الأخبار
أخبار إقليمية
الشرطة تقمع مواطنين بسبب إحتجاجهم من أزمة حادة في الحصول على مياه الشرب بالقوز
الشرطة تقمع مواطنين بسبب إحتجاجهم من أزمة حادة في الحصول على مياه الشرب بالقوز
الشرطة تقمع مواطنين بسبب إحتجاجهم من أزمة حادة في الحصول على مياه الشرب بالقوز


صعوبة الحصول على المياه حتى من أصحاب "الكارو"،
07-01-2016 09:53 PM
فرقت قوات الشرطة، الجمعة، احتجاجات لمواطني حي القوز وسط الخرطوم، وذلك بسبب انقطاع الإمداد المائي من المنازل منذ بداية شهر رمضان الكريم.

وأبلغ مواطنون بأنهم ظلوا يعانون من أزمة حادة في الحصول على مياه الشرب النقية لانقطاع الإمداد عن منازلهم باستمرار إلا في ساعة متأخرة من الليل، مما اضطرهم للجوء لأصحاب "الكاروهات" بهدف جلب المياه إلى المنازل.

واشتكى المواطنون من صعوبة الحصول على المياه حتى من أصحاب "الكاور"، في ظل تصاعد أسعار برميل المياه وتفاقم الأزمة مع أواخر شهر رمضان. وأضافوا "مع الصيام بات الحصول على الماء حكاية".

واستغرب مواطنو القوز صمت هيئة مياه الخرطوم على الأزمة التي ضربت الحي منذ بداية شهر رمضان، مناشدين والي الخرطوم والجهات المختصة بالتدخل الفوري لحل الأزمة، خاصة وأن عيد الفطر على الأبواب والحاجة مستمرة وتزداد للمياه.

شبكة الشروق


تعليقات 5 | إهداء 0 | زيارات 5931

التعليقات
#1483218 [غسان المقتول]
5.00/5 (5 صوت)

07-02-2016 06:17 AM
معتمد بنطلونات وين مشي ما يشوف مشاكل الناس و يبطل الفراغ.. يستفرغ فيك سكران شارب جالون عرقي...

[غسان المقتول]

#1483200 [كربكان]
5.00/5 (5 صوت)

07-02-2016 02:57 AM
افشل شعب فى الدنيا...

بمناسبة موضوع المويه دا نحن عندنا اكبر منظر فى موضوع المياه فى لاعالم وحت انه عمل فى البنك الدولى ومعروف عنو رجل عالم فى مجاله ولكن كعادة الشعوب التى تحب التنظير اهو شعب عندو نيلين وكم وعشرين فرع منهم والناس عطشانييييين عديل كدا....
يعنى دى تتفهم كيف غير اننا بس بنعرف ننظر وفقط... لكن لمن تجى للشغل والإنتاج نحن صفر سواء كان الحكم عسكرى ولا ديمقراطى.... ياها دى حالتنا ماحتتغير وكنا على نفس هذه الحالة فلذا تدهورت حضارتنا فى زمن ما بسبب التنظير وبعدها دخلو علينا العرب وتمو الباقى وشويه شويه بقينا نقسم فى البلد وبعد شويه السودان حيتقسم لى قرى وكل قرية لها رئيس وعلم وإذاعة وتلفزيون وهلمجرا زى مابقول الصادق المهدى...

على العموم هسى نحن فى موضوع المويه، ياهوداك النيل قدامكم بدل واحد اتنين ابيض وازرق يعنى مافى زول قادر يصنع ليهو شادوف ولا ساقية يسقى بيها ناس بيتو طالما ماقادرين نتحرر من الكيزان سبب كل البلاوى دى... ولا يمكن كترة النضم بتروى... اظنها عشان كدا احسن ليكم من التعب الكتير فى سك المويه احسن ليكم تنضمو ربما يقيكم النضم من العطش...

[كربكان]

#1483195 [sudanese]
5.00/5 (4 صوت)

07-02-2016 02:10 AM
اللهم عليك بهذه الوجوه الكالحه فانها لاتعجذك فانهم قد ساموا عبادك العزاب ..

[sudanese]

#1483174 [ود الفاضل]
4.88/5 (4 صوت)

07-02-2016 12:32 AM
وسائل التواصل السودانية حافلة بخبر نامل ان يكون كاذبا ولكن فى زمانهم كل دخان توجد تحته نارا تلظى . يقولون والمسئولية على الراوي الاول ان اليونان تتفاوض مع السودان لشحن مخلفات الني ادمين الى موانئ السودان بغرض معالجتها كثماد العياذ بالله من هذا المصير ...
احد الاخوة المتداخلين انزل قصيدة وقال كتبها ايام وصول اليخت الرئاسي الاعرج
وهي الاتية:
#40
Title: Re: السودان يستورد البراز اليونانى ... تخيلوا !!!!
Author: Mannan
Date: 05-01-2013, 04:36 AM
Parent: #38

قلبى الحابيكا
يا الصادق سيكا
......
يا أخى دة بوست ظريف ومؤلم فى نفس الوقت
فى عام 2006 عملت قصيدة فى اليخت الرئاسى وذكرت فيها حكاية (مخلفات اليونان) ولا مؤاخذة وإليك القصيدة مرة اخرى طالما ان الإنقاذيين مصرون على استيراد خراء اليونان حتى الآن... يا أخى حبيت اتعرف عليك بصراحة فانت إنسان جميل....
اليك قصيدة اليخت الرئاسى ومنها استلف الصحفى مصطفى البطل مصطلح (الخال الرئاسى) ويتبجح بأنه أدخل جملة جديدة فى القاموس الصحفى !!! قال (الخال الرئاسى) بس ما يجى يخترع لينا مصطلح جديد زى (الهرار الرئاسى) كامل الدسم...

ايها اليخت الرئاسى
قد اتيت اليوم من اقصى بلاد الله تسعى
من سلوفانيا البعيدة
كاسرا كل الحواجز ..
سابقا كل التكاسى
والبكاسى
عند شط النيل خيمت كبط النيل .. ضمخت الاماسى
والملايين التى جاعت .. وجاءت كى تواسى
نفسها قرب المراسى
علها تحظى بكحلة..
علها تنسى المأسى
يا رئاسى
أى يخت ضرب الرقم القياسى
فى ابتهاج الشعب باليخت الرئاسى
ايى يخت فى الاماسى
يتهادى قرب توتى قرب قصر الشعب
او قرب الكراسى

ايى بخت .. اي يخت .. اى ناس!!
مثل قرد الطلح .. او قرد الجبال
هده الجوع .. تعرى من لباس
ما راى من قبل يختا اسمه اليخت الرئاسى
انه شعب بلادى ..
ذلك الشعب الذى غنى وغنى للنضال
وتغنى بالجمال
وبدارفور عراة وحريق ومأتم
وزفير فى قلوب الناس كاتم
وبارض الشرق اوشيك يقاوم
وهو يدرى ان هذا اليخت عائم
فى دماء الشعب لا فى النيل هائم

من سلوفينيا اتانا اليخت كالكباس حائم
فى دماء الشعب لا فى النيل عائم
جاءنا اليخت الرئاسى
حاملا فى جوفه كل المأسى
ليته صنع بلاد ليس فيها جنجويد
ليته كان لسودان جديد
وعزائى لاساغة ولاوشيك الحزين
واخى جون الذى ودعنا ذات مساء

اى قوم .. اى ناس..
عشقوا لعب الكراسى
ورئيس لهموم الشعب ناسى
وكبار ذى ذقون وكروش
وبيوت وقروش
خلفوا الف سؤال وسؤال
اجلسوا شعبا كريما فوق سخان النحاس
اطعموه من خشاش الارض .. من قش البقاس
جسدا كان على الارض .. وملقى فى العراء
قرب كوم من خراء
جلبوه من أغاريق الشمال
دفنوه (عند حلفا.. عند خط الاستواء)
وعلى الخازوق (يقعى اصدقائى)
يا جيوبا ليس فيها غير تمباك قديم وهواء
يا شموعا اطفئت قبل المساء
جاءكم يخت رئاسى مغطى بالدماء
دم مجدى .. وملايين الضحايا فى الجنوب
وبدارفور جنود الجنجويد
وعلى الشرق ستار من حديد
فسلاما يا بلادى
فالاعادى قطعوا كل الايادى
والروادى صمتت
وانداح حزن فى البوادى
ايها اليخت الرئاسى
نحن آمنا بان الله حق
وبأنا قد خلقنا للمآسى..
ايها اليخت الرئاسى
ايها اليخت المآسى
يا رئاسى
يا مأسى.

نورالدين منان
واشنطون
17 فبراير 2006

[ود الفاضل]

#1483157 [سولي]
5.00/5 (4 صوت)

07-01-2016 11:06 PM
العاصمة اتملت بشر المويه وشبكات المويه ضعيفة جداً وكل يوم العاصمة تشهد نزوح من الاطراف اجيبوا ليكم مويه من وين خليتوا مناطقكم وجيتوا اتكومتوا كلم في الخرطوم خلاص اتحملوا مويه مافي وكهربا مافي النفس الواقع الهربتوا منو ليقتوا الحكومة تجيب وين قروش عشان توصل شبكات جديده ده مشروع لو افتح ابلع خزينة الدولة

[سولي]

ردود على سولي
[محمد] 07-02-2016 03:01 AM
مالاقي كلمة اوصفك بيها

[Samona] 07-02-2016 12:50 AM
الناس جات الخرطوم لانو بقت الجنه الوحيده في البلد الفيها شويه رزق و شويه علاج اما خزينه البلد ما بلعوها الجماعه زمااااان

United States [ابو الزفت] 07-02-2016 12:01 AM
يا كوز يا ملعون احياء مما قامت الخرطوم دى ما فيها مويه ...بعدين تلقاك انت ذاتك جاى من الضهارى شابكنى اتكومتوا يتكوم فيك بلاء يخمكم يا وهم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة