الأخبار
أخبار إقليمية
سلطات مطار الخرطوم : ضبطنا طائرة بدون طيار مزودة بكاميرات حساسة،
سلطات مطار الخرطوم : ضبطنا طائرة بدون طيار مزودة بكاميرات حساسة،
سلطات مطار الخرطوم : ضبطنا طائرة بدون طيار مزودة بكاميرات حساسة،


07-13-2016 09:18 PM
الخرطوم: علي البصير وضعت سلطات جمارك الخرطوم، يدها على وحدات تجسس خطيرة، حاولت إدخالها للبلاد بعض العناصر الأجنبية، بينها طائرة بدون طيار مزودة بكاميرات حساسة، إضافة إلى أنظمة اتصال دقيقة مصممة على شكل ساعات يدوية صغيرة، كشفت معلومات خاصة أن الساعات التي تم ضبطها مبرمجة بتطبيقات متطورة لمهام خاصة، وتم تزويدها ببرمجيات إلكترونية دقيقة ورفيعة وبمقدورها التصوير والتسجيل واختراق شبكات الإنترنت بسهولة، واستخدام الاتصالات اللاسلكية لتسريب ما تقوم بتسجيله ومزودة بأجهزة تتبع( جي بي إس).

الانتباهة


تعليقات 24 | إهداء 0 | زيارات 11665

التعليقات
#1488218 [ALIIIIIIIIIIIIIIIIIIIIIIIIIIIIII]
0.00/5 (0 صوت)

07-14-2016 07:32 PM
اها وعملتو بيها شنو ياضباط المطار الشفاتة شكلكم رسلتوها مناطق العمليات طوالي وهي لله هي لله لاللسلطة ولا للجاه مطار الخرطوم ماشاء الله تبارك الله الواحد ممكن يدخل فيل او دبابة قال تم اكتشاف طيارة تجسس وطبعا لازم يقول ليك متطورة.. السودانيين طبعا عندهم فاصل بتاع تخلف اي حاجة لازم يدخلو ليك فيها كلمة متطورة علي وزن تم اكتشاف اسلحة ((متطورة)) وانحنا جيبنا ليكم اسلحة ((متطورة)) اي حاجة ماشاء الله متطورة

[ALIIIIIIIIIIIIIIIIIIIIIIIIIIIIII]

#1488053 [Wahid]
5.00/5 (1 صوت)

07-14-2016 12:02 PM
معقولة! والدولة المرسلة الجاسوسة غبية للدرجة عشان تشيله حاجات زي دي.
وين الاقمار الصناعية والطيران العسكري ما بيدخل السودان والانوار مطفية وفي ساعات الصلاة. ولا خلاص المراقبة بالنظر جابت نتيجة,.

ههههههههههههههههههههههههههههههههههههههههههههههههههههههههه

[Wahid]

#1488050 [AAA]
3.00/5 (1 صوت)

07-14-2016 11:59 AM
تضخيم للخبر بصورة صارخة..طائرات الدرون معروفة تم صنعها قبل سنوات للمستهلكين من الهواة من اجل المتعة.. يتم التحكم فيها عن طريق ريموت..وزنها في حدود نص كيلو (500جم) ببيعوها في صندوق زي اللعبة.. ممكن تدخلها في الكيس مع الخضار..او في جيب البنطلون الخلفي ههههه

** الحمد لله ما قالوا قضبنا طائرة اواكس او شبح؟؟ بعد شوية تدخل الالعاب النارية الحديثة يقولوا قضبنا متفجرات وفنابل عنقودية..

**قال تجسس قال..التجسس يتم الان عن طريق الاقمار الصناعية..

[AAA]

#1488035 [hassan]
4.00/5 (1 صوت)

07-14-2016 11:34 AM
الطيارة اكيد لعبة اطفال

[hassan]

#1488006 [عبدالواحد المستغرب اشد الإستغراب!!]
5.00/5 (1 صوت)

07-14-2016 10:06 AM
ههههههها شر البليه ما يضحك !! النظام الابله ده عايز يفهمنا أن الدوله التي قدمت منها هذه الاجهزه التجسسيه إما كانت نائمه في العسل او هي متورطه او مطاراتها سداح مداح لا ظابط ولا رابط لها!!وعلى كل حال إذا كان هناك متهمون على محاميهم طلب خبير من الدوله التي قدم منها المتهمين!! او البحث عن إمكانية مخاطبة الجهة التي وردة منها الاجهزه الخطيره وطلب تفسير عن كيفية تسرب أجهزه بهذه الخطوره الى الدوله التي ربما كانت ستتسبب في الاطاحه بنظام يديره أكبر (مجارمه)في العالم لآكثر من ربع قرن قابل للزياده آقل مجرم فيهم بين غمضة عين وإنتباهتها إستطاع الاستحواز على 1000طبليه في اهم اسواقها وفدان على شاطئ النيل لا ينازعه فيهما احد علما بأن هذا المجرم الصغير عندما وقع الانقلاب كان ما بين الطفوله والصبى يرعى الغنم مع اقرانه في احدى قرى الريف السودانى !!.
انا ادعو السيد/مدير عام هيئة الجمارك السودانيه ونوابه وكبار مساعديه لتبنى تنظيم رحلات لضباطهم للكليات العلميه التابعه لجامعاتنا فرغم بؤسها طلبتها باتوا وبمجهود شخصى يصنعون كل هذه الأشياء التي يرأها طباطك الذين لم يسعفهم الحظ لطرق هذه الكليات وينظرون اليها على إنها (عجبه في يد يتيم!!)

[عبدالواحد المستغرب اشد الإستغراب!!]

#1487984 [مصباح]
0.00/5 (0 صوت)

07-14-2016 09:30 AM
يعني ماجاتكم بالليل بي فوق محلقة عالي جداً وطافية النور!!؟ هههههة

[مصباح]

#1487973 [أبونديبو]
3.50/5 (3 صوت)

07-14-2016 09:18 AM
ياخوانا صبركم علي مسؤول الجمارك الذي (افتكر انو قبض حاجة خطيرة جداً) هو جاي من حتة بعيدة خلاص حيث تم نقله من نقطة جمارك حمرة الشيخ واعتقد انو ينتمي الي قرية صغيرة اسمها جعيبات (بكسر حروف الجيم والعين) أي انه محتاج يقعد شوية كده في الخرطوم ويمشي دورة خارجية الهند وماليزيا وتركيا بعداك ممكن يصلح شوية...

[أبونديبو]

#1487965 [Flowers]
4.00/5 (1 صوت)

07-14-2016 09:00 AM
ههههههههه نظام الشاويش المجرم الهارب وإخوان الشيطان مكشوفين في كل شئ والغريب
في الأمر سرهم في بير مع الشعب الجبان !!!

[Flowers]

#1487963 [Abu]
5.00/5 (1 صوت)

07-14-2016 08:54 AM
يا أمة ضحكت من جهلها الأمـم .................... !!!!!!!

[Abu]

#1487939 [Salah ALDeen P]
4.00/5 (1 صوت)

07-14-2016 07:40 AM
الدنيا ما كانت مضلمة والمطار كان منور والحتات كلها باعوها ههه

[Salah ALDeen P]

#1487924 [الجــــــــــــــزيرة ابـــا]
4.00/5 (6 صوت)

07-14-2016 06:13 AM
طبعا ﻻنه الجهل مصيبة والفاقد التربوى هو الماسك بزمام البلاد ... طائرة الدرون يا بجم عبارة عن فيديو فقط زيو وزى اى فيديو بس هنا فيديو عنده اربعة مراوح صغيرة ﻻرتفاع اقل من 400 متر ومسلسل وتر حساس تم تصويره بهذى الطائرة فى اﻻرتفاعات مافوق العمارات .. وكمان فيديو كليب اﻻستاذ عثمان محى الدين هنا تم تصويره بهذى الطائرة الصغيرة
.

المضحك ( وساعة مزودة قال -- طبعا دة ريموت الطائرة )
فى زمتكم يتجسسوا على حميرتى وﻻ نافع وﻻ حاويات المخدرات ؟!! فى شنو بتجسسوا عليهو ؟!! فعلا بالونات من النفخ والجهل تجلس على الكرسى ... الطائرات دى سعرها ارخص وحدة 75 دوﻻر واغلى واحدة 2200 دوﻻر واﻻطفال فى اوربا واميركا والخليج 60% منهم بمشوا بيها سفارى للمتعة وبدل السيلفى بقت الدرون .... خشوا خشوا الرابط دة ممكن تتعرفوا على موديلات واسعار الدرون .. عالم كرور

[الجــــــــــــــزيرة ابـــا]

#1487901 [حاج علي]
4.75/5 (4 صوت)

07-14-2016 04:49 AM
اها والشخص الذي ادخلها ده منو؟؟ خواجة ولا راعي من ابودليك شغال في السعودية هههه

[حاج علي]

ردود على حاج علي
[زول الخلا] 07-14-2016 05:47 PM
انت زول إنصرافي بس!!!!مالك ومال أبودليق ديل تاج راسك..

[ود ابودليق] 07-14-2016 09:14 AM
الراعى البتستهتر بيهو دا على الاقل زول بياكل من عرق جبينو ولا سائل فيك والشغل ماعيب وابودليق فيها رجال افذاذ الواحد يوزن 100 نفر من نوعيتك دى ياخ ماتفقعو مرارتنا الله لا جاب باقيكم


#1487885 [كاسـترو عـبدالحـمـيـد]
4.75/5 (4 صوت)

07-14-2016 02:51 AM
حركات مكشوفة صبيانية لأ تليق بجهاز أمن مبتدئ . درج الجهاز لكى يساعد النظام والحكومة كلما ظهرت عورة من عوراتها أو وقعت فى مشكلة أو مصيبة أو فضيحة ان يفبرك اشاعة لكى يشغل الناس . اذا كان فعلا تم اكتشاف هذه الطائرة كما يقولون , فكان الأولى ان يعقدوا مؤتمرا صحفىا ويعرضوا هذه المعدات للصحفيين والشعب لكى يعرف , اما اصدار مثل هذه القصص والحكايات , لم تعد تمر حتى على الأطفال . العبوا غيرها .

[كاسـترو عـبدالحـمـيـد]

#1487880 [مدحت]
4.50/5 (3 صوت)

07-14-2016 01:57 AM
أكاذيب وليس الا ربنا يهديكم

[مدحت]

#1487875 [وداغبش]
4.75/5 (4 صوت)

07-14-2016 01:03 AM
كلامكم ده قولو لي زول ما عندو حديدة.

[وداغبش]

#1487869 [شجرة التبلدي]
5.00/5 (4 صوت)

07-14-2016 12:28 AM
هههههههههههه...عليكم الله ارحمونا واحترموا عقولنا شوية يا عالم

[شجرة التبلدي]

#1487865 [محي]
5.00/5 (3 صوت)

07-14-2016 12:18 AM
ههههههه طيب كيف يعني أحسن يكون فيها طيار


الطائرة بطيار ديك بيسقطوها ما بيقبضوها

[محي]

#1487862 [حلايب سودانية]
5.00/5 (3 صوت)

07-14-2016 12:05 AM
طايرة الدرون. البدون طيار دي حاجة أدية في حجم. لعبة أطفال في شكل طايرة لها أربعة مراوح وتعمل بجهاز حاسوب ومزودة بكاميرا وتعمل لاسلكيا،،، ومسموح بها في كل أنحاء العالم. بشرط ان تطير علي ارتفاع اقل من 400 قدم حول المطارات او المدرجات ولا يسمح بدخولها مجال المدرجات حتي لا تشوش علي الطيران. كونها لا تلتقط بالرادار وبرج المراقبة
وهناك فرق بين الطائرة بدون طيار. ذات المهمات العسكرية في الحجم والتقنية والسرعة والمسافات. والارتفاعات التي تقطعها. ولها إمكانية حمل قنابل وصواريخ. بعكس الدرون الصغيرة في حجم لعب الأطفال فهي تستخدم لمسافات وارتفاعات بسيطة وهي متاحة اما الأولي غير مسموح تداولها في الاسواق لانها عسكرية وذات أغراض تجسسية او لوجستية
من أورد الخبر خلط الامر من ناحية التسمية والإمكانية ،،،،فهي درون. وليس طايرة بدون طيار بالمعني الدقيق

[حلايب سودانية]

#1487859 [أبو عفان]
4.75/5 (4 صوت)

07-13-2016 11:41 PM
طيب لو فرضنا القالو دا صاح وتم ضبط القالو دا أين الأانب الذين تم ضبطهم لماذا لم يأتوا بالمعروضات والأشخاص وأن يسجلوا إعترافاتهم بالمعدات التي تم ضبطها بحوزتهم ومن أي جهة هم قادمون وجنسياتهم

[أبو عفان]

#1487856 [هو هو]
5.00/5 (3 صوت)

07-13-2016 11:30 PM
خلونا في المهم
تورط علي ونافع في اغتيال مبارك والمحن السودانيه

[هو هو]

#1487848 [حماده بشير]
4.50/5 (2 صوت)

07-13-2016 11:00 PM
اقتباس( بينها طائرة بدون طيار ) دي كان شايلة واحد في جيبو ؟؟؟؟

[حماده بشير]

#1487845 [ابوبكر]
4.75/5 (4 صوت)

07-13-2016 10:40 PM
دي بتكون درون موجودة هنا في اي دكان الحبايب اول مرة يشوفوها ولاشنو.

[ابوبكر]

ردود على ابوبكر
[BB] 07-14-2016 01:17 AM
فاقد تربوى وكدة. اكيد درون وهى موحودة وتباع فى معظم الدول تقريبا. طائرة بدون طيار هههههههههههه. الطيار جاى فى السكة ممكن تقبضوة وتجمركوا وتغتحوا بلاغاتكم يا رمم


#1487837 [Truth]
4.88/5 (6 صوت)

07-13-2016 09:49 PM
هى البلد محتاجة لطائرة تجسس الا تكون تحضير لامتحان الشهادة القادم

[Truth]

#1487835 [ساري الليل]
5.00/5 (6 صوت)

07-13-2016 09:44 PM
دي من حكاوي اسحق فضل الله .. وعايزين تشغلوا الناس بمؤامرات ليس لها وجود الا في فكركم الداعشي.. وبعد شوية تقولوا قبضنا اسلحة في الخرطوم وقائمة باغتيالات بعض الاشياء

اصلوا ناس الامن كل فترة والثانية يحاولوا كسر الطوق عن الحكومة بمؤامرات مختلقة وحكاوي مختلقة.

والذين يريدون ان يدخلوا مثل هذه الاجهزة لن يقوموا بإدخالها عبر مطار الخرطوم فهم يعرفون كيف يدخلونها..إن وجدت.

[ساري الليل]

ردود على ساري الليل
[منير عبدالرحيم] 07-13-2016 11:29 PM
ياخي والله أحييك.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة