الأخبار
أخبار إقليمية
السجن المؤيد لـ16 موظفاً سابقاً بمكتب رئيس جنوب السودان
السجن المؤيد لـ16 موظفاً سابقاً بمكتب رئيس جنوب السودان
السجن المؤيد لـ16 موظفاً سابقاً بمكتب رئيس جنوب السودان


06-14-2016 12:29 AM
جوبا - وكالات

قضت محكمة في جنوب السودان، اليوم الإثنين، بالسجن المؤبد "20 عاما" على 16 موظفا سابقا بمكتب رئيس البلاد سلفا كير ميارديت، بتهمة اختلاس أكثر من 14 مليون دولار خلال فترة عملهم بالمكتب.

ووجهت المحكمة الأعلى بمدينة جوبا عاصمة جمهورية جنوب السودان، للمدانين تهما متعلقة بمخالفة قوانين المال العام، والأمن الوطني، وغسيل الأموال والإرهاب.

كما أصدرت المحكمة قرارا بمصادرة 17 سيارة تخص المتهمين، وبيعها في مزاد علني على أن تورد عائداتها لصالح خزينة وزارة المالية الاتحادية بحكومة جنوب السودان، بعد خصم الرسوم المقررة من المصروفات، وفقا للقانون.

وسيتم رفع أوراق ومستندات القضية للمحكمة العليا لفتح باب الاستئناف لمحامي الدفاع، لأن حكم اليوم أولي وقابل للطعن، بحسب القاضي.

الجدير بالذكر، أن سلفا كير، كان قد أصدر أمرا إداريا في يونيو الماضي بتوقيف المتهمين الـ16، وأبرزهم كبير المديرين التنفيذيين (سابقا) في مكتب الرئيس الجمهورية، ييل لول كور، وكبير الإداريين بالمكتب ذاته ميان وول جونق.


تعليقات 21 | إهداء 0 | زيارات 11595

التعليقات
#1476142 [العيسابي]
0.00/5 (0 صوت)

06-15-2016 12:08 PM
ما في حل مع الناس دي غير خابور القذافي

[العيسابي]

#1475915 [ABU YASIR]
0.00/5 (0 صوت)

06-14-2016 06:47 PM
بدآت مشاكل سلفا عندما هدد ببتر الفساد ولا زال الرجل صامدا على مبادئه-وبدون عقاب المفسدين وبتر الفساد لن تقوم العدالة فى اى مجتمع- ونار الفساد اشد ضراوة على اخلاقيات المجتمع وعلى مكارم الاخلاق من ضراوة الحروب-ولقد قال سيدنا عمرابن الغاص ( من لايوزع بالقران يوزع بالسلطان)-وقطعا لا يوجد فى عدالة الاسلام ما يسمى بفقه السترة الذى يعفى السارق لاموال الشعب من العقاب الذى يجعل منه عبرة لغيره شريطة ان يكون الحكم على يد قضاء عادل مستقل وغير مسيس حتى لا تخفى الظاهرة ظلما اشد ضراوة عندما تكون العقوبة سيفا مسلطا لترهيب من يقولون كلمة الحق فى وجه سلطان ظالم

[ABU YASIR]

#1475911 [ABU YASIR]
5.00/5 (1 صوت)

06-14-2016 06:42 PM
بدآت مشاكل سلفا عندما هدد ببتر الفساد ولا زال الرجل صامدا على مبادئه-وبدون عقاب المفسدين وبتر الفساد لن تقوم العدالة فى اى مجتمع- ونار الفساد اشد ضراوة على اخلاقيات المجتمع وعلى مكارم الاخلاق من ضراوة الحروب-ولقد قال سيدنا عمرابن الغاص ( من لايوزع بالقران يوزع بالسلطان)-وقطعا لا يوجد فى عدالة الاسلام ما يسمى بفقه السترة الذى يعفى السارق لاموال الشعب من العقاب الذى يجعل منه عبرة لغيره شريطة ان يكون الحكم على يد قضاء عادل مستقل وغير مسيس حتى لا تخفى الظاهرة ظلما اشد ضراوة عندما تكون العقوبة سيفا مسلطا لترهيب لمن يقولون كلمة الحق فى وجه سلطان ظالم

[ABU YASIR]

#1475859 [محمد حامد]
5.00/5 (1 صوت)

06-14-2016 03:55 PM
سلفاكير زول ما بخاف عشان انظف من البشير اما البشير المسلم الذي لا يعرف الله الا في الشعارات فهو ملطخ بالفساد

[محمد حامد]

#1475858 [حزب الراكوبة]
5.00/5 (1 صوت)

06-14-2016 03:54 PM
جنوبي ده مانصيح مافي تحليل

[حزب الراكوبة]

#1475851 [زول]
5.00/5 (1 صوت)

06-14-2016 03:42 PM
لكن يا سلفا ما خجلت الكيزان الحرامية اذا بخجلوا!

[زول]

#1475818 [جربوع]
0.00/5 (0 صوت)

06-14-2016 02:42 PM
هذه عدالة انتقائية
من يجروء علي مساءلة الجنرالات الكبار؟

[جربوع]

#1475762 [أبو السمح]
5.00/5 (1 صوت)

06-14-2016 01:38 PM
دولة الظلم ساعة و دولة العدل الي قيام الساعة
طبقو القانون صاح و كل واحد من أكبر كبير لأصغر صغير ها يمشي ذي الساعة
و كل واحد بيعرف حقوقه و واجباته
برافو كبير يا سلفا GOOD DONE

[أبو السمح]

#1475702 [الصوت]
5.00/5 (2 صوت)

06-14-2016 11:58 AM
بالإضافة لقانوني السُترة والتحلل + سكاكين العفو الرئاسي التي تقطع دابر كل حُكمٍ صدر (( سهواً)) ضد اي سارق او مغتصب او مروج مخدرات او (( ابن وزيرة.)) او..من اصحاب الوجوه المتوضئة،
تطل علينا فضيحة إعادة الرئيس مشروع قانون رفع الحصانة عن الفاسد من النافذين الى البرطمان مرة اخرى لتقوم البدرية _ كالعادة _ بنتف ريشه المعشوشب ليبدو مرقداً وثيراً ناعماً (( لذّةً )) لكل مروّج وسارق و((منتصب)) مغتصب لمال العامة (( وفروجها كمان )) ... والرِّجِل فوق اختها تهتز رضىً.
بذلك يكتمل جدار الحماية من (( القِبل )) الأربعة ....تحلُّل + سُترة + عفو رئاسي + حصانة .. والما عاجبو يدق راسو في الحيطة ... فما زالت هي لله هي لله لا للسلطة ولا للجاه داوية ساعية الى المقاصد .... فما هي المقاصد يا تُرى ....؟!

[الصوت]

ردود على الصوت
[الى الامام] 06-14-2016 05:22 PM
قال الترابى
وعن الرئيس البشير قال إنه لم يكن يعرفه ولم يرى وجهه من قبل ، وإن رتبته العسكرية فقط هي التي جعلته يقود ذلك الإنقلاب ، وتم إختطاف البشير من مناطق العمليات بجنوب كردفان وصل يوم الثلاثاء وإلتقيناه يوم الأربعاء قبل الإنقلاب بيوم واحد وهو لا يعلم شيء عن أمر ذلك الإنقلاب وسلمناه البيان الأول وأفهمناه ما يقوله . كما قال إن البشير لم يكن من الصف الأول للعسكريين في الحركة الأسلامية وقد تم تجنيده كبيراً قبل سنوات قليلة من الإنقلاب .
وين المقارنة
ومين الغلطان


#1475670 [سودانية]
5.00/5 (1 صوت)

06-14-2016 11:07 AM
بعد ده يادووووبك الضبح التور الاسود نابو طلع علي شونة ...صاحب التور فاكر نفسو هوشي منة والعنقالة سارحين وراو ...يارب تحن علينا وتدينا من جنس ده
وبعد ده كلو يقولو عاااادي عايزين نطبق الشريعة -اي الحكم بشرع الله- لاننا مأمورون بها
ماهي الشريعة ؟؟؟ الحكم بشرع الله مختصر في عبارة واحدة واذا حكمتم بين الناس ان تحكموا بالعدل في الآية الكريمة البتقول
(ان الله يأمركم ان تؤدوا الامانات الي اهلها واذا حكمتم بين الناس ان تحكموا بالعدل ان لله نعما يعظكم به ان الله كان سميعا بصيرا)
كل من يحكم بالعدل يطبق شرع الله ...مسيحي مسلم ملحد كافر شيعي سني ماسوني ...ايا كانت ملته ...فبلاش ضحك علي الدقون ياابان دقون

[سودانية]

#1475651 [ود المهدي]
5.00/5 (1 صوت)

06-14-2016 10:40 AM
هكذا يطبق القانون يا وزير العدل السوداني ويا رئيسنا الفاشل ما فيش كبير على القانون في اصغر دولة في العالم جنوب السودان (مؤبد )، ومن ناس غ مسلمين

اين اسلامكم يا حكومة السودان ، حسابكم عند الله موجود .

نحن نريد دولة مثل جنوب السودان يطبق فيها القانون على الجميع .

[ود المهدي]

#1475635 [الوجيع]
5.00/5 (1 صوت)

06-14-2016 10:16 AM
اتوقع...... ان تتدخل حكومتنا الرشيدة لدى سلفاكير واستخدام شتى الوسائل لالغاء او تخفيف الاحكام على المدانين...او اطلاق سراحهم لانها بادرة تهدد الامن القومى السودانى ...وبكرة تسمع الوساطات والوفود تتحرك جنوبا....

[الوجيع]

#1475599 [سـودانى شمالى وجنوبى]
5.00/5 (3 صوت)

06-14-2016 08:37 AM
عفيت منك يا سلفاكير , والله اثبت انك فعلا رجل نظيف وعندك غيرة على بلدك . وياريت لو كنت انت رئيس السودان وليس هذا البشكير الحرامى الفاسد الذى سمح بسرق اموال الدولة بواسطة زوجته واخوته واصدقائه وعشيرته من الكيزان, لو استمريت بهذه الطريقة , فسوف يتقدم الجنوب ويصبح فى المستقبل القريب دولة لها موقع مهم فى العالم . وبالمناسبة لأزم تطلب مراجعة حسابات البترول وتطالب بالحسابات والدفاتر واسترداد ما سرق منكم من اموال موجودة فى بنوك الخليج وماليزيا بأسم الكيزان ( عوض الجاز وعصابته) .

[سـودانى شمالى وجنوبى]

#1475575 [سوبرمان]
5.00/5 (1 صوت)

06-14-2016 06:34 AM
إسلام من غير مسلمين أفضل من مسلمين من غير إسلام

تحلل، فقه السترة، قرارات جمهورية بإلغاء أحكام شرعية بواسطة القضاء، فتاوى مفصلة بالمقاس من فقهاء السلطان، ألخ،، وكل دة فى دولة الشريعة وكل دة وهى لله.

[سوبرمان]

#1475550 [Rebel]
5.00/5 (8 صوت)

06-14-2016 02:58 AM
* علي الطلاق, أول كنت فاكر ديل موظفين فى مكتب "رئيسنا"!..قلت عمر البشير ده جن و لا شنو!..أتاريهوا ديل الجنوبيين!!
* أهو ديل "المسلمين", و ألآ بلاش!!

[Rebel]

ردود على Rebel
[من اين اتي هؤلاء] 06-14-2016 08:14 AM
هههههههههههههههههههه...
ديل حالفين يدخلوا مع بعض

[حسن الامين] 06-14-2016 04:09 AM
طلعوا احسن من جماعتنا كده يادوب الجنوب راح يتقدم ... هنا تحلل يعني اسرقوا بي راحتكم ..
هناك لا رقيص ولا تكبير شغل نضيف ...


#1475547 [الهدهد]
5.00/5 (4 صوت)

06-14-2016 02:49 AM
شغلك نضيف يا سيلفا ده الكلام الصح و الله مش تقول لي تحلل وكلام فارغ...الله بوفقكم طالما مافي كبير علي القانون...بكرة تفوتونا لي قدام ونحن الحسرة كاتلانا علي البلد الراح شمار في مرقة...الله المستعان علي أكلي مال الغلابة...ليكم يوم باكيزان...

[الهدهد]

#1475546 [musap]
5.00/5 (3 صوت)

06-14-2016 02:49 AM
لايه يا اخوانا الجماعه ديل ما عندهم فقه التحلل والا الستره بالغوا لكن....؟؟؟؟ عليكم الله هسي الكيزان ديل ما بخجلوا دولة عمرها مأتم خمسة سنوات عرفت كيف تحمي المال العام رغم ضعف مؤسساتها وديل يمنحوا كارد أخضر لكل حرامي أسرق إذا قبضناك بنشيل السرقتوا منك ومابنعمل ليك حاجه وإذا ما قبضناك اعمل الدايروا....
دي ما دعوة صريحه للناس تسرق....
شكرا حكومة جنوب السودان علي الدرس المجاني والقاسي وياريت نتعلم

[musap]

#1475543 [ahmmad hashim]
4.75/5 (6 صوت)

06-14-2016 02:39 AM
عندنا بيتسترو عليهم و بيحموهم
و كمان طلعو قانون جديد اضافوه للشريعة الاسلامية سموه التحلل الحرامي يسرق و يرجع راس المال و ياخد الارباح

[ahmmad hashim]

#1475536 [الجقود ود بري]
0.00/5 (0 صوت)

06-14-2016 02:11 AM
ممكن عمر الشؤم يعمل كدا ؟

[الجقود ود بري]

#1475522 [sudany 7r]
0.00/5 (0 صوت)

06-14-2016 12:56 AM
Let the boy's alone

[sudany 7r]

#1475520 [AAA]
4.50/5 (2 صوت)

06-14-2016 12:53 AM
تحيا المحاسبة والعدالة...مافي تحلل !!

[AAA]

ردود على AAA
[حسن ابوعلي] 06-14-2016 04:15 AM
سلفا كير مافي كلام كتير ولا رقيص ولا مزيكة . كدة مسكوا الدرب والكهرباء ماراح تقطع عندهم هههههههه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة