الأخبار
أخبار إقليمية
"نتنياهو" يزور دولاً إفريقية عبر الأجواء السودانية
"نتنياهو" يزور دولاً إفريقية عبر الأجواء السودانية



07-11-2016 10:49 AM
الخرطوم: تمت زيارة رئيس وزراء الاحتلال الاسرائيلي بنيامين نتنياهو الى (4) دول افريقية مؤخراً من خلال عبور طائرته للأجواء السودانية ذهاباً واياباً، وذلك بعد قدومها من اسرائيل مروراً بمصر ثم السودان ثم جنوب السودان وبعدها الى كل من أوغندا وإثيوبيا ورواندا وكينيا.
وحسب الحساب الرسمي لرئيس الوزراء الاسرائيلي بنيامين نتنياهو باللغة العربية على موقع تويتر، فقد عبرت طائرته الأجواء السودانية ذهاباً واياباً، وقام الحساب بنشر صورة توضح مخطط رحلة الطائرة التي تقل نتنياهو وبرنامج الزيارة للدول الإفريقية الأربع، وحسب المخطط الذي اطلعت عليه (الجريدة) فقد تحركت طائرة نتنياهو من اسرائيل الى أوغندا عبر أجواء مصر والسودان وجنوب السودان، ثم الى كينيا ومنها الى رواندا، وبعدها الى اثيوبيا، ثم العودة من هناك عبر أجواء السودان ومصر.
واستنكر بعض رواد مواقع التواصل الاجتماعي سماح السودان بعبور طائرة اسرائيل التي تعتبر دولة معادية للأجواء السودانية جيئة وذهاباً.
ونشر الحساب الرسمي لنتنياهو كذلك صوراً للقائه مع رؤساء أوغندا وكينيا وجنوب السودان وزامبيا ورواندا، ورئيس الوزراء الإثيوبي ووزير الخارجية التنزاني.

الجريدة


تعليقات 15 | إهداء 0 | زيارات 17509

التعليقات
#1486883 [كرنفال]
3.00/5 (2 صوت)

07-12-2016 02:32 AM
سؤال بسيط للسودانيين الذين ينادون بمعاداة اسرائيل ماهي مشكلتكم وانتم لا تملكون اي جغرافيا مصر واردن اللتين احتلت اسرائيل اراضيهما اليوم لبن علي عسل والله قاطعتم اسرائيل مليون العرب لن يعترفوا بعروبتكم وتبحثون عن عروبتكم بمعاداةاسرائل

[كرنفال]

#1486794 [الكوشى]
3.00/5 (2 صوت)

07-11-2016 08:11 PM
الى متى نظل عبيد وندفع ثمن صراعات الغير ؟؟؟؟؟؟؟؟؟؟؟؟؟؟؟؟؟؟؟؟

[الكوشى]

#1486746 [أبوقرجه]
5.00/5 (4 صوت)

07-11-2016 05:59 PM
يا ناس الحكومه مافي راجل فيكم كان يطّلع ويحلف طلاق بالتلاته على نتنياهو الا ينزل ويتغداء
ولا ما شفتوا كان طافي الأنوار

[أبوقرجه]

#1486735 [salah]
5.00/5 (4 صوت)

07-11-2016 05:45 PM
ولنفترض أنه قد أخبركم مبقاً بأنه سيعبر الأجواء السودانية وبالتحديد سيحلق عند الساعة العاشرة صباحاً مثلاً على إرتفاع مائة متر فوق القيادة العامة أو قيادة سلاح الدفاع الجوي، وتحداكم أن تفعلوا شيئاً، ما الذي كان يمكنكم فعله؟

[salah]

#1486689 [أبو السمح]
4.00/5 (3 صوت)

07-11-2016 04:15 PM
تحصل نتيناهو و بتوصية من اثيوبيا على مراقب دائم في إجتماعات الإتحاد الأفريقي
مع موافقة كل الدول (الفاعلة) كما قال نتيناهو بعظمة لسانه

[أبو السمح]

#1486675 [awad alkareem Ahmed]
5.00/5 (1 صوت)

07-11-2016 03:42 PM
يا ساده ماهى مصلحتنا فى معاداة اسرايئل زهل يوجد سبب - الفلسطيني يجلس مع الاسرائيلى وياكل ويشرب ويجتمع - نحن دخلا فى الوضوع ده شنو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

[awad alkareem Ahmed]

#1486674 [abutareq900]
5.00/5 (3 صوت)

07-11-2016 03:41 PM
اكيد كانت الواوطه ضلمه والناس معيده

[abutareq900]

#1486643 [كاسـترو عـبدالحـمـيـد]
5.00/5 (3 صوت)

07-11-2016 02:46 PM
طائرة نتنياهو محظوظة مرت فى الأجواء السودانية فى الليل لآنه عارفين ان السودانيين بعد ما يصلوا العشا بنوموا بدرى والا كان والله اسقطوها ( تصريح وزير الدفاع " اليمبى "

[كاسـترو عـبدالحـمـيـد]

#1486585 [عبدالرحيم]
5.00/5 (4 صوت)

07-11-2016 12:55 PM
عداوة شنو لاسرائيل وللصهيونية ؟
الكيزان عدوهم اللدود فقط هو الشعب السوداني
ديل مصالحين مع ايران وروسيا والصين
وجاريين حفيانين لامريكا بأي سبيل وبأي طريقة وباي دور ممكن يلعبوه
والبشير قعد في كرسي الهة كرشنا بالهند

والله الكيزان تلاقيهم يقولو (ان شاء الله يزورنا ان شاء الله يجينا)
عليك الله يا نتنياهو تجينا ..تعال زورنا

مع العلم ان الخبر المنشور في جريدة الشرق الاوسط عام 2004م يقول:


البشير: قيادات حزب الترابي هم شياطين الإنس والجن وعملاء الماسونية
الأحد 12 شعبـان 1425 هـ 26 سبتمبر 2004 العدد 9434
الخرطوم: إسماعيل آدم
وصف الرئيس السوداني عمر البشير عناصر ومنسوبي وقيادات حزب المؤتمر الشعبي المعارض بزعامة الدكتور حسن عبد الله الترابي، بشياطين الانس والجن وعملاء الماسونية والصهيونية.

وقال في لقاء حاشد بمناسبة افتتاحه مشاريع جديدة شمال الخرطوم أمس «نحن سنؤدبهم». وأضاف «لن نركع الا لله ولا نخاف إلا منه، ولو كره الكافرون والترابيون والشعبيون». وقال ان عناصر وقيادات الشعبي عملاء للماسونية والصهيونية.

[عبدالرحيم]

#1486576 [أحمد فقيرى]
5.00/5 (2 صوت)

07-11-2016 12:23 PM
يا سادة نتنياهو لا علاقة له بالسودان . والعائلة الموجودة فى السودان وتحديدا فى كريمة هى عائلة ( الياهو ) بعضهم هاجر إلى إسرائيل و الذين أسلموا ما زالوا موجوون فى السودان ومنهم عمنا ( خضر الياهو ) فى كريمة .

[أحمد فقيرى]

ردود على أحمد فقيرى
[Truth] 07-11-2016 06:25 PM
قالوا عبر الاجواء و ليس زار كريمة


#1486571 [بكري الصائغ]
3.00/5 (1 صوت)

07-11-2016 12:20 PM
اقتباس.
******
(تمت زيارة رئيس وزراء الاحتلال الاسرائيلي بنيامين نتنياهو الى (4) دول افريقية مؤخراً من خلال عبور طائرته للأجواء السودانية ذهاباً واياباً)!!

تعليق:
****
وكانت الانوار طافية والدنيا ضلمة!!

[بكري الصائغ]

ردود على بكري الصائغ
European Union [Salah ALDeen P] 07-12-2016 07:48 AM
والحتات كلها باعوها هههه

[AAA] 07-11-2016 06:11 PM
والطيارة زاتها طايرة فوق شديد..وطايرة بسرعة ههههههه...تحياتي

[عبدالرحيم] 07-11-2016 03:27 PM
ههههههه (والدنيا اجازة عيد وكان الناس في صلاة العشاء)


#1486564 [طارق]
5.00/5 (6 صوت)

07-11-2016 12:15 PM
كلام فاضي ساي..
شنو يعني عبرت طائرته فوق السودان ومصر أو حتي السعودية.
هي مركب نيلية أصلو؟
دي طائرة تطير فوق السحاب.
في حاجة أسمها أجواء دولية والشيطان زاتو ممكن يطير فيها.
طيب هسع لو كان نزل في الخرطوم كان حتعملو شنو يعني؟
والله نص السودانيين ديل كان أستقبلوه بالطبول والأناشيد.
والحكومة كان حتحتفل بيهو وتقدم ليهو دكتوراة فخرية من جامعة الخرطوم.

نحن أمة عندها أنفصام شخصية وإزدواج معايير.
شعارنا هو: نفسي فيهو إخيي عليهو.
وفي قول آخر: نفسي فيك يخسي عليك.

[طارق]

ردود على طارق
[Mamoun Aballah] 07-12-2016 11:08 AM
انته نسيت طياره بشه لمن رجعوها من السعوديه

[أقول ليكم] 07-12-2016 03:11 AM
يا طارق إنتة ما ناقش حاجة أي طيارة دخلت الأجواء السودانية لازم تدفع, لو الطيارة طايرة من فوق السحاب بتدفع عبور الأجواء ومعاها الزكاة ولو من تحت السحاب بتدفع عبور وزكاة وضرايب وعشان الطيارة فيها نتنياهو بيدفع دية. لكن أنا سمعته لكن ما متأكد لو الطيارة مرت من فوق للقصر الجمهوري دي فيها رسوم زيادة خير ودمغة الجريح وكمان لو مرت من فوق حوش بانقا دا كلام دخل الحوش . يعني نتنياهو لو ما ناقش الجبايات دي عندو مشكلة مع عمر البشير. وإنتة عارف ود البشير جعلي وحقو ما بخليهو. غايتو سجمك يا نتنياهو. ما بحلك إلا ضهرك القوي تمشي تتوسط للدول الطالبة السودان قروش, وديون السودان تبقي صفر, غير كدا ما شايف ليك حلل.

[ميمان] 07-11-2016 04:59 PM
العبور لا يتم إلا بموافقة الدولة
امشي اقرأ شويه قبل لا تكتب


#1486560 [محمد احمد]
3.50/5 (3 صوت)

07-11-2016 12:09 PM
لا تستطيع منعه .. ولو كنت قادر كان منعت طياراته التي تغزو السودان من سنة 98 وكل مرة تضرب وترجع سالمة وغانمة

[محمد احمد]

#1486545 [سامي]
5.00/5 (4 صوت)

07-11-2016 11:50 AM
الراجل دا عندو جزور في السودان وهيهات ينسي الموطنا

[سامي]

#1486528 [المتجهجه بسبب الانفصال]
5.00/5 (3 صوت)

07-11-2016 11:40 AM
ونشر الحساب الرسمي لنتنياهو كذلك صوراً للقائه مع رؤساء أوغندا وكينيا وجنوب السودان وزامبيا ورواندا، ورئيس الوزراء الإثيوبي ووزير الخارجية التنزاني.


هل نظر الى مسقط رأسه ومرتع صباه بالشباك أم مر مرور الكرام،، السودانيون (الكوشيون) مساكين لا يعلمون أنهم هم اصل بني اسرائيل وعايشين تبع للغير ونتنياهو وغيرو عايشين على امجاد جدود السودانيين والاثيوبيين أما الاثيوبيون فقد بدأوا يصحوا أما نحن فلا زلنا ننتظر الحلقات القادمة من شهادة حسن الترابي على العصر الذي ولى ،،، بلد كبيرة وشعب تم صرفه عن ارثه ولم يصرف مرتبه الحقيقي الى الان،،،

[المتجهجه بسبب الانفصال]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة