الأخبار
أخبار إقليمية
البشير يجري تغييراً في رئاسة أركان الجيش الحكومي
البشير يجري تغييراً في رئاسة أركان الجيش الحكومي
البشير يجري تغييراً في رئاسة أركان الجيش الحكومي


07-14-2016 10:57 PM
أصدر الرئيس السوداني عمر البشير، القائد الأعلى للقوات المسلحة، الخميس، عدداً من القرارات تم بموجبها إجراء تغيير محدود في رئاسة الأركان المشتركة، حيت تم تعيين الفريق الركن علي محمد سالم وزيراً للدولة بوزارة الدفاع.

كما تم بموجب القرارات تعيين الفريق أول ركن إبراهيم محمد الحسن رئيساً لهيئة الاستخبارات، وترفيع الفريق الركن د. كمال عبد المعروف الماحي إلى رتبة الفريق أول وتعيينه مفتشاً عاماً للقوات المسلحة خلفاً للفريق أول ركن يعقوب إبراهيم.

وتضمنت التغييرات تعيين الفريق الركن السر حسين بشير رئيساً لأركان القوات البرية والفريق الركن نصر الدين عوض الكريم رئيساً لهيئة العمليات المشتركة، وترفيع اللواء الركن محمد عثمان الحسين إلى رتبة الفريق وتعيينه أميناً عاماً لوزارة الدفاع.

وقال الناطق الرسمي باسم الجيش عميد د. أحمد خليفة أحمد الشامي، في تعميم صحفي، إن هذه القرارات والتعيينات في هيئة القيادة تأتي في إطار الإجراءات الإدارية الراتبة وفق قوانين ولوائح القوات المسلحة.


شبكة الشروق


تعليقات 17 | إهداء 0 | زيارات 19741

التعليقات
#1488423 [إشراقات مهنيّة]
0.00/5 (0 صوت)

07-15-2016 11:48 AM
لقد تلحلح الطب العسكري السوداني
لجراحة تضخّمات التمكين السرطاني الإخواني
التحيّة للعميد الدكتور أحمد خليفة أحمد الشامي
المهندس الرسمي لأركان الجيش الشرطي الأمني المخابراتي
السوداني العبقري المهني وليس العنتري الإخواني
على التطوير ثمّ قوله للجاهلين هاكم سلامي
فهلاّ تلحلح الطب المدني السوداني

[إشراقات مهنيّة]

#1488417 [مراقب]
0.00/5 (0 صوت)

07-15-2016 11:20 AM
بدأت تصفية ابناء المحس و الدناقلة من الجيش
منذ فترة بدء الاحتجاجات المناهضة لقيام السدود بالشمالية و امتداد اثرهاةحتى الخرطوم انتبه البشير و تخوف من الاضراب غير المحسوب من ناحية و من ابناء تلك المناطق في قيادة القوات المسلحة اذا ما سارت الامور نحو الانفلات و عدم ضمان ولاء ابناءها اذا ما اضطر لاعلان الطوارئ لذلك تحوط باقالة عبدالرحيم محمد حسين و الفريق مصطفى عبيد ابوعشرة و اخيرا يحيى محمد خير تمهيدا للاسوا

[مراقب]

#1488404 [عودة ديجانقو]
5.00/5 (1 صوت)

07-15-2016 10:36 AM
حاجه عجيبه إذا الجيش الأمريكى بجلالة قدره ما فيهو ولا فريق واحد.

لكن أنا الشئ المتأكد منو لو جابوا اولاد كشافة مدرسة تى سى وليامز لأحتلوا القياده العامه فى نص ساعه فقط.

[عودة ديجانقو]

#1488389 [البصيرة ام حمد]
5.00/5 (1 صوت)

07-15-2016 09:37 AM
حليل زمن مابتقدر تعاين للضابط ولا بتقدر تملأ عينك فيهو،عظمة،وهيبة،وقوة شخصية، حليل زمن البنات كن يحلمن بالزواج من ضباط الجيش، حليل زمن مكرفونات الحفلات كانت تصدح بالغناء لى "جنابو " المركب فى كتفو دبورة، اسع سيف وصقر وعشرةنجوم،ومافى زول شغال بيهم.

[البصيرة ام حمد]

#1488374 [ضابـط من الزمـن الجـمـيـل]
5.00/5 (1 صوت)

07-15-2016 08:43 AM
تأكيـدا لحقيقة ان القوات المسلحة اصبحت همبول ساكت , ولا تهش ولا تنش كما وصفها الجنرال " حميدتى " و اصبحت عبارة عن هياكل وظيفية لا معنى لها وجود وظيفتين لا مسؤلية ولا حاجة لهما فقط تم ايجادهما لأرباك وتمييع هرم السلطة العسكرية واضعافها وتشتيت مسؤلياتها وخلق تضارب بين القيادات العليا يستفيد منه النظام فى عدم تمرد يحصل من هرم السلطة العليا العسكرية و هاتين الوظيفتين هما وظيفة " مفتش عام " و " أمين عام " .

[ضابـط من الزمـن الجـمـيـل]

#1488358 [جوقة]
5.00/5 (1 صوت)

07-15-2016 06:56 AM
وكمان تغييرات الشرطة قادمة من أطول قيادة في منصب مدير عام للشرطة الفريق الذي تم تجاوز كل شئ له ولعب بالشرطة لعب الغريق غاشم بتاع طباخ مدرسة وقر الأميرية الوسطى عديم الأخلاق البيتفاخر بأنه مكسر قلوب نسوان الوزراء وموظفات القصر واللابع قروش بنايات الشرطة ومعه ثلة الفاسدين البيكسرو ليهو الثلج....كمان يرقوا أخوهو......هههههههه.....مسخرة هذا الوطن في شذاذ الآفاق مثل هذا الغاشم......مديرين سابقيين أصحاب كفأة وخبر ما قعدوا زي هذا الذي ينتمي للأقوام الهالكة مثل قوم لوط......فكونا يا من خربتم الوطن وذليتم كرامه.....عفن ساكت

[جوقة]

#1488351 [ساري الليل]
5.00/5 (1 صوت)

07-15-2016 06:12 AM
دي اخبار ما تهمنا لانها صراعات خفية بين الكيزان

[ساري الليل]

#1488338 [الى الامام]
5.00/5 (3 صوت)

07-15-2016 04:54 AM
((((((وقال الناطق الرسمي باسم الجيش عميد د. أحمد خليفة أحمد الشامي، في تعميم صحفي، إن هذه القرارات والتعيينات في هيئة القيادة تأتي في إطار الإجراءات الإدارية الراتبة وفق قوانين ولوائح القوات المسلحة.))))))

طيب مكنكشين فى السلطة التي هي اصلا ليست لكم دستوريا هذا غير تمكينكم احزاب مرفوضة انتخابيا و ساقطه اخلاقيا و فساد

[الى الامام]

#1488336 [الخرطومي]
5.00/5 (2 صوت)

07-15-2016 04:35 AM
وحمارتي دا يطعه شنو

[الخرطومي]

#1488302 [قوشام]
5.00/5 (2 صوت)

07-15-2016 12:50 AM
البشير يجرى تغيير فى رئاسة أركان الجيش الحكومى. !!
هو فضل فيها جيش حكومى؟!! وقعوا فى الجيش بتر وتلصيق، ما خلو راس بدقن ما لصقو فى جسد الجيش.!! حسبنا الله ونعم الوكيل فيكم يا بني كوز.!!!

[قوشام]

#1488301 [زول ساي]
5.00/5 (2 صوت)

07-15-2016 12:48 AM
اللواء الركن محمد عثمان الحسين إلى رتبة الفريق - بقاه زي شقيقه الفريق شرطة هاشم عثمان الحسين

الفريق أول ركن إبراهيم محمد الحسن رئيساً لهيئة الاستخبارات - دا كان بتاع استخبارات من زمان وانحاز مع الشعبي وهرب من البلاد وعادت الآن المياه لمجاريها!

[زول ساي]

#1488294 [الدقوس]
4.69/5 (5 صوت)

07-15-2016 12:29 AM
ههههههها اي قوات حكومية بل قوات الموتمر اللاوطنى ،،،ولا ارى ترقية اللوا، حميدتي ،،، الى رتبة الفريق والاجدر وزيرا للدفاع ،،،

[الدقوس]

#1488290 [Khalid Abdalla Ragab]
3.82/5 (5 صوت)

07-15-2016 12:09 AM
What about General Hamidity? Has he became the Minister of Defense or not yet? Trash and nonsense, we lost our army and Omer ElBashir is destroying the army to avoid any coup against him. That is why Janjaweeds are sent to Northern Sudan not to kick the Egyptians out of our occupied lands at Halaib & Shelatin.

[Khalid Abdalla Ragab]

#1488288 [Truth]
4.88/5 (5 صوت)

07-15-2016 12:08 AM
جيش تسمع ترقية الى فريق و تعيين و و عسكرى و لا صول ساى تشوفوا داخل و لا مارق القيادة مافى ز ما شفت عساكر الا لما جابو خرفان الضحية ملهم 5 و لا 7 عربات متلمين فيها زمان نقعد نتكيف لما يجوا جاكين الصباح و لابسين الترينيق سوت و حاجة تحسسك انو فى جيش و مطمئن و لما كنا نقيف من 6 صباحا فى عيد الاستقلال و شايلين علم السودان الاصفر و الاخضر و السماوى كنا بننتظر طابور الجيش و نجرى نتفرج على الدبابات البرمائية ..الان ما بتعرف تفرز الحركات المسلحة من الدعم السريع من الجيش كلو راكب لاندكروزر

[Truth]

#1488284 [معاويـــــــــــــــــــــــــــــــــــــــــــة]
4.63/5 (5 صوت)

07-14-2016 11:58 PM
ابراهيم محمد الحسن كوز منظم ارتكب كثير من الجرائم ابرزها اشتراكه فى اعدامات الضباط فى رمضان وتنظيم حملات الاباده مع الجنجويد فى دارفور

[معاويـــــــــــــــــــــــــــــــــــــــــــة]

#1488275 [باتمان]
4.41/5 (6 صوت)

07-14-2016 11:38 PM
والله جيشنا جيش الهنا بقى زى الشرموط يقطعوه ويجففوه ويدوقوهو ويطحنوه ثم يكبوه على الكشنة لعمل الملاح ونخشى بعد شوية يقطعوا التعظيم لحميدتى.

يالا يا ود أبو دة مقترح كاريكاتير مثير صفين من الضباط رتبة فريق واقفين فى صفين متقابلين صدورم عالية وقاطعين تعظيم لحميدتى الذى يقدل بينهم ينظر إليهم بإستهزاء ويديه خلف ظهره يحمل عصا قصيرة،،، مش هو قال لما الحكومة تعمل ليها ديش؟؟

[باتمان]

#1488274 [ود احمد]
4.75/5 (4 صوت)

07-14-2016 11:34 PM
حلايب وين

[ود احمد]

ردود على ود احمد
[sasa] 07-15-2016 07:57 PM
المستقطع من اراضى الفشقة وين

المستقطع من الحدود مع اريتريا وين


حلايب وين


شلاتين وين


ابورماد وين


السودان والشعب وين

[المهندس سلمان إسماعيل بخيت على] 07-15-2016 01:19 PM
مافى داعى للإحراج نحن حلايب والجنوب والفشقة كله سنعوضكم عنها كيلومترات مربعة بنفس المساحة فى الجنة وهى لله هى لله والموضوع تنسوه نهائيا ولو فتحنا موضوع حلايب اولاد بمبا بيفتحوا موضوع محاولة اغتيال رئيسهم الأسبق مبارك وانتو عارفين مش على عثمان ونافع ومطرف وصلاح قوش الحيروحوا فيها ناس كتار حيروحوا فى الرجلين وكل الجماعة التى حضرت الأجتماع الذى تقرر فيه ارسال الأرهابى مصطفى حمزه وزميله لأفغانستان جوا للتخلص منهما بعد عودتهما جوا بطائرة الخطوط الأثيوبية للخرطوم حيث لا يمكن النكران ونقول ماشفنام لكن لو رجعوا من اثيوبيا كدارى كنا قرضناهم ورميناهم وراء الشمس كما فعلنا بجامعتنا السودانيين الذين شاركوا معهم فى رحلة السودان لأثيوبيا وعادوا بكرعيهم وديناهم خلف الشمس
كم عددهم ؟ وماهى أسمائهم ؟
كل الذين حضروا الأجتماع التنويرى الذى ضمن الترابى والرئيس وعلى عثمان ونافع واخرون على علم
طبعا كان مفروض فى ذلك اليوم الذى علم فيه الرئيس البشير بمؤامرة الترابى على عثمان نافع مطرف وقوش ومساعدتهم للارهابيين المصريين فى تلك المحاولة القذرة ان يصدر الرئيس البشير قرارا يفضح فيه هذه الجماعة ويبرىء نفسه لكن السيد الرئيس جزء من الجماعة وخاف على نفسه ان كشف سرهم لأنفض الأسلاميون من حوله وليته فعل وليتهم إنفضوا لكان الرئيس والسودان فى حال افضل
لكنه لم يفعل وصمت
ومرت السنوات وانكشف كل شىء
والساكت عن الحق شيطان أخرس
اليوم جنائيا يستوى كلهم فى الجرم
وياخبر بفلوس بكره ببلاش



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة