الأخبار
أخبار إقليمية
حركة غازي : إما أن يقدم حزب البشير تنازلات أو (الكارثة) (الأوضاع ستنفجر، وإذا انفجرت ستقع على الشعب وقيادات الحكومة حيركبوا طيارتهم ويهربوا)
حركة غازي : إما أن يقدم حزب البشير تنازلات أو (الكارثة) (الأوضاع ستنفجر، وإذا انفجرت ستقع على الشعب وقيادات الحكومة حيركبوا طيارتهم ويهربوا)
حركة غازي : إما أن يقدم حزب البشير تنازلات أو (الكارثة) (الأوضاع ستنفجر، وإذا انفجرت ستقع على الشعب وقيادات الحكومة حيركبوا طيارتهم ويهربوا)


البلاد تقف على حافة جهنم،
06-14-2016 10:54 AM
الخرطوم: سعاد الخضر
حذر القيادي بحركة الإصلاح الآن أسامة توفيق، المؤتمر الوطني من حدوث كارثة بالبلاد ما لم يقدم تنازلات في الحوار الوطني خلال الشهرين المقبلين، قبل انعقاد الجمعية العمومية للحوار.
وقال توفيق إن البلاد تقف على حافة جهنم، ولفت إلى التكاليف العالية للدستوريين، وأضاف (الأوضاع ستنفجر، وإذا انفجرت ستقع على الشعب وقيادات الحكومة حيركبوا طيارتهم ويهربوا)، وتابع (إذا لم تقدم الحكومة تنازلات خلال الشهرين القادمين ستحدث كارثة).
وتوقع توفيق حدوث حرب شرسة داخل الجمعية العمومية للحوار لرفض توصيات لجنتي الحريات والحقوق ولجنة قضايا الحكم وتنفيذ مخرجات الحوار، ونوه الى أن أية توصية ضد المؤتمر الوطني والتمكين سيتم إسقاطها عبر المؤتمر الوطني، وأكد وجود تيارات ضد الحوار حتى لا تفقد مناصبها، وحدد الرافضين للحوار، وقال إن ذلك التيار يشمل مساعد رئيس الجمهورية إبراهيم محمود، وحامد ممتاز، وزاد: (المستوزرون كلهم رافضين للحكومة الانتقالية).
واعتبر توفيق أن حديث النائب الأول السابق لرئيس الجمهورية علي عثمان محمد طه الذي شبه فيه انتظار الناس للمخرجات بانتظار (شنطة الحاوي)، يعني أن طه انضم لتيار الإصلاح داخل الوطني.
ونفى توفيق الاتهامات الموجهة لهم بأنهم يسعون لأداء دور البديل لقوى (نداء السودان)، وذكر (نحن كقوى المستقبل حاولنا تقريب الشقة بين آلية الحوار الوطني وقوى نداء السودان)، وكشف عن ممارسة المجتمع الدولي ضغوطاً وصفها بالشديدة على الحكومة للقبول بإدخال تعديلات جديدة على خارطة الطريق لإلحاق الحركات المسلحة بالحوار.

الجريدة


تعليقات 18 | إهداء 0 | زيارات 11094

التعليقات
#1476350 [عادل]
0.00/5 (0 صوت)

06-15-2016 10:04 PM
كل التعلقات الحمد اللة تدل على انو خلاص الشعب قرف وعاوز يطق بس كيف الجدية فى العمل و

[عادل]

#1476292 [alwatani]
0.00/5 (0 صوت)

06-15-2016 05:38 PM
الشعب فى الحالتين دافع الفاتورة احسن يتحمل فاتورة المخارجة عسى يطالب بردها من الهاربين

[alwatani]

#1476147 [عمر احمد]
0.00/5 (0 صوت)

06-15-2016 12:26 PM
يهربوا ؟ يمشوا وين بعد عملتهم السودة ودوا البلد في داهية ، لن ينفعهم إلا أن يعيدوا السودان للحكم الديمقراطي .
وإذا إستمروا في تكبرهم وعنادهم فالثورة الجائعة قادمة لامحال ، وحينها لن يتمكنوا حتي من إرتداء ملابسهم ناهيك عن ركوب الطائرة .

[عمر احمد]

#1476109 [CHOCOLATE]
0.00/5 (0 صوت)

06-15-2016 10:47 AM
الوضع خطيرررررررررر للغايه وهل الكارثه لسه ما وقعت البلد تحتضر يعني


علي وشك المووووت من المسؤل عن حال المواطن المسكين


المواطن لازال يبحث عن بقمة العيش الشريفه

[CHOCOLATE]

#1476035 [الفاروق]
5.00/5 (1 صوت)

06-15-2016 03:28 AM
وين القوات المسلحة ؟ هل فعلا اصبحت مسيسة . يابشر الجانجويد ماذا يعملون فى الخرطوم ؟ هل الخرطوم خلاص ولعت ام اجيب الابرة واقدها . عليكم بالمطار ياناس برى .

[الفاروق]

#1476021 [Mohammed Khalefa]
5.00/5 (1 صوت)

06-15-2016 02:12 AM
يهربوا !!! انت ماقريت خرفان مصر لقطوهم كيف؟

[Mohammed Khalefa]

#1476018 [Rebel]
5.00/5 (1 صوت)

06-15-2016 01:40 AM
* "الكارثه تقع على الشعب السودانى"!, تااانى!!..يعنى "الوقع" عليه فى 27 سنه ده ما "الكارثه الاصليه", يا توفيق!..الله الله..طيب إكون شنو يا ربى!!
* القوادين ديل بهددوا فى الناس, وألآ إيه!!

[Rebel]

#1475962 [مواطن مهضوم]
0.00/5 (0 صوت)

06-14-2016 09:50 PM
هو في شعب لسه ما هرب برا و بحرا و جوا من البلد دي؟؟!

[مواطن مهضوم]

#1475880 [سوداني ومحب للسودان]
5.00/5 (3 صوت)

06-14-2016 04:40 PM
ان شاء الله الثورة قادمة وفي القريب الآجل نبدأها من الخرطوم والولايات وحتى الدول الخارجية نقتلع الكيزان وكل من تلاعب بالدِّين والوطن ونحاسبهم على كل جنية اكلوهو ، ونستعيد الجنوب وحلايب وشلاتين والوفشقة ويرفع علم السودان عالياً يرفرف في كل الدول ونقول ارفع راسكـ وانت مسلماً عربياً افريقيا سودانياً

[سوداني ومحب للسودان]

#1475780 [سوداني]
4.88/5 (4 صوت)

06-14-2016 01:55 PM
الكارثة الحقيقية هي هؤلاء الاسلامويين سواء البشير او الترابي "عليه سخط الله " او غازي .. هذا منهج التخويف ومحاولة ايهام الشعب بانو ياالكيزان او الفوضى ولن تنجح هذه الخطة ... الشعب السوداني سيتعايش وحبحل مشاكلو ان شاء الله وثورة ثورة حتى النصر .. لعنة الله عليكم ياكيزان دنيا واخرة ..

[سوداني]

#1475759 [الحقيقة مرة]
5.00/5 (1 صوت)

06-14-2016 01:26 PM
أخوانا في حركة الاصلاح الآن : رجل بره ورجل جوه ....تحاورنا معهم كثيرا ...لديهم مشكلة في الثبات على المبدأ وليس لديهم منافستو واضح ...أسامة توفيق يقول كلاما ...يأتي بعده دكتور غازي بخطوة مخالفة ...ثم بعدها يظهر الاستاذ حسن رزق برأي مخالف للاثنين

[الحقيقة مرة]

#1475754 [Truth]
5.00/5 (2 صوت)

06-14-2016 01:16 PM
يركبوا الطيارة ممكن تكون لها ركوب اخر يعنى يركبوا التونسية و هى تعنى حصاد الندم و العدم و انت و انقاذك اول من سوف يركبون التونسية و نحن شعب البلد سوف نرتب اوضاعنا لاستعادة السودان و تنظيفه من بقايا القاذورات اما اعتقادك لهم باللجوء فهذا كان قديما الان تستطيع ان تعيد او تعييد مال منهوب من اى دولة و فى اسوأ الاحوال تجمد الاموال اذا لم يستقر الوضع السياسى فى الدولة يعنى الكيزان ما حيستفيدوا منها

[Truth]

#1475734 [Alkarazy]
5.00/5 (1 صوت)

06-14-2016 12:56 PM
لسانا نشف قلنا ولازلنا نردد ان ماكتب ستراه الجبين,, يقتل الخليفه ..وقتل مروع يصيب الناس.. ويصاب الناس بالبؤس.. .وتستبيح القوات البلاد ويخرج منها من يصلح العباد والبلاد,,,,هذا هو القدر مكتوب منذ ١٩٩٩

[Alkarazy]

#1475727 [ahmed ali]
5.00/5 (1 صوت)

06-14-2016 12:47 PM
يا قراء الراكوبة أسامة عباس خايف علي عضوية حزب الكيزان فهو يقول أن القيادات سوف تفر خارج البلاد وباقي العضوية ستتحمل النتائج لأنه في تقديره أن الثورة كارثة عليهم ، الدليل علي ذلك أنه لا يري أن السودان يمر بكارثة بكل المقايس فقط الكارثة بالنسبة لهم أن تكون هناك ثورة

[ahmed ali]

#1475721 [القريش]
4.50/5 (3 صوت)

06-14-2016 12:33 PM
القادم يأسامه ليس كارثه القادم ثوره ثوره ثوره تقتلع جذور الكيزان من اخرها ببساطه دا سبب الهلع والرعب وتانى مافى وهم وخرافه اسمها المشروع الحضارى او الهجره الى الله ولا شئ اسمو الكيزان والى الأبد!!!!!

[القريش]

#1475712 [السودانى الاصيل]
5.00/5 (2 صوت)

06-14-2016 12:19 PM
يمشوا وين والله العالم دا كله ضدهم و الله الا يمشوا جهنم ولو مشوا جهنم برضوا الشعب وراهم وراهم

[السودانى الاصيل]

#1475710 [Hozaifa Yassin]
4.63/5 (4 صوت)

06-14-2016 12:15 PM
الواحد مما يلفظه المؤتمر الوطنى يقوم طوالى على التنظير.يااسامة توفيق ياخى طالما انت شايف فى كارثة اكبر منكم جاية وكمان قبل الجمعية العمومية للحوار احسن ليك ان تتصالح مع ناس المؤتمر الوطنى ديل عشان يخلوك تركب معاهم فى الطيارة وتهرب لما تقع الكارثة .بس بالله الشعب ده خلوه فى حاله وماتتكلموا باسمه نهاءى لانه ماحصل فوضكم عشان تراعوا مصلحته .انتو سبب بلاويه كلها وهو اصلا شايف انكم انتو الكارثة الكبرى ومافى اى كارثة غيركم فبالله تكالبكم على الدنيا ده اعملوه مع بعض براكم .اما الشعب فهو قادر على نفسه .بلاش لعب على الدقون.الاعيبكم دى مفضوحة من زمان.

[Hozaifa Yassin]

#1475690 [الجبلابي]
5.00/5 (4 صوت)

06-14-2016 11:40 AM
شوف يا سيدي الحبيب ناس المؤتمر الوطني ما يفكروا لو جاءت انتفاضة يخرجوا خارج السودان أحسن ليهم يموتوا في بلدهم لأنو الله العظيم كل الشعب السوداني موجود خارج السودان بسبب سياساتهم وقهرهم وموجودين في كل دولة ... السودانيين وسوف يجدوا مصيرهم في اي مكان في أرض الله لأنهم عذابو الشعب تعذيب لذلك مصيرهم في اي بلد يذهبوا لها .. زي ما فعلوا بالحرامي مهدي إبراهيم في امريكا فهذه هي الخطة والاهانة التي سوف يجدوها الحرامية الفاشية

[الجبلابي]

ردود على الجبلابي
[عبدو] 06-14-2016 03:27 PM
خليهم نحن م نسينا لكن دخلونا الحراسات واسواط الكسين علي ظهورنا والسجن والغرامه واتهامنا باننا قتله لشخص توفي قبل ان نولد انا شخصيا لن انساك ي قاضي درجه اولي الازهري ما زالت صورتك امامي وانت ي حرس الجامعه بعرفك لمن شهدت علينا اليوم الخرجت فيه من السودان منتظر ارجع ليه بس ان شاء الله الم فيكم لن تفلتون



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة