الأخبار
أخبار إقليمية
جهاز المغتربين يدشن صندوق رعاية السودانيين بالخارج للمغتربين في مهاجرهم
جهاز المغتربين يدشن صندوق رعاية السودانيين بالخارج للمغتربين في مهاجرهم


07-09-2016 09:04 PM
الدوحة (سونا) - في لقاء حاشد بالمركز الثقافي السوداني بالعاصمة القطرية الدوحة دشن صندوق رعاية السودانيين بالخارج ( صندوق رعاية العودة ) جولة خارجية للتعريف بالصندوق الناشئ وأهدافه، وخاطب اللقاء المدير العام بالإنابة لصندوق رعاية السودانيين بالخارج الأستاذ الصادق محمد أحمد اسحق، بحضور القنصل مجاهد عبدالرحمن ، وأعضاء البعثة الدبلوماسية وقيادات الجالية السودانيه في دولة قطر.
وقدم الأستاذ الصادق محمد احمد للجالية شرحا عن نشأة الصندوق كأحد مخرجات المؤتمر العام للعاملين بالخارج في أغسطس 2014 وحرص رئاسة الجمهورية على تنفيذ هذه المخرجات ورعاية النائب الأول للرئيس الفريق أول ركن بكري حسن صالح للصندوق ومتابعته لإنشائه ، ثم تطرق إلى ما قام به الصندوق منذ تدشينه في فبراير من العام 2015 برعايته للسودانيين العائدين من الجمهورية اليمنية مؤخرا في ظل الظروف التي يعلمها الجميع، وماقدمه الصندوق لهم من مشاريع لتوفير سبل العيش الكريم لعدد كبير منهم ، وما تم تقديمه لأبنائهم في المراحل التعليمية المختلفه وصولا إلى جلوس أبنائهم الطلاب لامتحانات الشهاده اليمنية في مرحلتي الأساس والثانوي في مركز مخصص تم إعداده لهم في السفارة اليمنيه في الخرطوم بالتنسيق مع وزارة التربيه والتعليم في الجمهورية اليمنية الشقيقه،،وتقديم مساعدات ديوان الزكاة للأسر المعسرة .
وأكد الأستاذ الصادق محمد أحمد في كلمته على حرص الدوله وقيادتها على أبنائها السودانيين في المهاجر المختلفه ورعايتها لهم حيث تم مؤخرا تكوين آلية وطنية لحماية السودانيين بالخارج يشرف عليها الأمين العام لجهاز المغتربين وقد تم إعداد الخطط اللازمة لكي تقوم هذه الآلية بدور كبير في الوصول إلى السودانيين في كافة المهاجر وحلحلة مشاكلهم القانونية في البلدان التي يعيشون فيها، وتسهيل أمر عودة من يرغب من المواطنين السودانيين إلى الوطن ليكمل صندوق رعاية السودانيين بالخارج بما يقدمه من خدمات للعائدين.
هذا وقد لاقى خبر انشاء هذا الصندوق الاستحسان والاشادة من المغتربين الذين حضروا اللقاء وعبروا عن بالغ تقديرهم وشكرهم لرئاسة الجمهورية على تقديرها للعاملين بالخارج بإنشاء هذا الصندوق وللسفير السوار على متابعته واهتمامه بما يهم السودانيين بالخارج واشادوا بالطفرة التي انتظمت الخدمات التي يقدمها جهاز المغتربين الأمر الذي لامس رغباتهم وتطلعاتهم .


تعليقات 22 | إهداء 0 | زيارات 14280

التعليقات
#1486208 [قوشام]
0.00/5 (0 صوت)

07-11-2016 12:40 AM
يا هووووي الجماعة ديل قاعدين ينصبوا ليكم في شباك جديدة ودايرين يصطادوا مدخراتكم بأي وسيلة .. لذلك إنتبهوا جيدا.

[قوشام]

#1485922 [لا بخاف لا بتر]
0.00/5 (0 صوت)

07-10-2016 11:43 AM
هههههههههههههههههههههههههههههههههههههاي

والله دي البجيك فيها يا شيخ ماجد الا ان يكون عوير ... يا زول هي اموال البلد وينها خليك من اموالنا الدايرنا نختها ليك عشان ما تسميهو صندوق رعاية السودانيين؟ بالله الزول ده نصيح؟ في زول لسع بيصدق الكلام ده؟

[لا بخاف لا بتر]

#1485917 [ود الحاجة]
5.00/5 (1 صوت)

07-10-2016 11:32 AM
كل انواع ( الرعاية) المذكورة أعلاه لا تحتاج الى جهاز شئون المغتربين , فمتابعة مشاكل المغتربين في الخارج هي مسؤولية السفارات و القنصليات , أما في الداخل فهي مسؤولية الوزارات ذات الصلة بالموضوع و بالتالي الموضوع كله زوبعة في فنجان و ضحك على الذقون و هو ينطبق عليه وصف ( البطالة المقنعة ) و ( الفاضي يعمل فيها قاضي)

[ود الحاجة]

#1485916 [عباس محمد علي]
0.00/5 (0 صوت)

07-10-2016 11:28 AM
25 سنة من الكذب و الإحتيال كل سوداني صار عنده مناعة ضد خداع الكيزان من الرئيس و نوابه و حكومته و وزراءه و صناديقم و بنوكهم و هيئاتهم و ...ألخ لن تنطلي علينا أمور الفهلوة و الشفتنة بتاعتكم دي !!!

[عباس محمد علي]

#1485913 [محمد علي]
0.00/5 (0 صوت)

07-10-2016 11:24 AM
تم فرض ضريبة 20 ج بمسمى عودة طوعيه
تم خصمها مني في شهر 4/2016 بالخرطوم
يعني من دونه وافتله
هل دفع سوار من جيبه
ام الفريق الموسم صاحي
غصب عنكم ي مغتربين
تدفعون للعوده ولموظفي العوده
العينوهم من أهل السلطه

[محمد علي]

#1485908 [زول ساي]
0.00/5 (0 صوت)

07-10-2016 11:13 AM
--- و نستدرجهم من حيث لا يعلمون -- شوف غيرها يا شيخ ماجد .
لعبة القط و الفار اصبحت مكشوفة بين الجهاز و المغترب ؟؟

[زول ساي]

#1485898 [انعدام الثقة]
0.00/5 (0 صوت)

07-10-2016 10:52 AM
للاسف الثقة مفقودة تماما بين الحكومة والمغترب

والسبب هو الفساد واكل المغتربين سابقاً في سندس وغيرها

والحكومة في نظر المغترب ماهي الا عصابة سلب ونهب وابتزاز وجبايات

[انعدام الثقة]

#1485885 [زول ساي]
5.00/5 (2 صوت)

07-10-2016 10:18 AM
كدي خلو الدولة ترعى الناس البداخل😤

[زول ساي]

#1485879 [جراهام]
0.00/5 (0 صوت)

07-10-2016 10:08 AM
المغتربين فى دول المهجر لديهم روابط تجمعهم من مختلف مدن وقرى ومناطق السودان كونوا جمعيات تكافلية ولديهم اشتراكات شهرية يعدفعوها حسب احوالهم وظروفهم وذلك بهدف التعاون فى الملمات والظروف القاهرة التى قد تتطرأ على افراد هذه الجميعات
اما ان يأتى ما يسمى بجهاز المغتربين ويدشن صندوق رعاية فهذا هو الاحتيال القديم المتجدد من حكومة كيزان الضلال والنصب واباليس سلطة المؤتمر الوثنى لنهب اموال المغتربين بالباطل فالحذر ثم الحذرمن هذه الالاعيب مرة اراضى الوادى الاخضر (الماسورة الكبيرة) ومرة مشاريع استثمارية وهمية فالحذر ثم الحذر ايها المغتربون

[جراهام]

#1485864 [بنت الناظر]
0.00/5 (0 صوت)

07-10-2016 09:39 AM
يا جماعة كدى نورونا قروش الصندوق ده حتدفعها حكومة السجم الماقادرة توفر موية الشراب للشعب السودانى فى الداخل..وهم على بعد خطوات من النيل!!!!
ولا الصندوق ده من قريشات المغتربين الغلابة ..البنتفوا في ريشهم زى الدجاجة طالع نازل..

الله يلعنكم يا حرامية السجم كان بشتنتوا السودان الله يبشتنكم... الله يزلزل أركانكم ويهدم بنياكم عاجلا غير آجل ..

[بنت الناظر]

#1485848 [عمر حسن محمد صالح]
0.00/5 (0 صوت)

07-10-2016 09:07 AM
س؟ هل هذا الصندوق يتبعه استقطاع او رسوم او اسهم لمن يريد المشاركة ؟
أم انه ممول من قبل الدولة؟
وما هي شروط الاستحقاق للصرف منه؟
هل هو بمثابة جهة تقوم بالاغتراض للمغترب عند عودته ؟ اذا كان كذلك هل علي القرض فوائد؟
وما مقدار تلك الفوائد؟
وهل الصندوق يقدم مساعدات للمغترب المكلوم؟
وما هي مدة الاغتراب التي يمكن للصنوق تقدير المساعدات بموجبها؟
ما تقدموا لينا كلام مبهم للدعاية والاعلان ونحن ما نقصين

[عمر حسن محمد صالح]

#1485829 [ودالنيل تمساح]
0.00/5 (0 صوت)

07-10-2016 08:39 AM
ههههههههههههههه عشان الدوله ترعاك تدفع ليها
تتفلسف الدوله علي المواطن بتاسيس صندوق
هههههه صندوق ! دي دوله ولا لمة بتاعة نسوان
شنو صندوق وماادراك ماصندوق وين رعاية الدوله لرعاياها
يعني شنو صندوق حيرتونا رسمي يادولة الجهل والنهب
كل مره طالعين لينا بفكره بتاعة احتيال جديده لكن كل حيلكم بقت مكشوفه

[ودالنيل تمساح]

#1485826 [عبوده السر]
5.00/5 (1 صوت)

07-10-2016 08:32 AM
والله الزول مستغرب ومندهش .!!!!!!!!

لماذا تصر جكومتنا الفاشله والتي لاتعرف غير الكذب والفشل والخداع
لماذا تصر علي نصب الفخاخ لشريحة مهمة من المجتمع السوداني ألا وهم
فلذات أكبادنا المغتربين والمغتربات لأكل أموالهم وعرق عذابات غربتهم
بالباطل دون أن تقدم لهم شيئا لماذا كل هذا الاصرار ؟.!!!!!!!!!!!!!!!!!!!!

لماذا كل هذا الاصرار في الوقت الذى كان علي الحكومه الفاشله أن تتوارى
خجلا من المغتربين والمغتربات لعلمها انهم شايلين عنها بلاوى متلتله تجاه اهلهم وأسرهم
في الداخل لا تعد ولا تحصي وهم مواطنيين ومن صلب مسؤليات الحكومه الفاشله الاخلاقيه والدستوريه مايقوم به هؤلاء المغتربين تجاه أهلهم وأسرهم .

وفوق كل ذلك المغتربين والمغتربات اولاد وبنات السودان رد الله غربتهم يتحملون في صمت دون ذنب جنوه لمرتبات ومزايا وحوافز كل جيوش العطاله في جهاز المغتربين مقابل ماذا ؟

لم نسمع ان قدم أحد من عطالة هذا الجهاز الفاشل ابتكارا او فكره أو حلا يمكن أن تخدم قضايا وتطلعات المغتربين وأن تجد القبول من المغتربين والمغتربات وأن تجعلهم مرتبطين بوطنهم وعلي استعداد لتقديم الغالي والنفيس من أجله اموالهم ومدخراتهم وكل مايملكون وكل ماتحت اياديهم.

الان يتوارى الارهابي الدباب السفير السابق الفاشل خلف أحد أركانه الافشل منه المدير العام بالإنابة لصندوق رعاية السودانيين بالخارج الصادق محمد أحمد اسحق ظنا منه أنه قد ينجح مع المغتربين والمغتربات فيما ظل يفشل فيه هو وزياده في التدليس والخداع كان الجمع بحضور القنصل مجاهد
عبدالرحمن ، وأعضاء البعثة الدبلوماسية وقيادات الجالية السودانيه في دولة قطر ولفشل الدباب الارهابي السفيرالسابق الفاشل فات عليه أيضاأنو مافي زول مقتنع بالبشير ذات نفسه يبقي كيف ممكن يقنعهم شوية موظفين في سفارة السودان بقطر وفات عليه أيضا لخيابته ان الغاشي والماشي في قطر يعلم انو قادة الجاليه السودانيه في قطر كلهم بدون فرز من كلاب الكيزان .!!!!!!!!!!!!!!!!!!!!!!!!!!!!

من الآخر ولعلم من لايعلم لن يرتاح جموع المغتربين والمغتربات في كل بقاع الارض الا اذا تم غلق
جهاز المغتربين بالضيه والمفتاح والقاء المفتاح في النيل وطرد الدباب الارهابي السفير السابق الفاشل وطرد كل العطاله مصاصي دماء المعتربين ليركبوا الظلط ويطلبوا الله بطريقتهم لأنو خلاااااااس مغترب تاني بحول ليهم قروش ماف .!!!!!

ملعون ابو الجهاز وملعون ابو ماجد سوار وملعون ابو كل من يمص دماء بنات وابناء شعبنا
السوداني العظيم المغتربين والمغتربات .

[عبوده السر]

#1485803 [عبدالرحيم]
0.00/5 (0 صوت)

07-10-2016 07:28 AM
مبروك عليكم يا كيزان لقيتو ليكم دخل جديد ..ونعزي اخوانا المغتربين في الضريبة الجديدة التي ستستقطع من اموالهم...

[عبدالرحيم]

#1485801 [ود احمد]
0.00/5 (0 صوت)

07-10-2016 07:20 AM
صندوق المغتربين لرعاية جهاز المغتربين

[ود احمد]

#1485768 [كاظم]
5.00/5 (2 صوت)

07-10-2016 03:25 AM
مشروع مأكلة وابتزاز جديد .... رعاية المغتربين وكل رعايا الدولة السودانية في الخارج وعند العودة هذا واجب دولة ليس منه تمتن بها الحكومات على مواطنيها كما تفعل حكومة الأنقاذ التى اثقلت كاهل المغترب بالضرائب والرسوم واكل أموالهم بمشاريع استثمارية وهمية ولم تقدم لهم اي واجب من واجبات المغتربين على الحكومة ....فالسفارات بالخارج وجدت لزيادة معاناة المغتربين وجهاز العاملين بالخارج يزيد معاناة المعنربين بالداخل وكل مغترب سوداني له قصة مع السفارات وجهاز المغتربين وكل قصة اشد ايلاما من الاخري ...
اتركوا المغتربين في حالهم والفيهم مكفيهم وما أظن أن هنالك مغتربا واحدا يأمل ويعشم في خير ياتيه من حكومة أو سفارة أو جهاز مغترين ...............

[كاظم]

#1485743 [شجرة التبلدي]
5.00/5 (3 صوت)

07-10-2016 01:10 AM
هذا وقد لاقى خبر انشاء هذا الصندوق الاستحسان والاشادة من المغتربين الذين حضروا اللقاء وعبروا عن بالغ تقديرهم وشكرهم لرئاسة الجمهورية على تقديرها للعاملين بالخارج
==================================================================
هههههههههههه.......ههههههههههههههه...والله ضحكتوني

[شجرة التبلدي]

#1485735 [الداندورمي.]
5.00/5 (3 صوت)

07-10-2016 12:26 AM
( صندوق سف السودانيين بالخارج )

[الداندورمي.]

#1485727 [Adolf]
5.00/5 (2 صوت)

07-09-2016 11:40 PM
و الراعي سوار عايز راتب قدر شنو عشان يرعى المغتربين.

[Adolf]

#1485718 [ابوبشير]
5.00/5 (4 صوت)

07-09-2016 10:43 PM
اول حاجه ارعوهم عند حصورهم فى اجازاتهم وعاملوهم باحترام وانسانية خليكم من رعايتهم فى مهاجرهم

[ابوبشير]

#1485715 [فيلق]
5.00/5 (4 صوت)

07-09-2016 10:19 PM
هههههههههههههههههههههههههههههههههههههههههه
هههههههههههههههههههههههههههههههههههههههههه
هههههههههههههههههههههههههههههههههههههههههه
يدشن جهاز سرقة المغتربين بالخارج
رعاية شنو يا وهم
انتو لو بترعو جد امشوا حققوا في مقتل السودانيين في ميدان مصطفى محمود بنيران الامن المصري قتلوهم زي الفيران
وامشوا شوفوا السودانيين في سجون لبنان والعراق
وما اتكلمتوا في السودانيين الجابوهم من الاردن زي الغنم مربطين
كثمكم واحد واحد من البشير لي حاج ماجد سوار لي اصغر ****

[فيلق]

#1485711 [كدنتكار]
5.00/5 (2 صوت)

07-09-2016 10:01 PM
هههههههههههههههههههه

[كدنتكار]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة