوداني]
0.00/5 (0 صوت)

06-09-2016 09:15 AM
اليوم أكدت إيطاليا انهم لم يعتقلوا الرجل الخطاء وان من اعتقلوه هو نفس الشخص المطلوب لديهم .انتو بس افرحوا في الشماته وكمان من غير جيهه

[سوداني]

#1473361 [مرتضي]
5.00/5 (6 صوت)

06-09-2016 08:51 AM
لن يتم تسليم المشتبة نهائي لا أيادي الأمن والشرطة متورطة معاه السودان اصلا أصبح فوضي والحكومة باعت اللاجئين مقابل سرقة أموال الأمم المتحدة والسماح لهم بالعمل والإقامة في السودان

[مرتضي]

#1473358 [مرتضي]
4.75/5 (4 صوت)

06-09-2016 08:46 AM
إريتريا كلها في السودان والله بلد فوضي يتحرك من بلادة ويمشي السودان يعيش مع أهله عادي البلد فوضي ما عندها صاحب همله ٠

[مرتضي]

ردود على مرتضي
[متامل] 06-09-2016 02:37 PM
مالك خليهو يمشي ويعيش مع اهله
اسه اوروبا وكندا واستراليا ما ياهو السودانيين يهاجرروا ولجووء وهمله سايي اي زول ممكن يعيش في بلاد الرفاهيه
انته ههههههههههه عايز تحرموا يعيش في عفن السودان ده كمان
كلام عجيييب هههههههههه


#1473356 [فاروق بشير]
5.00/5 (1 صوت)

06-09-2016 08:46 AM
خسارة مليارات الشعب ميزانية الامن الفاشل.

[فاروق بشير]

#1473344 [الغاضبة]
5.00/5 (2 صوت)

06-09-2016 08:13 AM
ان شاء الله حالي وحال المساكين كلهم ... رمضان كريم

[الغاضبة]

#1473336 [مصطفي]
5.00/5 (4 صوت)

06-09-2016 07:36 AM
هوي يا إيطاليين وبريطانيين نحن رسلنا ليكم زولكم الدايرنو زاتو. مافي داعي للف والدوران. يعني عملنا منو نسخة ورسلنا ليكم صورة مقلدة ولا شنو النظام؟؟ والله يا خواجات تعملو حركاتكم دي تاني نقطعو معاكم ناشف وتاني مافي تعاون أرهاب ولا أجرام ولا تهريب بشر ولا تسفاي ولا مدهني يهديقو ولا كارلوس الثعلب ولا جن احمر. خواجات اصلو ما بيقولو شكرا وعاملين ذي القطط يأكلو وينكرو. قال السودان أرسل الرجل الخطأ قال. عيب كده. أمن السودان ده لو قلتو ليهو دايرين فلان الفلاني حيفتشو ليكم في صحراء أفريقيا وغابات الامازون وبجيبو ليكم مكتف حتي لو كان مدسي جوة جحر ضب. ايوة نحن عفاريت وجحور الضببة كلها عارفينها. قبل كده عرفنا ليكم جحر بن لادن وجحر كارلوس وجحر زعيم بوكوحرام وجحر زعيم التمرد النيجيري وجحر مهرب البشر بقوارب الموت. لو دايرين جحر الجن الاحمر زاتو بنفتشو ونجيبو حي. لكن لو قمتو علي اللعب ده الله قال بقولكم. محمد عطا وأولاد صلاح قوش حيوروكم العين الحمراء ويرسلو ليكم نص الافارقة ديل لاجئين في أوروبا عشان ما تقدروا تنومو تاني. الغتاتة دي. مش أنتو بتقولو علينا ارهابين؟ خلاص حنوريكم الإرهاب الما خمج.

[مصطفي]

ردود على مصطفي
European Union [رجل من الماضي] 06-11-2016 03:59 PM
ارزقي متخلف


#1473333 [زول ساي]
5.00/5 (3 صوت)

06-09-2016 07:31 AM
يا خ خليكم من الاريتري ديل أمس القريب دا ماسكين مع اللقوهم بمركز تركس بنت كاميرونية من شكلها ظاهر ما سودانية وهي يبدو طالبة في جامعة افريقيا العالمية وتدرس فرنساوي لطلاب المركز فخموها معاهم واتهموها بجرايم تصل للاعدام وهي لاتدري الحاصل شنو!!! هسه الاريتري المسكين دا خموهو بنفس الهمجية دي وان كان الواحد بحس بدغمسة خبيثة بالنسبة للارتري تلقاهم قالوا نخم أي واحد اريتري بشبه صورة المطلوب ونسلمه لنثبت أننا تعاونا في محاربة الارهاب، وقد فضحهم الله في العالمين

[زول ساي]

#1473330 [الحلومر/خريج الابتدائية]
5.00/5 (5 صوت)

06-09-2016 06:56 AM
المجرم الحقيقي تمت تصفيته حتى لايورطهم معه... القبض علي الشخص الخطأ امر مقصود

[الحلومر/خريج الابتدائية]

ردود على الحلومر/خريج الابتدائية
European Union [الحازمي] 06-09-2016 10:05 PM
الخواجات دقسوا
لا يمكن تسليمهم المجرم الحقيقي لانه سيورط ضباط امن كبار في نظام الكيزان!!!!
عشان تتعلموا من الايام طليان!!!


#1473315 [حاج علي]
4.99/5 (11 صوت)

06-09-2016 05:23 AM
اها وسفيرة السودان في ايطاليا قرناص مرت كرتي لفخت توبها وجري علي مطار روما
اوع كارلوس زاتو يكون ما ياهو ؟؟؟

[حاج علي]

#1473295 [باكاش]
4.99/5 (13 صوت)

06-09-2016 03:31 AM
ههههههههه هاهاهاهاهاها اهاهاهاه قوتوليي
دايرين تشيلو اسمكم من قائمة الارهاب بسرعة
الله يعلم ناس المخابرات القبضو ادهنتي جو طافين النور
والناس في صلاة التراويح .

[باكاش]

#1473293 [غريب الدار]
5.00/5 (11 صوت)

06-09-2016 03:26 AM
هجرة جاتو في طبق من دهب
وربما معاها تعويض مالي كبير

[غريب الدار]

#1473292 [ياخ]
4.99/5 (12 صوت)

06-09-2016 03:24 AM
الجماعه قبضوا الشاب من الشارع ساى بدون مايعرفوا هو منو غايتوا من حظه بقى مشهور فى كل العالم المهم اتخارج من المحن وده طبعا الخواجات ما برجعوا تانى رزقا تكوسو ورزقا يكوسك الدنيا حظوظ يا تسفاى زول كرت طاحونه ما عندها بقى نفسه ايطاليا لانو الرهو العندنا ما عارفين طز من كوز الدره

[ياخ]

#1473282 [كاسـترو عـبدالحـمـيـد]
5.00/5 (13 صوت)

06-09-2016 02:51 AM
هذا فشل جدبد يضاف الى النظام . ما خلاص تعودنا كل يوم نصبح على فضيحة أو فساد أو أزمة الخ ...... وحتى جهاز الأمن المفروض فيه الذكاء يفشل ايضا فى القبض على المجرم الحقيقى ويقبض بدلا عنه شاب برئ . ويفضح نفسه امام دول العالم التى فرحت واستبشرت بالقبض على زعيم تجار البشر . الناس تتمنى يوما ولو بالغلط يصدر من هذا النظام شئ مفرح ومفيد . حسبنا الله ونعم الوكيل . يا رب ببركة هذا الشهر المعظم ان ترينا قدرتك فى هذا النظام الذى فسد فى البلأد ودمرها فى اقتصادها واخلأقها وبنيتها التحتية . اللهم عليك بهم وانقذ عبادك المظلومين المتهضدين . وصلى اللهم على محمد وسلم تسليما كثيرا .

[كاسـترو عـبدالحـمـيـد]

ردود على كاسـترو عـبدالحـمـيـد
[أبوعديلة المندهش] 06-10-2016 12:19 PM
كيف يعنى ياكاسترو حبايبنا فى الأمن قبضوا زول برئ؟مش اسمه مدهنى والأسم ده بيتطابق مع اسم المجرم الأصلى ؟ يبقى خلاص يكون ياهو ذاتو(المهم
يأبضواليورو).واعمل حسابك لو بكره طلع أمر قبض من امريكا فى حق فيديل كاسترو سيد الأسم قطع شك حيقبضوك إنت شخصيا ويسلموك ليهم.عندئذ ماتنسى تسوقنا معاك للأستيتس .

European Union [abuleila] 06-09-2016 10:46 AM
والله يا كاسترو ناس الحكومة وجهاز امنهم اكلوا حسكنيت بغبائهم وعدم مهنيتهم....ملأوا الدنيا صياحا بانهم يحاربون المتاجرة بالبشر واتى وفد من الاتحاد الاوربى ودفع لهم ملايين اليوروهات وفى اول عملية سقوط شنيع....تفتكر كيف حيفهم الاوربيون ذلك اليس من حقهم ان يقولوا ان الحكومة وجهاز امنها يضحكون عليهم...
Police investigating if wrong man caught in anti-smuggling operation
https://www.theguardian.com/world/2016/jun/08/police-investigating-if-wrong-man-caught-in-anti-smuggling-operation


#1473275 [هبة النور]
5.00/5 (12 صوت)

06-09-2016 02:26 AM
((الشخص الخطأ))
ههههههه بختو مشى أخيرا لأوروبا و مجاناً كمان

[هبة النور]

ردود على هبة النور
[ابكر] 06-09-2016 10:04 AM
يعنى مدهنى مريم الحقيقي لسه قاعد جوه السودان شغال شغلو وما اهتم بالموضوع كتير



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة