الأخبار
أخبار إقليمية
السنوسي : لدي معلومات بأن المعارضة لن تنضم للحوار
السنوسي : لدي معلومات بأن المعارضة لن تنضم للحوار
السنوسي : لدي معلومات بأن المعارضة لن تنضم للحوار


06-21-2016 03:32 PM
الخرطوم : فاطمة أحمدون


قال الأمين العام للمؤتمر الشعبي أبراهيم السنوسي إن معلومات وصلته من العاصمة الأثيوبية أديس أبابا التى شهدت مؤخرا إجتماعات قوي نداء السودان بأن المعارضة لن تنضم للحوار وقال” لن ننتظر بلا نهاية وفى 6 اغسطس حيكون التنفيذ لمخرجات الحوار وستتشكل الحكومة الجديدة التى ستتولي التفاوض مع الرافضين”، وأضاف السنوسي خلال مخاطبته إفطار أمانة المراة بالشعبي بمنزل الترابي أمس “ما ممكن ننتظر ناس قاعدين فى الخارج”. فى سياق مغاير انتقد السنوسي ظاهرة بيع المراة للشاي، وأردف” ظاهرة ستات الشاي لاتليق بالسودان مما ممكن المراة تكون فى الشارع بالليل”، مطالبا الحكومة بان تؤمن لها سبل عيش، واعتبرها من المآسي، وأبدي السنوسي عدم ممانعته فى أن تتولي المرأة أعلي منصب فى الدولة، وأعتبر ظاهرة وجود اطفال مشردين ونساء فقيرات بأنها تعني عدم وجود دولة اسلامية.

اخر لحظة


تعليقات 17 | إهداء 0 | زيارات 5722

التعليقات
#1479020 [عادل]
0.00/5 (0 صوت)

06-22-2016 09:37 AM
كل الاقدر اقوله . اللهم اني صائم

[عادل]

#1478990 [كعكول في مرق]
0.00/5 (0 صوت)

06-22-2016 07:13 AM
أنا المستغرب فيهوالشعب السوداني أصبح لا يحركه أي شيئ منتظرين شنو بعد الحلقة العاشرة من الترابي شاهداً على العصر مع أحمد منصور؟؟؟ دا كنز من الفضائح لو في بلد تانية مش يسقط الحكومة دا مؤامرة زي دي لو انكشفت، حتى في مقال صحفي كان كل من شارك فيها انتحر في ميدان عام - فبالرغم من أن الشعب السوداني كله اكتشف المؤامرة في أول أيام إنقلاب الكيزان - إلا أنو إعتراف الترابي بتفاصيل ل المؤامرة ومسرحية (القصر حبيسا والسجن حبيسا) كان لازم يوم بث الحلقة الناس تكون في الشةارع - رمضان وللا شعبان - يشيلوا الزبالة دي ويدفنوها في أبعد أركان السودان كأنها نفايات نوويةونلش رمة الترابي ودفنها مع هذه الزبالة لأنهم أهانوا الإسلام والجيش السوداني والشعب السودانيز -

[كعكول في مرق]

ردود على كعكول في مرق
United States [عودة ديجانقو] 06-23-2016 07:24 AM
والله يا كعكول في مرق بجد ظلمت النفايات النوويه لأنها ببساطه لا تملك القدره فى التحكم فى قانون الماده الربانى الذى وضعه فيها... بمعنى لا يمكن فى يوم من الايام هذه الماده تقول انا الليله ما حأضر اى انسان لأنها فى حد ذاتها لا تعرف انها تسبب ضرر مقارنة بالكيزان لأن ربنا سبحانه وتعالى أطلق الحريه الكامله والتحكم فيها لبنى ادم فقط ليكونوا بنى آدمين او بهائم...والكيزان بدون فرز إختاروا ان يكونوا بهائم.

معادله حلوه مش كده


#1478971 [ود احمد]
0.00/5 (0 صوت)

06-22-2016 04:06 AM
( الناس ديل مفتكرين نفسهم الدين جابوا في السودان والحركة الاسلامية
الدين في السودان من زمن عبد الله بن ابي السرح
وظاهرة اطفال المايقوما وانتشار ستات الشاي بتسجيع من الحكومة لانهن بدفعن ضرايب اكتر من الراسمالية الانقاذية
لا نريد حوار نريد حكومة انتقالية وطنية ذات مهام محددة لانقاذ البلد من ثورة المفسدين

[ود احمد]

#1478950 [Truth]
0.00/5 (0 صوت)

06-22-2016 02:03 AM
هذا الرجل استعجلوا له هذا الحوار حتى يأخذ منصبا فى هذه الجوقة و هو فشل فى ان يدير كردفان واليا فحتما سوف يفشل حتى لو اصبح مدير مؤسسة

[Truth]

#1478942 [شاسلين القفة]
0.00/5 (0 صوت)

06-22-2016 01:26 AM
تصدق يا سنوسي حتى لو هم قبلو وعايزين ينضمو انتم ما بتخلوهم ينضمو انتو عايزنها لايصه شد وجذب كده عشان تكونوا عايشين لكين لكل شسيء نهاية

[شاسلين القفة]

#1478929 [سوداني ساكت]
0.00/5 (0 صوت)

06-22-2016 12:31 AM
افطار --- و مع امانة المراة ؟؟؟؟
يا شيخ الاجتماع مع النسا في نهار رمضان من المحظورات .
ام هناك فتوي تحلل كل ما هو محظور !!!!!!

[سوداني ساكت]

#1478923 [عبدالرحيم]
0.00/5 (0 صوت)

06-22-2016 12:03 AM
لو فعلا اجتمعتم في 6 اغسطس وبدأت تنفيذ مخرجات الحوار بحذافيرهاوالله اعتقد ان المعارضة ما عندها مانع تأتي للحوار مجاناً من غير اي منصب ولا سلطة ولا جاه ؟ بس انتوا ابقوا رجال ونفذوا مخرجات وتوصيات الحوار او بس اجتمعوا يوم 6 اغسطس فقط ؟

[عبدالرحيم]

#1478917 [عصمتووف]
5.00/5 (1 صوت)

06-21-2016 11:48 PM
بايع الجداد ف الاسواق يعلم جيدا بان المعارضة لن تأتي. معلومات شنو مفتكر عندك عملا ي منحط وكيف تتفاوض حكومة لحم الرأس مع ناس المعارضة وهي اصلا المعارضة لا تتعترف بها الا تكون عندكم معجزة او الاستعانة ببخرات بله الغايب وشيخ الامين او تراب الترابي

[عصمتووف]

#1478912 [معمر حسن محمد نور]
4.00/5 (1 صوت)

06-21-2016 11:25 PM
أنا بس مستغرب..لون الشراب بتاع السنوسي مختلف من لون شراب الترابي كيف ؟

[معمر حسن محمد نور]

ردود على معمر حسن محمد نور
European Union [الدرب الطويل] 06-22-2016 12:16 AM
والله انت طلعت خطييييير وعندك قوة ملاحظة قوية خلاص.. انا كنت مفتكر إنو لو الترابي فاطر بي ملاح روب السنوسي برضو بكون نفس الشي.. اتاري الحكاية ممكن تكون ملاح نعيمية وكده.. ههههههه..


#1478899 [Rebel]
0.00/5 (0 صوت)

06-21-2016 10:37 PM
إقتباس "...وأعتبر ظاهرة وجود اطفال مشردين ونساء فقيرات بأنها تعني عدم وجود دولة اسلامية."
* طيب!..آعدين ليه!!

[Rebel]

#1478883 [الدرب الطويل]
0.00/5 (0 صوت)

06-21-2016 09:00 PM
وأنا لدي معلومات بأن الشعبي سينضم للوطني!!..

وترجع الأختين ريا وسكينة!!.. أصله الضفر ما بيطلع من اللحم!!..

[الدرب الطويل]

#1478865 [ود الغبش]
0.00/5 (0 صوت)

06-21-2016 08:00 PM
الراجل عبيط جدا

[ود الغبش]

#1478839 [زول ساي]
5.00/5 (1 صوت)

06-21-2016 06:28 PM
ما انتم ناس الشعبي الفضلتم بتوع مخابرات واخبار فقط وللستم بتوعين أفكار

[زول ساي]

#1478838 [توفيق الصديق عمر]
5.00/5 (1 صوت)

06-21-2016 06:24 PM
الراجل دا بجد
كان بيفنكر انو في او كانت في دولة اشلامية؟

[توفيق الصديق عمر]

#1478819 [موسي]
5.00/5 (1 صوت)

06-21-2016 05:23 PM
كل ما اشوف الزول دا او اسمع عنه شئ احس بالغثيان ومرات بطرش عديل، انا ما شفت غباء في الدنيا زي الكمية العند الزول دا، حرام ياخد المساحة دي كلها من حياتنا، لكن اقول ليكم حاجة انا عرفت السبب، وهو انو الشعب السوداني اغبي منه، معقول امثال السنوسي ديل قاعدين 28 سنة كان ما الشعب السوداني غبي وبليد

[موسي]

ردود على موسي
[Mujahid Hassan] 06-21-2016 08:17 PM
و الله ما غبى الإ من يصف أمة بأكملها بالغباء


#1478800 [الغلبان]
5.00/5 (1 صوت)

06-21-2016 04:05 PM
يا سيدي لا احد يصدقكم في اي شئ يا سنوسي

[الغلبان]

#1478791 [فيلق]
5.00/5 (3 صوت)

06-21-2016 03:47 PM
وانت يا....اول مره تعرف ستات الشاي واطفال الشوارع يا خنيت
المعارضة لن توقع علي الانقاذ2
سوف نقتلعكم يا عاهرين

[فيلق]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة