الأخبار
أخبار إقليمية
احتجاجاً على "رغيفتين" بجنيه حملة توقيعات لمقاطعة الخبز يقودها مدونون وسياسيون
احتجاجاً على "رغيفتين" بجنيه حملة توقيعات لمقاطعة الخبز يقودها مدونون وسياسيون
احتجاجاً على


07-16-2016 01:27 PM
الخرطوم: الهضيبي يس

أطلقت مجموعة من المدونين وقيادات سياسية من أحزاب معارضة في حزب الأمة القومي والمؤتمر السوداني والشيوعي حملة لمقاطعة شراء الخبز تحت مسمى "خليك معانا" في خطوة تعتبر الأولى من نوعها. واقترب عدد المتضامين مع الحملة في صفحتها الرسمية على "الفيس بوك" حتى مساء أمس الجمعة ألف شخص، داعين المواطنين بالمركز والولايات للمشاركة لمناهضة شراء رغيفتين بسعر واحد جنيه واستبدال الخبز بالبدائل التقليدية " الكسرة والعصيدة".

وكانت المخابز بولاية الخرطوم قد طبقت زيادة على أسعار الخبز زنة 80 غراماً، حيث وصل سعر قطعتي الخبز إلى (2) جنيه، الأمر الذي أثار استهجان العديد من المواطنين مطالبين بمراجعين وضبط الأسواق وتحريك إجراءات قانونية ضد كل من يثبت تلاعبه بقوت المواطن.

الصيحة


تعليقات 14 | إهداء 0 | زيارات 3179

التعليقات
#1489478 [قوشام]
0.00/5 (0 صوت)

07-17-2016 08:40 PM
قصه ما قصه رغيف ...القصه قصه شعب راكع عايز يقيف ..واللمبي جانا من الصباح قال البشير قفل البلف وعوض تعب من البلف الجاز تعال لف البلف الجاز تعال شوف البلف يااخي البلف زاتو اتحلج ما كل مره بتقفلو .. وبتفتحوا ..وترجعوا وبتلحسو! القلتو هو دا كفي لحظه طايشه وبي كلام مختلف هو شنو البلف حته حديده مدوره في حته عاليه مسوره محكومه بي مخ متنسف منعول ابو الفتحو البلف منعول ابو القفلو البلف ننعول ابو العملو البلف. برضوالقصة ما قصة بلف قصة شعب جاع والخير راقد لمن تلف حاصرنو حكام في بيوتم والشعب قتلو السقط وبقي عايش بي السف والعلف القصة قصة يجوك يكفنوك وفي منديل من ضعفتك يلملموك ويبكوك ويشلعوا شان يحكوموا كل الشعب يخوض حروب ما مشكلة ما هو اساسا عمبلوك...
القصة يا زول قصة شعب تايه داير يعيش
القصة يا زول قصة شعب تايه داير يعيش

[قوشام]

#1489184 [ابو سكسك]
5.00/5 (2 صوت)

07-17-2016 10:46 AM
امممك...ما قلتو نوبا!!!!
وزير المالية السابق قال ليكم اكلو كسرة...قلتو لالا...ده استفزاز للشعب.
دحين شايف جابت ليها عصيدة!!!!

[ابو سكسك]

#1489123 [الخلاص]
0.00/5 (0 صوت)

07-17-2016 08:49 AM
المتأمل في حزب الامة والاتحادي الديموقراطي الذين كانا في الديموقراطيا يحكمون البلاد والان في ايام الديكاتورية اكثر الناس حرصاً للتواجد داخل النظام مثل الصادق الذي اصبحوا يشتروا سكوته بالاموال وتعيين ابنائه في الحكومة وهو في مصر علي اتصال دائم مع الحكومة مساوماً في العودة.

[الخلاص]

#1489098 [زول ساي]
0.00/5 (0 صوت)

07-17-2016 07:34 AM
هههه ح تاكلوا شنو يعني !!؟؟؟؟

[زول ساي]

#1489057 [شليل]
0.00/5 (0 صوت)

07-17-2016 01:03 AM
بدل مقاطعة و اضراب عن الطعام .
يلزم الخروج للشارع للمطالبة باسقاط النظام .

[شليل]

#1488988 [Zombie]
5.00/5 (1 صوت)

07-16-2016 08:59 PM
طبعا دي عمائل حزب الأمة المغرم بالتوقيعات , فهو لن يدعو للتوقيع باسقاط النظام أبدا....كان الأولي لإسقاط النظام حتي تكون الـ6عيشات بالألف بدلا من هذا التهريج كله لأجل إرجاع رغيفة رغيفتين.

[Zombie]

#1488978 [معاويـــــــــــــــــــــــــــــــــــــــــــة]
0.00/5 (0 صوت)

07-16-2016 08:45 PM
الوجب عمله عصيان مدنى شامل تانى لا حميدتى ولا اولاد نافع ما يلقوا البسرقو زاتو شوفوها حتمشى ل وين

[معاويـــــــــــــــــــــــــــــــــــــــــــة]

#1488925 [احمد الحسين]
5.00/5 (1 صوت)

07-16-2016 06:39 PM
اكــــــــــــــــلوا بااااااااسطة؟؟؟؟؟
اكــــــــــــــــلوا بااااااااسطة؟؟؟؟؟
اكــــــــــــــــلوا بااااااااسطة؟؟؟؟؟
اكــــــــــــــــلوا بااااااااسطة؟؟؟؟؟
اكــــــــــــــــلوا بااااااااسطة؟؟؟؟؟
اكــــــــــــــــلوا بااااااااسطة؟؟؟؟؟

[احمد الحسين]

#1488914 [المنكوب]
5.00/5 (1 صوت)

07-16-2016 06:05 PM
الناس فى لحظة اسقطت انقلاب انتو عايزيين تجمعوا توقيعات عشان تزيدوا العيش واحدة ..هل ممكن للشعوب ان تكون خائبة طبعا سوف يكون هناك الف تعليق بالوصف من دجاج الكترونى و امنجى و خلافه و هذا جزئ من مرض الاغلبية فى الشعب عدم تقبل وجهة نظر الاخر و هذا الاسلوب لن يقدمنا خطوة و لكن انظروا للايات القرانية فهى احيانا ينزل العقاب لان القوم اضلوا الطريق و احيانا يصف القوم بالخائبين و مرة يدعوك للنظر كيف ازال القوم من الارض لاخطائهم التى لا تغفر بعد التحزيير اذا القوم هو الشعب فهل نحن قوم فاسقين ..مفلسين ...خائبيين ...خانعيين ..اجب على السؤال دون ان تذهب لتجريح لن يفيدك او يفيدنى و لن اخسر نفسى به او يرفع شخصك

[المنكوب]

#1488890 [سعيد الحزين]
0.00/5 (0 صوت)

07-16-2016 04:47 PM
هذه المقاطعة اجعلوها بداية لعصيان مدني شامل

[سعيد الحزين]

#1488887 [QUICKLY]
4.00/5 (3 صوت)

07-16-2016 04:37 PM
حملة مقاطعة تقاطعوا شنو وهل يفيد شئ!!
لانو الدقيق ما بخرب ممكن يقعد ويتخزن ستة شهور عند اصحاب المخابز
اطلعوا مظاهرات ضد النظام بلاش جبن معاكم
جبناء وقلوبكم ميتة
قال حملة مقاطعة رغيفتين قال ؟!!

[QUICKLY]

#1488868 [طارق]
5.00/5 (1 صوت)

07-16-2016 03:48 PM
ألف شخص؟
هههههههههههههههه
ضحكة خبيثة

[طارق]

#1488841 [ود احمد]
0.00/5 (0 صوت)

07-16-2016 02:34 PM
هي الكسرة والعصيدة اغلى من الخبز
الشيء المفروض يحصل في كل دول العالم التي تخترم شعوبها تقوم الحكومة بدعم السلع الاستراتيجية مثل الدقيق والسكر وغاز الطبخً
ونحن في السودان نريد من هذا الكابوس ان يدعم فقط الدقيق وان تكون4 خبزات بجنيه وهذا مطلب شعبي والا فالشارع والنزول للشارع تعلموا من الاتراك الذين نزلوا للشارع وافشلوا الانقلاب ولذلك على الشعب افشال انقلاب 1989 والنزول للشارع
كيف لدولة ان تتنصل من واجباتها وترفع الدعم من مل شيء اذن لماذا اسمى دولة وماذا قدمت للمواطن البسيط
فالتذهب حكومة لا تستطيع دعم الهبز وبالخبز وحده يحي الانسان

[ود احمد]

#1488837 [فيلق]
4.25/5 (3 صوت)

07-16-2016 02:27 PM
ايوا ده الكلام الصاح
ياخي نحنا ممكن نعمل بدائل كويسة جدا ممكن نعمل افران بلدية صغيرة جوة بيوتنا ونعمل العيش البلدي ده وزاتو صحي ورخيص جدا
الناس تحارب الحكومة دي بطرق مختلفة لانو صراحه زياده الاسعار دي وراها تماسيح كبار ناس نافع وبكري حسن صالح والبشير زاتو
تبا لهم جميعا
واعملو حسابكم زياده السكر جاياكم
برضو نرجع زي زمان نستخدم البلح نشرب بيو الشاي والقهوة
معا لاسقاط تماسيح المؤتمر الوطني اقتصاديا

[فيلق]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة