الأخبار
أخبار إقليمية
مها الشيخ " زوجة مدير جهاز أمن البشير " تثمن دور الإعلاميين في القضايا الوطنية
مها الشيخ " زوجة مدير جهاز أمن البشير " تثمن دور الإعلاميين في القضايا الوطنية
 مها الشيخ


في إفطار أمانة الإعلام بالحركة الاسلامية :
06-25-2016 01:13 PM
الخرطوم ( سونا ) - أقامت أمانة الإعلام والتوثيق بالحركة الإسلامية إفطارها السنوي مساء الجمعة وسط حشد إعلامي نوعي أمه قادة العمل الإعلامي ورؤساء التحرير والصحفيين.

وأوضحت الدكتورة مها الشيخ الأمين العام للإعلام والتوثيق بالحركة الاسلامية أن الإفطار قد درجت الأمانه علي إقامته كل عام، وجاء هذا العام جامعا لكل ألوان الطيف الإعلامي بقادته ومهنييه ، مبينة أنها نقاط التلاقي بين كل الإعلاميين أكثر من نقاط الخلاف، وثمنت وقوفهم بقوة في القضايا الوطنية على رأسها قضايا السلام والحوار وتوقيع الحكومة على خارطة الطريق ووقف اطلاق النار وكافة القضايا المطروحه في الساحة .

وعبرت عن سعادتها وعظيم امتنانها وشكرها لكل من لبي الدعوة وشارك في الإفطار، وأضافت إن الإفطار انطلق من موروثنا السوداني الأصيل والمتجزر والعميق في الترابط والتواصل.


تعليقات 14 | إهداء 0 | زيارات 20943

التعليقات
#1480743 [alwatani]
0.00/5 (0 صوت)

06-26-2016 06:08 PM
السنة دى الاعلامين الله يكون فى صيامة كل يوم فى ماسسة من مال الشعب يلهطوا

[alwatani]

#1480599 [الحقيقة]
0.00/5 (0 صوت)

06-26-2016 01:40 PM
كم كدى بكرة حنقرأ المشير أركان حرب الدكتور عمر حسن أحمد البشير

[الحقيقة]

#1480542 [وحيد]
5.00/5 (1 صوت)

06-26-2016 11:52 AM
الدكتورة مها الشيخ؟ يظهر انو جامعات الكيزان بتوزع شهادات دكتوراه اكرامية للكيزان ... من اي جامعة و في اي تخصص و كيف؟
يجب مراجعة جميع الشهادات الجامعية و فوق الجامعي لكل الكيزان الذين حصلوا عليها بعد الانقلاب .. بما في ذلك ماجستير الرئيس - غالبا الان ادوهو الدكتوراه يعني فيه حد احسن من الرئيس؟
مراجعة يعني التحقيق مع العلوق الذين استخرجوا الشهادات و امتحان الكوز صاحب الشهادة

[وحيد]

#1480520 [الحلومر/خريج الابتدائية]
0.00/5 (0 صوت)

06-26-2016 10:42 AM
مها الشيخ " زوجة مدير جهاز أمن البشير " تثمن دور الإعلاميين في القضايا الوطنية
الأيام حبلى هل ستكون السيدة الأولي في السودان ؟؟

[الحلومر/خريج الابتدائية]

ردود على الحلومر/خريج الابتدائية
[عبدالواحد المستغرب اشد الإستغراب!!] 06-26-2016 06:21 PM
والله العظيم انا برضو عندى إحساس زى ده ومتأكد إن الأطرش حيعملا فلاثنين من الجيش لكن مدير جهاز الآمن مرتو عندها دكتوراة مش زى البهيمه الاسمها وداد بابكر الما قدرت تكمل ثانوي عالى لضيق ذات اليد الما صدقت واقعه بلع عشان تعوض القديم لما كانت بتناول الملاح البايت من فوق الحيطه !! يارب هي متذكره الأيام ديك ؟!! وبالمناسبه ممكن نعرف الديه الادفعت للهالك زوجها الأول كتال الكتله على الآقل كان عرفنا المدفوع كام ربما نغير رآينا لاتهامنا لها بانها سافه البلد..شوية شفافيه يا نظام الهم والغم الله لا طرح فيكم بركه!!.


#1480501 [قرعم]
0.00/5 (0 صوت)

06-26-2016 09:39 AM
اخر الزمن الكوزه الأمنية تتكلم عن الوطن
الوطن عندكم التنظيم بالا خمه معاكم نسال الله أن يكيل لكم بمكيالين ما كلتم للسودان ويصلط عليكم من لا يخافوه ولا يرحمكم

[قرعم]

#1480409 [مدحت عروة]
4.00/5 (1 صوت)

06-26-2016 01:03 AM
يا جماعة ما تتكلموا ساكت فى الحركة الاسلاموية قبل ما تجى الحركة الاسلاموية لحكم السودان عن طريق صندوق الانتخابات فى 30/6/1989 هل كان السودانيين بيعرفوا اسلام وصلاة وزكاة وصيام وعمرة وحج؟؟ ما كانوا بيعبدوا الاصنام والبلد كلها فى سكر وبرطعة الى ان جاءت الحركة اسلاموية وجهرت بالدعوة وخرجت من دار الارقم بن ابى الارقم والحمد لله السودان الآن ينعم بالاسلام والطهر وعدم الفساد وعبادة رب العباد!
كسرة:وكمان علموا الناس اكل الهوتدوق والبيرغر والبيتزا ولاول مرة شافوا الكهرباء والموية فى المواسير!!!

[مدحت عروة]

#1480387 [الداندورمي.]
0.00/5 (0 صوت)

06-25-2016 11:50 PM
الإفطار ده،،،الدفع تكاليفه منو؟
ولو،،،التكلفه ١٠ مليون تكون عشره مليار
تمشي للتماسيح تماسيح تنهشكم يا،،،حراميه.

[الداندورمي.]

#1480313 [ود الخرطوم]
4.50/5 (2 صوت)

06-25-2016 07:56 PM
لواء أمن شعبى الدكتورة مها الشيخ الأمين العام للإعلام والتوثيق بالحركة الاسلامية والأمين العام لمنظمة سند الخيرية زوجة الفريق محمد عطا مدير جهاز المخابرات والأمن الوطنى.

زيتهم فى بيتهم

[ود الخرطوم]

ردود على ود الخرطوم
[باكاش] 06-26-2016 04:10 AM
حسه دي تلقاها اغني من وداد زاتها..
ولواء امني كمان والله غايتو الاسلامين
استباحو البلد.


#1480288 [عبدالواحد المستغرب اشد الإستغراب!!]
4.88/5 (5 صوت)

06-25-2016 06:20 PM
دى قعدت مع الرجال بدون (محرم) كيف؟ الشريعه ما مطبقه في البلد دى ولا شنو؟!! المعتمد الجمع السفراء وبيجذر في رعايا اثيوبيا وارتريا وين من الحرمه العازمه الرجال فطور رمضان؟!! ولا الحرمه دى خارج نطاق مسئولياتوا؟!! والله لو انا كنت محل السفيرين كنت سآلتوا سؤال مباشر إشمعنى نساوينكم بيقعدوا مع الرجال بدون محرم وحسب علمنا المتواضع الإسلام بيحرم الكلام الفارغ ده!!.

[عبدالواحد المستغرب اشد الإستغراب!!]

#1480287 [ابو لستك]
4.50/5 (3 صوت)

06-25-2016 06:19 PM
يا بنت الناس. والله العظيم الحركة الاسلامية بتاعتكم دى مكروهة و مقرفة وكافو سودانى دايرها لكنها قاعدة فى انفاس الناس بالقوة وببطش جهاز الأمن بتاع زوجك عليكم الله اختونا جاى ولا جاى.

[ابو لستك]

#1480275 [suraj]
4.25/5 (3 صوت)

06-25-2016 05:39 PM
اللهم عندما يتلم التعيس مع خائب الرجاء اللهم نسألك أن تأخذهم أخذ عزيز مقندر الله ارحنا منهم . كل كوز ومتكوز .. اللهم ارنا فيهم قدرتك وبطشك وسخط ..اللهم انهم آذوى عبادك .الضعفاء من عبادك فاللهم انتصر لهم . ... اللهم اهلك الكيزان ومن سايرهم وواددهم .. الله ارمل زوجاتهم ويتم اوﻻدهم .... اللهم اميييين

[suraj]

#1480271 [Samona]
4.50/5 (4 صوت)

06-25-2016 05:18 PM
خلاص بقت دكتوره؟

[Samona]

#1480256 [عدو الكيزان وتنابلة السلطان]
4.25/5 (4 صوت)

06-25-2016 04:57 PM
أكلتو وشبعتو وربيتو ليكم جضوم بأسم الإسلام، ممكن تخدعوا الناس، لكن ربنا حتمشوا منه وين؟

[عدو الكيزان وتنابلة السلطان]

#1480228 [ahamazole]
4.50/5 (3 صوت)

06-25-2016 03:21 PM
هي ما بختنا

[ahamazole]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة