الأخبار
أخبار إقليمية
أزمة داخل وزارة بالخرطوم بسبب نفقات«شهر عسل» الوزير
أزمة داخل وزارة بالخرطوم بسبب نفقات«شهر عسل» الوزير
أزمة داخل وزارة بالخرطوم بسبب نفقات«شهر عسل» الوزير


07-18-2016 01:59 PM
الخرطوم: أسامة عبد الماجد


تحصلت (آخر لحظة) على خطاب رسمي صادر من وزارة التنمية البشرية والعمل بولاية الخرطوم معنون إلى فندق فخم بالخرطوم ، تقدم من خلاله المدير العام المكلف بالوزارة د.عبد الرحيم محمد أحمد بطلب مده بفاتورة إقامة وزير التنمية أسامه حسونة بالفندق الذي يمضي فيه إجازة زواجه في الفترة من السبت السابع من يوليو الجاري وحتى الخميس منه، وعلمت الصحيفة أن الخطوة أحدثت أزمة بالوزارة عقب رفض مدير الإدارة المالية بالوزارة استخراج الشيك، بعد مد الفندق للوزارة بتكلفة (أيام عسل الوزير)، بينما أصر مدير عام الوزارة على استخراج الشيك، في وقت أبدى عدد من الموظفين بالوزارة احتجاجهم على الأمر، سيما وأن قيادة الوزارة لم توفِ بالتزامات العاملين خلال شهر رمضان المنصرم.
وتشير الصحيفة إلى أن الوزارة شهدت صراعات عنيفة في الآونة الأخيرة بين الوزير حسونة ومدير عام الوزارة، د.عبد العاطي محمد خير حول أموال التسيير مما دفع الأخير للدخول في إجازة.

اخر لحظة


تعليقات 45 | إهداء 0 | زيارات 16562

التعليقات
#1490521 [ظلال النخيل]
0.00/5 (0 صوت)

07-19-2016 07:12 PM
أسامة حسون إترقى من حامل أحذية المراغنة الى وزير التنمية ...شوفوا خدمة السادة ولحس احذيتهم بتوصل الى إيه.............!!!!!!!!!!!!!!!!

[ظلال النخيل]

#1490386 [abdulmuhsin]
0.00/5 (0 صوت)

07-19-2016 02:31 PM
بصراحة الشعب ده يستأهل يعرسوهو هو زاتو..طالما ساكت عن الظلم....ويدفعوهو حق الطلح والدلكة والخمرة

[abdulmuhsin]

#1490268 [منصورالمهذب]
4.50/5 (3 صوت)

07-19-2016 10:31 AM
الى كل التابعين من غير الكيزان ، بكره يصدر مرسوم جمهورى لاجباركم على تخصيص ليلة الدخله للريس اولا "طبعا الريس لا يستطيع بنفسه عشان كده ، سيعين مساعد الريس للدخلات."

[منصورالمهذب]

#1490238 [أنا السودان]
4.88/5 (4 صوت)

07-19-2016 09:52 AM
عالم حاقدة صحيح...مكبرنها كده في شنو..
الراجل يادوب في سنة أولي فساد..لسة ما دخل مرحلة اللهط...
البسمع الرجه دي يقول الراجل معسل في شيراتون دبي..وللا موزمبيك
طولوا بالكم ..لسة قدامكم تأسيس عش الزوجية..والسماية..وختان الكوز الكتكوت

[أنا السودان]

#1490237 [ليدو]
4.25/5 (3 صوت)

07-19-2016 09:47 AM
غايتو الحمد لله الما كانت وزيرة دايرة حساب فاتورة فندق شهر عسلها ، لأنها بالجد بتكون شينة في حق الشعب السوداني الفضل !!!

[ليدو]

#1490182 [مفلس وشيوعي]
5.00/5 (1 صوت)

07-19-2016 08:19 AM
هي حكومة اسلامية يعني العين بالعين والسن بالسن لازم نشوف عقد هذا الوزير ونرفع قضية نطالب بالمماثلة معاهو وفق الشرع لانو مزايا العقد بتكون بلاوي متلتلة زي زواج 4 حسب الشرع ومايلزمها من نفقات والسكن والنثريات وغيرو كتير كدي جيبوا لينا العقد يارجالي بعدين نحكم عليهو

[مفلس وشيوعي]

#1490137 [الداندورمي.]
5.00/5 (2 صوت)

07-19-2016 06:14 AM
علاوة فتحي حسن فياغرا ,المشكله
لو,,,جاب تيمان واحد كوز والتاني مؤتمر بطني.

[الداندورمي.]

#1490117 [حاج علي]
5.00/5 (2 صوت)

07-19-2016 04:54 AM
مؤامرة من الكيزان عايزين يقول ليكم احزابكم ديل اكبر فسدة وكمان رخيصين نحن بلهف بالميار وديل بتاععين الفتافيت

[حاج علي]

#1490115 [Abdelgadir]
5.00/5 (3 صوت)

07-19-2016 04:31 AM
يا جماعة الوزير دة شريف 100%100 لو ماكدة ما كان دفعو ليهو فاتورة فندق بس الجماعة الفي الوزارة حاقدين

[Abdelgadir]

#1490090 [بوش بالشطة]
5.00/5 (4 صوت)

07-19-2016 01:43 AM
يبدو أن وزراء الأحزاب المتوالية( والمتاكية) متواضعين حتي في طلباتهم وذلك ربما خايفين علي تاريخهم الإفسادي في المستقبل فهم بدل أن يلهطوا مائة مليار يلهطون عشرة فقط وبدل ركوب البي إم دبليو يركبون اللاندكروسرات اليابانية وبدل العلاج في المانيا يتعالجون في الميدكال كير وبدل أن يقضوا شهر العسل علي حساب الحكومة والشعب في باريس ونيس أو في قصورهم المشيدة بعرق الغلايا يقضونه فقط في افخم الفنادق في عاصمتهم الوطنية لأنهم يريدونه أن يكون بطعم فطور العريس ورائحة الدلكة والكبريت
لقد كتب عليكم أيها الشعب الغافل أن تشقوا في هذه الحياة حتي توفروا لأبناءكم الدستوريين كل سبل الراحة والرفاهية ورغد العيش وأذهبو أنتم وكلو (بوشكم) إن وجدتوهفي آخر اليوم!!!!!!

[بوش بالشطة]

#1490074 [780]
4.75/5 (6 صوت)

07-19-2016 12:15 AM
صبحيه مباركه يا عريس
الحسن قال اديو (182) يوم عشان اغير حال البلد
وده احد المساعدين

[780]

#1490065 [الدرب الطويل]
4.00/5 (4 صوت)

07-18-2016 11:31 PM
مش برضو دا تبع الولد النافش ريشه زي ديك الحبش داك؟!.. عندهم واحد تاني في حكومة الشمالية حجزوا عفشه في المطار ما عارف جايب مصايب شنو.. وال CD بتاعهم ذااتو عامل زعلان وحردان مع إنو مرتبه وحوافزه وأسطول سياراته على حساب الناس الما لاقية رغيف ودواء!!.. جاتكم داهية تخمكم..

[الدرب الطويل]

#1490047 [صلاح فيصل]
5.00/5 (5 صوت)

07-18-2016 10:19 PM
والله الاخبار البنقراها يوماتي عن فساد هذا النظام عملت لينا أكتئاب و الحمدلله لولا قوة الايمان الواحد كان شك في الدين.. علي العموم الدنيا مزبلة و ربنا أعد لمن ياخذ منها بغير حق ما يستحقه

[صلاح فيصل]

#1490041 [alwatani]
4.94/5 (5 صوت)

07-18-2016 10:07 PM
والله مشيت الصباح لمقر محلية باولاية الخرطوم تجد اعلان يدل على ان المبنى محلية تفتح الباب تج غرف بها سراير مفروشة وقاعات مجهزة حتى ظننت العمارة سكنية فخرج مسرع فقابلنى شيخ سالتة قال لى ايو دى محلية اذن اين الموظفين ؟
ولماذ السراير المفروش بجت عايز شرطة ادب !!!!!!!!!!!!

[alwatani]

#1490036 [ود احمد]
4.86/5 (8 صوت)

07-18-2016 10:00 PM
هل الدولة مكلفة بان تدفع تكلفة شهر العسل لموظفيها
والله اخر مسخرة واخر قلة ادب بعد شوية يجيك واحد عايز فاتورة الطلح والدلك والخمرة
اسوأ بشرية ممكن الواحد يسمع عنهم في الدنيا
صدام حسين حاربته136 دولة وبشهادة احد قياديي الشيعة قال تفاجأنا ان كل القصور مسجلة باسم جمهورية العراق
نيرون لو ادركت حكم البشير. لعرفت كيف تنفذ الاحكام

[ود احمد]

#1490026 [عبد الرءوف طه]
5.00/5 (5 صوت)

07-18-2016 09:17 PM
يا اخوانا زواجه ده زااااتو يمكن داسيهو فاضحنو مالكم ههههههههههههههههههههههههههههههههههههههههههههههههه .

[عبد الرءوف طه]

#1490011 [جدو]
5.00/5 (3 صوت)

07-18-2016 08:26 PM
مازا قدموا الوزراء لنا يدخلوا مرتبات عاليه ومزايات وغيرو اتقوا الله في أموال المسلمين السودانين

[جدو]

ردود على جدو
European Union [الكرباج المؤلم] 07-20-2016 09:51 AM
مازا؟؟؟؟؟؟؟؟؟؟؟؟؟؟؟؟؟؟؟؟
هي كلمة جديدة يا مرسي؟ وبالله كيف ما يحكموكم؟


#1490000 [العمده]
5.00/5 (6 صوت)

07-18-2016 07:28 PM
غايتو بعد شويه ح تدفعونا حق الطلح والحنه

[العمده]

ردود على العمده
[الله يستر] 07-19-2016 08:58 AM
هههههها يا هو الفضل يمكن دفعوه ليه مع القدح


#1489995 [ابو اخلاص]
5.00/5 (5 صوت)

07-18-2016 07:11 PM
انشاء الله تكون العروسة سودانية ؟ على الأقل يكون حل جزء من عنوسة البنات في السودان علما بأن هناك قرار صادر يلزم كل شخص وصل عمر الاربعين لابد ان يتزوج الثانية

[ابو اخلاص]

#1489969 [Heron]
5.00/5 (5 صوت)

07-18-2016 05:48 PM
انتو حكومة ووزارات قاعدين تقدمو للسودانيين شنو؟!!!بالله في استهبال وعطال اكتر من كده

[Heron]

#1489967 [عذابى]
4.98/5 (9 صوت)

07-18-2016 05:39 PM
نحل القضية يا شباب و انا بتكفل بجميع المصاريف و النفقات بس بشرط نتأكد من الانجاذ ما يطلع اسبوع ساى و لما نشوف فى طمام طوالى بدفع التكاليف 😁

[عذابى]

#1489963 [احمد الفاتح]
5.00/5 (11 صوت)

07-18-2016 05:32 PM
كلام يا عوض دكام .
حتى الذى منه دايرين يدفعو ليكم المواطن !!
عايزين تعملوه قواد آخر الزمن ؟
لا دى مافى زول سبقكم عليها ,
إختشو .

[احمد الفاتح]

#1489962 [:::بيـكو :::]
4.97/5 (8 صوت)

07-18-2016 05:30 PM
الله يخبرب بيتنا احنا ياشيخ
ياقول عادل امام

[:::بيـكو :::]

#1489958 [محمد علي]
5.00/5 (6 صوت)

07-18-2016 05:25 PM
ههههههههههه كية دي لينا نحنا بتولعو فينا اصلنا مولعين

[محمد علي]

#1489957 [قاسم]
5.00/5 (11 صوت)

07-18-2016 05:25 PM
يا جماعة احمدوا ربكم انو شهر العسل ما كان في أوربا و بالدولار ... اصلو الكيزان جو عرمانين للحريم و القروش و العربات و كده فما تزعلو ... انتو اشتغلوا و ادفعوا الجبايات و استحملوا الحر و الضبان و البعوض و العفن عشان تدخلوا الجنة ... لانو لو ما رضيتو بالكيزان معناهو انتو ما دايرين الشريعة و الما بيدور الشريعة كافر يخش النار و يطزوهو بالحديد و يربطوهو بالسلاسل ... أها اهم شي تخافو من النار و تقبلوا بالكيزان ... اللهم زد الكيزان مالا منهوبا و الزم السودانيين الصبر ...

[قاسم]

#1489949 [كاسـترو عـبدالحـمـيـد]
4.88/5 (8 صوت)

07-18-2016 04:53 PM
يا قراء الراكوبة والله ما ليكم حق ووالله دى حسادة ساكت منكم. يعنى عايزين تنكدوا على العريس ولا شنو ؟ حسه البشير يزعل منكم عشان زعلتوا الوزير بتاعو . يعنى بتاع الجمارك ينهب 85 مليار ما تقولوا ليه حاجة عشان قال انا لحمى مر اذا واحد قرب لى ؟ والمسكين دا كلها فاتورة فندق . يعنى عينكم فى الفيل * وبتطعنو فى ظله .

[كاسـترو عـبدالحـمـيـد]

#1489942 [حاج علي]
5.00/5 (11 صوت)

07-18-2016 04:25 PM
محن الاخوان المسلمين في السودان
زمان سمعنا لمن واحد يعزم اصحابو في بيوت العاهرات كان بدفع حق الاكل والشراب اما الموضوع الاخر كان كل واحد يدغعه من جيبو ناس الانقاذ عكسوا الموضوع

[حاج علي]

#1489935 [ممكون ومغموم]
5.00/5 (8 صوت)

07-18-2016 04:13 PM
حليل البلد الحولوها لحفرة دخان

[ممكون ومغموم]

#1489930 [ابوالخير]
5.00/5 (8 صوت)

07-18-2016 04:06 PM
دا كله ما مشكلة
بس أنا عايز اعرف دي التانية ولا التالتة
ما اظنه يكون لسه ما متزوج
و لا الرابعة
الجماعة ديل شرفانين في كل شيء حتى النسوان
مع انه والله واحدة بتكفي
وزيادة كمان

[ابوالخير]

ردود على ابوالخير
[خمج] 07-19-2016 12:22 AM
تالته ورابعه ما مشكله المشكله نوع الزواج شنو


#1489928 [عيدالمنعم طه]
4.88/5 (8 صوت)

07-18-2016 03:59 PM
يعني نفهم من الأمر أن السيد الوزير لم يتقن لعبة إهدار المال العام جيداً والتي ترتكز على قاعدة أُكل و أكِّل. لو أنه رمى للموظفين بعظمة قبل إنتهاء أيام رمضان لما كان هناك أي احتجاج من جانب الموظفين "الشرفاء" ولمرّت كل الأمور بهدوء وسلام ولكن يبدو أن ابن الكلب آثر القسمة فقط مع القوادابن الكلب الآخر الذي طلب من الفندق ارسال فاتورة شريكه في الفساد الذي ينخر في قلوبنا و امعائنا وجلودنا و أعراضنا، الذي يهدم حاضرنا ومستقبلناأعتذر من القارئ الكريم عن الإشطاط ولكن يجب نزع القدسية عن هؤلاء وعدم المبالاة في توجيه الإساءة التي استحقوها لهم

[عيدالمنعم طه]

#1489915 [Bit messames]
4.99/5 (18 صوت)

07-18-2016 03:32 PM
و فاتورة "الفياجرا" كمان.و الله كلام...و لا في الاحلام!قااااااادر الله.

[Bit messames]

#1489911 [almisahir fi iaallaeil]
5.00/5 (11 صوت)

07-18-2016 03:25 PM
ان كان صحيحا ما قال "كاشحكم" و انّ ماجاء فى الخبر ليس من فبركات معارضه المرجفين المارقين واصحاب الاجندات الخفيّه..يبقى
* الفاتوره لآااازم تندفع.. "نان مالو" ! دا الوزير!! اسامه حسّونه !!المقرّب من الحسن الميرغنى !!.. موش قبل كدا سعادتو "المقرّب من الميرغنى" دا طلب من واحد صحابو من قدامى لاعبى الكوره ان يترشح للبرلمان ووعدو بدفع التكاليف وبمساعدة الاميرغنى..
اها اللاعب القديم لما استنكرو عليهو اصحابو حكايةالترشيح والدخول في اللى ما ليهوش فيه.. رد عليهم " والله انا بس وافقت استجابه لصاحبى اسامه.. انا لا سياسى و لااتحادى ولا يوم واحد ذخلت دار الاتحاديين ولا يوم واحد سلّمت على ايد اى واحد من المراغنه زى حاتم السر "!
* المهم.. مين اللى تولّى عملية "الجرتق ولمس القُصّه" قبل الانتقال الى الفندق؟
*"الكيّه ما للعزابه" زى ما كتبت الحنّانه.. الكيّه للشعب السودانى! زغاريييت !!!!
ورحم الله شيخ البنا .. اتذكرون فصيدته فى مناجاة ومخاطبة هلال المُحرّم "ياذا الهلال..
اليس هو "ما لا عين رأت ولا اذن سمعت ولا خطر على قلب بشر!"

وفى النهاية هو المبلغ المستحق للفندق كوللو كم؟(اذا لم تكن الفاتوره "انفليتيد" يعنى مُضخّمة .. هل يعنى هيكون اكثر من حافز لجنة تعليم الولايه لمصححى امتحان الشهاد.. آلو ايه.. 2 جنيه لكل مصحح! ولا اكثر من حافز وكيل وزاره المعارف الاسبق (الله يرحمو)ال (165 مليون) اللى كان بيوزعها مدير مكتبو نيابة عنه للمحتاجين والفقراء والمساكين وابناء السبيل(بقصاصات ورقية منه . او كما قال)تهليل.. تكبير!

[almisahir fi iaallaeil]

ردود على almisahir fi iaallaeil
[خاليت بعانخى] 07-18-2016 08:27 PM
يعنى اكثر من اللى راح حافز 4 مليار من بنك السودان لصابر ولا اكثر من 650 مليون حافز سنة واحدة لعثمان الهادى من شركة شيكان المفلسه وقت الدولار كان 2000 جنيه بس بالقديم و2 جنيه فقط بعدما حذفوا الاصفار الثلاثة ولا اكثر من اللى اخدوه ناس الجمارك ومكتب الوالى السابق الميتين والاحياء ..الفاتورة ده بسيطة لانها بدل ... للوزير من طرف ابن الاشراف اللى كان بيحل مشاكل البلد فى 181 يوم

[القبيلة] 07-18-2016 05:34 PM
المهم يكون الوزير بيض " بتشديد الياء " وشنا في شهر العسل .. ما مهم الفاتورة يعني أكثر من اللي راح


#1489909 [المقدوم مسلم]
5.00/5 (15 صوت)

07-18-2016 03:24 PM
الوزير يحب و يخطب وينكح ويتزوج ويقضى شهر العسل من مال الشعب السودانى ..؟؟؟؟

[المقدوم مسلم]

#1489908 [علي ويكة]
4.94/5 (9 صوت)

07-18-2016 03:22 PM
اسكتووووا فضحتووونا الدخل الوزارة شنو في شهر العسل

[علي ويكة]

#1489907 [الى الامام]
4.94/5 (8 صوت)

07-18-2016 03:21 PM
متأكدين انها الزوجة الاولى ؟؟؟؟؟؟

[الى الامام]

#1489906 [المؤمل خير]
4.69/5 (9 صوت)

07-18-2016 03:19 PM
مصريف العسل كمان... كيه للعزابة فعلاً

[المؤمل خير]

#1489900 [Sarah]
4.94/5 (10 صوت)

07-18-2016 03:11 PM
معقول تكون الأمور وصل لهذه الدرجة من استباحة المال العام وعدم الإختشاء؟؟

دي وزارة حكومية ما شركة خاصة وطالما انه الوزير داير يقضي وطره على حساب الشعب السوداني أكيد بكون صرف على عرسه وتأسيس بيته وعفشه من أموال الوزارة



إن شاء الله ما تنفعك

[Sarah]

#1489892 [بكري الصائغ]
4.88/5 (9 صوت)

07-18-2016 02:58 PM
١-
الخطأ يكمن اساسآ في فوضي (وسبهللية) رئاسة الامانة العامة لمجلس الوزراء في الخرطوم التي تركت الحبل علي الغارب للوزارت دون رقابة صارمة او تدقيق في عمل الوزراء وسلوكياتهم. لا توجد ضوابط تقننن عمل الوزراء ووزراء الدولة ولوائح وجوب الاقتداء بها. سبق من قبل ان قام وزير مالية سابق بتشييد ثلاثة قصور فاخرة من اموال الدولة، وحتي اليوم لم يسأله احد من اين لك هذا؟!!
٢-
رئاسة الامانة العامة لمجلس الوزراء ساهمت مساهمة كبيرة في تفشي الفساد، وواحدة من مؤسسات الدولة التي ساهمت في هدم الخدمة المدنية ، وايضآ في فقدان السودان للهيبة والاحترام.

[بكري الصائغ]

ردود على بكري الصائغ
[بكري الصائغ] 07-19-2016 12:41 AM
أخوي الحبوب،
[كعكول في مرق،
مساكم الله تعالي بالعافية،
الوزيرده ده فتح باب جديد لباقي الوزراء العزابة، او المسؤولين العاوزين يتنو ويتلتو ويربعوا!! بكرة حتسمع وزير طلق زوجته، وعمل حفلة بمناسبة الطلاق والمصاريف علي الحكومة!!

[كعكول في مرق] 07-18-2016 08:05 PM
ياخي أنا شفت ’عرس الرئيس‘ (ودا ما فيلم) في التسعينات والرئيس ده وقتها راجت عنه عبارة " والله في ناس بيلبعوا لبع" كناية عن ضخامة مرتباتهم مما يعني أن مرتبه حتى كرئيس كان بسيطاً. ولائم العرس بماهية عشرة سنوات. وحتى اليوم قصوره من أموال الشعب السوداني - المسكين دا مبتدي في الشغلانة وبيقاسم في أي مأكلة مع الجناب العالي .. ساكن الجنان الحنان.

أنا شخصياً ما زعلان من الوزير الهمام - ودي فرصة. مثلاً إذا شاتوه بعد الحوار .. يعني يطلع من المولد بلا حمص؟ على الأقل حيطلع بذكريات رومانسية تدوم العمر كله
وأشكره على اللفتة الكريمة والإشارة اللبقة أنو البلد على وشك الإفلاس - فكل واحد يشيل ليهو شلية. هو شال القدر عليه - بالمناسبة أنصحه أن يقول أنو كان "معزوم وما حيدفع. عندكم فاتورة رسلوها للزول العمل الحجز .. ودفعوه ولو رفض .. قلِّعوه .. أو خلللوه .. أو أحشوه .. مش شغلي."


#1489886 [ازهري الفكي احمد]
4.85/5 (11 صوت)

07-18-2016 02:53 PM
حرام عليكم يا كيزان من اكشاك اليسع الى مصاريف شهر عسل الوزير اسامه حسونه والشعب جيعان حسبنا الله ونعم الوكيل

[ازهري الفكي احمد]

#1489885 [احمد]
4.94/5 (8 صوت)

07-18-2016 02:53 PM
كية للشعب

[احمد]

#1489884 [ازهري الفكي احمد]
4.75/5 (6 صوت)

07-18-2016 02:52 PM
حرام عليكم يا كيزان من اكشاك اليسع الى مصاريف شهر عسل الوزير اسامه حسونه والشعب جيعان حسبنا الله ونعم الوكيل

[ازهري الفكي احمد]

#1489880 [عبدالله عمر]
4.75/5 (8 صوت)

07-18-2016 02:44 PM
عرفنا ان أى حاجة بدفعها ليكم المواطن يا دستوريين من مرتبات و مخصصات و سيارات ببنزينها و بدلات وغيره , كمان برضودايرنه يدفع لعلاقة الوزير الحميمية و شهر عسله ؟؟
فعلاً إنتو ناس لا بتحسو لا عندكم أخلاق .

إلى أين يمكنكم الهبوط و السقوط يا مسئوليى الغفلة ؟؟
حسبنا الله و نعم الوكيل عليكم و على رئيسكم المدلعكم و لا يجبركم للإستقالة .
أعوذ بالله .

[عبدالله عمر]

ردود على عبدالله عمر
European Union [صلاح حسن] 07-18-2016 04:04 PM
نحن الذي عودناهم على السكوت على مثل هذه الأشياء . وزي ما بيقول عادل امام; "أصلك انت المدلعهم" .

لو قام الشعب بالضغط على وزير العدل عبر المذكرات و الوقوف السلمى امام الوزارة باللافتات للمطالبة بالمواجهة القانونية للفاسدين لِما إستمرو فى سرقة ونهب مال المواطن .


#1489875 [اتحادي اصلي]
4.50/5 (4 صوت)

07-18-2016 02:34 PM
يا حسونة انت مسكين شنو يعني يدفعولك بتوع الفندق من الوزارة بيعملوها كدة يا مسكين مفروض انت تكون شايل الدفتر في جيبك من بدري الله ودي دايرة درس عصر من بني كوز ؟

[اتحادي اصلي]

#1489866 [ودأبوريش]
4.50/5 (8 صوت)

07-18-2016 02:28 PM
ههههههههه طيب عريس الهنا ده ماعنده حق الفندق يطاول مالوا؟

[ودأبوريش]

#1489853 [Adolf]
4.50/5 (8 صوت)

07-18-2016 02:12 PM
حرام عليه المدير و حيدخل النار.. طيب هالكين الشعب بالضرايب و الاتاوات فوق كم. مش عشان الوزير يعسل كويس.

[Adolf]

ردود على Adolf
[shamsaldeen] 07-18-2016 10:27 PM
سيرةالقسيمةماجابوهو...الخوف تكون قيرل فرند.،بس بخطاب من الوزارةخشو الفندق



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة