الأخبار
أخبار إقليمية
شاب يخترق الحواجز الأمنية بمطار الخرطوم ويصعد إلى طائرة بلا جواز
شاب يخترق الحواجز الأمنية بمطار الخرطوم ويصعد إلى طائرة بلا جواز
شاب يخترق الحواجز الأمنية بمطار الخرطوم ويصعد إلى طائرة بلا جواز


06-26-2016 02:40 PM
الخرطوم :
أوقفت الشرطة بقسم العمارات شاباً على ذمة التحقيق بتهمة الإخلال بالسلامة العامة لتسلله إلى داخل مطار الخرطوم متخطياً كل الحواجز الأمنية حتى صعد إلى داخل طائر تتبع لشركة تاركو متجهة إلى السعودية تقل معتمرين ومقيمين بالمملكة.

وأوقفت الشرطة- ضابط الجوازات وعدداً من العاملين في تأمين المطار عن العمل وفتحت تحقيقاً بحقهم بسبب الخلل الأمني الذي حدث. وكانت مضيفة في الطائرة قد اكتشفت زيادة في عدد ركاب الطائرة المتجهة إلى السعودية واستفسرت الركاب ولوَّح المتهم بأنه ليس من الركاب ولكنه صعد إلى الطائرة لمرافقة والدته التي صعدت إلى الطائرة للذهاب إلى السعودية لأداء العمرة فأبلغت مسئول الأمن الجوي.

الصيحة


تعليقات 43 | إهداء 0 | زيارات 57708

التعليقات
#1481316 [محمد سعد]
4.00/5 (1 صوت)

06-27-2016 05:36 PM
و هل نفس هذا التسّيب و الإهمال موجود أيضاً فى صالة كبار الزوار الذين لا يقفون فى صفوف الجمارك و الوزن و البوليس ؟؟

[محمد سعد]

#1481285 [almahi]
0.00/5 (0 صوت)

06-27-2016 04:26 PM
طبعا سودانير راحت انتهت ونهواها مثل هؤلاء الناس عدم انضباط ولا احترام بالله عليكم دا موظف خالف رجلوا كأنه جالس فى بيت ابيه وامه اقلها احترم خلق الله هذه طبعا ما فى مسؤل ولا احد يقول ليه ثلث الثلاثه كم وهذا العنجهية اتية من الجهل والتخلف لذا كله مطار الخرطوم حينتهى كما سودانير طالما هؤلاء موجودون العام الماضى عندى تذكرة فيرست كلاس مشيت للبنت لاختم الجواز قالت لى اقيف فى الصف ما شيف الناس ديل قلت ليها انا عندى درجه اولى قالت برضوا اقيف مع الناس ما عاوزه كلام كثير قلت لها عجيب ومشيت وقفت وراء الناس هذا هو مطار الخرطوم ومنسبوه الله يستر الحال . والله المستعان

[almahi]

#1481278 [عبدالواحد المستغرب اشد الإستغراب!!]
0.00/5 (0 صوت)

06-27-2016 04:09 PM
عادى زى الزبادى والشاب ده إذا لم تتداركه رحمه من ربنا حيروح فيها اونطه والأرجح بل من المؤكد إنه كان في صحبة والدته حتى يوصلها المقعد المخصص لها داخل الطائره ثم يعود ادراجه وحسب خبرتى مع مطار الخرطوم فهو احد الأماكن التي تتفشى فيه المعرفه والواسطه والمحسوبيه وخاصة صالة الجمارك واقسم لكم بالله على عدة مرات شاهدت ركاب معهم ماقل وزنه وعظم ثمنه وكراتين إيه وبقج إيه؟!!يمرون مرور الكرام دون ان يفتشوا حتى لو فضح امرهم جهاز فحص الحقائب وتجد عدد المتواجدين في الصاله آكثر من عدد الركاب من بينهم ضباط نظاميين وجمارك بملابس مدنيه في غير اوقات الورديه وهؤلاء غالبا ما يكون قد كلفوا بعض تجار الشنطه الذين يزرعون المطار جئتا وذهابا أن يحضروا لهم بعض الأشياء التي تخصهم والاتصالات حاضره فيعلم الضابط موعد قدوم التاجر فينتظره ليخلص له بضاعته ويستلم الآمانه! وانا ازكر ذات مره كانت هناك ثلاث سفريات مغادره في وقت مقارب جدا مما خلق زحاما شديدا فإضطر مسئولوا الآمن بتمرير كافة الركاب دون التفتيش الروتينى !! وفي مره آخرى اضطرن موظفات الكاونتر تمرير كافة شنط الركاب دون إخضاعها للوزن لان خط الكهرباء في الكاونتر كان عطلان هذا هو مطار الخرطوم (الدولى) وانا اجزم بأن رئيس المضيفين في كافة الطائرات الهابطه لمطار الخرطوم يعلن الركاب بأن الطائره على وشك الهبوط لمطار الخرطوم الدولى وهو في غاية الحرج الخجل من كلمة (الدولى) وخاصة وهو شاهد على شكل المطار الذى أقلعت منه الطائره!! ادعو معى للشاب الغلبان قبل ان يبطش به جلاوزة الآمن!!

[عبدالواحد المستغرب اشد الإستغراب!!]

#1481228 [Mustafa]
0.00/5 (0 صوت)

06-27-2016 02:28 PM
When God created the Sudan ,he laughed .

[Mustafa]

#1481222 [DABAYOU BAD]
0.00/5 (0 صوت)

06-27-2016 02:21 PM
أنتو شايفين عسكري أوضابط مراقب جهاز التفتيش وكيف خلفة ارجل ..عدم أحترام للمهنة والموقع ويادنيا مافيك الأنحنا .!!!!

[DABAYOU BAD]

#1481178 [أم شلوخ]
5.00/5 (1 صوت)

06-27-2016 01:16 PM
والله صحى الشعب السودانى كسول أهو واحد ركب الطيارة لا جواز لا تأشيرة دليل على انو البلد هاملة و سايبة الشعب ده ما قادر على حكومة متهالكة بتلفظ فى اخر أنفاسها حكومة عاجزة عن أى شىء يعنى إلا يطلع ليكم عمر البشير و يترجاكم تشيلوهو بره و لا شنو

[أم شلوخ]

ردود على أم شلوخ
[محمد عبدالرحمن] 06-27-2016 04:55 PM
الناس تشتغل وتكدح خارج البلد لانو كل العرب بقولو انحنا كسالا وانتي تجي تثبيتها علي نفسك .
في مطارات دول عظمه بتخترق .
فبلاش تقولو السودان كلو كسالا بسبب اشخاص


#1481165 [كاكا]
0.00/5 (0 صوت)

06-27-2016 12:41 PM
كان مسك خشمو عليه كان قام

[كاكا]

#1481140 [أبو محمد البكري]
5.00/5 (1 صوت)

06-27-2016 12:01 PM
هي الحكاية عدد بس ؟ طيب كان يقعد في الحمام لحدي مايعدوهم !!! والله شغلتكم جايطة جنس جوطة . بالعدد بس زي السوكرة .

[أبو محمد البكري]

#1481137 [أبو محمد البكري]
0.00/5 (0 صوت)

06-27-2016 11:58 AM
كان يقعد في الحمام لحدي مايعدوهم . هي الحكاية عدد بس والله شغلتكم جايطة جنس جوطة .

[أبو محمد البكري]

#1481131 [الطيب علي يوسف الكاهلي]
0.00/5 (0 صوت)

06-27-2016 11:45 AM
والله حاجه تحير اين الامن والامان

[الطيب علي يوسف الكاهلي]

#1481128 [ود المهدي]
4.00/5 (1 صوت)

06-27-2016 11:37 AM
دا خلل الخدمة المدنية بالسودان مما اربك الخدمة في أي مجال بالبلد وأدى ذلك لخلل تام في مرافق الدولة ومن بينها المطار وغيره من الدوائر الحكومية :


فالدولة فاشلة وليست هناك دقة في العمل أصلا بلد هامل كان ما هامل الترابي ب 150 ضابط اقلب حكم السودان عام 1989م وادى لخراب البلد وأهله حتى اليوم؟

[ود المهدي]

#1481125 [استاذ]
5.00/5 (1 صوت)

06-27-2016 11:31 AM
شئ عادى تلاحظ فى المطار ان كنت قادما من الخارج وجود اشكال والوان من الناس لا صلة لهم بإدارة المطار وكل واحد ياتى للمسافرين ويختار شخص او أشخاص من الصف ويتعدى الراكبين الآخرين عينك يا تاجر وسط إندهاش الآخريين وخاصة من الأجانب بالإضافة الى أن الأشخاص المسئولين لا تبدو عليهم اى مؤهلات تسمح لهم التواجد فى هذه الأماكن الحساسة، وعلى العموم نتمنى أن تكون هذه الحالة عبرة لتطهير المطار وتعيين شباب أكفاء مع تديبهم لمثل هذه المواقع.

[استاذ]

#1481122 [عبدالرحيم]
0.00/5 (0 صوت)

06-27-2016 11:25 AM
السنة الفاتت وصل شاب بدون جواز الى مطار المدينة على رحلة سودانية لا اذكر الشركة وكان مرافقا لامه تم ضبطه في مطار المدينة في التحقيق قال ليهم والله امي على كرسي متحرك ساعدتها بدفع الكرسي حتى دخول الطائرة مافي زول سألني قمت قعدت وده الحصل. اعادوه الى الخرطومفي رحلة لاحقة لنفس الخطوط. مع الفوضى الحاصلة دي ده يعتبر انجاز كونه يضبطوه في الطائرة قبل المغادرة.

[عبدالرحيم]

ردود على عبدالرحيم
European Union [سامي] 06-27-2016 01:36 PM
رضا الله في رضا الوالدين . الراجل ساعد والدته وشاف المدينة المنورة - اطباء بلاحدود


#1481054 [جرية]
0.00/5 (0 صوت)

06-27-2016 09:57 AM
عايره وأدوها سوط

[جرية]

#1481027 [الديمقراطى]
5.00/5 (2 صوت)

06-27-2016 09:26 AM
يا حليلنا فى السودان. كان فى واحد حيروح مننا و نبقى تلاتين مليون ناقص واحد.

[الديمقراطى]

#1481019 [مريود]
5.00/5 (1 صوت)

06-27-2016 09:13 AM
عيييييييييييييييييييييييييييييييييييييييييييييك الكتراااااااااااااااااااااااااااااااااااااابل.

مرة معانا واحد زيادة على سودانير طالعة من الخرطوم بس عندو تأشيرة ونفس الوجهة.

في اتنين أطفال يعني عمر 10 12 كدا أهلهم حاجزين لهم مقاعد ومريحين .

أحرجهم المضيفون بالاعتذار ولموهم سوا و قعدوا صاحبنا ويا دار ما دخلك شر.

شوف كيف تحل المشاكل بكل بساطة . مش قالوا الجعلي بعدي يومو خنق؟

[مريود]

#1480993 [احمد]
0.00/5 (0 صوت)

06-27-2016 08:24 AM
فى الصورة لاحظو للعسكرى المسؤل فى البوابة اوجهاز الكاشف .. كيف خالف رجل فى رجل لااحترام للمهنة لااحترام للمغادرين

[احمد]

#1480897 [مسافر ضائع]
5.00/5 (5 صوت)

06-27-2016 12:33 AM
العام االماضي وبعد الركاب ما انتظمو في طائرة تاركو المتجهة الى القاهرة لاحظنا ان الطاقم كان يتناوب في عملية عد الركاب وبكريقه بدائيه ومضحكه ويذهبون بعيدا ويتكلمون...بعد طول انتظار سألهم احد الركاب في شنو يا اخوانا قالو ليهو عدد الركاب زائد اثنين...واستغرق البحثاكثر من ربع ساعه ليكتشفو ان هناك شابين حاجزين على السودانيه ودخلو صالة تاركو واجتازو كل الاجراءات واخدو بوردات لمقاعد في الطائرة...مطار الخرطوم به اشكال تحتار في كيف تم تعيينهم ضباط جمارك او موظفي طيران او حتى عمال ارضيات

[مسافر ضائع]

#1480883 [Justice Fighter]
3.00/5 (2 صوت)

06-26-2016 11:56 PM
يكون دا واحد عندو بطاقة مؤتمر وطني&&ما غريبة

[Justice Fighter]

#1480878 [مالك الحزين]
5.00/5 (2 صوت)

06-26-2016 11:45 PM
يعنى كان في راكب إتخلف ,, ما كان المضيفه كشفته ,, لانها قالت إنها عدت الركاب ووجد في واحد زياده , لو وصل جده برضو كان رجعوه,, لاجواز ولا تأسيره

[مالك الحزين]

#1480862 [AAA]
5.00/5 (14 صوت)

06-26-2016 11:24 PM
يعني لو كان لابس لبس طيار..كان قام بالطيارة بنمرة خمسة..

[AAA]

#1480843 [كومبارس]
5.00/5 (1 صوت)

06-26-2016 10:46 PM
يا غِرِّقتْ يا جِيتْ حازمها

[كومبارس]

#1480838 [صلاح حسن]
4.99/5 (9 صوت)

06-26-2016 10:41 PM
هذه الحادثة سوف يكون لها عدة عواقب منها على سبيل المثال:

- سوف تزيد من عدم ثقة العواصم الاجنبية فى أى طائرة تأتى من الخرطوم .
- سيكون مطار الخرطوم فى وضع إشتباه دائم لإمكانية تسلل عناصر إرهابية أفراد أو معدات مهربة لتلك العواصم .
- سيفقد النظام السودانى ثقة دول العالم فى جديته فى محاربة الإرهاب كما كان يصرح و يعلن .
- سيفقد المسافر (مواطن أو اجنبى) الأمن و الامان عندما يكون مسافراً من مطار الخرطوم أو عابراً ترانزيت منه بسبب إمكانية إختطاف او تهديد لرحلة الطائرة .

و فى كل الحالات فسوف لن تمر هذه الحادثة مرور الكرام من العواصم الخارجية على الرغم من ان السلطات السودانية ستعتبرها حادث عارض كأنه شيئ لم يحدث , و هنا المصيبة .

و عموماً كان يجب مكافئة هذا الشاب الذى كشف موضع الخلل و سوء الإدارة بدلاً من توقيفه و إعتقاله .

[صلاح حسن]

#1480830 [المسلمي]
4.94/5 (5 صوت)

06-26-2016 10:24 PM
الطيارة انشاء الله لقي فيها بوري

[المسلمي]

#1480820 [ابومحمد]
5.00/5 (1 صوت)

06-26-2016 09:39 PM
هذا عنوان للفوضى والتسيب وغياب الضبط الامني وهذه صورة مصغرة لفوضى ادارة الدولة

[ابومحمد]

#1480813 [منصورالمهذب]
5.00/5 (2 صوت)

06-26-2016 09:21 PM
اهو برهان عملي يا شباب ، بلد سايبا و سبهلل، فاذا تحركتوا لن يوقفكم احد:
على الطلائع الثورية اشعال نار حرب عصابات المدن بكل العواصم.

[منصورالمهذب]

#1480805 [Konda Angelo]
5.00/5 (8 صوت)

06-26-2016 09:07 PM
ما كان أشرف لك ان تتسلل لمنزل عمر البشير

[Konda Angelo]

#1480801 [omer mhmood]
5.00/5 (7 صوت)

06-26-2016 09:04 PM
للصراحه مثل هذا الشاب يفترض مكافأته لأنه كشف الخلل والسبهلليه التي تدار بها الأمور في المطار والجواب يكفيك عنوانو بالله كل مطارات الدنيا تفتح النفس من نظافه وبهاء وجمال المكان أول ما تجي نازل مطار الخرطوم تجد الإضاءه منخفضه وشبه مظلم والموظفين أي واحد لابس علي طريقتو والشي الذي يعجبو واحد لابس أسود وواحد لابس زي شرطي وواحد لابس زي موظفي شركة الهدف منتهي الفوضى وكمية من الورق أمسك أكتب انا ما
استخدمت قلمي الا في مطار الخرطوم معلومات شنو وقادمين بتاع شنو

ما هذا متى نشبه نحن بقية العالمين

[omer mhmood]

#1480796 [صادميم]
5.00/5 (2 صوت)

06-26-2016 08:58 PM
هذا الشاب كان ينوي السفر مع والدته حتى السعودية وفي نيته الهجرة ولكنه لم يكن يعلم بان المضيفة ستقوم بعد الركاب قبل المغادرة والا كان غادر الطائرة بمجرد ان جلست والدته علي مقعدها وقبل اغلاق باب الطائرة.

[صادميم]

#1480745 [بكري الصائغ]
4.47/5 (11 صوت)

06-26-2016 06:13 PM
١-
كل مافي الامر، ان الشاب وجد كل العاملين في المطار في حالة نوم عميق (لانهم كانوا صائمين) مثل نوم نواب المجلس الوطني!!، فتخطاهم ودخل الطائرة!! استغرب ان المضيفة لم تكن نائمة!!
٢-
***- لا اكتب هذا التعليق كنوع من الشماتة، لكن الحكاية قد تكررت، وسبق من قبل ان راكب من مطار الخرطوم الي القاهرة بصحبة سبعة قرود!!، وهناك في مطار القاهرة تم ضبط القرود!!..استغربت ادارة مطار القاهرة كيف خرجت القرود من مطار الخرطوم؟!!
٣-
طلاب (داعش) خرجوا من مطار الخرطوم ووصلوا الي تركيا!!

[بكري الصائغ]

ردود على بكري الصائغ
[AAA] 06-27-2016 06:51 PM
الحبوب بكري الصائغ...المذكور كان لابس طاقية اختفاء هههههههه..


#1480728 [ابو اخلاص]
4.75/5 (3 صوت)

06-26-2016 05:31 PM
لو ما كشف نفسه لا اعتقد انهم يكشفوه

[ابو اخلاص]

#1480723 [Guardon plus]
5.00/5 (5 صوت)

06-26-2016 05:17 PM
حقو تجيبو ناس الجنجويد و حميدتي لحماية المطار بعد كدا

[Guardon plus]

#1480714 [Rebel]
5.00/5 (3 صوت)

06-26-2016 04:56 PM
* يقولوا ليك "تمكين الدين"!..و هم قاصدين "تمكين" الفشل و الفاشلين و المعاقين ذهنيا و العفن!.."الدين" ده مدخلنو ساى!..يعنى زى ما بقولوا ليك "هى لله", طلعت آوت ساى, و بقت "هى" لصوصيه و نصب و احتيال!
* عرفت بنتك الداعشيه سافرت تركيا كيف يا "المتحدث الرسمى للخارجيه!", يا اهبل يا مغفل يا "نافع"!..تانى أجرى ورا الكيزان!..ديل غطسوا راس الدجال و النمس الكبير الترابى, لامن الموظفين الزيك ديل!!

[Rebel]

#1480709 [هدهد]
5.00/5 (3 صوت)

06-26-2016 04:44 PM
منتهى الفوضى لا يحصل مثل هذا في اصغر دولة لذلك اصبحت الخطوط الاجنبية والعربية لا تثق في تأمين طائراتها من الخرطوم لسوء كفاءة الامن وعدم النظام والانضباط . لك الله ياوطن السودن اصبح مهزلة في عهد الكيزان .

[هدهد]

#1480707 [A. Rahman]
5.00/5 (3 صوت)

06-26-2016 04:43 PM
الغريب شنو؟ مش قبل كدا سافر عدد من الشباب الذين التجقوا بداعش بدون جوازات و بدون علم أهاهم (كما قالوا)، و منهم واحدة أبوها كان وكيل الخارجية بالإنابةأو شيء من هذا القبيل؟

[A. Rahman]

#1480691 [عكرمه]
5.00/5 (6 صوت)

06-26-2016 03:56 PM
لاحول ولاقوة الا بالله.... بحري نفر دي ما تحصل حتي في النقل البري!!!!!! بالرغم انو مافيهو ضابط جوازات او شرطه حيث توجد الحكومه يوجدد التثيب.

[عكرمه]

#1480688 [cool]
4.50/5 (9 صوت)

06-26-2016 03:48 PM
التمكين والصالح العام وتجار الدين والنتيجه انهيار الدوله السودانيه وانسانها
لن ينصلح حال بلادنا واخوان الشيطان يدوسون على عزتها وكرامتنا.

[cool]

#1480682 [محمد سعد]
4.75/5 (16 صوت)

06-26-2016 03:35 PM
دة شاب أمين و شهم و شجاع كان يجب مكافئته بعد ان كشف لكم سوء نظامكم و تنظيمكم و أثبت ان أجهزة منكم إشاعة و انها نمر من ورق .

[محمد سعد]

#1480657 [خالد]
5.00/5 (8 صوت)

06-26-2016 03:07 PM
بلد ماشه سمبلا

[خالد]

#1480655 [اسعد حامد]
4.94/5 (7 صوت)

06-26-2016 03:06 PM
دي الشرطه والله بلاش

[اسعد حامد]

#1480641 [ودالفاضل]
5.00/5 (4 صوت)

06-26-2016 02:50 PM
بلد سايبه ساكت

[ودالفاضل]

#1480639 [ودالفاضل]
5.00/5 (3 صوت)

06-26-2016 02:49 PM
بلد سايبه ساكت

[ودالفاضل]

#1480638 [Truth]
4.94/5 (8 صوت)

06-26-2016 02:47 PM
لى توقيف ضابض الجوازات ما المطار عبارة عن مقاطعات و دول ناس الامن براهم ناس الخدمة الوطنية براهم ناس البوليس براهم ناس الطيران المدنى براهم و يجب ان تكون سلطة واحدة و الحمدلله ان حسن نية الشاب قد وضح لكم الفوضى فى مطار الخرطوم و قبل ان تظهر بمختطف او داعشى

[Truth]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة